Morgunblaðið - 08.01.1985, Blaðsíða 29

29
áttrætt tók hún sig upp og ferðað-
ist á eigin spýtur um Kanada til
að treysta vinaböndin við ættingja
sína þar. Hafði hún mikla ánægju
af þeirri ferð. Áður hafði hún
komið til Danmerkur, Svíþjóðar,
Englands og Frakklands, og á ní-
ræðisaldrinum fór hún með vin-
konu sinni í hópferð til Spánar.
Var það í miklu samræmi við víð-
sýni hennar og athafnaþrá, hversu
lítt hún var bundin við torfuna,
þótt hún byggi um leið yfir þjóð-
legum dyggðum fortíðarinnar sem
eðlislægum arfi sinum. Síðustu
ferð sína til útlanda fór hún ein
síns liðs á vit fjölskyldu minnar í
Englandi, þar sem hún setti sinn
hugþekka svip á okkar fyrsta jóla-
leyfi með nærveru sinni. Fram til
þess tíma fór hún allra sinna ferða
hvert sem var, hvort sem það var
utan lands, til vina og venzla-
manna á Suðurnesjum og víðar
eða einfaldlega til að gegna erind-
um sínum í bænum, og skipti þá
engu þótt veður væru hörð og
svellalög um allt, því að kjarkleysi
þekkti hún ekki.
Allt þar til fyrir 3—4 árum var
amma mín ern og andlega hress,
en þá fór minnið og þrekið smám
saman að gefa sig. En aldrei lá
hún langar sjúkralegur, og sýnir
það með öðru, hve sterkir stofnar
hafa staðið að henni.
Ég mundi lýsa ömmu minni svo,
að hún hafi verið há vexti og gerð-
arleg, nokkuð þykkvaxin og bar í
andlitsdráttum sterk einkenni
þess svipmóts, sem fylgir mörgu
fólkinu frá Seljatungu. Hún var
dökk á hár og brúneyg, svipmikil,
en svo full rósemi og hlýju, að
börn hændust ósjálfrátt að henni.
f yfirbragði og hreyfingum var
hún aðsópsmikil og þó laus við allt
yfirlæti. Það var Iíklega ekki ófyr-
irsynju, að á sínu síðasta aldursári
var henni gefið nafnið „höfðing-
inn“ þar sem hún dvaldist á elli-
heimili um nokkurra mánaða
skeið. Hún var greind og ákaflega
viðræðugóð, lífsglöð, kankvís og
glettin. Jafnaðargeði hennar var
viðbrugðið, og aldrei reyndum við
krakkarnir hana aö skapstirfni, en
væri henni misboðið, kunni hún
manna bezt að hemja skap sitt og
halda virðingu sinni.
Félagslynd var amma mín með
afbrigðum og stundaði af áhuga
spilakvöld og dansskemmtanir
aldraðra, eftir að hún komst á efri
ár. Laus var hún við tepruskap
gagnvart áfengi, kunni vel að
meta góðan drykk á góðri stund.
MORGUNBLAÐIÐ, ÞRIÐJUDAGUR 8. JANÚAR 1985
Umfram allt var hún samfélags-
vera, vinur vina sinna og svo ein-
staklega barngóð, að það er mér
uppeldisleg áraun að hjálpa dóttur
minni 8 ára að komast yfir þessa
fyrstu reynslu af sorg eftir látinn
ástvin. En til góðs mun minning
hennar fylgja okkur, meðan lifum.
Afi og amma áttu þrjár dætur,
sem hér verða taldar: Jenný, gift
Antoni Axelssyni flugstjóra hjá
Flugleiðum, eiga 4 börn og 6
barnabörn; Kristín, gift Jens Hin-
rikssyni vélstjóra í Áburðarverk-
smiðjunni, eiga 3 börn og 4 barna-
börn; Esther, gift Hlöðver Krist-
jánssyni rafvirkja í Álverksmiðj-
unni, eiga 9 börn og 11 barnabörn.
Barnabörnin eru því 16, en
barnabarnabörnin eru 31. Alls
voru niðjarnir orðnir 40, þegar
Valdís amma dó, og eru þeir allir
við góða heilsu.
Það var gæfa mín í æsku, að afi
og amma, sem ég hafði svo oft leit-
að til á heimili þeirra á Laugaveg-
inum, skyldu flytjast í hús for-
eldra minna. Hjá þeim átti ég
ávallt athvarf, og engin orð ná að
lýsa því nána sambandi, sem ég
átti við afa minn yfir spili og tafli
og einföldu spjalli. Þau lifðu bæði
óbrotnu lífi, en á heimili þeirra
var menntandi andrúmsloft og
örvandi fyrir bókhneigðan krakka.
