Morgunblaðið - 16.08.1985, Qupperneq 18
18
MORGUNBLAÐIÐ, FOSTUDAGUR 16. ÁGÚST 1985
Norðurlandamótið í skák:
Úrslitakeppnin
fer fram íNoregi
Skák
Margeir Pétursson
l'KIR Jóhann Hjartarson, Helgi
Ólafsson og Norðmaðurinn Simen
Agdestein munu tefla úrslita-
keppnina um Norðurlandameist-
aratitilinn í skák í nóvember næst-
komandi. Fer keppnin fram f Gjö-
vik, þar sem Norðurlandamótið
sjálft var haldið í júlí. Þar sem
Norðmenn héldu mótið sjálft áttu
þeir einnig rétt á að halda auka-
keppnina og vildu ekki láta hana
af hendi þó Skáksamband fslands
hafi boðist til að standa fyrir
henni. Þó þeir Jóhann, Helgi og
Agdestein séu nú allir alþjóðlegir
meistarar á pappírnum má telja
næsta víst að það verði þrír stór-
meistarar sem berjist í aukakeppn-
inni, því þess er að vænta að Al-
þjóðaskáksambandið sæmi þá alla
formlega stórmeistaratitlinum á
þingi sínu síðar í þessum mánuði.
Þeir Jóhann og Agdestein
náðu einmitt siðasta áfanga sín-
um að þessum eftirsótta titli á
Norðurlandamótinu i Gjðvik,
þar sem þeir urðu efstir með
átta vinninga ásamt Helga. Jó-
hann byrjaði mjög vel, vann
þrjár fyrstu skákirnar og tefldi
af miklu öryggi allt til loka
mótsins. Hann vann tvær skákir
til viðbótar og gerði sex jafntefli.
Helgi fór einnig vel af stað, en
tap fyrir Agdestein setti strik i
reikninginn. Með því að vinna
tvær síðustu skákirnar komst
Helgi þó í efsta sætið. Agdestein
tapaði í fyrstu umferð fyrir Dan-
anum Curt Hansen, en tók síðan
gifurlegan sprett, fékk sjö vinn-
inga úr næstu átta skákum og
var einn efstur. Heimamenn
voru næstum farnir að hrósa
sigri, en Agdestein slakaði á í
lokin, tvö jafntefli í síðustu um-
ferðunum urðu þess valdandi að
þeir Helgi og Jóhann komust
upp að hlið hans.
Frábær árangur hjá þeim Jó-
hanni og Helga og gríðarleg
framför frá tveimur síðustu
Norðurlandamótum, þegar ís-
lensku þátttakendurnir komust
vart nálægt toppnum. íslending-
ur hefur ekki unnið Norður-
landameistaratitilinn siðan 1971
þegar mótið var haldið hér í
Reykjavík. Þá sigraði Friðrik
Ólafsson með yfirburðum. Síðan
þá hafa Danir, Svíar og Norð-
menn unnið titilinn til skiptis.
Úrslit í landsliðsflokki urðu
þessi:
1.—3. Agdestein, Helgi ólafs-
son og Jóhann Hjartarson 8 v. af
11 mögulegum.
4. Hansen (Danmörku) 7 v.
5. Helmers (Noregi) 6V4 v.
6. Yrjölá (Finnlandi) 5*A v.
7. Schússler (Svíþjóð) 5 v.
8. Wiedenkeller (Svíþjóð) 4*A v.
9. —10. Máki (Finnlandi og
0st-Hansen (Danmörku) 4 v.
11. Westerinen (Finnlandi) 3'A
v.
12. Hansen, J. Chr. (Færeyjum)
2 v.
Curt Hansen (Norðurlanda-
meistari 1983) og Knut Helmers
(Norðurlandameistari 1981)
náðu ekki að blanda sér i topp-
baráttuna. Schússler er einn af
mörgum efnilegum Svium sem
komu fram fyrir u.þ.b. tíu árum,
en stöðnun virðist nú hrjá flesta
þeirra. Ein sennilegasta skýring-
Helgi Olafsson halaði drjúgt inn
með drottningarindversku vörn-
inni.
in á þessu er að sænska skák-
sambandið heldur engin mót
fyrir sína beztu menn og gerir
ekkert til að koma þeim á fram-
færi.
