Morgunblaðið - 18.07.1984, Blaðsíða 22

22
MORGUNBLAÐIÐ, MIDVIKUDAGUR 18. JÚLÍ 1984
Frá mótssetningunni í Breiðholtsskóla.
Norrænt þjóðlaga- og þjóð-
dansamót haldið á Islandi
DAGANA 13.-23. júlí er haldið
hér á landi norrænt þjóðlaga- og
þjóðdansamót. Á laugardagskvöld-
ið setti Markús Örn Antonsson,
forseti borgarstjórnar, mótið í
Breiðholtsskóla, en á eftir var sam-
koma í Geröubergi. Á sunnudag
var meðal annars skrúðganga úr
Breiðholti að Árbæjarsafni og á
eftir voru sýningar þar og víðar í
borginni.
Margir fyrirlestrar eru á
dagskrá mótsins. í gær hélt dr.
Vésteinn ólason fyrirlestur um
dans á íslandi á fyrri tímum og
Þorsteinn Einarsson hélt fyrir-
lestur sem nefndist „íslenskir
leikir“. í dag ræðir Árni
Björnsson, þjóðháttafræðingur,
um íslendinga, Njáll Sigurðsson
námsstjóri fjallar um íslensk
þjóðlög og Guðfinna Ragnars-
dóttir heldur fyrirlesturinn
„Þvert yfir ísland".
Ýmislegt fleira er á dagskrá
og má t.d. nefna danskennslu.
Á miðvikudag fara svo móts-
gestir í tveimur hópum sitthvora
leiðina til Akureyrar. Á föstu-
dagskvöld verður haldin sýning í
„Skemmunni" og hefst hún kl.
20.30. Hóparnir koma aftur til
Reykjavíkur á laugardag.
Mótinu lýkur nk. mánu-
dagskvöld.
Skrúðgangan kemur að Breiðholtsskóla.
Amnesty International:
Fangar júlí-mánaðar
Túnis — Ali Ben Younes Nouir,
35 ára gamall fyrrverandi fram-
haldsskólakennari. Hann afplánar
nú 10 ára fangelsisdóm frá því í
október 1981. Hann er einn úr hópi
um 90 manna sem handteknir
voru í Túnis í júlí ’81. Flestir
þeirra voru félagar í isalmskri
trúarhreyfingu sem bönnuð er I
Túnis, Mouvement de la Tendance
Islamique. Hreyfing þessi berst
fyrir ákveðnum málefnum, án
þeas að beita ofbeldi eða hvetja til
þess. Ákæran sem borin var á Ali
B.Y. Nouir og fleiri hljóðaði uppá
að þeir hefðu lítilsvirt þjóðhöfð-
ingja landsins, tekið þátt í for-
boðnum félagsskap og dreift röng-
um upplýsingum. Þeir voru ekki
ákærðir fyrir valdbeitingu. Við
réttarhöldin kom það fram að þó
nokkrir hinna ákærðu höfðu þurft
að þola pyntingar á meðan á
gæsluvarðhaldi stóð.
Vinsamlegast sendið kurteis-
lega orðað bréf og biðjið um að Ali
Ben Younes Nouir verði látinn
laus úr haldi. Skrifið til:
Son Excellence Habib Bourguiba
Président de la Republique
Résidence Présidentielle
Tunis-Carthage — TUNISIA
LAOS — Tiao (Prince) Souk BOU-
AVONGS, tæplega áttræður
fyrrverfindi þingmaður. Hann var
handtekinn. í Vientiane þann 15.
október 1975 í framhaldi af því að
gerð var hjá honum húsleit og
fjarlægðir ýmsir af hans munum.
Hann hefur því nú verið í haldi {
tæplega 9 ár, án þess að hafa hlot-
ið nokkurn dóm. Hann mun eiga
við vanheilsu að stríða. Hann var
þingmaður frá 1955 og þangað til
að þingið var leyst upp í júní 1975
og Pathet Lao tók völd í landinu.
ólíkt mörgum öðrum embættis-
mönnum fyrri stjórnar sem sendir
voru í svokallaðar endurmenntun-
arbúðir eftir valdatöku Pathets
Lao var Bouavongs settur í fang-
elsi. Fyrst var hann í Samkhe-
fangelsinu nálægt Vientiane, en
frá því i mars 1983 hefur hann
verið í Pha Deng-fangelsinu f
norðuausturhluta Laos. Kærurnar
sem bornar voru á hann hafa aldr-
ei verið sannaðar, og að mati
Amnesty-samtakanna er honum
haldið föngnum vegna pólitískra
starfa á tímum fyrri stjórnar.
Vinsamlegast sendið kurteis-
lega orðað bréf og biðjið um að
Tiao (Prince) Souk Bouavongs
verði látinn laus. Gott væri að
hafa bréfið á frönsku. Skrifið til:
Son Excellence Kaysone
Phomvihane
Premier Ministre
Vientiane
République Démocratique
populaire du LAOS.