Á ég erfitt með að ímynda mér
jafnmikla „sál“ í nokkru bókasafni
sem því, er skápurinn hans afa
míns geymdi.
Við andlát hans varð ég að sjá á
bak mínum bezta vini. En þótt ég
hafi kannski ekki hugsað það fyrr
á þennan hátt, hefur amma min
ekki síður reynzt mér sem vinur
og sálufélagi gegnum árin. Til
hennar var alltaf gott að koma,
hvort sem það var á Langholtsveg-
inum eða í Garðinum, meðan hún
var þar við ráðskonustörf um 6
ára skeið. Á umbrotsárum æsk-
unnar var mér ósjálfrátt styrkur
að því að geta leitað til hinna
traustu róta uppruna mfns og
fundið andblæ róseminnar í sam-
félagi við hina hyggnu og hjarta-
hlýju ömmu mína. Veit ég, að
mörg frændsystkini mín hafa þá
sömu sögu að segja.
Fólkið hennar allt kveður hana
nú með söknuði. En geislandi góð-
vild hennar mun fylgja okkur
gegnum lífið.
Biðjum þess, að hvíldin verði
henni góð og að Drottins eilífa ljós
megi lýsa henni.
Jón Valur Jensson
SHARP
Lítil og nett
en leynir á sér
Hún er fallega nett og fer vel
í skrifstofu.
Hún prentar í 4 litum - svörtu,
rauðu, bláu og brúnu.
Hún prentar allt
frá B4 (A4 yfirstærð),
og niður í nafnspjöld.
Hún prentar á flestar þykktir
af pappír - kartong.
Z-60 Ijósritunarvél
aðeins kr. 54.000 stg.
HVERFISGÖTU 103
SÍMI 25999-17244
HUOMBÆR
KRISTJAN GUBJÖNSSON
Stærðfræðl
Handbok örrír íoreldra, kennara
og nemendur
Stærðfræði
ÚR ER komin hjá Erni og Örlygi
handbók í stærðfræði ætluð foreldr-
um, kennurum og nemendum. Höf-
undur er Kristján Guðjónsson náms-
stjóri í stærðfræði.
Hinni nýju handbók í stærð-
fræði er ætlað að leysa úr vanda-
málum og svara spurningum sem
upp koma t.d. á heimilum þegar
foreldrar vilja hjálpa börnum sín-
um við heimadæmin en muna ekki
reikningsaðferðir og þær finnast
ekki í viðkomandi reikningsbók,
sem barnið notar þá stundina.
Efni bókarinnar skiptist í þrjá
meginþætti: 1) Breytingatímabil
— orsakir og afleiðing, 2) Stærð-
fræðinám — fyrstu bekkir grunn-
skólans, 3) Stærðfræðihugtök.
Hin nýja handbók er unnin að
öllu leyti í prentsmiðjunni Odda
hf. Sigurþór Jakobsson sá um
kápugerð en Halldór Þorsteinsson
teiknaði myndir í texta.
Kam ‘M&Utm
Fellagörðum - Breiðholti III (í dansskóla HEIÐARS)
Konur a öllum aldril
öðlist sjálfstraust í lífi og starfi
Almenn námskeiö
Karon-skólinn kennir ykkur:
• rétta líkamsstööu
• rétt göngulag
• fallegan fótaburö.
Karon-skólinn leiðbeinir ykkur um:
• andlits- og handsnyrtingu
• hárgreiöslu
• fataval
• mataræói
• hina ýmsu borösiði og alla al-
menna framkomu o.fl.
öll kennsla í höndum færustu sér-
fræöinga.
Allir tímar óþvingaöir og frjálslegir.
Ekkert kynslóóabil fyrirfinnst í
Karon-skólanum.
Model námskeiö
Karon-skólinn kennir ykkur:
• rétta líkamsstööu
• rétt göngulag
• fallegan fótaburö
• sviðsframkomu
• unniö meö Ijósmyndara
• látbragö
og annaö sem tilheyrir sýninga-
störfum.
Innritun og upplýsingar í síma 38126 frá kl.
18.00—20.00.
Kennsla hefst þriöjudaginn 15. janúar.
Hanna Frímannsdóttir.