Hinn 81 árs gamli sænski
stórmeistari, Erik Lundin, sigr-
aði í meistaraflokki með yfir-
burðum, hlaut 7V4 vinning, en
næsti maður, Norðmaðurinn
Grotnes hlaut 6VV vinning. Ás-
kell Örn Kárason frá Akureyri
var mjög framarlega í flokknum
lengst af, en tap fyrir sænska
öldungnum í næstsíðustu umferð
eyðilagði möguleika. Tólf ára
piltur frá Reykjavík, Þröstur
Árnason, vakti athygli fyrir
góða taflmennsku og náði 4VV
vinning. Tómas Björnsson hlaut
fióra vinninga og Jóhannes
Agústsson þrjá og hálfan.
Svíinn Frank Svensson sigraði
í Almennum flokki A. Jón Þór
Bergþórsson og Einar T. Óskars-
son hlutu 4‘A vinning eða 50%
og Magnús Sigurjónsson hlaut
fjóra vinninga.
Það kom sér vel fyrir Helga
ólafsson að vera öllum hnútum
kunnugur í drottningarind-
versku vörninni, en hún er
ásamt Sikileyjarvörninni al-
gengasta byrjunin nú á dögum.
Helgi vann þrjár skákir á svart
Jóhann Hjartarson náði síðasta
áfanga að stórmeistaratitli á Norð-
urlandamótinu.
með þessa byrjun og gegn þeim
Wiedenkeller og Yrjölá náði
hann yfirburðastöðu strax i
byrjuninni:
Hvítt: Yrjölá jFinnlandi)
Svart: Helgi Ólafsson
Drottningarindver.sk vörn
1. d4 — Rf6, 2. c4 — e6, 3. Rf3 —
b6, 4. g3 — Ba6, 5. b3 — Bb4, 6.
Bd2 — Be7, 7. Bg2
Skákin Wiedenkeller—Helgi
tefldist þannig: 7. Rc3 — 0—0, 8.
e4 — Bb7, 9. Bd3 —d5, 10. e5?
(10. cxd5 — exd5, 11. e5 er mun
betra) Re4, 11. De2 — Rxd2, 12.
Rxd2 — dxc4, 13. Be4 — c6! 14.
Rf3 - cxb3,15. axb3 - Rd7,16.
h4?! - f5, 17. exf6 - Rxf6, 18.
0-0-0?! Bb4! 19. Ra2 - Ba3+,
20. Kc2 - Rxe4, 21. Dxe4 - Dd5,
22. Dxd5 - exd5, 23. Hd3 - Bc8,
24. Kc3 - Bf5, 25. He3 - Be4 og
hvítur gafst upp.
7. — c6, 8. Bc3 — d5, 9. Re5 —
Rfd7, 10. Rxd7 — Rxd7, 11. Rd2
— 0—0,12. 0—0 — Hc8,13. e4 —
dxe4!
Betra en 13... b5, 14. Hel —
dxc4, 15. bxc4 — Rb6 (Kaspar-
ov-Karpov, 6. einvígisskákin) og
nú hefði hvítur getað náð yfir-
höndinni með 16. c5!
14. Rxe4?!
Eftir þennan eðlilega leik nær
Simen Agdestein er síðasta Ijónið
á vegi íslensks Norðurlandameist-
ara.
svartur frumkvæðinu. Betra var
því 14. Bxe4.
14. — b5, 15. cxb5 — cxb5, 16. b4?
Vegna staka peðsins á d4 er
hvíta staðan lakari, en þetta ger-
ir illt verra.
Bb7, 17. Rc5 — Bxg2, 18. Kxg2 —
Rb6!, 19. Db3 — Dd6, 20. Hfdl -
Dc6, 21. Kgl — Ilfd8, 22. Bb2 -
h5, 23. a4?!
Örvæntingarfull tilraun til að
létta á stöðunni.
23. — bxa4, 24. Rxa4 — Dc2!, 25.
Hd3
25. - Bxb4!
Vinnur peð og skákina.
26. Rxb6 — axb6, 27. Dxc2 —
Hxc2, 28. Hb3 — Ba5, 29. Hbl —
Hd5! 30. Kg2 — Hf5, 31. Hf3 —
Hb5 og hvítur gafst upp.
Skrúðgarðar í Rangár-
vallasýslu verðlaunaðir
Selfoom, 13. igúrt.
Samband sunnlenskra kvenna
veitti í gær, sunnudaginn 12. ágúst,
verðlaun fyrir skrúðgarða. Verðlaun-
in voru veitt í hófi sem haldið var í
félagsheimili sambandsins, Selinu á
Selfossi. Fyrstu verðlaun að þessu
sinni hlaut garður Olgu Stefánsdótt-
ur Hjarðartúni Hvolhreppi.
