Morgunblaðið - 17.01.1985, Blaðsíða 2

Morgunblaðið - 17.01.1985, Blaðsíða 2
 MORGUNBLADID, FIMMTUDAGUR 17. JANÚAR 1985 ÍSAL í Straumsvík: Stækkun álversins kostar 5 milljarða Hönnunar- og byggingartími áætlaður þrjú ár ALI SUISSE og Samninganefnd um stóriðju munu á næstunni vinna að því að kanna áhuga erlendra álfyrir- tækja á því að gerast meðeigendur Alusuisse að helmings stækkun ál- versins í Straumsvík. Sem kunnugt er tókust samningar um slíka stækk- un sl. haust enda er hún talin mjög hagkvæm fyrir ÍSAL og nauðsynleg fyrir Landsvirkjun, svo að verjandi sé að halda áfram framkvæmdum við Blönduvirkjun. Ekkert liggur fyrir ennþá um áhuga erlendra álfyr- irtækja á þvi að gerast meðeigendur að álverinu í Straumsvík. í samtali við Ragnar S. Hall- dórsson, forstjóra ÍSAL, í Morg- unblaðinu í dag kemur m.a. fram, að gróf áætlun um byggingartíma stækkunar hjá ÍSAL eftir að grænt ljós hefur verið gefið, unz gangsetning getur farið fram, er um þrjú ár. Fyrsta eina og halfa árið fer í að hanna mannvirki og næsta eina og hálfa árið er bygg- ingartími. Samkvæmt þessu gæti framleiðsla hafizt í fyrsta lagi á árinu 1988. Byggingarkostnaður að með- töldum vöxturn á byggingartíma, gangsetningarkostnaði og rekstr- arfé er um 2.700 dollarar á hvert árstonn. Afkastageta álversins er nú 88.000 tonn á ári og helmings stækkun hefur það í för með sér að afkastagetan eykst um 44.000 tonn á ári. Samkvæmt því áætlast byggingarkostnaðurinn 119 millj- ónir dollara, sem á núverandi gengi er um 4.880 milljónir ís- lenzkra króna. Byggðir verða „stuttir" kerskál- ar með einni keraröð og verða skálarnir samhliða þeim tveimur skálum, sem fyrir eru, nánar til- tekið á milli þeirra og Reykjanes- brautar. Álframleiðsia ÍSAL árið 1984 nam 82.300 tonnum, sú mesta frá upphafi. Álsalan var 78.789 tonn. Vergar sölutekjur námu 3.558 milljónum íslenzkra króna, tap fyrir skatt 17 milljónum, fram- leiðslugjald 173,0 milljónum, en framleiðslugjaldið innifelur 121,6 milljónir króna, sem er jafnvirði 3 milljóna bandaríkjadala, sem samið var um að greiða sem sátta- "fé í samningi ríkisstjórnarinnar og Alusuisse frá því í nóvember 1984. Áætlað tap eftir skatt er 190 milljónir krona og fjárstreymi 319 milljónir króna. Sjá viðtal við Ragnar S. Halldórsson forstjóra ÍSAL á miðopnu. Ríkið kaupir 120 bifreiðir Innkaupastofnun rfkisins hefur sent öllum helstu bifreiðaumboð- um hér á landi bréf. Þörf er á að endurnýja 120 bifreiðir hjá ríkinu á árinu og er í bréfínu óskað eftir tilboðum, en stofnunin ætlar að reyna að kaupa allar bifreiðirnar í einu og frá sama aðilanum. Bréfinu fylgdu gögn með skrá yfir bifreið- irnar, þar sem tilgreindar eru ákveðnar gerðir og beðið um tilboð í þær eða sambærilegar að dómi bjóðenda. Að sögn Ásgeirs Jóhannesson- ar hjá Innkaupastofnun ríkisins er tilgangurinn með þessu að reyna að gera sem best heildar- kaup. Um er að ræða nokkuð mismunandi stærðir en þörf er á allt að 24 bifreiðum af sömu Framfærsluvísitalan hækkaði um 4,33 % — Samsvarar 66,3 % árshækkun KAUPLAGSNEFND hefur reiknað út vísitölu framfærslukostnaðar miðað við verðlag í janúarbyrjum 1985. Reyndist hún vera 122,28 stig sem er 4,33% hækkun frá