Morgunblaðið - 17.02.1985, Blaðsíða 25

MORGUNBLADIÐ, SUNNUDAGUR 17. FEBRÚAR 1985
B 25
Strandgötu, og voru þar fyrir
danskir fastagestir, og ekki sælir að
óvandir íslenskir sjóarar tækju hús
á þeim, og urðu allmikil slagsmál,
og kom dönsk lögregla til. Gekk þá
fram Lárus Þ. Blöndal og sagði hér
vera undir sinni kommando íslensk-
ir af höfðingja- og konungakyni og
taldi ráðlegt dönskum varðmönnum
að ybbast ekki við slíkan aðal, og
héldu þá burt hinir dönsku varð-
menn.
Síldin í lestunum var losuð á 3. í
jólum og héldum við strax af stað
til Hamborgar um Kílarskurð og
komum til Hamborgar daginn eftir.
Var skipið losað að fullu fljótt og
vel því við þurftum að fara í viðgerð
og dokk hjá Howaldtswerke.
Málaður í skorsteinslit
Meðan á viðgerð stóð í dokkinni
vorum við hásetarnir settir í að
rústberja og menja stórlestina (2.
lest) þar sem slíkt var aðeins hægt
að gera þegar ekki var unnið við
losun og lestun og lestin var tóm,
sem var sjaldan. Fengnir voru lán-
aðir frá skipastöðinni rafurmagns
lofthamrar og hávaði mikill og
þetta var þreytandi vinna. Mitt
verk var að fara yfir með stálbursta
og menja á eftir. Menn gerðust
rústrykugir í kverkum og var Gísli
Jónsson sendur á vit Ragnars bryta
að fala bjór, og kom hann til baka
með hálfan kassa, 25 flöskur sem
þýddi 4 flöskur per mann plús V6 úr
flösku til skiptanna. Þegar kom að
skiptunum á þessari sameiginlegu
flösku, kom það í minn hlut að taka
Vernharður Bjarnason
árið 1934.
minn sopa fyrst, en Bernharð
Pálsson næst, en þegar hann lítur í
gegnum flöskuna tilkynnir hann að
ég hafi tekið of stóran sopa og það
beri að straffa mér og varð sá dóm-
ur sameiginlega upp kveðinn af
þessum sjóræningjum að ég skyldi
málaður skorsteinslit um miðju úr
rauðri menju. Var ekki að því að
spyrja að þessir fantar réðust á mig
15 ára aumingjann, lögðu mig á
lestargólf og gáfu mér ráðningu úr
menju. Þeir sem mest höfðu sig
frammi í þessum hildarleik voru
Bernharð, Gísli og Elías. Staulaðist
ég upp úr lestinni og fram í lampa-
skáp að ná mér í terpentínu til að
þrífa þessa menjudrullu af mér.
Verð ég þá svo ólánssamur að skip-
stjórinn, Pétur Björnsson, ásamt
Emil Nielsen inspectör og fyrrver-
andi direktör eru þar og spyr skip-
stjóri mig hvað ég sé að gera hér við
að þrífa mig og það í vinnutíman-
um. Ég reyndi að koma við vörnum,
að fantar og fúlmenni hefðu leikið
mig grátt í lestinni og því væri ég
hér. Þá tautaði Nielsen: „Ja saadan
noget sker til sös.“
Frá Hamborg var haldið til Hull
og síðan Austfjarða að smala sjó-
mönnum aðallega til Vestmanna-
eyja. Þegar við komum upp á Fær-
eyjabanka fengum við á okkur
brotsjó, sem braut inn kýraugu í
hásetalúkarnum með þeim krafti að
hásetakojurnar í síðunni hentust
fram á gólf, og var ég í neðri koj-
unni, en Bernharð Pálsson í þeirri
efri, og vorum við báðir í koju þegar
þetta gerðist. Ég vaknaði við vond-
an draum er sjórinn kaldur lék um
mig á gólfinu, en verra var þó að
Benni stóð ofan á brakinu ofan á
mér og reyndi að troða kojufötum í
kýraugað, og var vera mín þarna
undir hin ömurlegasta. Við hásetar
fengum að sofa í reykskála á 2.
