Morgunblaðið - 17.11.1985, Side 64

Fróöleikur og
skemmtun
fyrirháa semlága!
snÐnsT iAnsiraust
SUNNUDAGUR 17. NÓVEMBER 1985
VERÐ í LAUSASÖLU 35 KR.
Fá Norðmenn að veiða
innan landhelginnar?
í VIÐRÆÐUM sjávarútvegsráduneytisins og manna í sjávarútvegi hefur
komið upp sú hugmynd, að athugað verði hvort Norðmenn vilji taka sinn
hluta af sameiginlegum loðnukvóta í vetur og þá innan (slenzku landhelginn-
ar. Loðnukvótinn var fyrir skömmu aukinn um 500.000 lestir og samkvaemt
samningum um skiptingu veiðanna eiga Norðmenn 75.000 lestir af viðbótinni.
Fundur um þetta efni var hald-
inn með Halldóri Ásgrímssyni,
sjávarútvegsróðherra, i nýliðinni
viku og var þar rætt um fyrir-
komulag loðnuveiðanna. Loðnu-
kvótinn var fyrir skömmu aukinn
úr 700.000 lestum í 1.200.000 lestir
og kemur aukingin öll i hlut ís-
lendinga, þrátt fyrir ákvæði um
skiptingu, þar sem loðnan er á
vetrarmánuðum innan landhelgi
okkar. Vegna horfa á slæmu
ástandi toðnustofnsins á næstu
vertíð hefur komið upp hugmynd
um að leitað verði eftir því, hvort
Norðmenn vilji taka sinn hluta
aukningarinnar i vetur í stað þess,
að þeir taki hann síðla næsta
sumars eins og venjan hefur verið,
hafi íslendingar tekið meira en
þeim ber. Yfir vetrartímann er
loðnan ekki eins feit og síðla
sumars og því ekki jafn gjöful í
bræðslu. Loðnuveiðar Norðmanna
í Barentshafi hafa brugðizt i vetur
og þvi liklegt að þeim komi vel að
komast í veiðar hér á vetrarmán-
uðum.
Á fundinum komu þær hug-
myndir fram, að áfram verði kvóti
á veiðunum, en 100.000 lestum af
heildarmagninu verði ekki úthlut-
að fyrr en eftir áramót. Aflanum
er nú skipt þannig að % hlutar
leyfilegs magns deilast jafnt á þau
48 skip, sem veiðarnar stunda, en
V4 skiptist eftir burðarmagni.
Þrátt fyrir það er eftir nægur hluti
á hvert islenzkt skip samkvæmt
kvótaskiptingunni.
Breyttur Laugavegur ínotkun
' NEÐSTI hluti Laugavegarins var formlega opnaður kl. 10.30 f gærmorgun eftir miklar breytingar.
Davíð Oddsson borgarstjóri klippti á borða við athöfn þar i gærmorgun og Lúðrasveit Reykjavikur
lék. Töluverður mannfjöldi fylgdist með opnuninni. Eftir hádegið var efnt til fjöldskylduhátfðar á
Laugaveginum, og skemmtu fjðlmargir aðilar. Þeirra á meðal voru skemmtikraftar úr Stúdentaleik-
húsinu, félagar úr hljósmveitinni Kukl, Brúðuleikhúsinu og nýlistarmenn úr Medúsahópnum.
Alnæmisrannsóknir
í Vörumarkaðshúsið?
LÍKUR benda til að búió verði að koma upp fullkominni rannsóknarstofu
fyrir rannsóknir á alnæmi fyrir áramótin. Þessa dagana er unnið að því af
nokkrum embættismönnum, sem heilbrigðisráðberra hefur skipað til verks-
ins, að finna hentugt hús fyrir starfsemina. Beinast augu manna helst að
húsi Vörumarkaðarins við Armúla í Reykjavík, skv. upplýsingum Morgun-
blaðsins.
Nokkur fleiri hús munu til at-
hugunar og má búast við endan-
legri ákvörðun á næstunni. Verði
úr að Vörumarkaðshúsið verði
keypt fyrir rannsóknarstofu f
veirufræði er talið víst, að Holl-
ustuvernd ríkisins fái inni i sama
húsi og jafnvel fleiri stofnanir úr
heilbrigðiskerfinu.
Myndin er af húsi Vörumarkað-
arins við Ármúla.
Steinullarverksmiðjan:
Stöðvun vegna
bilunar í ofni
STARFSEMI Steinullarverksmiðjunnar á Sauðárkróki hefur legið niðri að
undanfornu vegna bilunar á bræðsluofni. Hafa fjórir sérfræðingar frá norsku
verksmiðjunum Elkem, sem framleiða ofnana, unnið að viðgerð bræðsluofns-
ins og standa vonir til að framleiðsla geti hafist að nýju á næstu dögum.
