Morgunblaðið - 31.03.1989, Qupperneq 44

EINKAREIKNINGUR Þ/NN
í LANDSBANKANUM

r r
SJOVA-ALMENNAR
Nýtt félag ineð sterkar rætur
FOSTUDAGUR 31. MARZ 1989
VERÐ I LAUSASOLU 80 KR.
Loðnuveiðarnar:
Nótín sprakk
hjá Hábergi
FJÖGUR loðnuskip voru að veið-
um á milli Reykjavíkur og Akra-
ness í gær, Smmtudag. Þar er
stór loðnutorfa og nótin sprakk
hjá einu skipanna, Hábergi GK,
um hádegisbilið í gær. Fimm
loðnuskip höfðu tilkynnt um afla
í BeruQarðarál síðdegis í gær.
Þessi skip höfðu tilkynnt um afla
síðdegis í gær: Hilmir 1.200 tonn ti!
Neskaupstaðar, Guðmundur 800 til
Vestmannaeyja, Þórður Jónasson
700 til Krossaness, Háberg 300 til
Grindavíkur, Huginn 580 til Vest-
mannaeyja, Húnaröst 550 til Skot-
lands og Valaberg 500 til Grindavík-
ur.
Fundi ASÍ og
VSÍ frestað
FUNDI samninganefiidar Al-
þýðusambands íslands, Vinnuveit-
endasambands Islands og vinnu-
málasambands samvinnufélag-
anna, sem vera átti í dag hefiir
verið frestað fi-am yfir helgi.
Ástæða frestunar mun vera sú að
aðilar telja að línur í samningavið-
,* ræðum stjómvalda og opinberra
starfsmanna þurfi frekar að skýrast
áður en þess sé að vænta að viðræð-
ur skili árangri.
Sjá fréttir á bls. 2
Morgunblaðið/Ámi Sæberg
„Ég óska hinum nýkjörna biskupi heilla og guðs blessunar í tilefhi af kjöri hans,“ sagði biskupinn
yfir íslandi, herra Pétur Sigurgeirsson í samtali við Morgunblaðið þegar úrslit lágu fyrir. Myndin
var tekin i gær, þegar biskup óskaði séra Ólafi Skúlasyni til hamingju með kjörið.
Ólafiir Skúlason kjörinn biskup
„ÉG er fullur auðmýktar á þessari stundu, því
þetta er mikið embætti sem bíður. En því aðeins
gaf ég kost á mér að ég er reiðubúinn að leggja
mig allan fram og það ætla ég að gera með guðs
hjálp,“ sagði séra Olafúr Skúlason dómprófastur
og vígslubiskup í samtali við Morgunblaðið í gær,
þegar niðurstöður biskupskjörs lágu fyrir.
Séra Ólafur hlaut tilskilinn meirihluta þegar í
fyrstu umferð kosninganna, 89 atkvæði af 159, eða
56%. „Það er mikill léttir að þessi kosning er nú af-
staðin og í huga okkar hjónanna býr mikið og djúpt
þakklæti fyrir þann eindregna stuðning sem við höfum
fengið," sagði séra Ólafur.
Sjá viðtöl og frásagnir á bls. 3
Rætt um kaup Landsbank-
ans á Samvínnubankanum
'“Sambandið leitar leiða til þess að losa um fjármuni vegna slæmrar stöðu
VIÐRÆÐUR eru hafhar milli fulltrúa Landsbankans og Sambands
íslenskra samvinnufélaga um hugsanleg kaup Landsbankans á hlut
SÍS í Samvinnubankanum, en það á 53% í bankanum. Þetta hefur
Morgunblaðið eftir áreiðanlegum heimildum. Viðræðumar munu
vera á firumstigi og innan Sambandsins mun vera mikill ágreiningur
um það hvort selja beri hlut þess í bankanum. Jafiiframt er mikil
andstaða við þessar hugmyndir innan Samvinnubankans sjálfs, og
meðal fiölmargra annarra hluthafa bankans.
Höfuðskýring þess að forsvars-
menn Sambandsins vilja nú kanna
hvort hægt sé að selja meirihluta
Samvinnubankans, mun vera sú að
SÍS hefur knýjandi þörf fyrir að
losa um fjármuni, þar sem rekstrar-
vandinn sé orðinn slíkur að í al-
gjört óefni sé komið.
í röðum bankamanna eru hins
vegar efasemdir'um, að skynsam-
legt sé fyrir Landsbankann að
kaupa Samvinnubankann, þar sem
það þýddi einfaldlega að Lands-
bankinn yrði aðalviðskiptabanki
meirihluta samvinnufyrirtækja í
landinu, sem samanlagt komu út
með nálægt tveggja milljarða tapi
á síðasta ári, samkvæmt upplýsing-
um Guðjóns B. Ólafssonar forstjóra
Sambandsins.
Tap Sambandsins frá síðastliðnu
ári mun nú vera á milli 800 og 1.000
milljónir króna, samkvæmt heimild-
um Morgunblaðsins, og það sem
af er þessu ári hefur einnig verið
um gífurlegan taprekstur að ræða,
eða um 100 milljónir króna á mán-
uði.
Töluverður skoðanamunur er
milli Landsbankans og Sambands-
ins um eðlilegt söluverð á hlut SÍS
í Samvinnubankanum. Gangverð á
hlutabréfum í Samvinnubankanum
er nálægt nafnverði.
Hlutafé bankans var um áramót
348 milljónir, en bankinn hefur
heimild til þess að auka hlutaféð
um 200 milljónir króna, og hefur
þegar verið selt lítillega af því.