plássi meðan klastrað var járnplöt-
um í götin, en reknir aftur í lúkar-
inn þegar við komum til Seyðis-
fjarðar. Nú þegar ég lít yfir farinn
veg vil ég geta þess, að þið reyndust
ekki fantar og fúlmenni nema í
góðu gríni í lestarævintýrinu, en oft
er mér hugsað hvort mögulegt væri
að bjóða mönnum í dag aðra eins
aðbúð og var í þessum gömlu skip-
um fyrir undirmenn, og þá sérstak-
lega lúkarsbúa.
Jólaferð ms.
Goðafoss 1934
Þessi ferð hefst með því að við
vorum síðsta skip norður og vestur
til Akureyrar fyrir jól og gekk á
með miklum óveðrum, sem algengt
er þegar veður ganga yfir sem
sveiflast suðaustan til suðvestan
útsynnings og svo í norðvestan, áð-
ur en hann byrjar næsta leik. Við
lestuðum mikið í skipið fyrir norð-
an og á Hesteyri síldarmjöl og lýsi í
tunnum, sem var þessi algenga
Hamborgarvara. Þorláksdagsmorg-
un fórum við fyrir Látrabjarg á
suðurleið, og var hann þá að snúast
í norðvestan mjög hvassan og því
gott lens yfir bugtina. Þegar ég kom
á vakt klukkan eitt leysti ég Elías
af við stýrið, og var skipið þá statt
út af Lóndröngum. Ekki hafði ég
verið nema fáeinar mínútur við
stýrið þegar skipið tók allt í einu
enga stýringu, og lagði sig flatt
fyrir kvikuna. Skipstjóri var í
brúnni, og setti þegar vélsíma á
stopp meðan athugað var, og kom
þá í ljós að stýriteinn, sem lá með-
fram 3. lest frá stýrisvélinni í stýri,
hafði brotnað. Hafði þá keðjan um
trommu stýrisvélarinnar hrúgast í
kring um trommuna og sett hana
fasta. Allt dekklið og eins vélalið
var kallað út og var hafist handa
um að reyna að lagfæra stýrið, sem
reyndist mjög illt en tókst þó að
lokum. Var strengdur vír á milli
fyrir teininn, og gátum við farið að
sigla aftur um kl. 7 um kvöldið. Var
það á síðustu stundu því um fimm
leytið byrjaði hann aftur að vinda
upp af suðaustri og var orðinn
bálhvass þegar við hófum siglingu
aftur og var eins gott því okkur rak
allmikið í átt að malarrifi þegar
viðgerðinni lauk.
Við komum til Reykjavíkur kl. 2
um nóttina og var ég settur vakt-
maður við komuna. Ætlunin var að
sigla frá Reykjavík á aðfangadag
þar sem við vorum orðnir á eftir
áætlun, en veður hamlaði, og til-
kynnt að siglingu væri frestað til kl.
6 e.h. á jóladag. Þegar ég var ræstur
á næturvaktina kl. 5 e.h. var skipið
nær mannlaust, allir höfðu hlaupið
heim til sín og kokkar ekki einu
sinni tekið til næturmat handa
vaktmanni. Það var unnið til kl. 6
við lestun í 1. lest, og lögðu eyrar-
karlarnir yfir en ég þurfti að reyna
að koma preseningum i járn og kíla,
sem var erfitt vegna roks. Man ég
eftir að um borð voru þessa nótt
Óskar Sigurgeirsson 3. stýrimaður
og var konan hans með honum, Páll
Jónsson 2. vélstjóri og Randver yf-
irkyndari. Ljós voru slökkt um sjö-
leytið og gufa tekin af dekki, þetta
var hljóð jólanótt, aðeins gnauð í
rokinu.
Lagt var af stað frá Reykjavík kl.