Garðyrkjuverðlaun SSK eru
veitt úr minningarsjóði um Rögnu
Sigurðardóttur frá Kjarri í ölfusi
sem lést 1980, en hún var mikill
frumkvöðull ræktunar í sveitum
og þéttbýli. í reglum sjóðsins segir
að hlutverk hans sé að veita viður-
kenningu þeim einstaklingum á
sambandssvæði SSK sem skara
fram úr í matjurta- og skrúð-
garðaræktun.
Þetta er þriðja árið sem verð-
launaveiting fer fram. Fyrsta árið
voru veitt verðalun fyrir mat-
jurtaræktun í Rangárvallasýslu
annað árið fyrir matjurtaræktun í
Morgunblaðið/Sig.Júl.
Eigendur garðanna í Rangárvallasýslu sem hlutu viðurkenningu. Guðrún Olga Stefánsdóttir, Hjarðartúni, Hvols-
hreppi, Rosmary Vilhjálmsdóttir, Lyngási 3, Holtahreppi, Guðný Valberg, Þorvaldseyri, A-Landeyjum, Guðný Geirs-
dóttir, Smáratúni, Fljótshlíð og Lára Kristjánsdóttir, Ashóli, Ásahreppi. Þær munu taka vel á móti gestum og sýna
garða sína um næstu helgi, 17.—18. ágúst.
Árnessýslu og nú fyrir skrúðgarð í
Rangárvallasýslu. Næsta ár verða
veitt verðlaun fyrir skrúðgarða-
rækt í Árnessýslu.
Fyrstu verðlaun hlaut garður
Olgu Stefánsdóttur að Hjartar-
túni í Hvolhreppi. Fjórir aðrir
garðar hlutu viðurkenningu, garð-
ur Guðnýjar Valberg að Þorvalds-
eyri A-Eyjafjöllum, garðurinn að
Smáratúni í Fljótshlíð hjá Guð-
nýju Geirsdóttur, að Lyngási 3 í
Holtahreppi hjá Rosmary Vil-
hjálmsdóttur og garður Láru
Kristjánsdóttur að Áshóli í Ása-
hreppi.
Þessir 5 garðar verða til sýnis
um næstu helgi 17—18. ágúst.
í kaffisamsæti sem haldið var
af þessu tilefni kom fram að verð-
launaveitingarnar hafa verið mik-
il hvatning fyrir konur að takast á
við ræktun. Halla Aðalsteinsdótt-
ir formaður SSK sagði m.a. að slfk
hvatning væri einmitt i anda
Rögnu frá Kjarri, sem var óþreyt-
andi við að hvetja fólk til dáða í
þessu efni.
Dómnefndin sem valdi verð-
launagarðana í Rangárvallasýslu
var skipuð konum úr Árnessýslu
og þær sögðust hvetja alla til að
fara og skoða garðana sem allir
væru vel þess virði og sumir
hreint afrek.
Sig. Jóns.
„Mér fínnst allar
plöntur fallegar“
Selfowti 13. igúsL
„Ég er auðvitað alveg himinlif-
andi með þessi verðlaun, það er
ómögulegt að segja annað,“ sagði
Guðrún Olga Stefánsdóttir frá
Hjartartúni, Hvolhreppi, sem hlaut
fyrstu verðlaun fyrir skrúðgarð
sinn.
Hún sagði að garðurinn væri
20 ára gamall og væri á flat-
lendi, sem væri opið fyrir verstu
og köldustu vindáttunum. „Þetta
hefur verið sífelld barátta við að
halda lífi í jurtunum þar til
hrfslurnar í skjólbeltunum urðu
stærri og fóru að skýla gróðrin-
um,“ sagði Guðrún og nefndi að
hún hefði fengið mörg ráð um
hvernig best væri að haga rækt-
uninni en vindurinn hefði stund-
um gert þau ráð að engu á einni
nóttu.
„Ég eyði miklum tíma í garð-
inn. Þetta er fullt starf fyrir
eina manneskju. Ég geri mest af
því að þrífa garðinn það er með
hann eins og annað hjá manni að
þetta passar sig ekki sjálft og
það verður að hugsa um þetta
svo það líti vel út.
Ég held að garðræktin sé
smitandi og maður skilur ekkert
í þeim sem ekki hafa áhuga á að
hafa snyrtilegt í kringum húsin
hjá sér,“ sagði Guðrún og bætti
við að það væri auðvelt að
gleyma sér við garðyrkjustörfin.
Aðspurð um uppáhaldsplöntur
sagði Guðrún: „Eg held upp á
allt mögulegt og geri ekki upp á
milli. Mér finnast allar plöntur
fallegar.“
Sig. Jóns.