Morgunblaðið - 30.07.1985, Side 30

30
MORGUNBLAÐIÐ, ÞRIÐJUDAGUR 30. JÚLt 1985
Hildur Lúthersdóttir meó gullpeninginn um hálsinn og viðurkenningu fyrir fyrsta sætið f sippa-keppninni, eldri
flokki.
Líf og fjör á
Reykjavíkurmóti
barnanna 1985
REYKJAVÍKURMÓT barnanna
var haldið í Hljómskálagarðinum
sl. sunnudag í þurru en sólarlausu
veðri. Mótið átti að fara fram
helgina áður, en var frestað þá
vegna veðurs. Margt var um
manninn er blaðamaður og ljós-
myndari Morgunblaðsins áttu leið
um og voru krakkarnir duglegir
við að taka þátt í hinum ýmsu
uppákomum og keppnum er fram
fóru. Reykjavíkurmót barnanna er
orðið árlegur viðburður og er
þetta fjórða árið sem Skátafélagið
Árbúar úr Árbæ sjá um það. Sjö-
tiu starfsmenn úr Skátafélaginu
sáu um alla framkvæmd mótsins.
Unnið var við undirbúningi móts-
ins til klukkan 4 aðfaranótt
sunnudagsins. Byrjað var að skrá-
setja krakkana i keppnir klukkan
13.30. Mótið var sett klukkan 14.00
og eftir setninguna hófst dagskrá
á palli.
í tilefni af Alþjóðaári æskunnar
fóru fram rokktónleikar þar sem
fram komu níu rokkhljómsveitir
ásamt Hljómsveit Birgis Gunn-
laugssonar og Bergþóru Árnadótt-
ur. Hljómsveitirnar sem komu
fram gáfu allar vinnu sína, en þær
eru: Með Nöktum, Twilight Toys,
Sverrir Stormsker, The Voice, F-
929, Aliter Theatrum, Fítus, No
Time og Jónas. Ennfremur flutti
Stúdentaleikhúsið söngva úr
Draumleik og Leikfélag Hafnar-
fjarðar flutti söngva úr „Rokk-
hjartað slær“. Er við Morg-
unblaðsmenn áttum leið um hjá
skemmtipallinum, voru þær stöll-
ur Bergþóra Árnadóttir og Elsa
Guðbjörg Björnsdóttir að flytja
lagið „Lífsbókin". Elsa flutti lagið
á táknmáli. Því næst kom
hljómsveit Birgis Gunnlaugssonar
og tók gamlar lummur eins og
Hókí póki, Krossa-klappa-heilsa-
snúa í hring, Rúgbrauð með rjóma
á og allir tóku hressilega undir og
stimi viðeigandi dansa.
I keppnisgreinum var keppt í
tveimur flokkum og tóku alls 880
krakkar þátt í þeim. Yngri flokkur
var 7, 8 og 9 ára börn og eldri
flokkur var 10, 11 og 12 ára börn.
Keppt var í níu greinum: halda
bolta á lofti, sippa, snú-snú, skjóta
bolta í mark, körfuhittni, labba á
grindverki, 100 metra hlaup,
kassabílarallý og skalla bolta í
mark.
Ungir sem aldnir tóku þátt í
fimmtar- og tugþraut og mæltust
þær vel fyrir hjá krökkunum jafnt
sem öfum, ömmum, pöbbum og
mömmum. Keppni þessi fór þann-
ig fram að hver og einn leysti
ýmsar þrautir sem boðið var upp á
og fékk fyrir það stimpil. Þraut-
irnar voru m.a. sigling á tjörninni,
frisbí, kraftakeppni, fjarstýrðir
bátar, vörubíllinn Dúi, júdó, fim-
leikar, kajakkeppni, naglhittni,
þrautabraut, refaveiðar, veiði-
keppni, bíll ársins, brandara-
keppni, happdrætti, málað. Úti-
grill var einnig til staðar þar sem
svangir mótsgestir keyptu sér
pylsu á 5 krónur og grilluðu sjálfir
yfir opnum útieldi. Þegar fimm
þrautir höfðu verið leystar var
veitt viðurkenning fyrir fimmtar-
þraut og fyrir tugþraut að tíu
loknum. Þrjú þúsund viðurkenn-
ingarspjöld voru veitt fyrir
fimmtarþraut og u.þ.b. 1.800 fyrir
tugþraut.