desemberbyrjun. Hækkunin svarar til 66,3% árshækk- unar. Hækkun vísitölunnar undan- farna þrjá mánuði svarar til 50,6% árshækkunar en hækkunin undan- farna tólf mánuði er 23,1 %. Frá upphafi til loka ársins 1984 hækkaði vísitala framfærslukostn- aðar um 21,87%, en 70,68% árið áð- ur. Meöalhækkun vísitölunnar milli áranna 1983 og 1984 reyndist vera 29,17% samanborið við 84,28% meðalhækkun milli áranna 1982 og 1983. gerð. Þó nokkrar gerðir verða keyptar, allt fólks- eða sendibif- reiðir. Asgeir sagði að hann von- aðist til þess að á markaðnum væri það góð samkeppni að með því að standa að öllum bifreiða- kaupum fyrir árið á sama tíma verði árangurinn betra verð en almennt gerist. Reynt er að endurnýja bifreið- ir ríkisins á þriggja til fimm ára fresti og er þörf á að endurnýja 120-140 bíla á ári. Um 900 bif- reiðir eru í eign ríkisins. Ms. Hofsá festist í ís á Eyrarsundi MS. HOFSÁ, eitt flutningaskipa Haf- skips, festist í ís á Eyrarsundi, skammt frá Kaupmannahöfn, í fyrri- nótt. Sat skipiö fast í ísnum í tæpar 10 klukkustundir. Sigurður Björnsson hjá Hafskip sagði í samtali við Mbl. að Hofsá hefði verið á ferð norður Eyrarsund á leið sinni frá Hamborg til Kaup- mannahafnar. 25 til 30 sentimetra ís er á sundinu festist Hofsáin í þéttum ís um klukkan 1 í fyrrinótt um 1,5 sjómílur utan við norður- höfnina í Kaupmannahöfn. Sigurð- ur sagði að í gærmorgun hefði dráttarbátur komið á vettvang og hjálpað skipinu í gegn um ísinn og var Hofsáin komin að bryggju um klukkan 11. Sagði hann að engar skemmdir hefðu orðið á skipinu og aldrei nein hætta á ferðum. Morirunblaftift/Júllus. Róbert Sigurðsson, formaður safnaðarnefndar Áskirkju, stendur hér við einn af gluggum þeim, sem settir verða í Áskirkju. Gluggar þessir voru upphaflega í kirkju í Coventry á Knglandi, en voru teknir úr henni í síðari heimsstyrjöldinni til að forða þeim frá eyðileggingu. Sýning á Coventry- gluggunum í Áskirkju listakona, og Óli f saksson áttu 7 glugga frá Coventry og þessa glugga hefur Áskirkja nú eign- ast. Róbert sagði það hafa verið tómstundaiðju Unnar á stríðsár- unum að safna listaverkum og hefði hún verið sérstaklega hrif- in af kirkjulist. Margir af mun- um þeim, er hún eignaðist eru nú í eigu Áskirkju og verða á sýn- ingunni sem hefst á sunnudag. Allur búnaður kirkjunnar, t.d. hökull og altarisklæði, er unnin af Unni Ólafsdóttur og sagði Róbert það nokkuð sérstakt að sami Iistamaðurinn ynni allan búnað einnar kirkju. Gluggunum steindu verður að öllum líkind- um komið fyrir í norðurgafli kirkjunnar. Það skal tekið fram, að á sunnudag er fæðingardagur Unnar Olafsdóttur, en hún lést fyrir nokkrum árum. Sýningin verður haldin í safnaðarheimili Áskirkju ög mun standa í viku. ÁSKIRKJA í Reykjavík opnar á sunnudag sýningu á ýmsum kirkjumunum, m.a. steindum gluggum, sem upphaflega voru í kirkju í Coventry á Englandi. Að sogn Róberts Sigurðssonar, formanns safnaðarnefndar Ás- kirkju, voru gluggarnir teknir úr kirkjunni í Coventry í síðari heimsstyrjöldinni, því óttast var að þeir yrðu fyrir skemmdum í loftárásum. Kirkjan var jöfnuð við jörðu, en gluggarnir virtust týndir og tröllum gefnir. Fyrir nokkrum árum kom þó í Ijós, að