Morgunblaðið - 20.05.1987, Blaðsíða 60

60____________________________________ MORGUNBLAÐIÐ, MIÐVIKUDAGUR 20. MAÍ 1987
Morgunblaðið fylgist með sigur-
liðinu íSan Marino-kappakstrinum:
Þegar sigurvegarinn í Imola-
kappakstrinum, Nigel Mansell,
stóð með verðlaunagripinn í hönd-
um bogaði svitinn af honum og
hann átti litla orku eftir til að lyfta
hinum veglega grip. í þrjá daga
hafði hann meira og minna verið
undir stýri í Williams-keppnisbíl
sínum, æðandi áfram á 2—300 km
hraða. Þó höfðu starfsmenn Will-
iams-liðsins gert allt sem hægt var
að gera til að minnka álagið á
honum. En álag, bæði líkamlegt
og sálarleg, er gífurlegt í kapp-
akstri og Mansell eins og aðrir
ökumenn í Formula 1 gefa sig alla
í hverja keppni. Það gera líka
mennirnir á bakvið hann. Morgun-
blaðið fylgdist með gangi mála hjá
Williams-liðinu í kappakstrinum í
San Marino. Liðið hafði þá hvíldar-
lítið unnið í vikutíma á Imola-
brautinni til að ná takmarkinu —
sigri. Það tókst.
En undirbúningur fyrir hvern
kappakstur tekur lengri tíma en
viku. Williams-liðið hefur bækistöð
í Englandi, þar sem öll starfsemi
liðsins er skipulögð og keppnis-
bílarnir smíðaðir. Þar sem sextán
keppnir fara fram ár hvert í hinum
ýmsu heimshlutum hefur liðið ær-
inn starfa. Mánuði fyrir Imola-
kappaksturinn fór hluti liðsins
ásamt Mansell og prófaði keppnis-
bílinn á brautinni í þrjá daga, stillti
vélina miðað við aðstæður, einnig
'3*'fjöðrun, bremsur, stýri og reyndi
mismunandi dekk. Þegar liðið kom
aftur til Imola viku fyrir keppni var
flest tilbúið. Öllum upplýsingum
af fyrri æfingunni hafði verið rennt
gegnum tölvu og bíllinn stilltur
samkvæmt niðurstöðu útreikninga
hennar.
En aðstæður geta alltaf breyst,
jafnvel örlítið meiri hiti í jörðu og
andrúmslofti getur þýtt að stilla
þarf Honda-vélarnar upp á nýtt,
enda um fíngerð verkfæri að ræða.
Vélarnar eru um 1400 cc með túrbí-
num og ýmsum tækjabúnaði, sem
skilar hátt í þúsund hestöflum. Á
annan tug Japana með tölvur og
stillingartæki annast vélarnar í
^>hverri keppni, á meðan Bretar sjá
um aðra hluti keppnisbílanna.
Tveim dögum fyrir kappaksturinn
hófst slagurinn. Þá fengu keppnis-
liðin þrjá tíma til að prófa bílana
og ná góðum aksturstímum.
Tíminn ákvarðar hvar þeir lenda í
rásröð í sjálfum kappakstrinum,
liðin leggja mikið uppúr þessu, því
framúrakstur er enginn leikur þeg-
ar 26 bílar leggja af stað í einu.
Það var handagangur í öskjunni
á æfingunum. Nelson Piquet, sem
einnig ekur Williams, náði fljótlega
besta tima, en Mansell var aðeins
sekúndubrotum á eftir í öðru sæti.
En stuttu eftir að þetta varð Ijóst
skall bíll Piquet á grindverkið á 300
km hraða. Ökumannsklefinn hélst
heill, en bíllinn fór í tætlur að öðru
leyti. Piquet slapp ómeiddur, en
fékk heilahristing og daginn eftir
var honum bannað að keppa af
læknum liðsins. Mansell hélt
ótrauður áfram og ætlaði að ná
besta aksturstíma á laugardegin-
um. Hann náði þó aðeins öðrum
besta tíma og varð foxillur þegar
hann kost að því að japanskir vél-
armenn höfðu minnkað afl bílsins,
til að athuga hve bensíneyðslan
yrði mikil í keppninni.
