Morgunblaðið - 25.06.1989, Side 25

, MOKGUNBLADU), MIIMNINGAR SUNNjUtBAGUR 25. JÚNÍ 1989
Minninff:
Stefanía Sigiusclóttir
írá Bóndastöðum
Stefanía Sigfúsdóttir, Hvanna-
völlum 2, lést í Fjórðungssjúkrahús-
inu á Akureyri 9. júní sl. Hún var
jarðsett frá Akureyrarkirkju 19.
júní.
Gengin er góð og göfug kona.
Við minnumst hennar fyrst sem
stóru systur, þegar við ólumst upp
á sama bæ. Seinna á lífsleiðinni
varð það hennar hlutskipti að fórna
sér fyrir sína nánustu og létta þeim
og öðrum lífsbaráttuna er áttu við
heilsuleysi að stríða. Kom það best
í ljós hve dugleg hún var að heim-
sækja gamla sveitunga, vini og
frændfólk, er það dvaldist á Fjórð-
ungssjúkrahúsinu á Akureyri.
Stefanía fæddist á Bóndastöðum
í Hjaltastaðarþinghá 7. febrúar
1911. Dóttir hjónanna Sigfúsar
Einars Magnússonar og Elínar
Margrétar Stefánsdóttur. Sigfús
var sonur hjónanna Magnúsar Ein-
arssonar og Sólveigar Sigfúsdóttur
á Hrolllaugsstöðum. Margrét var
dóttir Stefáns Sigurðssonar bónda
á Ánastöðum og Sigurlínar Einars-
dóttur konu hans.
Sigfús og Margrét hófu búskap
á Bóndastöðum árið .1907. Karl
faðir okkar fluttist til þeirra árið
1910 og var í heimili hjá bróður
sínum og mákonu til ársins 1921
er foreldrar okkar stofnuðu eigið
heimili á Bóndastöðum. Þar bjuggu
þessar tvær fjölskyldur saman, sem
í mörgum tilfellum voru sem ein,
með aðskilinn fjárhag og verksvið,
eða allt til ársins 1944. Þá brugðu
Sigfús og Margrét búi sökum van-
heilsu og fluttust til Stefaníu dóttur
sinnar á Akureyri.
Þótt húsakynni væru þröng á
Bóndastöðum á nútíma mæli-
kvarða, var samkomulag allt eins
og best varð á kosið. Skipti þá ekki
máli þótt margt fólk væri í heimili
og gestagangur oft mikiil einkum
senni árin, þegar þjóðbraut lá við
túngarðinn.
Sigfús og Margrét eignuðust þijú
börn. Tvö þeirra fæddust andvana.
Fósturdóttir þeirra er Lukka Ing-
varsdóttir, sem búsett er í
Reykjavík.
Stefanía ólst upp í föðurhúsum. 19
ára gömul hleypti hún fyrst heim-
draganum er hún fór til náms í
Hvítárbakkaskóla. Þar stundaði
hún nám veturinn 1930-31. Eftir
það fór hún í gagnfræðaskóla í
Reykjavík og loks í Samvinnuskól-
ann 1934-35. Þá dvaldi hún um
nokkurra ára skeið í Reykjavík og
vann þar einkum við veitingarekst-
ur. Hún afiaði sér einnig menntunar
á því sviði.
Um 1940 fluttist Stefanía til
Akureyrar, þar sem hún kynntist
eftirlifándi eiginmanni sínum, Erik
Kondrup.
1942 hófu þau Stefanía og Erik
veitingarekstur á Hótel Svaninum.
Þau ráku veitingasölu þar í nokkur
ár eða þar til Erik hóf veitingarekst-
ur á Hótel Norðurlandi 1946. Jafn-
framt leigðu þau út herbergi á
Svaninum og seldu leigjendunum
einnig oft fæði.
Eftir að þau hættu veitinga-
rekstri á Svaninum setti Stefanía
þar á stofn þvottahús, sem hún rak
til ársins 1958 er fjölskyldan flutti
í nýja íbúð, sem Erik hafði byggt
á Hvannavöllum 2, en hann er rétt-
indamaður bæði í húsa- og hús-
gagnasmíði.
Stefanía og Erik eignuðust fimm
börn. Þau eru:
Heiðar Víking, tæknifræðingur,
Reykjavík, kvæntur Elleni Svavars-
dóttur, kennara. Sigmar Viðar,
byggingameistari, . Reykjavík.
Hanna Fjóla, hjúkrunarfræðingur,
Hafnarfirði, gift Jóni Magnúsi
Brynleifssyni, vélfræðingi. Eiga þau
tvo syni, Börk og Eirík Örn. Sif
Karla, heyrnartæknir, Reykjavík,
gift dr. Sigurði'Thorlaciusi, lækni.
Þau eiga tvö börn, Elínu Margréti
og Örnólf. Gunnar Jón bifvélavirki,
verslunarmaður á Akureyri. Hann
á eina dóttur, Stefaníu Rut.
