Morgunblaðið - 16.08.1985, Blaðsíða 28
MORffUNRLAÐIÐ, POSTUDAGUR16, ÁGÚST1988
* 2»
Stórgott í Laxárdal
„ÞAÐ stefnir í algert met ef það
er ekki þegar í höfn, ég þarf að
kynna mér það nánar, en nú eru
komnir 1.350 silungar á land, 35
sentimetra langir eða stærri.
Auk þess er geysimikið af undir-
málsfiski sem ber að sleppa aft-
ur, flestir veiða mikið af slíkum
fiski í bland við þá stærri og út-
koman er mjög lífleg veiði, sagði
Halla Bergsteinsdóttir ráðskona
í veiðihúsinu við Laxá i Laxárdal
í Þingeyjarsýslu í samtali við
Morgunblaðið.
Halla sagði að yfirmálsfiskur-
inn væri yfirleitt 2—3 pund að
þyngd, en að þessu sinni vantaði
verulega 4—5 punda fiskana þó
nokkrir slíkir hefðu veiðst.
Stærsti fiskurinn til þessa vóg
6,5 pund, en hann veiddi Gunnar
Rafn Jónsson í Ferjuflóa á öfug-
an Þingeying. Hér er eingöngu
um fluguveiði að ræða og sagði
Halla Þingeying og Blach Ghost
koma best út er á heildina væri
litið, veiðimaður á staðnum sem
einnig var rætt við bætti við að
Black Sheep væri vinsæl um
þessar mundir. Veiði hefur geng-
ið þokkalega að undanförnu, en
slýrek truflar menn dálítið.
Enn góð veiði
í Mývatnssveit
„Það er aðeins farið að hægja
á þessu hjá okkur, en þó er al-
gengt að menn fái svona 2—5 yf-
irmálsfiska á dag og talsvert af
smærri urriðanum, en fáir ná
öllum kvótanum. Þess ber þó að
geta, að það hafa verið ókunnug-
ir menn í ánni að undanförnu,
kunnugir menn eru nú að byrja
að koma aftur og maður finnur
strax að þeir fá meiri afla," sagði
Hólmfríður Jónsdóttir, veiði-
vörður við Laxá í Mývatnssveit,
efra svæði urriðaveiðanna.
Hólmfríður sagði um 3.000 yf-
irmálsfiska komna á land og
veiðin væri fyrir löngu komin
langt fram úr björtustu áætlun-
um, „metið hér var svona 1.800
silungar yfir sumarið. í Laxár-
dalnum er einnig um met að
ræða, þar hafa veiðst þetta
Frá vatnasvæði Lýsu, útfallið úr Torfavatni. Heldur dræm veiði hefur
verið á þessum slóðum, glefsur hafa þó komið þegar ský hefur dregið
fyrir sólu eða önnur tilbrigði í veðrinu hafa skapað fjölbreytni. Talsvert af
fiski er gengið í vötnin og lækina, bæði lax og bleikja, auk þess sem
heimalningsurriði er þarna einnig á ferðinni.
6—800 fiskar mörg síðustu
sumrin, en eru nú hátt í 1.400,“
sagði Hólmfríður. Stærsti urrið-
inn í sumar veiddist 29. júlí,
Rögnvaldur Ingólfsson veiddi
hann, 13 punda hrygnu, á Haga-
tá í Geldingaey á Þingeying,
straumflugu nr. 2/0. Fiskurinn
var 75 sentimetrar á lengd, 50
sentimetrar í ummál við bak-
ugga. Var Rögnvaldur klukku-
stund að glíma við ferlíkið. Á
mánudag veiddist sá næst-
stærsti, Jón Helgi Jónsson veiddi
þá rúmlega 7 punda fisk í Langa-
virki í Geldingaey og er skammt
á milli veiðistaðanna tveggja.
Besta flugan í sumar hefur
verið Þingeyingur, skammt á
eftir koma Micky Finn og Black
Ghost, allt straumflugur, en þeg-
ar menn hafa snúið sér að
smærri flugum hafa Black Zulu
og Peter Ross reynst skæðastar.
Þá sagði Hólmfríður brögð hafa
verið að því að menn reyndu
þurrflugur þegar þannig hefði
viðrað, „einn og einn hefur veitt
vel á þessar flugur," sagði
Hólmfríður.
