Morgunblaðið - 02.06.1985, Blaðsíða 41

MORGUNBLAÐIÐ, SUNNUDAGUR 2. JtJNl 1985
41
Sjötugur í dag:
Páll Arason lang-
ferðabílstjóri
Þrennt er talið vera eyrnamark
á Þúfnvellingum — skrýtilegu
klani í Hörgárdal. Númer eitt:
Þeir trúa á brennivín, að því er
þeir segja fyrir norðan, og halda,
að það sé allra meina bót. Númer
tvö: Þeir trúa á brennivín og
halda, að það sé svar við öllu.
Númer þrjú: Þeir trúa á brennivín
og líta á það sem karlmennsku-
þraut að þola það samanber orðs-
kviðinn, Gnginn þolir drukkinn
nema jötnar.
Svona léttúðugir hafa þeir
stundum verið þeir Þúfnvellingar
og láta sér hvorki bregða við högg
né bana, þá mjöður eða mungát er
á borðum og öl á könnu. Þetta eru
annars fyrirtaks náungar, vel
gerðir frá náttúrunnar hendi og
harðduglegir á köflum, vinhollir
og hlýir menn, sem mega ekki
vamm sitt vita í einu eða neinu.
Eitt ættmennanna, Hrafn Eiðs-
son, sem lengi var togarajaxl (á
Bökunum) á Ak., var svo kraft-
mikill og glæsiíegur, að hann
minnti á stríðalinn stóðhest, sem
leitaði sér fanga i hópi ólmra
hryssa, þá hann geystist um eða
öllu heldur skeiðaði um Bótina á
Akureyri — nýkominn af sjó —
stundum á leið í Lindina gömlu,
sem var café, þar sem nú er Hótel
Akureyri og var — ellegar þá er
hann ferðaðist á leigudrossíu frá
BSO og lét bæði bíl og einkabíl-
stjóra (sem yfirleitt var ekki val-
inn af verri endanum) bíða eftir
sér svo langtímum skipti við hús
svipað og Djákninn á Myrká skildi
eftir gæðinginn sinn fyrir neðan
garða garða eins og segir í þjóð-
sögunni. Krummi fór með Einar
Ben í tíma og ótíma eins og að
drekka vatn og auk þess ýmis önn-
ur Ijóð. Það lá við, að hann gæti
kveðið menn niður í jörðina — allt
að þvi sex fet — eða hátt upp til
skýjanna, ef sá var gállinn á hon-
um. Sagt var um annan Þúfnvell-
ing, að svo magnaður hafi gaurinn
sá verið í kveðskaparlistinni, að
hann hafi oftlega átt létt með að
kveða til sín konur. „Undir," bætti
við annar stríðinn náungi, honum
óskyldur, en náttúrlega að norðan.
„Sönnu nær,“ sagði sá þriðji, sem
til þekkir, og líka að norðan. Það
eru ýmsir fleiri karakterar í þess-
ari Þúfnavallaætt. Einn af þeim er
Páll Arason, langferðabílstjóri,
ferðalangur og ævintýramaður —
maður lífsins og veraldarinnar
lystisemda. hann verður sjötugur
annan júní og er unglegur úr hófi
fram, enda sjóaður af Amor og
hirð hans og sver sig því í ættina.
General von Paulus hefur semsé
ekki verið við eina fjölina felldur í
eilífðarmálunum fremur en aðrir
af klaninu. Svo heppilega vill til,
að hann er granni undirskráðs í
Seljahverfi í Breiðholti III. Oft
sést hann koma léttstígur í
dökkbrúnum þýðverskum storm-
sveitarleðurfrakka með spælum
og í uppháum leðurstígvélum og
með Willie-Brandt-húfu á höfði,
sem er kennd við Hamborg og
Þýzkaland. Páll er ævinlega
kankvís og léttur í lund.
Kvæntur er Páll nuddkonu af
Ströndum, Kristínu Hrafnfjörð
Líkafrónsdóttur, lífmikilli ágæt-
iskonu, sem er trúlega ramm-
göldrótt eins og ýmsir fyrir vest-
an.
