Morgunblaðið - 07.11.1985, Page 64

BTT HORT AilS SHAAR
KEILUSALURIMW
OPINM 1000-00.30
FIMMTUDAGUR 7. NÓVEMBER 1985
VERÐ í LAUSASÖLU 35 KR.
Halldór Ásgrímsson:
Þorskaflamarkið
verði aukið um 10%
SJÁVARÚTVEGSRÁÐHERRA, Halldór Ásgrímsson, sagði á aðalfundi LÍÍ!
f gær, að hann teldi rétt að hækka þorskaflamarkiö um 10% í næsta ári.
Það er úr 207.000 lestum á þessu ári f 293.700 lestir, en aflamark annarra
botnfisktegunda yrði svipað á næsta ári og þessu. Áætlaður þorskafli á þessu
ári er allt að 320.000 lestum og miðað við sveigjanleika í veiðistjórnuninni
gæti aflinn á næsta ári orðið um 350.000 lestir.
Halldór sagði, að sveigjanleiki
sem fælist í 10% millifærsluheim-
ild, sóknarmarki og millifærslu-
heimild milli ára myndi verða til
þess, að afli gæti aukizt milli ára,
ef fiskigengd leyfði. í apríl fengj-
ust síðan nýjar upplýsingar um
ástand stofnanna og að þeim
fengnum væri rétt að endurmeta
fyrri ákvarðanir. Hann sagði, að
við veiðistjómunina yrði að halda
áfram viðmiðun við aflamark með
vali um sóknarmark, ætti að ná
fram nauðsynlegum markmiðum
við veiðistjórnunina. Skiptar skoð-
anir væru um þetta mál, en hann
teldi þessa leið eins konar mála-
miðlun, sem takmarkaði sókn og
heildarafla með sanngjörnum
hætti.
Sjá í miðopnu ræðu Kristjáns
Ragnarssonar formanns LIÚ og
fréttir á bls. 4.
Klakkur VE fékk á sig brot f Norðursjó:
„Heilt fjall af sjó
skall á skipinuu
Vestmannaeyjum, 6. nóvember.
ÞETTA var enginn venjulegur brot-
sjór heldur heilt fjall, sem skall á
okkur bakborðsmegin. Sjórinn braut
þrjá glugga þeim megin í brúnni og
flæddi um hana alla, svo við stóðum
í sjó upp undir hendur,“ sagði Har-
aldur Benediktsson, skipstjóri á
skuttogaranum Klakk frá Vest-
mannaeyjum, sem fékk á sig slæman
brotsjó f Norðursjónum um klukkan
hálftíu f morgun. Versta veður var í
Norðursjónum þegar þetta gerðist,
norðaustan 10-12 vindstig og stór-
sjór. Engin slys urðu á mönnum.
Klakkur var að koma úr söluferð
til Bremerhaven í Þýskalandi
þegar óhappið varð. Skipið var á
leið þangað aftur þegar fréttarit-
ari Morgunblaðsins náði talstöðv-
arsambandi við togarann síðdegis
f dag. Haraldur skipstjóri sagði
að sjórinn hefði flætt i gegnum
brúna og sprengt út dyrnar stjórn-
borðsmegin. Sjór fór niður um allt
skip — í íbúðir skipverja og mat-
sal. Haraldur sagðist ekki treysta
sér til að meta hversu mikið tjón
hefði hlotist af þessu áfalli en sjór
hefði þó farið í einhver tæki í
brúnni, ljóskastari ofan á henni
hefði skolast af og stjórnborð fyrir
krana frammá hefði rifnað upp.
Skemmdir á skipinu verða kann-
aðar í Bremerhaven þegar Klakkur
kemur þangað seint í kvöld.
Þvi má bæta við, að i dag er liðið
nákvæmlega eitt ár siðan sama
skip varð fyrir stórtjóni i Þýska-
landi. 6. nóvember 1984 valt Klakk-
ur á hliðina þegar verið var að
sjósetja skipið i slipp í Cuxhaven.
- hkj.
Morgunbladid/PriAþjófur
Snjór og knattspyrna
Fram og Rapid Wien léku i annarri umferð Evrópukeppni bikarhafa
á Laugardalsvelli í gær. Vegna hálkunnar á vellinumog kuldans sáust
mörg spaugileg atvik. Hér sést eitt þeirra en það eru Orn Valdimars-
son og einn leikmanna Rapid sem hér eigast við. Hvor hefur betur
er ekki gott að segja en hægt er að lesa allt um leikinn á blaðsiðum
61,62 og 63 f dag.
Niðurstöður nefndan
Matsstofnun
taki viö af
Fasteignamati
NEFND, sem félagsmálaráðherra,
Alexander Stefánsson, skipaði til að
gera tillögur um nýja skipan í mats-
kerfi fasteigna skilar tillögum sínum
tii ráðherra f dag. Samkvæmt heim-
ildum Morgunblaðsins gerir nefndin
það m.a. að tillögu sinni, að Fast-
eignamat ríkisins verði lagt niður í
núverandi mynd. Sett verði á stofn
Matsstofnun íslands, sem auk þess
að annast fasteignamat taki að sér
brunabótamat fasteigna.