Benjamín Axel Árnason var
framkvæmdastjóri mótsins. Hann
sagði að aðsóknin væri nokkuðgóð
miðað við veður, en hún jafnaðist
ekkert á við aðsóknina í fyrrasum-
ar. „Ég býst við að í dag hafi kom-
ið 5-6.000 manns, en í fyrra komu
10-11.000 manns. Veðrið var dá-
samlegt í fyrra, glampandi sólskin
og hiti og í þannig veðri kemur
fólk í Hljómskálagarðinn þó svo
að þar sé ekkert um að vera. Það
sem við erum að reyna að gera er
að vera með samansafn af því sem
krakkarnir gera svo til daglega,
t.d. sippa, fara í snú-snú, hlaupa,
labba á grindverki o.s.frv. Til að
tengja þetta svo allt saman þannig
að ekki komi dauður tími inn á
milli erum við með fimmtar- og
tugþrautirnar þar sem fólk á öll-
um aldri getur tekið þátt í þeim á
hvaða tíma sem er.“
Benjamín sagði að hugmyndir
væru uppi um að tengja næsta
Reykjavíkurmót 200 ára afmæli
borgarinnar, sem verður 18. ágúst
á næsta ári og einnig væri hugs-
anlegt að láta mótið standa í tvo
daga, t.d. yfir helgi. Þá þyrfti frek-
ari aðstoð borgarinnar við upp-
setningu.
Hildur Lúthersdóttir var sigur-
veigari í að sippa, í eldri flokki.
Hún sagðist sippa oft heima hiá
sér með krökkunum í götunni. „Ég
æfi frjálsar íþróttir, aðallega
hlaup og langstökk og hef ég
nokkrar viðurkenningar heima
síðan á leikjanámskeiði í Fossvog-
inum.“
Vinirnir Hallur Dan og Jón
Már, báðir 5 ára, voru í langri bið-
röð þrautabrautarinnar þegar
blaðamaður hitti þá. „Við erum
búnir að fara í rólurnar og í bát-
Texti:
Jóhanna Ingvarsdóttir
Myndir:
Þorkell Þorkelsson
Framkvæmdastjóri mótsins, Benj-
araín Axel Árnason.
ana og fannst okkur það ofsalega
skemmtilegt. Pabbi kom með okk-
ur hingað i dag. Okkur langar líka
til að ganga á jafnvægisslánni,"
sögðu þeir vinirnir og þar með var
röðin komin að þeim að spreyta
sig.
Sigurður Valgeir Guðjónsson,
12 ára, sigraði í keppninni, hver
gæti haldið bolta á lofti lengst án
þess að snerta með höndum, í eldri
flokki. Hann sagðist vera KR-ing-
ur úr Skerjafirðinum og væri fót-
boltinn aðaláhugamálið hjá hon-
um. „Ég var 7 ára þegar ég byrjaði
í fótboltanum og spila nú hægri
kant með 5. flokki. Við erum
Reykjavíkurmeistarar utan- og
innanhúss og einnig erum við efst-
ir í íslandsmótinu."
í tjaldi á svæðinu var hægt að
gera útsölukaup á fatnaði. Þar var
Leikfélag Hafnarfjarðar á ferð
með alls kyns fatnað og skófatnað
og var hver flík seld á 50 krónur.
Helga Gestsdóttir, afgreiðslu-
dama á flóamarkaðnum, sagði að
hægt væri að gera fínustu kaup.
„Við erum að fara í leikför til
Mónakó í ágúst með „Rokkhjartað
slær“ og erum að safna okkur upp
í ferðina."
Reykjavíkurmei.starar á Reykjavík-
urmóti barnanna 1985
Snú-snú, yngri:
1. Sara Guðmundsdóttir
2. Edda María
Sigurður Valgeir Guðjónsson er úr KR og varð sigurvegari í að halda bolta á
lofti. Hann er 12 ára.
Vinirnir Halhir Dan og Jón Már voru búnir að fara í rólurnar og á bátana og
voru á leið í þrautabrautina.
Bergþóra Árnadóttir og Elsa Guðbjörg Björnsdóttir flytja hér saman lagið
„Lífsbókin". Elsa flutti lagið á táknmáli.
3. Kristín Sveinbjörnsdóttir
Snú-snú, eldri:
1. Snjólaug Birgisdóttir
2. Hildur Elvarsdóttir
3. Guðbjörg Brjánsdóttir
Labba á grindverki, yngri:
1. Rósalind Guðmundsdóttir
2. Gríma Axelsdóttir
3. Hilmar Harðarson
Labba á grindverki, eldri:
1. Elín Gunnarsdóttir
2. Sigrún Logadóttir
3. Snjólaug Birgisdóttir
Körfuhittni, eldri:
1. Davíð Stefánsson
2. -3. Halldór Jónsson,
Einar Páll Kjartansson,
Daði Sigurðsson
Körfuhittni, yngri:
1. Ólafur Tryggvi Brynjólfsson
2. ólafur Þór Gunnarsson
3. Höskuldur Hlynsson
Húlla, yngri:
1. Guðrún ösk Jóhannsdóttir
2. Gyða Hrund Jóhannesdóttir
3. Margrét Harðardóttir
llúlla, eldri:
1. Hildur Ruth Harðardóttir
2. íris Valsdóttir
3. Silvía Magnúsdóttir
Kassabflarallý yngri:
1. Jóhannes Bjarnason og Steinar
Bragi Jósepsson
2. Haukur Gunnlaugsson og
Kristján Kristinsson
3. Finnur Ingvason og
Kristín Ingvadóttir
Kassabflarallý, eldri:
1. Sigurgeir Þórðarson og
Rúnar Gíslason
2. Hafsteinn Hansson og
Helgi Már Bjarnason