Hagnaður varð af rekstri bankans
á liðnu ári, sem nemur 72 milljónum
króna og jukust innlán um 23%, sem
er nokkurn veginn sama aukning
og meðaltalsinnlánsaukning ann-
arra banka varð, eða 23,6%.
Sjá innlendan vettvang á bls. 7
Verkfall náttúru-
fræðinga:
Mundi draga
verulega úr
starfsemi
blóðbankans
VERKFALL náttúrufræðinga,
sem boðað hefur verið 6. april
næstkomandi mun hafa veruleg
áhrif á starfsemi blóðbankans,
að sögn Ólafs Jenssonar for-
stöðumanns. Samkvæmt skil-
greiningu heilbrigðisráðuneytis-
ins eru náttúrufræðingar ekki i
hópi þeirra starfsmanna
ríkisspítalanna, sem vinna þrátt
fyrir verkfall.
Sagði hann að stór hluti rann-
sóknarfólks á rannsóknardeildum
bankans væru náttúrufræðingar.
„Það liggur í augum uppi að ekki
verður hægt að halda uppi eðlilegri
stárfsemi á slysavarðstofu eða á
skurðstofum sem hafa blóðbankann
að bakhjarli. Náttúrufræðingar
ættu því að flokkast undir neyðar-
deild,“ sagði Ólafur. „Væntanlega
verður tryggð vagtþjónusta ef kem-
ur til verkfalls eins og gert er um
stórhelgar, þannig að viðunandi sé
gagnvart alvarlegum atvikum en
ef vinnudeilan dregst á langinn þá
kemur það niður á skurðaðgerðum."
Njarðvíkingar
bikarmeistarar
Njarðvíkingar sigruðu ÍR-inga i
gærkvöldi í úrslitaleik bikarkeppn-
innar í köfuknattleik, 78:77. Þetta
er annað árið í röð sem Njarðvíking-
ar sigra í bikarkeppninni. Á mynd-
inni er fyrirliði þeirra, Hreiðar Hreið-
arsson, með bikarinn.
Sjá nánar bls. 43
Sómabátur seldur til Quebec:
Notaður tíl hvalarannsókna
BÁTASMIÐJA Guðmundar hefur nú selt Sómabát til Quebec í
Kanada en þar á að nota hann til hvalarannsókna. Báturinn fer utan
4. apríl og segir Guðmundur Lárusson, eigandi Bátasmiðjunnar, að
þetta gæti orðið upphafið að meiri viðskiptum við Kanadamenn.
A.m.k. væri mikill áhugi fyrir slíku ytra.
Það var að frumkvæði Kanada-
manna að báturinn var seldur þang-
að. Bátasmiðjan er með útflutnings-
skrifstofu í Kanada, í samvinnu við
Marel, og þangað kom fyrst fyrir-
sjjum um bátinn.
Guðmundur Lárusson segir að
Sómabátamir séu aðallega seldir
hér innanlands en nokkrir hafa ver-
ið seldir utan. Þrír hafa verið seldir
til Grænlands og sá fj'órði verður
seldur þangað á næstunni. Þá hafa
aðilar í Færeyjum keypt tvo báta.
Á Grænlandi mun vera áhugi á
kaupum á fleiri bátum.
Athuganir Veiðimálastofhunar:
Blöndun eldislaxa og
villtra laxa líklega hafin
NÝJAR athuganir Veiðimálastofiiunar sýna, að í Elliðaánum reynd-
ist vera svipaður þéttleiki cldislaxa efst í ánum og neðst, sé litið
á sumarið í fyrra í heild. Reyndist hann vera frá rúmlega 20% upp
í tæpan ljórðung, þar sem hann var mestur og þegar dregið var á
til að ná klaklaxi í ánum eftir veiðitima, reyndust rúmlega þrír
af hveijum tíu löxum á svæðinu frá Árbæjarstfflu og niður úr,
vera eldislaxar. Miðað við reynslu erlendis, má því reikna með að
blöndun eldislaxa og villtra laxa sé hafin, en sérfræðingar á Veiði-
málastofhun hafa reiknað út að eyðing villta stofhsins í Elliðaánum
geti orðið á skömmum tíma ef blöndun í einhverjum mæli á sér stað.
„Við höfum nú unnið úr öllum
þeim hreistursýnum sem tekin
voru úr aflanum í fyrra og með
þvi að bera þau við skráningu veiði-
bókar þar sem kemur fram hvar
einstakir laxar veiddust í ánni,
getum við kortlagt dreifingu eldis-
laxanna," sagði Þórólfur Antons-
son, líffræðingur hjá Veiðimála-
stofnun, í samtali við Morgun-
blaðið. Hann sagði einnig: „Og
útkoman er ansi glannaleg og með
öðrum hætti en margur ætlaði.
Við skiptum ánum i fimm svæði,
hvert um sig er rúmlega kíló-
metri, en Elliðaámar eru um sex
kílómetrar á lengd. Miðað við
heildarveiði sumarsins sem var um
2.000 laxar, vom 21,5 prósent
veiðinnar á neðsta svæðinu eldis-
laxar, 24,9 prósent á þar næsta
svæðinu. Á þriðja svæðinu 8,8 pró-
sent, á íjórða svæðinu 8,9 prósent
og á fimmta og efsta svæðinu
20,7 prósent. Við þetta má bæta,
að þéttleiki eldislaxa jókst jafnt
og þétt er á sumarið leið, en
síðgengnir laxar eiga jafnan meiri
möguleika á að hrygna vegna þess
að veiðiálagið á þeim stendur
skemur."