Fyrir ellefu árum að vorlagi bar
fundum þess, sem þetta skrifa, og
þá nýkominn frá Toulouse í Suð-
ur-Frakklandi, og þeim hjónum
Madame Kristínu að vestan og
Páli hörgdælska saman niðri f
Nausti. Þá var Dyonosos ennþá
hafður í heiðri. Þetta var síðdegis-
blót um langa glataða helgi, en lif-
andi skelfingar ósköp tóku þau
heiðurshjón vel á móti gestunum
heima hjá sér, þá leikurinn barst
úr Naustinu og upp í Breiðholt eft-
ir talsvert sötur og drjúga áfyll-
ingu þar á öldurhúsinu við Vestur-
götu.
Madame Christine tók að sér að
laga svoldið skaddaða öxl grein-
arhöfundar — sem jafnvel gat
verið brotin — og dugði slík lækn-
ing seiðkonunnar um hríð — og
fer maður nú að skilja langlffi og
æskusvip Páls Arasonar í höndun-
um á slíkri töframanneskju, sem
hefur græðarafingur á sama hátt
og góðir garðyrkjumenn og blóma-
ræktendur hafa það, sem danskur-
inn kallar „grönne fingre".
Páll Arason von Þúfnavellir
minnist afmælis sins nú um helg-
ina norður á Akureyri í Smiðjunni
— með tilheyrandi lífsstíl.
Smiðjan er hágöfugt veitinga-
hús á Akureyri — í ævagömlu
húsi — það minnir eiginlega á
brezkan klúbb með góða þjónustu,
enda eru þeir Hallgrímur Arason
(úr Höffner) og Stefán vinur vár
Gunnlaugsson báðir í de la Grand
Prix-stíl sem veitingamenn — og
leggja allan sinn akureyska þótta
og fagmetnað og smekk í að hafa
veitingar sem verðugastar og
vandaðastar — hvort sem um er
að ræða í mat eða í drykk. Þar og
einhver sagði jafnvel líka heima á
Þúfnavöllum (annanhvorn dag-
inn) í nýja slotinu, sem hann hef-
ur verið að byggja undanfarin ár
rétt við ættaróðalið, þarna um
langa en ekki glataða helgi, tekur
Páll júnkari af Þúfnavöllum á
móti gestum sínum að fornum sið.
Þar mun örugglega ríkja gleði
og reisn eins og á norðlenzku
sveitadansiballi fyrir stríð — vís-
ur verðar kveðnar hratt yfir borð
— tölur fluttar af orðfimi og and-
ríki — sungið og trallað og mælzt
til vináttu og fóstbræðralags og
jafnvel gengið undir jarðarmen —
hver veit. Þetta verður ekki veizla
eins og hjá Goðmundi á Glæsivöll-
um eða í Austantjaldsríki eða i
Arabalöndunum — svo mikið víst
— heldur verða þetta einlægir
fundir og samfagnaður góðra vina
og velunnara heiðursmannsins
hans Páls Arasonar, sem hefur
jafnan viljað hvers mann vand-
ræði leysa eins og margir muna,
sem með honum hafa ferðast,
bæði á langleiðum hérlendis,
t.a.m. í Öræfaferðum, sem voru og
eru annálaðar, og í utanlandsreis-
unum, þar sem Páll hefur í hvor-
ugu tilfellinu hlíft sér, en hins
vegar alltaf verið boðinn og búinn
að koma til liðs við farþega sína,
hvernig sem hefur staðið á fyrir
honum.
Páll hlaut akureyskt uppeldi
eins og fleiri. Faðir hans, Ari Guð-
mundsson bankaritari frá Þúfna-
völlum (hann lézt fyrir nokkrum
árum háaldraður), var starfsmað-
ur við (slandsbanka á Akureyri.