Stebba frænka var nánast eins
og uppeldissystir okkar og höfum
við jafnan iitið á hana sem stóru
systur. Hún kallaði föður okkar allt-
af Frænda og sýnir það hve náin
vinátta og frændsemi var milli
þeirra.
Hún var ekki há í loftinu, en hafði
stórt hjarta og sterkan vilja. Það
var ávallt hressandi andblær í
kringum hana. Lognmolla og seina-
gangur var henni ekki að skapi.
Hún hafði ákveðnar skoðanir og fór
ekki dult með þær. Hún var fljót
að taka ákvarðanir og dugleg að
hrinda þeim í framkvæmd. Gilti þá
einu hvort ráðist skyldi í fram-
kvæmdir eða fórnað sér fyrir aðra.
Hennar lífsstefna var að hjálpa og
liðsinna öðrum eftir mætti. Lengst
af hefur heimili hennar á Akureyri
verið líkt og hótel fyrir frændur og
vini, sem átt hafa leið um Akureyri
eða þurft að sækja þangað skóla
eða læknishjálp. Þar var einatt nóg
húspláss og ekki skorti veitingar.
Ekki höfðu gestir stansað lengi uns
borð voru hlaðin girnilegum krás-
C 25
um. Enda var bakstur og matar-
gerð hennar sérsvið. Hún hafði
mikið yndi af því að veita öðrum
og gera það með myndarbrag.
Það sýnir vel dugnað Stefaníu
að jafnframt því að vera húsmóðir
á stóru heimili stundaði hún oftast
aðra vinnu. Annaðhvort við rekstur ,
eigin fyrirtækja eða vann hjá öðr-
um.
Foreldrar hennar áttu athvarf
hjá henni nærfellt 20 ár eða þar til
þau létust. Sigfús dó 1961 og
Margrét 1963 og hafði hún verið
asmasjúklingur um margra ára
skeið. Reyndi þá oft á Stefaníu við
umönnun hennar. Síðustu æviárin
hefur Stefanía annast, eiginmann
sinn, sem missti heilsuna langt um
aldur fram.
Að lokum viljum við þakka fyrir
skemmtilegar samverustundir og
höfðinglegar móttökur á Akureyri
í gegnum árin. Fyrir jólapakka í
gamla daga, sem innihéldu margs
konar dýrindi, sem sveitabörnin á
Bóndastöðum höfðu ekki kynnst
fyrr. Að ógleymdu sælgæti, sem
ekki var skorið við nögl, en slíkt
var fáséð á heimaslóðum á þeim
tíma.
Síðast en ekki síst viljum við
þakka órofa tryggð og vináttu sem
aldrei brást.
Við vottum eftirlifandi eigin-
manni, börnum, tengdabörnum og
barnabörnum okkar dýpstu samúð.
Far þú í friði,
friður guðs þig blessi,
hafðu þökk fyrir allt og allt.
(Valdimar Briem)
Sigurður og Sædís frá
Bóndastöðum.
Minning:
Sigríður B. Krisijáns-
dóttir - Patreksfírði
Fædd 12. jjúní 1940
Dáin 15. apríl 1989
Hinn 22. apríl síðastliðinn var
borin til hinstu hvílu Sigríður Benn-
ey Kristjánsdóttir, til heimilis að
Brunnum 10, Patreksfirði.
Það var fyrir rúmu ári síðan, að
Bennsý veiktist af þeirri veiki, sem
tók hana burt frá okkur langt um
aldur fram. Bennsý eins og hún var
jafnan kölluð sýndi ótrúlega elju
og hugrekki í veikindum sínum, og
ekki síst þegar haft er í huga að
bróðir hennar Theodór veiktist um
líkt leyti og hún, sem varð til þess
að Theodór var borinn til moldar
mánuði áður en Bennsý lést, en
hann var ári yngri en hún.
Þrátt fyrir að Bennsý væri mikið
veik eftir alvarlegar aðgerðir,
fannst mér hún á stundum hugsa
meir um bróður sinn en sig og ósk-
aði þess heitt að hann næði heilsu.
En Guð tók hann líka til sín iangt
um aldur fram.
Kær frænka, systurdóttir mín,
er horfin á besta aldri. Já, vegir
Drottins eru órannsakanlegir, sumir
deyja ungir og er það sárt fyrir
ástvini og aðra sem eftir lifa. En
hinsvegar þegar maðurinn lifir það
að verða gamall vill hann kveðja
þessa veröld hérna á jörðinni eins
og gömul ekkja sem ég hitti hér
einn daginn á förnum vegi, og
spurði hana hvort hún væri ekki
hress, og svaraði hún: „Jú, ég er
vel hress, mér líður ágætlega, en
ég vona að ég fái nú bráðum að
fara.“
Sigríður Benney Kristjánsdóttir
var fædd í Reykjavík, dóttir Ingi-
bjargar Guðmundsdóttur frá Pat-
reksfirði og Kristjáns Benjamíns-
sonar strætisvagnastjóra í
Reykjavík. Bennsý ólst upp hjá afa
sínum og ömmu, Ingibjörgu G.
Magnúsdóttur og Guðmundi S.