6 jóladagskvöld í suðvestanroki og
haldið fyrir Garðskaga. Ekki leist
skipstjóra á að fara fyrir Reykjanes
og var lagst undir nesið á Sandvík,
fram á hundavakt en þá lyngdi
meðan hann var að snúa sér aftur í
suðaustrið og fórum við þá fyrir
Reykjanesið, og höfðum við suð-
austan, rok í nefið til Vestmanna-
eyja. Tvenn hjón voru með skipinu,
sem ætluðu að halda jól í Eyjum, og
man ég að önnur voru Jóhann Þ.
Jósefsson þingmaður og frú, en hin
hjónin þekkti ég ekki. Þegar komið
var til Eyja um eftirmiðdaginn,
reyndist ómögulegt að senda bát út
frá víkinni fyrir klettana og erfitt
þvi að losa sig við farþegana.
Ekki var hægt að sigla með al-
þingismann til Englands, og var
það ráð tekið að setja út björgun-
arbát frá skipinu á flot og róa með
farþega í land á Eiðið, en margir
blotnuðu illa við að koma farþegum
í fjöru, og mun Sæmundur hinn
sterki hafa reynst þar best. •
írakar ráöast
á tvö olíuskip
Bagdad, U.febrúar. AF.
ÍRAKAR sögðu í dag að herflugvélar
þeirra hefðu ráðizt á tvö skip nálægt
Kharg-eyju og heimildir hjá skipafé-
lögum hermdu að Líberíuskrásett
olíuskip hefði laskazt í loftárás.
Samkvæmt heimildum í Bahr-
ain og Dubai er skipið „Neptunia"
í erfiðleikum skammt frá írönsku
hafnarborginni Bushehr. Sam-
kvæmt heimildum hjá Lloyds í
Lundúnum er þetta skip skráð í
Líberíu en eign brezks skipafélags.
„Neptunia" var út af Bushehr
samkvæmt þessum heimildum og
eldur kom upp í því þegar árásin
var gerð. Ekki er ljóst hvort skipið
var tómt eða ekki þegar árásin var
gerð.
Þar með segjast Irakar hafa
ráðizt á 32 skip nálægt írönskum
höfnum það sem af er þessu ári.
Aðeins hefur verið staðfest að níu
árásir hafi verið gerðar.
í gær réðust íraskar þotur á
gríska skipið „Fellowship" 80 km
suður af Kharg-eyju, en litið tjón
varð á skipinu.
Árás á skip
í Persaflóa:
Einn lést og
þrír særðust
Nikósíu, Kýpur, 15. febrúar. AP.
EINN skipverjí lét lífið og þrír særð-
ust í gær, þegar herþotur frá írak
gerðu árás á flutningaskip frá Líb-
eríu, sem var á siglingu í Persaflóa.
Það var Irna, hin opinbera
fréttastofa í íran, sem greindi frá
þessu í dag. Fréttastofan sagði að
skipið, sem heitir Neptunia og er
rúmlega 57 þúsund lesta, hefði
verið á siglingu um 50 km fyrir
sunnan írönsku hafnarborgina
Bushehr þegar árásin var gerð.
Það er skipafélagið Belacasa í
Lundúnum, sem er eigandi flutn-
ingaskipsins. Ekki er vitað hvort
skipið var hlaðið farmi eða ekki
þegar atburðurinn gerðist. Talið
er að það njóti nú aðstoðar ir-
anskra skipa.
7. sjúkraflutninganámskeiö Borgarspítalans og
Rauöa kross íslands veröur haldiö dagana 15.—26.
apríl nk. Kennt veröur alla daga frá kl. 8.15—16.10.
Dvö! á slysa- og sjúkradeild Borgarspítalans og
Slökkvistöö Reykjavíkur er skipulögð fyrir þátttak-
endur tvö kvöld hvern. Námskeiöiö er ætlaö starfandi
sjúkraflutningamönnum og námskeiösgjald er kr.
7.000.
Nánari uppl. veita: Hólmfríður Gísladóttir og Ómar
Friöþjófsson í síma 91-26722.
ÞESSAR FALLECU
VARADEKKSHLÍFAR
FÁST HJÁ OKKUR
— þægilegar í notkun —
— veðrast ekki —
— auövelt að hreinsa —
|H HEKIAHF
| ® J Laugavegi 170-172 Smi 21240