Morgunblaðið - 16.08.1985, Blaðsíða 7
7
MORGUNBLAÐIÐ, FÖSTUDAGUR 16. ÁGÚST 1985
Alfreð Flóki sýnir
í Listmunahúsinu
Á morgun verður opnuð sýning á margar sýningar hér heima og er-
verkum Alfreðs Flóka i Listmuna- lendis. Sýningin er opin virka
húsinu, Uekjargötu 2. Á sýningunni daga frá 10—18, laugardaga og
eru um 40 teikningar unnar með sunnudaga frá 14—18, lokað er á
tússi, rauðkrít og litkrít. Myndirnar mánudögum.
eru flestar unnar á sl. tveim árum. Sýningin stendur til 1. septem-
Alfreð Flóki hefur haldið fjöl- ber.
Athugasemd frá
iðnaðarráðherra
Morgunblaðið heiðrar mig með
leiðaraskrifum t dag og þykir mér
mikið vænt um að blaðinu stendur
ekki á sama um mína hagi. En
Morgunblaðinu þyrfti að verða oft-
ar hugsað til mín. T.d. þegar blaða-
maður þess og varaformaður Nátt-
úruverndarráðs, Elín Pálmadóttir,
flennir út fréttir á baksíðu blaðsins
um málefni, sem Náttúruverndar-
ráð hlaut að halda í trúnaði þar til
andsvör höfðu borizt, ef það vildi
ekki hætta á að talið yrði auglýsing
og yfirborðsmennska.
En Morgunblaðið varð í þetta
skiptið fyrst með fréttirnar, eins og
fyrri daginn, og óska ég ykkur til
lukku með það og Elínu varafor-
mann.
Þegar unga stúlkan ykkar
hringdi til mín til Hafnar í Horna-
firði og sagði mér frá frétt blaðsins
kom ég af fjöllum. Enn jókst undr-
un mín þegar hún tjáði mér að sjón-
varpið hefði flutt um málið fréttir,
sem á hefði mátt skiljá að málið
væri afgreitt í Iðnaðarráðuneytinu.
Það var því heldur stutt í undirrit-
uðum, sem ég bið ykkur siðgæðis-
verði mína sjálfskipaða mikillega
að afsaka. En mest var það nú
vegna þess að ég kann ekki að meta
að verðleikum fréttamennskuna,
sem gamalgrónir og frægir frétta-
menn ykkar stunda með þessum
hætti.
Svo megið þið telja viðbrögð mín
tilefnislaus ef ykkur svo sýnist. Það
er hver fyrir sinn smekk eins og
svalan sagði þegar hún bauð Trítli
litla ánamaðkinn en hann vildi
ekki.
Og nú hefi ég lesið bréf Náttúru-
verndarráðs, sem stimplað er mót-
tekið í Iðnaðarráðuneytinu 13. ág-
úst, eða daginn eftir að ykkur
Morgunblaðsmönnum mun hafa
borizt það í hendur.
Þessu bréfi hefi ég nú svarað en
verð að biðja ykkur fyrirgefningar
á þeirri fastheldni á gamlan „ósið“
að ætla að sjá svo um að viðtakandi
bréfs míns, Náttúruverndarráð, fái
það í hendur á undan fjölmiðlum.
Ekki er að vita nema þið verðið
fyrstir með fréttirnar samt vegna
sérstöðu ykkar innandyra í ráðinu.
Mikið varð ég hissa á ummælum
hins hógværa formanns Náttúru-
verndarráðs, Eyþórs Einarssonar,
sem hann viðhefur við varaformann
sinn á 4. síðu Mogga í dag, þar sem
hann segir að það sé „mál ráðherr-
ans ef hann hefir ekki fengið bréf
okkar" áður en það er fengið í hend-
ur stærsta fjölmiðli í heimi miðað
við höfðatölu.
Gæti nú ekki verið að málið komi
póstburðinum eitthvað við? Ber að
skilja ummælin á þann veg að ég
hafi sýnt vanrækslu í starfi með því
að sitja þingflokksfund Sjálfstæðis-
flokksins á Höfn í Hornafirði f stað
þess að brjóta upp bréf I ráðuneyt-
inu? Hefði það þó ekki nægt vegna
þess að Iðnaðarráðuneytinu barst
bréf Náttúruverndarráðs 13. ágúst
sem fyrr segir, eða sama daginn og
fréttin birtist í Morgunblaðinu, en
öllum má ljóst vera að hún hefir
verið skrifuð mánudaginn 12. ágúst.
