Morgunblaðið - 08.10.1989, Blaðsíða 33

flTtftfrmro p qTT:
MORGUNBLAÐIÐ
MIIMNAldHtí^MMgur s.'öktóber

Aðfaranótt fimmtudagsins 28.
september síðastliðins, á 71. af-
mælisdegi sínum, lést Friðrik Karls-
son framkvæmdastjóri Domus
Medica, eftir að hafa tekist lengi á
við illskeyttan sjúkdóm. Eftir frá-
fall Friðriks er mikið tómarúm í
Domus Medica, en þar byggði hann
hús og stjómaði starfsemi á vegum
lækna seinni hluta ævi sinnar.
Friðrik var Húnvetningur að ætt
og uppalinn í Vestur-Húnavatns-
sýslu. Hann var miklum mannkost-
um búinn og valdist snemma til
mannaforráða, en ungur að árum
starfaði hann sem verkstjóri við
brúarbyggingar vítt um land. Kunni
hann margar sögur að segja frá
mönnum og viðburðum frá þessum
árum.
Friðrik gerðist byggingameistari
og fékkst við íbúðarhúsabyggingar,
þegar þeir Bjarni Bjarnason læknir
kynntust. Bjarni var þá mikið í fé-
lagsmálum lækna og vildi byggja
yfir þá hús, sem þeir ættu og réðu
sjálfir. Læknar voru þá ekki ólíkir
starfsbræðrum sínum í dag, þeir
voru á móti þessu og tölglu sjálf-
stæði sínu einna best borgið með
fjárhagslegum meinlætum.
Bjarni fékk nú Friðrik, þennan
duglega og starfsglaða, „no non-
sense“ mann í lið með sér og saman
tókst þeim að sannfæra læknana
um að það væri mögulegt að byggja
hús fyrir lækna, Domus Medica, og
að það væri skynsamlegt. Á árunum
1963-64 hófust svo framkvæmdir
og 1966 hófst starfsemi í Domus
Médica.
Það var ekki háttur Friðriks né
í geði hans að bíða eftir, að eitt-
hvað yrði til eða gerðist, sem hann
gæti sest ofaná og haft það náðugt
^ að loknu verki. Hann stóð í sífelld-
um viðbyggingum og endurbótum
á húsinu og fjármagnaði mikinn
hluta þess með rekstri samkomusal-
ar og leigu húsnæðis. Hann hafði
frumkvæði að þessu sjálfur og tal-
aði fyrir því og tryggði sér stuðning
iæknafélaganna og stjórnar Sjálfs-
eignarstofnunarinnar Domus
Medica til þessara framkvæmda.
Ekki komust þó allar áætlanir á
byggingarstig, enda jókst ekki
áræði lækna að þvi skapi, sem þeim
fjölgaði.
Læknasamtökin eiga Friðriki
mikla þakkarskuld að gjalda. Hann
vann mikið og oft erfitt starf af
ósérhlífni og ósérplægni. Honum
var hlýtt til lækna og hann taldi
sig þurfa að hjálpa þessum hópi
manna, sem höfðu svo dæmalaust
lítið fjármálavit og litla einurð til
að gera eitthvað fyrir sjálfa sig.
Ekki er líklegt að læknar sjálfir
geri sér almennt grein fyrir, hversu
mikilvæg störf Friðriks hafa verið
fyrir stéttina og læknisþjónustuna,
sem rekin er hér á landi. Læknar
eignuðust eigið húsnæði fyrir ýmsa
félagsstarfsemi, útgáfustarfsemi
o.fl. Þeir eignuðust húsnæði fyrir
lækningastarfsemi og lækninga-
tæki og þó að starfsemin í Domus
Medica hafí ekki verið á þeim sam-
starfsgrundvelli, sem upphaflega
var ráðgert, þá voru þetta þó spor
í átt til sjálfstæðis lækna, til að
þeir gætu án truflunar gert það
besta sem í þeirra valdi stóð fyrir
sjúklinga sína. Laus við valdafíkn
eða forræða„komplexa“ skynjaði
Friðrik þá hættu, sem að læknum
steðjaði af því að missa frá sér
stjórnun á eigin störfum, glata fag-
legu sjálfstæði sínu.
Ég kynntist Friðriki ekki fyrr en
ég kom heim frá námi. Hann var
sjálfstæðismaður og fór ekki í felur
með það. Man ég að hann sagði
