Morgunblaðið - 19.08.1984, Page 33

MORGUNBLAÐIÐ, SUNNUDAGUR 19. ÁGtJST 1984
33
Noregur:
Dæmdur fyrir
að eta svepp
TUTTUGU og átta ára gamall maður
frá Salten í Þrándheimi í Noregi hef-
ur verið dæmdur í 24 daga skilorðs-
bundið fangelsi fyrir að eta svepp.
Dómurinn var kveðinn upp fyrir rétti
í Þrándheimi.
Maðurinn var fundinn sekur um
að hafa etið flein-svepp í garði í
Þrándheimi. í sveppi þessum er
efni sem er á skrá heilbrigðisráðu-
neytisins yfir fíkniefni og þannig
var það brot á fíkniefnalöggjöf-
inni að eta sveppinn.
Fyrir réttinum hélt maðurinn
því fram, að hann hefði ekki haft
hugmynd um, að það væri refsi-
vert að eta flein-svepp.
Barmmerki fyrir
heyrnarskerta
ELLIHJÁLPIN á Elliheimilinu
Grund hefur látið gera barmmerki
fyrir heyrnarskerta. Á barmmerkinu
er mynd af manni sem ber hönd upp
að eyra sér til þess að heyra betur.
Sá sem' ber merki þetta í barmi
hefur skerta heyrn vegna aldurs,
slyss eða annarra orsaka. Á
merkið að vera þeim hvatning sem
mætir manni með barmmerkið til
að brýna röddina til þess að sá
heyrnarskerti þurfi ekki að hvá
eða bera hönd að eyra til að heyra
betur.
Miyako Þórðarson, heyrnleys-
ingjaprestur, hafði umsjón með
gerð merkisins, en merkið teiknaði
Arnór Hreinsson, nemi í Mynd-
listarskólanum. Merkið fæst,
endurgjaldslaust, hjá ellihjálp-
inni, Litlu Grund.
Sumarferð
óháða
safnaðarins
Laugardaginn 25. ágúst fer Óháði
söfnuðurinn í sumarferð. Farin verð-
ur dagsferð um Suðurland.
Ekið á Þingvöll, þar sem sr.
Heimur Steinsson rifjar upp sögu
staðarins, síðan verður snætt í
Valhöll. Ekið um Lyngdalsheiði,
Laugarvatn og sem leið liggur i
Skálholt þar sem Guðmundur óli
ólafsson sýnir staðinn. Siðan
verður ekið heim á leið með við-
komu m.a. i Hveragerði.
Þátttökugjald verður eitthvað
nálægt 500 krónum og innifalinn
er málsverður í Valhöll. Lagt
verður af stað frá Kirkjubæ kl.
hálf tiu og er áætlað að koma aft-
ur i bæinn um kvöldmatarleytið.
Það besta verður
ávallt ódýrast
Þýski gæðabíllinn
Golf
Verfl frá kr.
329.900