Móðir Páls, Dýrleif Pálsdóttir frá
Möðrufelli, vann við saumaskap
þarna á Akureyri. Þetta voru
harðir tímar — einkum á fyrri
stríðsárunum 1914—1918. Þá kost-
aði eitt kolatonn 600 krónur. „En
okkur systkinin skorti aldrei neitt
í uppvextinum," segir Páll í lífs-
bók sinni, Áfram skröltir hann,
sem kom út fyrir jólin ’83. Ari
bankaritari var sonur Guðmundar
Guðmundssonar hreppstjóra á
Þúfnavöllum og Guðnýjar Lopts-
dóttur frá Baugaseli. Faðir Guð-
nýjar var talinn auðmaður. Þor-
björg, langamma Páls Arasonar,
móðir Guðnýjar, var talin laun-
dóttir Nielsar Hafsteins faktors á
Hofsósi.
Flestir Þúfnvellingar verða há-
aldraðir þrátt fyrir Jörfagleði á
stundum, en það er önnur saga.
Nú, nú, Páll hleypir heimdrag-
anum og byrjar ungur að stunda
akstur. Hann byrjaði á Hafnar-
bílstöðinni — en það var lítið að
gera. Leikurinn barst aftur norður
á heimaslóðirnar og þar var hann
ráðinn á BSA af sjálfum bílakóng-
inum Kristjáni Kristjánssyni, sem
kallaður var Birningur. Kristján á
BSA var don með sveiflu bannár-
anna og gæddur ólgandi athafna-
semi. Sennilega hafa kynni Páls af
bílakónginum mótað afmælis-
barnið upp á lífstíð. Það er svo
margt, sem bendir til þess.
Áratugum saman eftir að suður
kom stundaði Páll akstur. Hann
stofnaði ferðaskrifstofu, sem varð
fræg, en áður hafði hann unnið
hjá Steindóri Einarssyni, sem hef-
ur verið skóli út af fyrir sig. Hann
brá sér á síldveiðar fyrir norðan
— og allt í einu er hann kominn á
Litlu bílastöðina og þá byrjaði
töluverð ævintýramennska í lífi
Páls. Hann festi ráð sitt. Fyrir
valinu varð Hulda Björnsdóttir,
kynstór kona af Vatnshornaætt í
Skorradal. Þau eignuðust saman
tvö börn, Rannveigu, f. 1942, og
soninn Björn, f. 1948. Þau slitu
samvistir eftir tíu ár. Nokkru síð-
ar fór Páll að búa með þýzkri,
hjúkrunarkonu, Hannelore Wagn-'
er. Sambúð þeirra varaði nokkur
ár. Og nú er Páll í hjúskap með
Kristínu Hrafnfjörð eins og áður
segir.
Líf Páls hefur verið eins og löng
öræfaferð með nokkrum hindrun-
um eins og gengur. Hann hefur
alltaf komizt leiðar sinnar eins og
Ólafur Ketilsson — alltaf skilað af
sér farþegum heilum á húfi í höfn.
Sjálfur er hann uppréttur og verð-
ur örugglega, unz ferðin er á enda.
En hún verður áfram löng með
skemmtilegu ívafi á köflum, ef ég
þekki Pál rétt.
Að Hæðardragi, Rvík.,
Steingrímur StTh. Sigurðsson.
Verndaöu kaupmáttinn
tryggöu þér IGNIS á afsláttarveröi
Frystikistur HxBr.xD/cm Áöur kr. J Nú kr>
-----A 15.560 .
86x60x66
18.300
1Í54Ó
3
Stk.
7
Stk.
3 '
| uppi MUV/II * \ ----. —--------------- r
Uppþv.vél H.xBr.xD. i sm Áður kr. ; Nu kr.*
28.560 24.270
, u , F.12/m,boröh.| 85x60x60 ______
Það hækkar ekki kjötlð í frystinum þíMI
* Staögreiösluverö
RAFiÐJAN SF.
Ármúla 8, 108 Reykjavík, sími (91)82535
a|^riRRr^^g8maton
Íá^ogej-dhusinnhc ...

Smiðjuvegi 38 200 Kópavogi Sími 79800.