Morgunblaðið - 17.07.1985, Page 48
EVTT NORT AilS SUUMLR
MIÐVIKUDAGUR 17. JÚLÍ 1985
VERÐ í LAUSASÖLU 30 KR.
Aflahrotunni lokið í bili:
Talsvert af afla
togara í gúanó
„ÉG ER MJÖG ánægður hvað menn voru fljótir að taka við sér og ná stjórn
á þessu. Að mínu mati er aflatoppurinn búinn núna,“ sagði Benedikt Gunn-
arsson, forstöðumaður ferskfiskdeildar Ríkismats sjávarafurða, í samtali við
Morgunblaðið um aflahrotuna, sem gerði í síðustu viku. Þá fengu togararnir
sem kunnugt er 40 tonna höl og allt uppí 80 tonn af þorski á sólarhring á
Vestfjarðamiðum.
Benedikt sagði að talsvert af
afla sumra togara hefði hreinlega
verið dæmt í gúanó. Þess þekkti
hann dæmi bæði frá Reykjavík og
Þorlákshöfn. Algengt hefði verið
að 60—70% aflans hefði farið í 1.
flokk í stað 85—90%, sem væri
eðlilegt og því 30—40% verið
dæmt óhæft til frystingar í 2. og 3.
flokk. Skipshafnirnar hefðu ein-
faldlega ekki ráðið við að gera að
fiskinum. Stór hluti aflans hefði
verið blóðgaður dauður og þunn-
ildaskemmdir komið fram þegar
fiskurinn hefði verið slægður.
„Þetta var stuttur hvellur og
menn fljótir að átta sig. Vonandi
verða þeir ennþá fljótari að því
næsta ár, svo þetta þurfi ekki að
endurtaka sig,“ sagði
Gunnarsson ennfremur.
Benedikt
Sliskja tengivagns
féll á fót konu
KONA slasaðist á fæti þegar
sliskja á tengivagni féll á fót
hennar þegar hún átti leið um
Hafnarstræti. A tengivagninum
var valtari, sem nota átti við
malbikunarframkvæmdir. At-
burðurinn varð síðdegis í gær
og var konan flutt í slysadeild.
Mortfunbladið/Júlíus
Gjaldskrá
tannlækna
verði lækkuð
HAGSTOFAN hefur reiknað út laun
tannlækna og skulu þau hækka um
16.2% frá 1. marz síðastliðnum, en
tannlæknar höfðu hækkað laun um
42.69% frá sama tíma. Þeir höfðu lát-
ið reikna launataxta og tilkynnt
Tryggingastofnun og Reykjavíkur-
borg um 42.69% launahækkun sjálf-
um sér til handa.
Úrskurður Hagstofunnar er
bindandi. Laun tannlækna voru
tekin til umræðu á Alþingi í júní
síðastliðnum. Davíð Oddsson, borg-
arstjóri, lagði fram tillögu í Borg-
arráði um að reikningar yrðu ekki
greiddir samkvæmt hinum nýja
taxta tannlækna og að Hagstofan
reiknaði út laun þeirra.
Tannlæknum ber að endurgreiða
hluta reikninga, sem þeir fengu
greidda samkvæmt taxtanum, sem
þeir létu reikna fyrir sig.
Morgunblaðið/Bjarni
Heiðar Skúli Steinsson heldur á froskinum í Sædýrasafninu í gær. Froskurinn var heldur ræfilslegur þegar
komið var með hann í safnið en hafði braggast ótrúlega og skipt litum, var grár og gugginn en var orðinn brúnn
og sællegur.
Froskur tók sér far með gámi
„ÉG VAR að hugsa um snáka og annað álíka á meðan
ég var að hreinsa úr gáminum og dauðbrá auðvitað
þegar froskurinn stökk á mig,“ sagði Heiðar Skúli
Steinsson, starfsmaður á Gúmmíverkstæðinu við Rétt-
arás. Heiðar var að taka hjólbarða frá Þýskalandi út
úr vöruflutningagámi þegar hann varð var við frosk-
inn, sem var skítugur en samt sprækur.
Froskurinn er sennilega búinn að vera í rúman
mánuð í gáminum, sem ekki var annað í en vatn og
hjólbarðar. Heiðar lét Sædýrasafnið vita um frosk-
inn og komu menn þaðan og sóttu hann en þetta
mun vera fyrsti froskurinn sem safnið eignast.