MALAWI — Orton og Vera
CHIRWA. Þau voru handtekin af
öryggislögreglu Malawi þann 24.
desember 1981. Þau segja sjálf svo
frá að þau hafi verið tekin með
valdi á sambísku yfirráðasvæði,
en yfirvöld segja þau hafa verið
komin yfir til Malawi er þau voru
handtekin. Sonur þeirra, Fumbani
Chirwa, var einnig handtekinn á
sama tima, en hann var látinn
laus úr haldi í febrúar síðastliðinn
þá eftir að hafa setið í fangelsi i
meir en 2 ár — án þess að hafa
nokkurn tima hlotið dóm. Vera
Chirwa starfaði sem fyrirlesari
við lagadeild háskólans, en Orton
Chirwa er fyrrverandi dómsmála-
ráðherra og ráðuneytisstjóri.
Hann er einn af stofnendum
Frelsishreyfingar Malawi, hreyf-
ingu sem starfar í trássi við vilja
og stefnu stjórnarinnar.
I júní 1982 voru þau Orton og
Vera ákærð fyrir svik, og í maí
1983 voru þau dæmd til dauða eft-
ir réttarhöld sem brjóta í bága við
alþjóðalög um framkvæmd slikra
réttarhalda. Dómnum yfir þeim
var nú fyrir skömmu breytt í lífs-
tíðarfangelsi.
Vinsamlegast sendið kurteis-
lega orðað bréf og biðjið um að
Orton og Vera Chirwa verði látin
laus úr haldi án tafar. Skrifið til:
His Excellency Ngwasi
Dr. H. Kamuzu Banda
Life-President of the
Republic of Malawi
Office of the President
and Cabinet
Lilongwe — MALAWI.
Paimpol á dögum
íslandsveiöanna
Paimpol. 7. júlf 1984.
LAUGARDAGINN 7. júlí var I bæn-
um Paimpol á Bretagneskaga efnt til
nokkurs konar vöku, sem bar nafnið
„Paimpol au temps dTslande'* eða
Paimpol á dögum íslandsveiðanna.
Var hátíðin undir berum himni á út-
ivistarsvæðinu Champ de Foire,
enda hlýtt og blóðskaparveður. Um
2000 manns sóttu hátíðina, hún átti
að hefjast kl. 9, en ekki var orðið
nógu dimmt fyrir myndasýningu á
stóru tjaldi fyrr en kl. 11. Biðu allir
hinir rólegustu undir leik hljóm-
sveitar, sem lék Bretonalög og
brugðið var á hljómplötum með fsl.
lögum. En dagskráin stóð síðan í 3
klukkutíma, til kl. 2 um nóttina.
í dagskránni var rifjað upp með
söng, dansi, myndum á tjaldi frá
tímum íslandsveiðanna og flutt-
um texta samfelld dagskrá. Fyrsti
kaflinn var um brottför sjómann-
anna á íslandsmið, annar kaflinn
um konurnar og börnin sem biðu
heima og þriðji kaflinn um heim-
komuna. Hverjum kafla var skipt
í margar myndir, sem voru leiknar
eða fluttar með söng og dansi.
Dansflokkur með fullorðnum og
börnum var i þjóðbúningum og
kór söng. Texta flutti aðstoðar-
borgarstjóri Paimpol, Jean Le Me-
ur, sem er mikill áhugamaður um
þetta tímabil i sögunni og kom
með íslandssjómanninn Tonton
Yves til íslands fyrir 2 árum. Mun
hann frumkvöðull að þessari há-
tið. AUs tóku um 150 manns þátt i
flutningnum.
Áhugi er mikill í Paimpol fyrir
íslandssiglingunum og íslandi. í
höfninni þar er alltaf flaggað ís-
lenska fánanum við hliðina á þeim
bretónska, bæði á hafnarbakkan-
um og við ferðamiðstöðina. í
sumar hafa margir íslendingar
lagt leið sína til Paimpol. 30
manna hópur íslendinga hélt þar
upp á þjóðhátíðardaginn 17. júní
og með þeim Jean Le Meur og
Tonton Yves. Skáld og prestur
komu þar nýlega með fjölskyldum
sínum. Og á hátíðinni á Iaugardag
voru þar staddar Hanna Steinunn
Þorleifsdóttir og Elín Pálmadóttir
og þær boðnar sérstaklega vel-
komnar. Tonton Yves Islandssjó-
maðurinn gat ekki verið viðstadd-
ur, þar sem hann var á sjúkrahúsi,
en hann er að hressast. Hann er
að verða níræður og biður ætíð
fyrir kveðjur til allra íslendinga.
Mæst á
miðri leið
ÞESSIR tveir tannlæknar,
Heimir Sindrason frá Reykjavík
(t.v.) og Hörður Þórleifsson frá
Akureyri, höfðu mæst á miðri
leið i sumarfríinu, eins og þeir
orðuðu það, og farið saman að
veiða i Miðfjarðará. Þegar Mbl.
ræddi við þá kváðu þeir veiði-
skapinn ekki hafa gengið sem
skyldi þvi að ekkert hefði bitið á
þann daginn. Veiði í Miðfjarðará
hefur þó gengið vel í sumar að
sögn heimamanna og um 230
Iaxar komið á land. Svipaða sögu
er að segja af Viðidalsá, þar hafa
veiðst á þriðja hundrað laxar í
sumar.
Morgunblaðið/Vilborg.