a.m.k. 2 af steindum gluggum Akureyrarkirkju voru úr kirkj- unni í Coventry og sagt var að fleiri gluggar væru hér á landi, en þeir væru í einkaeign. Breska kirkjan gaf út þá yfirlýsingu, að hún myndi ekki krefjast þess að gluggunum yrði skilað ef þeim væri komið fyrir í kirkju á ís- landi. Hjónin Unnur Ólafsdóttir, Wiiliam Arkin dregur enn í land: 1 i • Heimiiam nao sKiiyroum íslenzkra stjórnvalda WILLIAM Arkin, bandarískur sérfræðingur um vígbúnaðarmál, sem hinn 5. desember síðastliðinn sagðist hafa staðgóðar heimildir fyrir því, að Bandaríkjaforseti hefði gefið heimild til að flytja kjarnorkuvopn til íslands á ófriðartímum segir nú allt benda til þess að það verði ekki gert neroa með heimild íslenskra stjórnvalda. í umræðum um málið hér á landi kom það fram í yfirlýsingum íslenskra og bandarískra stjórnvalda, að samþykki fslendinga væri forsenda fyrir því að Bandaríkin flyttu hingað kjarnorkuvopn hvort heldur á friðar- eða ófriðartímum. Fréttastofa hljóðvarps ríkis- ins greindi frá því í fyrrakvöld og gærkvöldi, að umræður hefðu orðið í Kanada vegna skjalsins, sem Arkin sýndi forsætisráð- herra og utanríkisráðherra Is- lands, og átti að geyma skilyrð- islausa heimild til flutnings kjarnorkuvopna hingað, til Kanada og annarra landa. f kanadísku umræðunum kom fram, að skjalið væri til í safni bandaríska varnarmálaráðun- eytisins. En jafnframt að annars staðar en á þeim fjórum síðum sem Arkin sýndi væri að finna skilyrði þess efnis, að samþykki ríkisstjórnar viðkomar.di lands þyrfti til að heimildirnar í skjal- inu öðluðust gildi. Bar frétta- stofa hljóðvarpsins þetta undir Arkin sem sagði allt benda til þess að þetta skilyrði væri í skjalinu. Þegar William Arkin var hér og í umræðum um mál hans síð- an hefur ekki fyrr verið skýrt frá því, að Kanada væri í hópi þeirra ríkja sem skjalið nær til. 1980 gaf William Arkin frétta- stofu hljóðvarpsins til kynna, að hann hefði staðgóðar heimildir fyrir því að hér á landi væru kjarnorkuvopn. Þegar Arkin kom hingað í desember sagðist hann hafa haft rangt fyrir sér í maí 1980 en hann hefði hins veg- ar nú staðgóðar heimildir fyrir því að kjarnorkuvopn yrðu flutt hingað til lands á ófriðartímum. Nú hefur hann viðurkennt að hið sama eigi við um ísland á friðar- og ófriðartímum, kjarnorkuvopn verði ekki flutt hingað nema með samþykki íslenskra stjórnvalda. Yfirlýsingar Arkins við frétta- stofu hljóðvarpsins hafa jafnan leitt til þess, að Þjóðviljinn hef- ur varið milklu rými til að koma skoðunum hans á framfæri og alþýðubandalagsmenn hafa stofnað til umræðna um þær utan dagskrár á Alþingi. Albert sótti um leyfi fyrir Lucy Heilbrigðiseftirlit Reykjavík- ursvæðis hefur móttekið og kannað á annað hundrað umsóknir um und- anþágur fyrir hundahald í höfuð- borginni, og hafa 130 leyfi fyrir hundahaldi verið samþykkt í borg- arráði. Albert Guðmundsson, fjár- málaráðherra, lagði í gærmorgun fram umsókn um undanþágu fyrir tíkina Lucy, og verður umsóknin væntanlega afgreidd á næsta fundi borgarráðs, ásamt öðrum umsókn- um sem kunna að berast Heilbrigð- iseftirliti Reykjavíkursvæðis fyrir tiltekinn tíma.
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.