Morgunblaðið - 24.11.1987, Blaðsíða 59

MORGUNBLAÐIÐ, ÞRIÐJUDAGUR 24. NÓVEMBER 1987
59
Minning:
Áslaug Þórdís
Símonardóttir
Fædd 27. mars 1910
Dáin 24. október 1987
Nú rikir kyrrð í djúpum dal
þótt duni foss í gljúfra sai.
I hreiðrum fuglar hvila rótt
þeir hafa boðið góða nótt.
(M.G.)
Þegar kvöldhúmið sækir á og
heilsa og þrek er á forum þá er
gott að segja af hjarta „góða nótt"
og hverfa inn á annað og fullkomn-
ara tilverustig „og vakna upp ungur
einhvem daginn með eilífð glaða í
kringum sig“. (Þ.E.)
Mig langar að minnast Áslaugar
Þórdísar Símonardóttur með fáein-
um kveðjuorðum. Hún var fædd 27.
mars 1910 á öndvegisjörðinni Sel-
fossi. Foreldrar hennar vom Sigríð-
ur Sæmundsdóttir og Símon
Jónsson, hjón búandi þar. Þau eign-
uðust 6 böm, eitt þeirra er nú á
lífi, Soffía, búsett hér í Se(fossbæ.
Ung að ámm fór Áslaug til
Reykjavíkur að afla sér menntunar.
Sigldi til Danmerkur sem þá var
ekki títt um sveitastúlkur og dvaldi
þar um tíma, en settist síðan að í
Reykjavík og vann um, níu ára
skeið í versluninni Fram á Klapp-
arstíg.
En heimþrá til æskustöðvanna
réði því að hún kom hingað á heima-
slóðir aftur og hóf störf á Lands-
símastöðinni á Selfossi, árið 1942.
Ég sem þessar Jínur rita var þá
símastúlka þar. Áslaug var dugleg
við starfið og góður félagi. Fór vel
á með okkur og hefur svo verið
alla tíð síðan.
Áslaug vann á símstöðinni, þó
ekki samfleytt, allt til ársins 1976,
er hún hætti störfum. Hin síðari
ár vann hún sem varðstjóri á síman-
um.
Það var aldrei nein lognmolla í
kringum Áslaugu. Hún var hug-
kvæm og framkvæmdi- það sem
henni datt í hug, ef mögulegt var.
Hún gekk fram í því að reyna að
bæta launakjör á símanum og ýmsa
aðstöðu. En þar var við ramman
reip að draga, eins og fleira í þá
daga. Áslaug var hrókur alls fagn-
aðar og áttum við póst- og síma-
stúlkur marga glaða stund saman.
Hún var mikill dýravinur. Var hún
sannarlega vinur þeirra og vemd-
ari. Hún var líka mjög hjálpsöm og
taldi ekki eftir sér að gera fólki
greiða. Áslaug v.ar í góðum kunn-
ingsskap við Guðrúnu sál. Sigurð-
ardóttur, miðil á Akureyri. Ekki er
mér grunlaust um að hún hafí veitt
mörgum hjálp og styrk, gegnum
þá ágætu konu.
Áslaug var einn af stofnendum
Leikfélags Selfoss og framkvæmda-
stjóri lengi. Átti hún sinn stóra
þátt í því, að mörg ágæt leikrit
voru færð upp og sýnd víðsvegar
við góðan orðstír. Var hún gerð að
heiðursfélaga er hún hætti störfum
þar. Einnig var hún virkur þátttak-
andi í kvenfélagi staðarins og lagði
þar ýmsum góðum málum lið fyrr
á árum þess.
Áslaug gekk í hjónaband með
Páli Hallgrímssyni, fýrrv. sýslu-
manni. Eigi báru þau gæfu til
samlyndis og skildu samvistir.
Eignuðust þau eina dóttur, Drífu
að nafni. Hún er lögfræðingur að
mennt og býr í Reykjavík. Eigin-
maður hennar er Gestur Steinþórs-
son frá Hæli, skattstjóri Reykjavík-
ur. Þau eiga þijú böm, Pál,
Steinunni og Steinþór. Fjölskyldan
var Áslaugu eitt og allt og ömmu-
bömin henni hjartfólgin, sérstak-
lega var þó Palli augasteinninn
hennar. Til Drífu og fjölskyldu
hennar sótti hún hjálp og styrk hin
síðari ár, þegar aldur og heilsuleysi
sóttu á.
Áslaug var á yngri árum glæsileg
kona. Hún var vel gefin, orðheppin
og skemmtileg og hafði ætíð eitt-
hvað til málanna að leggja, og hún
setti svip á umhverfi sitt.
Að leiðarlokum viljum við sem
kynntumst henni þakka henni fyrir
samverana, sérstaklega fyrir hjálp-
semi hennar ef eitthvað bjátaði á
hjá skyldum og vandalausum, og
við biðjum henni blessunar Guðs á
eilífðarvegum.
Dæm svo mildan dauða,
drottinn, þínu bami,
eins og léttu laufi
lyfti blær frá hjami,
eins og lítill lækur
ljúki sínu hjali
þar sem lygn i leyni
liggur marinn svali.
(MJ.)
Ingibjörg Dagsdóttir
Glóöarkerti
i urvali fyrir
TOYOTA
ISUZU
DATSUN
MERCEDES BENZ
O.FL.
<
Ji
—i
2
Þ
s
Hvar sem íslendingar eru niðurkomnir á jarðkringlunni
gera þeir ætíð sitt besta til að skapa þjóðlega stemningu á jólunum.
Ekkert er jafn nauðsynlegt við myndun þeirrar stemningar eins og
ekta íslenskur jólamatur.
Við hjá SS bjóðumst til að annast umstangið fyrir þig
og senda jólamatinn til vina og venslamanna erlendis. Þú kemur bara
til okkar í SS-búðirnar, tínir kræsingarnar í körfuna og stingur
jólakortinu með - við sjáum svo um afganginn.
Og nú er eins gott að flýta sér ef enginn á að fara í jólaköttinn.
Alltsem á að fara með flugi til Evrópu þarf að vera tilbúið ísíðasta lagi
17. desember og síðasta skip til Evrópu fer 1. desember.
Flugpóstur til N-Ameríku þarf að vera tilbúinn 11. desember.
Gleymum ekki þeim, sem þurfa að dvelja fjarri heimaslóðum um
hátíðirnar - sendum þeim hangikjöt í pottinn!
AUSTURVERI — GLÆSIBÆ — HAFNA RSTRÆTI — VIÐ HLEMM