Morgunblaðið - 17.05.1984, Blaðsíða 13

MORGUNBLAÐIÐ, FIMMTUDAGUR 17. MAÍ 1984
61
íslensk hús-
gagnasýn-
ing í Kaup-
mannahöfn
tókst vel
HINNI árlegu húsgagnasýningu
Scandinavian Furniture Fair lauk
sunnudaginn 13. maí í Belle Center,
Kaupmannahöfn.
Alls tóku 585 fyrirtæki þátt í
sýningunni frá um 20 löndum, þar
af 3 íslensk. Húsgagnamarkaður-
inn er nú á talsverðri uppleið eftir
að hafa verið í lægð sl. ár, enda
sóttu 20 prósent fleiri sýninguna
nú í ár en í fyrra eða alls 13.943.
Eins og áður sagði sýndu 3 ís-
lensk fyrirtæki framleiðsluvörur
sínar. Axis hf. sýndi klæðaskápa,
veggsamstæður, rúm og' hæginda-
stóla. Ingvar og Gylfi sýndu rúm
og náttborð, Trésmiðjan Víðir
sýndi barnaherbergishúsgögn.
Það er ánægjuleg þróun í út-
flutningi íslenskra húsgagna því í
ár náðu öll fyrirtækin pöntunum.
Sérstaklega var góður árangur hjá
Trésmiðjunni Víði, sem þegar hef-
ur haslað sér völl á erlendum
mörkuðum. Sala barnahúsgagna
fyrirtækisins hefur gengið mjög
vel í Bandaríkjunum. Auk nýrra
pantana þaðan tókust sölusamn-
ingar við verslanir í nokkrum
löndum í Evrópu. Útflutnings-
möguleikar virðast vera mjög góð-
ir.
Axis sýndi m.a. nýjan stól, sem
bæði má nota sem borðstofustól
og hægindastól með breyttri still-
ingu. Stólinn hannaði Pétur B.
Lúthersson húsgagnaarkitekt.
Sótt hefur verið um einkaleyfi á
uppfinningunni. Stóllinn, sem er
hluti af Maxis-borð- og veggsam-
stæðu, vakti mikla athygli. Blaða-
menn frá þekktum húsgagnatíma-
ritum og ýmsir aðrir höfðu það á
orði á blaðamannafundi, er sendi-
herra Islands í Kaupmannahöfn,
Einar Ágústsson, bauð til ásamt
Útflutningsmiðstöð iðnaðarins, að
stóllinn væri það markverðasta
sem fram hefði komið á sýning-
unni.
Ingvar og Gylfi sýndu að þessu
sinni nýja tegund af rúmum og
náttborðum auk svefnsófa er vakti
mikla athygli. Svo virðist, að vax-
andi áhugi sé fyrir hinni vandaðri
vöru fyrirtækisins enda bárust
pantanir frá einum þremur lönd-
um.
Útflutningur íslenskra hús-
gagna er orðinn að veruleika. Nú
er að koma í ljós árangur mikils
starfs undanfarinna ára. Á þess-
um tíma hafa fyrirtækin aðlagað
sig að þeim stöðlum og þeim kröf-
um, er hinir erlendu markaðir
setja. Það er því gleðilegt þegar
íslensk hönnun og íslenskt verkvit
er viðurkennt annars staðar en á
íslandi.
(Fréttatilkynning frá Útflutn-
ingsmiöslöó iðnaóarins).
Viö kynnum aukna Þjónustu
Nú ertu velkominn
til kl.6 á föstudögum
Hversu oft hefurðu ekki óskað þér að bankarnir
væru opnir aðeins lengur þegar þú ert á hlaupum
síðdegis á föstudögum?
Nú ríður Sparisjóður vélstjóra á vaðið og opnar af-
greiðslu sína fyrir öll almenn bankaviðskipti til
klukkan sex á föstudögum, í stað hins venjulega
fimmtudagstíma bankanna. Með hinum nýja sam-
fellda opnunartíma, kl. 9.15-18.00 alla föstudaga,
veitist þér langþráð tækifæri til að gera klárt fyrir
helgina og njóta frídaganna áhyggjulaust.
Þessi nýjung er okkar leið til að sinna því grundvall-
armarkmiði að veita viðskiptavinum okkar eins
góða bankaþjónustu og frekast er unnt. Vertu
velkominn í Sparisjóð vélstjóra - nú bíðum við þín
til klukkan sex á hverjum föstudegi.

SPARISJOÐUR
VÉLSTJÓRA
Borgartúni 18 ^Sími 28577
TÖKUM NÚ UPP SUMARTÍMA:
AFGREHISLA TRYS6 FRÁ 8 TIL4
TRYGGING HF œ?"78
auglýsingapjOnustan