Þorskafli togara í júlí:
Nær 50 % meiri en
sama mánuð í fyrra
ÞORSKAFLl landsmanna um síðustu mánaðamót var tæplega 51.000 lestum
meiri en á sama tíma í fyrra. í júlí var þorskafli togara nær 50% meiri en í
sama mánuði í fyrra. Annar botnfiskafli það, sem af er árinu, er rúmum
34.000 lestum minni en í fyrra og aflinn samtals 77.310 lestum minni. Munar
þar mest um loðnuaflann, sem var 93.113 lestum meiri í fyrra. Erlendis hefur
nú alls verið landað 52.465 lestum en 34.971 á sama tíma í fyrra. Af
þorskkvótanum eru eftir um 60.000 lestir.
Þorskafli báta í júlímánuði var
10.627 lestir, en 8.109 i sama mán-
uði í fyrra. Annar botnfiskafli nú
var 7.445 lestir á móti 8.833 i
fyrra. Heildarafli bátanna nam
'22.395 lestum nú en 21.006 sama
timabil á siðasta ári. Afli annarra
tegunda en botnfisks var svipaður
nú og í fyrra.
Þorskafli togara í júlí var nær
50% meiri en í fyrra, 31.636 lestir
á móti 21.582. Annar botnfiskafli
togaranna var nú 15.304 lestir en
17.398 í fyrra. Heildarafli togar-
anna var því 7.960 lestum meiri
nú.
Samtals var afli báta og togara
í júlímánuði 69.335 lestir á móti
59.986 í sama mánuði í fyrra.
Það sem af er árinu er þorskafli
bátanna 123.591 lest, en á sama
tíma í fyrra var hann 96.892 lestir.
Annar botnfiskafli bátanna nú er
58.916 lestir, 6.471 lest minni en í
fyrra. Loðnuafli bátanna nú er
93.113 lestum minni nú og er
heildaraflinn samtals 73.579 lest-
um minni.
Þorskafli togara þetta tímabil
er 103.472 lestir en var í fyrra
79.268. Annar botnfiskafli er
101.540 lestir, 27.935 lestum minni
en í fyrra. Heildarafli togaranna
er því 3.731 lest minni nú en í
fyrra.
Alls nemur þorskaflinn það sem
af er árinu 227.063 lestum á móti
176.160 lestum sama tímabil í
fyrra. Annar botnfiskafli er nú
160.456 lestir á móti 194.862 lest-
um á síðasta ári. Loðnuaflinn var
344.572 lestir þetta tímabil en
437.685 í fyrra. Heildaraflinn var
752.936 lestir en 830.346 á síðasta
ári.
Tölur þessar eru frá Fiskifélagi
íslands og eru aðeins til bráða-
birgða. Þær miðast við afla kom-
inn á land frá áramótum til júlí-
loka bæði árin, 1984 og 1985.
Uppboð á
ýmsum lausa-
fjármunum
féll niður
„Á UPPBOÐINU var ekki
seldur einn einasti hlutur af
þeim sem auglýstur var í fjöl-
miðlum í síðustu víku, að
færi á nauðungaruppboð,“
sagði Jónas Gústavsson
borgarfógeti þegar blaða-
maður innti hann eftir nauð-
ungaruppboði á ýmsum
lausafjármunum sem halda
átti að kröfu Gjaldheimtunn-
ar og fleiri aðila á miðviku-
dag í dómssal borgarfógeta-
embættisins.
Að sögn Jónasar var hér um að
ræða stærri gripi, svo sem prent-
vélar og báta, sem erfitt er að
bjóða upp á almennu lausafjár-
uppboði í Tollhúsinu. „Það á ef-
laust sinn þátt í þvi að ekkert var
selt í morgun. Margs konar at-
vinnurekstur byggir á þeim og án
efa hafa skuldarar greitt sínar
skuldir eða samið hefur verið um
greiðslur. Einnig mættu sumir
þeirra lögmanna sem áttu kröfu-
rétt í nokkra hluti ekki og féllu
nokkrir gripir þannig sjálfkrafa
af uppboðslistanum."
Jónas sagði það algengt að
ekkert yrði af lausafjáruppboði,
sér í lagi þar sem um væri að
ræða stærri hluti til atvinnu-
rekstrar eða svipaðra nota því í
þannig málum, legðu skuldarar
sig fram við að ná samningum
við kröfuhafa.
Meðal þess sem bjóða átti upp
í gær var sýningarétturinn á
kvikmyndinni um Jón Odd og Jón
Bjarna, en ekkert varð af þeirri
sölu og sagði Jónas að rétturinn
hafi í raun ekki átt heima á
þessu uppboði því eins og fyrr
greinir hafi einungis staðið til að
bjóða upp þá lausafjármuni sem
erfitt væri að flytja á almennt
uppboð í Tollhúsinu.