Að æfingum loknum undirbjó
-fiðið sig fyrir keppnisdaginn. Morg-
uninn fyrir keppni lenti Mansell í
vandræðum með gírkassann, en
bíllinn festist í gír. En málið bjarg-
aðist og þeir voru klárir í keppni.
Dekkjum sem nota átti til skipt-
anna í miðri keppni var raðað upp.
Öll yfirbyggingin var hreinsuð og
efni borið á til að minnka loftmót-
ítöðuna. Allir boltar og festingar
• Það er rótt svo að ökumenn í Formula I komist um borð í bfla
sína. Þó fá þeir ekki innilokunarkennd. Hjálmarnir eru tengdir tal-
kerfi til viðgerðarskýlisins. í hjálminum eru einnig súrefnisleiðsiur
og leiðsla með drykkjarvökva fyrir ökumann.
• Loftmótstaðan skiptir miklu máli í kappakstri. Hér bera viðgerðar-
menn efni á yfirbygginguna, sem minnkar loftmótstöðu og hreii.sar
um leið burt hundruð flugna, sem skella á bflnum á æfingum .. .
• Williams Mansell var hraðskreiðastur í fyrstu æfingunni, náði
bfllinn 335 km hraða á beinasta kafla brautarinnar.
voru yfirfarnar. Varabíllinn var líka
yfirfarinn, en ökumenn hafa slíkan
bíl ef keppnisbíllinn bilar á síðustu
stundu. Þegar Mansell var kominn
af stað var árangurinn í hans hönd-
um, en liðið var þó í beinu
sambandi við hann gegnum tal-
kerfi. í miðri keppni kom hann inn
á viðgerðarsvæðið og lét skipta
um dekk. Það tók 8,3 sekúndur
að skipta um dekkin fjögur, hreinsa
framan af hjálminum og frá kæl-
ingu vélarinar. ..
Það var rafmagnað andrúmsloft
þegar Mansell var að Ijúka síðustu
hringjunum. Á tveggja mínútna
millibili þeysti hann beina kaflann
framhjá viðgerðarskýlunum og
menn biðu þar spenntir. Þegar
síðasta hringnum lauk trylltust
starfsmenn liðsins úr fögnuði, veif-
uðu breska og japanska fánanum.
Enn einn sigurinn var staðreynd,
og heimsmeistari þar með í
smíðum.
Mansell
ók á 335
km hraða
Hámarkshraði kappaksturs-
bílanna var mældur á fyrstu
æfingunni á föstudag og litu
ískyggilega háar tölur dagsins Ijós
á radarmælinum. Við sjáum hér
tölur hjá helstu köppunum. Mans-
ell var hraðskreiðastur á 335 km
hraða, en sá sem fór hægast náði
„aðeins" 245 .. . Km/Klst
N. Mansell, Williams-Honda 335
S. Nakajima, Lotus Honda 333
N. Piquet, Williams-Honda 332
A. Senna, Lotus Honda 326
M. Alboreto, Ferrari 326
M. Brundle, Zakspeed 325
T. Fabi, Benetton Ford 324
E. Cheever, Arrows Megatron 324
T. Boutsen, Benetton Ford 323
A. DE Cesaris, Brabham BMW 323
A. Nannini Minardi 323
G. Berger, Ferrari 322
D. Warwick, Arrows Megatron 321
R. Patrese, Brabham BMW 321
R. Arnoux, Ligier 320
A. Prost, MC Laren TAG 317
Morgunblaðlö/Gunnlaugur Rögnvaldsson
• Rétt fyrir ræsingu. Nigel Mansell bíður hér í afslappaðri stellingu eftir að keppnin hefjist. Aðstoðar-
menn hans leggja siðustu hönd á Williams-bflinn. Á dekkjunum eru hitapokar, svo þau virki sem best
þegar bfllinn leggur af stað, gripið er meira þegar þau eru heit.
Meistari
í smíðum