Guðmundssyni á Patreksfirði, og
var hún þeim einstakur sólargeisli
til æviloka þeirra.
Þann 3. október 1962 giftist
Sigríður B. Kristjánsdóttir eftirlif-
andi manni sínum Unnari F. Mikael-
syni og byggðu þau sér glæsilegt
einbýlishús að Brunnum 10 á Pat-
reksfirði, þar sem þau stofnuðu
fyrirmyndarheimili.
Bennsý og Unnar eignuðust þijú
böm; Ómar, rafvirki fæddur 17.
nóvember 1962 heitbundinn Píu
Jörgensen, Kristinn fæddur 27.
apríl 1964 og Unnur Guðrún fædd
7. september 1968. Bennsý og
Unnar voru mjög samrýnd og kapp-
kostuðu að sjá um velferð heimilis-
ins og barna sinna, og má því segja
að fjölskyldan hafi verið ein óijúf-
andi heild, var það því mikiil harm-
ur og raun að Bennsý var svo
skyndilega kvödd í burtu.
Ég, konan mín og börn okkar
þökkum Bennsý fyrir samferðina,
ávallt var hún með hjartagæsku og
hlýhug er við komum í heimsókn
að Brunnum 10, og þá stóð aldrei
á hennar góðu gestrisni. Unnar,
Ómar, Pía, Kristinn og Unnur Guð-
rún, ég bið Guð að styrkja ykkur í
þessari miklu raun. Fjölskylda mín
sendir ykkur innilegustu samúðar-
kveðjur og vonum við að minningin
um Bennsý verði sorginni yfirsterk-
ari.
Magnús Guðmundsson
t
Faðir okkar, tengdafaðir og afi,
HERMANN JÓNSSON,
Hraunbúðum,
Vestmannaeyjum,
sem lést í Sjúkrahúsi Vestmannaeyja 20. júní verður jarðsunginn
mánudaginn 26. júnífrá Landakirkju, Vestmannaeyjum kl. 14.00.
Fyrir hönd aðstandenda,
Kristinn Hermannsson,
Þorvaldur Hermannsson.
t
Eiginmaður minn, faðir okkar, tengdafaðir, tengdasonur og afi,
SVAVAR HALLDÓRSSON,
Breiðvangi 20,
Hafnarfirði,
verður jarðsunginn frá Hafnarfjarðarkirkju miðvikudaginn 28. júní
kl. 15.00.
Kristín Ingvarsdóttir,
Sigríður I. Svavarsdóttir, Steingrímur Guðjónsson,
Ólöf Svavarsdóttir, Garðar Flygering,
Halldór Svavarsson, Jósefína V. Antonsdóttir,
Sigri'ður Jónsdóttir
og barnabörn.
t
Tengdamóðir mín,
EDITH KAMILLA GUÐMUNDSSON, fædd KAARBYE,
Ránargötu 22,
Reykjavík,
verður jarðsungin frá Dómkirkjunni í Reykjavfk þriðjudaginn 27.
júní kl. 13.30. Blóm eru afþökkuð, en þeim sem vilja minnast
hennar, er bent á Krabbameinsfélag íslands.
Fyrir hönd annarra vandamanna,
Heimir Áskelsson.
t
Eiginkona mín, móðir, tengdamóðir og systir,
ÁSTRÚN GUÐMUNDSDÓTTIR,
Stangarholti 16,
Reykjavík,
verður jarðsungin frá Fossvogskirkju þriðjudaginn 27. júní kl.
15.00. Blóm og kransar eru vinsamlega afbeðin en þeim sem
vilja minnast hinnar látnu er bent á líknarstofnanir.
Sigurður Sigbjörnsson,
Guðmundur Elíasson, Ragnheiður Briem,
Eifn Guðmundsdóttir,
Guðmunda S. Guðmundsdóttir.
t
Útför móður okkar,
DAGFRÍÐAR FINNSDÓTTUR
kennara,
Heimahaga 3,
Selfossi,
fer fram frá Selfosskirkju, miðvikudaginn 28. júní kl. 14.00. Þeim
sem vilja minnast hinnar látnu er vinsamlega bent á safnaðar-
heimili Selfosskirkju,
Hallveig Guðjónsdóttir,
Pétur Guðjónsson,
Sveinbjörn Guðjónsson.
t
Eiginmaður minn, faðir okkar, tengdafaðir og afi,
JAKOBJÓNSSON
fyrrverandi sóknarprestur,
sem lést á Djúpavogi 17. júní, verður jarðsunginn frá Hallgríms-
kirkju mánudaginn 26. júní kl. 13.30.
Þeim sem vildu minnast hans er bent á Hallgrímskirkju, Reykjavík.
Þóra Einarsdóttir,
Guðrún Sigríður Jakobsdóttir, Hans W. Rothenborg,
Svava Jakobsdóttir, Jón Hnefill Aðalsteinsson,
Þór Edward Jakobsson, Jóhanna Jóhannesdóttir,
Jón Einar Jakobsson, Gudrun Jakobsson,
barnabörn og barnabarnabörn.