Alaskalúpína:
Fræsöfnun í Heiðmörk,
.Skorradal og Haukadal
Morgunblaöið/SiK. Jóns.
Erlingur Ingvarsson, Þorlákur Helgason og Helgi Bergmann Sigurðsson
forsvarsmenn teiknistofunnar Hannar.
Teiknistofan Hönn
opnuð á Seifossi
MORGUNBLAÐINU hefur borist eft-
irfarandi fréttatilkynning frá starfs-
hóp um alaskalúpínu:
„Nú um helgina stendur starfs-
hópur um alaskalúpínu fyrir fræ-
söfnun í Heiðmörk, í Skorradal og í
Haukadal. Tilgangurinn með fræ-
söfnuninni beinist einkum að
tvennu:
í fyrsta lagi að safna fræi til sán-
ingar í fræakra Landgræðslu ríkis-
ins í Gunnarsholti og auðvelda
þannig frætöku með vélum.
í öðru lagi að safna fræi til til-
raunastarfsemi og kynbóta á lúp-
ínu.
Það var árið 1945 sem Hákon
Bjarnason fyrrverandi skógræktar-
stjóri flutti inn fræ af aiaskalúpínu.
Fljótt kom í ljós að þessi harðgerða
og þroskamikla jurt vex mjög vel
við íslensk vaxtarskilyrði.
Alaskalúpínan er belgjurt og á
rótum hennar lifa gerlar sem fram-
leiða köfnunarefni úr lofti. Lúpínan
nær mikilli uppskeru án áburðar-
gjafar því auk niturnámsins hefur
hún mikla hæfileika til að losa nær-
ingarefni úr jarðvegi.
Lúpínan er landnámsplanta í
upphaflegum heimkynnum sínum.
Þar hverfur hún verulega að vissu
árabili liðnu en skilur eftir sig al-
gróið land. Lúpínan hefur þegar
sannað gildi sitt sem ódýr og var-
anleg leið til uppgræðslu mela,
holta og kyrra sanda.
Lúpínan getur valdið byltingu í
hefðbundnum landbúnaði ef ræktuð
eru með kynbótum úr henni svo-
kölluð alkaloidefni sem takmarka
sem stendur nýtingu hennar til fóð-
urs. Þær takmörkuðu rannsóknir
sem gerðar hafa verið sýna að upp-
skeran er mikil en tilkostnaður
sáralítill. Lúpínan er með allra
fyrstu plöntum til að vori og heldur
hún næringargildi langt fram á
haust.
Lömb sem gengu í tilraun með
haustbeit á einærar alkaloidlausar
lúpínur í Gunnarsholti þyngdust yf-
ir 400 g á dag. Kostnaður við rækt-
un einærrar lúpínu er hins vegar
mikill enn sem komið er. Mikil eft-
irspurn er nú þegar eftir fræi af
ókynbættri lúpínu til uppgræðslu
en framboð er lítið sem ekkert. Fræ
af alaskalúpínu er hvergi til á
markaði erlendis.
Strætisvagnar Reykjavíkur
munu aka sjálfboðaliðum upp í
Heiðmörk á laugardag og sunnudag
kl. 10.00 frá Rauðarárstíg um
Skiptistöðina í Kópavogi kl. 10.15
og til baka kl. 16.00.
Fjölskyldufólk er hvatt til að
koma á eigin bílum og leggja þessu
málefni lið og njóta um leið útivist-
ar. Er fólki bent á að taka með sér
nesti og að vera vel búið til handa
og fóta, því þó að óskað hafi verið
eftir góðu veðri, er engu hægt að
lofa.“
Selfoíwi, 12. áffúst-
NÝ TEIKNISTOFA var formlega
opnuð á Selfossi sunnudaginn 11.
ágúst. Teiknistofan ber nafniö Hönn
og er til húsa á Austurvegi 44.
Að teiknistofunni standa Helgi
Bergmann Sigurðsson arkitekt,
Erlingur Ingvarsson tæknifræð-
ingur og Þorlákur Helgason hag-
fræðingur.
Teiknistofan mun taka að sér
skipulagsvinnu, hönnun húsa og
breytingar á húsum ásamt tilboðs-
gerð fyrir verktaka.
Að sögn þeirra félaga er nokkuð
um að arkitektastofur og verk-
fræðistofur í Reykjavík starfi sem
byggingafulltrúar minni sveitar-
félaga. Þetta telja þeir að sé auð-
veldara að vinna frá Selfossi og að
hægt sé að færa alla hönnunar-
vinnu austur fyrir fjall þannig að
ekki þurfi að leita annað með
slíkt. Sig. Jóns.