Stjóm Framkvæmdastofnunar ríkisins:
Lána 50 % af kostnaði við
byggingu fiskeldisstöðva
Úthlutaði 92 milljóiram til 23 stöðva í gær
STJÓRN Framkvæmdastofn
ríkisins markaði þá stefnu á fundi
sínum á Akureyri í gær að lána fram-
vegis 50% af framkvæmdakostnaði
fiskeldisfyrírtækja að uppfylltum
ákveðmim skilyrðum. Talsvert á
þriðja tug umsókna með fram-
kvæmdakostnað upp á samtals 319
milljáair kr. lágu fyrir stjórn stofn-
unarinnar, en hún hefur alls til ráð-
stöfunar til fiskeldis 117 milljónir
kr. á árinu. Samþykkti stjórnin að
veita 23 stöðvum lán alls að fjárhæð
92 milljónir kr. til framkvæmda í ár.
Ríkisstjórnin samþykkti á fundi
sínum nýlega að heimila fiskeldis-
fyrirtækjum að taka erlend lán
fyrir 67% af stofnkostnaði (fram-
kvæmdakostnaði og rekstrar-
kostnaði fyrstu árin) miðað við að
eigendur legðu fram 25% kostnað-
ar og 8% yrði fjármagnað innan-
lands. Gunnlaugur Sigmundsson,
framkvæmdastjóri Framkvæmda-
stofnunar ríkisins, sagði að það
væru yfirleitt aðeins stærstu
fyrirtækin sem ættu kost á erlend-
um lánum, flest fyrirtækin sæktu
því á innlendan lánamarkað. Jafn-
Þriðji hver íslendingiir
veikist af krabbameini
— Sjö hundruð ný tilfelli árlega
TÍÐNI krabbameina hér á landi hefur aukist að meðaltali um 1 % á ári
hjá körlum og 1,2% á ári hjá konum á undanförnum 30 árum. Þetta
kemur fram í grein sem þeir Jónas Ragnarsson og dr. G. Snorri Ingi-
marsson rita í nýjasta hefti tímaritsins Heilbrigðismál.
Krabbamein eru aðallega
flokkuð eftir líffærum og eru
flokkarnir rúmlega fjörutíu.
Tíðni sumra krabbameina hefur
aukist mjög á fyrrnefndu tíma-
bili, en önnur eru nú mun sjald-
gæfari en áður var. Þannig er
magakrabbamein nú mun sjald-
gæfara en fyrir þremur áratug-
um. Brjóstakrabbamein í konum
og krabbamein í blöðruhálskirtli
karla eru hins vegar stöðugt að
verða algengari. Sama máli
gegnir um lungnakrabbamein og
blöðrukrabbamein, sem nú eru
tvöfalt til þrefalt algengari en
áður var. Bæði þessi krabbamein
eru talin tengd tóbaks-
reykingum. Lungnakrabba-
meinið er nú næstalgengasta
krabbameinið hjá báðum kynj-
um, en það var mjög sjaldgæft
fyrir nokkrum áratugum.
Fram kemur í greininni að nú
mun láta nærri að þriðji hver
íslendingur fái krabbamein ein-
hvern tíma á ævinni. Margir
þeirra læknast. Önnur hver kona
og þriðji hver karlmaður, sem
krabbamein greinist í, eru á lífi
fimm árum eftir að sjúkdómur-
inn greinist. Niðurstöður þessar
eru byggðar á skipulegri skrán-
ingu krabbameina, sem hófst hér
á landi árið 1955.
framt lægi það fyrir að engir aðrir
fjárfestingarlánasjóðir lánuðu til
fiskeldis. Því hefði verið ákveðið
að Framkvæmdastofnun tæki
málið að sér og lánaöi 50% fram-
kvæmdakostnaðar til fiskeldis-
stöðva gegn því að eigendur legðu
fram eigið fé sem næmi 25%, en
stofnunin lánaði yfirleitt aðeins
20% framkvæmdakostnaðar sem
viðbótarlán til annarra atvinnu-
fyrirtækja.
Hann sagði þó að þau fyrirtæki
sem nýttu sér heimild. til erlendra
lána fengju ekki lán frá stofnun-
inni og bjóst hann yið að stærri
fyrirtaekin færu þá leiðina en
miðlungs og smærri fyrirtækin
tækju lán hjá Framkvæmdastofn-
nn
Framkvæmdastofnun hefur 117
milljónir kr. til ráðstöfunar til
fiskeidisfyrirtækja á árinu: Fram-
kvæmdasjóði er ætlað að lána 55
milljónir samkvæmt lánsfjáráætl-
un, 50 milljónir koma samkvæmt
samþykkt um nýsköpun í atvinnu-
lífinu og í lánaáætlun Byggðasjóðs
eru 12 milljónir ætlaðar til fisk-
eldis. Fyrr á árinu var 2 milljón-
um varið til fiskeldis og á fundin-
um í gær var ákveðið að lána 92
milljónir til viðbótar, þannig að
Framkvæmdastofnun hefur þegar
lánað 94 milljónir til atvinnu-
greinarinnar, en í fyrra lánaði
stofnunin rúmlega 20 milljónir til
fiskeldis.