Nefndin gerir ráð fyrir fimm ára
aðlögunartíma þessara breytinga,
en að strax verði skipuð ný stjórn
Fasteignamats ríkisins, jafnhliða
þvf sem umdæmum brunabóta-
mats verði fækkað úr u.þ.b. 400 í
60—70, þ.e. umdæmi sýslna og
kaupstaða i stað hreppa, eins og
nú er. Hin nýja stjórn Fasteigna-
mats skal skipuð fulltrúum not-
enda.
Tillögur nefndarinnar gera ráð
fyrir að með því að koma fast-
eignamati og brunabótamati undir
eina stofnun sparist umtalsverðir
fjármunir og meira samræmi náist
í matsgjörðum.
Nefndin var skipuð 9. ágúst 1983
og henni falið að endurskoða og
gera tillögur að nýju kerfi fast-
eigna- og brunabótamats. í nefnd-
inni eiga sæti: Pétur Stefánsson
formaður, Garðar Sigurgeirsson,
Guttormur Sigurbjörnsson, Héð-
inn Emilsson, Ingi R. Helgason og
Kristinn ó. Guðmundsson.
Gæzlufanginn var ný-
lega dæmdur fyrir okur
Tók sér 203% ársvexti og var dæmdur í 245 þúsund króna sekt
MAÐURINN, sem situr í gæsluvarð-
haldi vegna meintrar okurstarfsemi,
var f sumar dæmdur fyrir okur í
Sakadómi Kópavogs. Hann var
dæmdur í 245 þúsund króna sekt, eða
sæta 8 mánaða fangelsisvist verði
sektin ekki greidd innan tiltekins
tíma. Tveir menn, sem gæslufanginn
á sínum tíma lánaði fé gegn okurvöxt-
um, kærðu og í framhaldi af því fór
fram opinber rannsókn og síðan var
gefin út opinber ákæra. Fram kom í
málinu, að gæslufanginn tók sér 61
þúsund krónur í vexti umfram löglega
Rætt um Rainbow-málið á fundi með Shultz:
hámarksvexti, eða 203% ársvexti.
Hann var sektaður fyrir andvirði fjór-
falds ólögmæts ágóða af lánunum.
Þá tengdist gæslufanginn um-
fangsmesta hasssmygli, sem upp
hefur komið hér á landi. í október
1983 handtóku tollverðir skipverja
á togaranum Karlsefni með 11,3
kiló af hassi. Hassið var keypt i
Þýzkalandi og skipverjinn fenginn
til þess að smygla því til íslands.
Liðlega þritugur maður var
handtekinn í kjölfarið og kom fram
í málinu, að hann hafði keypt fíkni-
efnin fyrir um hálfa milljón króna
i Þýzkalandi og tekið lán til þess
að fjármagna fíkniefnakaupin.
Gæslufanginn var yfirheyrður og
viðurkenndi að hafa lánað fikni-
efnasmyglaranum peninga, en
kvaðst ekki hafa vitað að nota ætti
féð til fíkniefnakaupa.
Úrslita um útboðið að
vænta í mánuðinum
— segir Geir Hallgrímsson, utanríkisráðherra
SHULTZ ítrekaði staðfestingu á því að leitað yrði viðunandi lausnar á
Rainbow-málinu," sagði Geir Hallgrímsson, utanríkisráðherra, eftir viðræður
, _ hans og Steingríms Hermannssonar, forsætisráðherra, við George Shultz.
utanríkisráðherra Bandarfkjanna, í Ráðherrabústaðnum í Reykjavík í gær.
Geir sagði, að þrátt fyrir dóminn
um að útboðið stangaðist á við
bandarísk lög hefði fengist heimild
til að halda því áfram meðan beðið
væri úrskurðar áfrýjunarréttar.
Það hefði síðan komið fram í máli
- —Shnltz, að þess væri vænst að fyrir
' ~^íok þessa mánaðar kæmi í ljós hvort
einnig mætti gera samninga á
grundvelli útboðsins meðan málið
er fyrir dómstólum.
Utanríkisráðherra hefur verið í
þeirri óvanalegu aðstöðu að hafa
með fárra daga millibili hlýtt á
skýrslur utanríkisráðherra Banda-
ríkjanna og Sovétríkjanna um
undirbúning leiðtogafundarins I
Genf. „Eftir að hafa hlýtt á ummæii
þeirra," sagði Geir, „þá vil ég ekki
trúa öðru, en að báðir aðilar muni
leitast við að komast eins langt I
samkomulagsátt og unnt er. Það
er hins vegar Ijóst að mikið ber á
milli og hæpið að snögg veðrabrigði
til hins betra verði á fundinum. Eg
held samt, að það sé engin goðgá
að vonast eftir því að þróunin snú-
ist til betri vegar og ég er bjartsýnn
á að mál þokist í rétt átt,“ sagði
Geir Hallgrímsson.
Sjá á bls. 7 ummæli Shultz, utan-
ríkisráðherra Bandaríkjanna: „Leitað
nýrra leiða ef málið tapast fyrir dóm-
stólum.“