Ég kveð ykkur með vanalegri
vinsemd og veit að rúm verður gefið
í Morgunblaðinu á morgun fyrir
þetta stutta tilskrif.
Sverrir Hermannsson
Aths. ritstjóra:
Sverrir Hermannsson, iðnaðar-
ráðherra, bætir ekki fyrir ókurteisi
við formann Rannsóknarstöðvar
Náttúruverndarráðs við Mývatn
með því að veitast að varaformanni
Náttúruverndarráðs með ásökunum
um trúnaðarbrot. Morgunblaðið
vísar á bug staðhæfingum ráðherr-
ans, að Elín Pálmadóttir, blaða-
maður, misnoti aðstöðu sfna í Nátt-
úruvemdarráði í þágu blaðsins.
Öfug formerki
Athugasemd frá nokkrum
kórfélögum Pólýfónkórsins
ATHUGASEMD við frásögn af Ítalíuferd Pólýfónkórsins frá
nokkrum kórfélögum:
„Það hefur verið gaman að rifja upp Ítalíuævintýrið með
grcinargóðri frásögn Morgunblaðsins af hljómleikaferð okkar,
lausa við ýkjur, væmni og skrum, sem stundum einkennir slíkar
frásagnir.
Okkur finnst skjóta skökku við
í jafn látlausri og hógværri lýs-
ingu og H.H. blaðamaður viðhef-
ur, að hann skuli leggja sérstaka
áherzlu á þreytu flytjenda. Við
teljum að flutningurinn hafi alls
ekki verið með þreytumerkjum og
fullyrðum fyrir hönd félaga
okkar, þótt ferðalagið væri mjög
krefjandi, að engum dettur
þreyta í hug í sambandi við ferð-
ina, heldur aðeins gleði og þakk-
læti fyrir að fá að vera þátttak-
endur í jafnhrífandi listviðburði
og þeirri upphöfnu stemmningu,
sem stjórnandanum tókst að ná
fram. Ingólfur kann tökin á kórn-
um. Ekki aðeins hefur hann
óvenjulega þekkingu á manns-
röddinni og beitingu hennar,
heldur lag á að ná fram fegursta
hljómnum, jafnvel úr börkum,
sem virðast hásir, þegar byrjað
er að syngja. Ingólfur er alvarleg-
ur listamaður en hann hefur
næmt skopskyn og samlíkingar
hans eru oft hnyttnar og mark-
vissar og vekja kátínu á æfingum.
Þennan þátt í undirbúningi
geysivandasamra tónleika virðist
blaðamaðurinn ekki hafa skilið,
og þá er ekki von að ókunnir les-
endur skilji túlkun hans á tækni-
legum aðferðum stjórnandans við
að undirbúa hljómleikana. Hjá
honum gildir sú regla að fá söng-
fólkið til að syngja án nokkurrar
áreynslu á raddirnar og losna þann-
ig við þreytuna. Þess vegna varð
söngur kórsins betri og betri við
hverja endurtekningu. Án þessa
sérstaka hæfileika Ingólfs Guð-
brandssonar hefði risið á þessum
eftirminnilegu hljómleikum ekki
orðið jafnhátt og flutningurinn
hlotið jafnlofleg ummæli og raun
bar vitni.“
Morgunblaðið/Sig.Jóns.
Bjarni Kristinsson á Brautar-
hóli í Biskupstungum með buff-
tómat í annarri hendi og venju-
legan tómat í hinni.
Bufftómat-
arnir verða
risastórir
Selfossi, 13. ágúst.
BJARNI Kristinsson á Brautar-
hóli í Biskupstungum ræktar
óvenjulega tegund tómata, svo-
kallaða bufftómata sem eru mun
stærri en þeir tómatar sem menn
eiga að venjast. Fréttaritari
Morgunblaðsins hitti Bjarna á
dögunum og þá sýndi hann mun-
inn á þessum tómötum og venju-
legum tómötum. Bufftómaturinn
sem Bjarni heldur á á myndinni
er 730 grömm en hann hefur
fengið tómat af þessari gerð sem
hefur vegið 780 grömm. Sig. Jóns.
sem smyrja vel!
OLÍS stöðin Klöpp v/Skúlagötu OLÍS stöðin Knarrarvogi
Við smyrjum allar gerðir bíla.
Bjóðum olíuskipti og eigum mikið úrval af smursíum.
Leggjum áherslu á fjölbreytta og vandaða þjónustu.
Rennið við, - sannreynið það.
Klöpp v/Skúlagötu og Knarrarvogi
Opið mánudaga til föstudaga kl. 8-18.
i