Árni Guðmundsson, stjórnar-
formaður Steinullarverksmiðj-
unnar, sagði að bilunin hefði
i komið sér illa, þar sem mikil eftir-
; spurn hefði verið eftir steinull að
undanförnu, og hefði verksmiðjan
vart haft undan fyrir bilunina.
Árni kvaðst þó gera sér vonir um
að hægt yrði að byrja að kynda
ofninn nú um helgina og fram-
leiðsla gæti því hafist innan fárra
daga. Árni lýsti yfir ánægju sinni
með það hversu fljótt Norðmenn-
irnir brugðust við, og hefðu þeir
nú yfirfarið ofninn og endurbætt.
Árni gat þess ennfremur að fyrir-
hugað væri að bæta við aukavakt
til að vinna upp það framleiðslutap
sem orðið hefði vegna bilunarinn-
ar.
Árni Guðmundsson sagði að enn
hefðu engir samningar verið und-
irritaðir varðandi flutninga á
steinull, en eins og greint var frá
í fréttum Morgunblaðsins fyrir
skömmu, er nú unnið að útreikn-
ingum á tilboðum frá Eimskip og
Ríkisskip varðandi þessa flutn-
inga.
13 ára stúlka
ísl.meistari kvennæ
Yngsti íslands-
meistari í skák
frá upphafi
LILJA Grétarsdóttir varó á dögun-
um yngsti íslandsmeistari í skák
frá upphafi. Hún er aðeins 13 ára
gömul og lagði alla andstæðinga
sína að velli á íslandsmóti kvenna
í skák, hlaut 5 vinninga. „Ég átti
ekki von á því að vinna allar skák-
irnar, hafði þó gert mér vonir um
sigur á mótinu. Eg var mjög tauga-
óstyrk," sagði Guðfríður Lilja Grét-
arsdóttir, en hún stundar nám í
Breiðholtsskóla.
,Amma min kenndi mér mann-
ganginn þegar ég var fimm ára
og ég tefli mikið upp í Taflfélagi
Reykjavíkur. Tefli þar aðallega
við strákana og er eiginlega allt-
af eina stelpan á mótum. Mér
hefur gengið svona upp og ofan
á mótum.“
- Bregðast strákarnir ávallt
vel við þegar þú berð sigur úr
býtum i viðureign við þá?
Morgunbladid/Júlíus
Lilja Grétarsdóttir, 13 ára og yngsti
íslandsmeistari í skák.
„Þeim finnst sjálfsagt leiðin-
legt að tapa fyrir stelpu. Sumir
hafa orðið sárir og ekki vitað
hvernig þeir hafa átt að taka
ósigri, en hafa tekið gleði sína á
ný. Ég hef ekki sett mér nein
markmið í skák, hef gaman af
að tefla og reyni að snúa á and-
stæðing minn hverju sinni. Það
er notaleg tilfinning að ná undir-
tökum í skák og vinna hægt og
sígandi,“ sagði Lilja Grétars-
dóttir.
Sjálfstæðismenn í sveitarfélögum f nágrenni Reykjavíkur:
Prófkjör verður ekki
haldið fyrir kosning-
ar til sveitarstjórna
Sjálfstæðismenn í nágrannabæjum Reykjavíkur hafa ákveðið
að hafa ekki prófkjör fyrir sveitarstjórnarkosningarnar næsta
vor. Er ástæðan m.a. óánægja með það fyrirkomulag að einung-
is flokksbundnir sjálfstæðismenn geti kosið.
„Ég get ekki talað fyrir
munn annarra sveitarfélaga,
en við á Nesinu teljum að það
form á prófkjöri sem miðstjórn
flokksins hefur lagt til, að
einungis flokksbundnir sjálf-
stæðismenn fái að kjósa, sé
óheppilegt," sagði Magnús Er-
lendsson bæjarfulltrúi sjálf-
stæðisflokksins á Seltjarnar-
nesi.
„Við lítum svo á að annað
hvort eigi að hafa prófkjör opin
fyrir alla þá sem vilja taka þátt
í þeim, eða sleppa þeim alger-
lega. Við höfum haft opin próf-
kjör á Seltjarnarnesi síðastlið-
in 20 ár, en í þetta sinn mun
fulltrúaráð gera tillögur um
menn á lista sem kjörnefnd
vinnur síðan úr,“ sagði Magn-
ús.
Magnús sagði að sér virtist
einnig sem lítill áhugi væri
fyrir því úti á landi að fara út
í prófkjör eftir þeim reglum
sem miðstjórn hefur sett.
„Prófkjör eru heldur ekki eins
vinsæl og þau voru, enda hefur
skóli reynslunnar kennt mönn-
um að þau hafa marga ókosti.
Það sjá allir að þegar vinir og
samherjar fara að berast á
banaspjótum í átökum um
vinsældir er orðið tímabært að
skipta um kerfi," sagði Magn-
ús.