mér eitt sinn, nokkru eftir að ég
kom fyrst til starfa í Domus Medica
og við höfðum kynnst, að hann
hefði haldið að hér væri kominn enn
einn komminn. En Friðrik starfaði
í Domus með miklum ágætum með
læknum, sem höfðu allar mögulegar
eða ómögulegar pólitískar skoðanir.
Menn drógust að Friðriki. Hann var
laus við fals og undirferli, hafði
góða kímnigáfu, og þorði að segja
hug sinn eða útlista hugmyndir
sínar, ef honum fannst ástæða til.
En römm er sú taug er rekka
dregur, föðurtúna til. í Víðidalnum
eignaðist Friðrik jörð og þangað
sótti hugurinn. Við vorum nokkrir
félagar hans, sem urðum þeirrar
ánægju aðnjótandi að mega taka
þátt í ferðum hans heim í dalinn.
Þetta var hópur manna, sem stang-
veiðimenn kallast, og komu árlega
til veiða í Víðidalsá og Fitjá. Þetta
voru skemmtilegar veiðiferðir og
margar góðar minningar eigum við
félagarnir með Friðriki við ána. í
þessum hópi var hann hrókur alls
fagnaðar, en gaf sér jafnframt tíma
með veiðinni, að ræða við sveitunga
sína, fylgjast með búfé, telja folöld
sín, eða kanna það nýjasta í búnað-
arháttum á bæjunum.
Með þessum fátæklegu orðum
kveðjum við góðan dreng, hrein-
skiptin mann, íslenska bóndann,
byggingameistarann og fram-
kvæmdamanninn Friðrik Karlsson.
Okkar var auðnan að kynnast hon-
um. Við vottum Guðrúnu konu hans
og börnum þeirra, Karli og Sigríði
innilegustu hluttekningu.
Fyrir hönd lækna og samstarfs-
manna í Domus Medica.
Matthías Kjeld
Þ.ÞORGRÍMSSON&CO
mURUTLAND
J||f ÞÉTTIEFNI
Á ÞÖK - VEGGI - GÓLF
ÁRMÚLA 29, SÍMl 38640
ISAFJÖRÐUR
Páll Kr. Pálsson
UPPBYGGING IÐNAÐAR
I DREIFBYLI
lönlánasjóður gengst nú fyrir fundum
um uppbyggingu iðnaöar í dreifbýli.
AÖ þessu sinni:
■ 10. októberá ÍSAFIRÐI
Hótel ísafirði kl.20.15
■ Markmið fundanna er: anrnimiiwiíraiw
að kynna starfsemi Iðnlánasjóðs fyrir stjórn-
endum fyrirtækja og fulltrúum atvinnulífs í
dreifbýli,
að vekja áhuga stjórnenda fyrirtækja á
nýsköpun, sameiningu fyrirtækja og samstarfi
þeirra.
Lögð verður áhersla á þessa málaflokka:
Lánafyrirgreiðslu, vöruþróun, markaðsmál,
tækni, afkastagetu, söluaðferðir, dreifileiðir
og samstarf við önnur fyrirtæki.
■ Dagskrá:
1. Kynning á starfsemi Iðnlánasjóðs og þeirri
fyrirgreiðslu sem Iðnlánasjóður veitir fyrirtækj-
um.
Bragi Hannesson, bankastjóri.
2. Fyrirlestur um markaðsathuganir og mat á
markaðsþörf.
Þráinn Þorvaldsson, framkvæmdastjóri.
3. Fyrirlestur um vöruþróun.
Páll Kr. Pálsson, framkvæmdastjóri.
4. Fyrirlestur um samstarf og samruna fyrirtækja.
Pétur Reimarsson, framkvæmdastjóri.
5. Fyrirlestur um arðsemismat á
hugmyndum.
Jafet S. Ólafsson, útibússtjóri.
Gert er ráð fyrir að hver fyrirlestur taki 20-30
mínútur. Fundarstjóri verður Jón Magnússon,
formaður stjórnar Iðnlánasjóðs.
VIÐ HVETJUM ALLA ÞÁ SEM MÁLIÐ VARÐAR TIL AÐ KOMA.
(0) IÐNLÁNASJÓDUR
“ ÁRMÚLA 7, 108 REYKJAVÍK, SÍMI 68 04 OO

Allar nánari upplýsingar færðu á söluskrifstofum
Flugleiða, hjá umboðsmönnum og ferðaskrifstofum.
...í HELGARFERÐ
* Flug og gisting í tvær nætur á Hótel Kennedy. Verð á mann í tveggja manna
herbergi. Gildir frá 1. nóvember.
FLUGLEIÐIR
Upplýsingar og farpantanir í síma 690 300 og á söluskrifstofum z
Flugleiða: Lækjargötu 2, Hótel Esju, Kringlunni og Leifsstöð.