Morgunblaðið - 07.09.1990, Blaðsíða 42

42
MORGUNBLAÐIÐ IÞROTTIR FÖSTUDAGUR 7. SEPTEMBER 1990
mm>m

Hópleikurinn
fer af stað
um helgina!
ekki bara heppni
Upplýsingar um úrslit leikja: Lukkulínan, s. 99-1002
STIGAKEPPNI FRI
Fjórar konur jafnar
Lokakeppnin á Varmárvelli í Mosfellsbæ
Þórdís Gísladóttir, HSK, er í baráttunni um fyrsta sætið hjá kvenfólkinu
í stigakeppni FRI.
Birgitta Guðjónsdóttir, UMSE,
Þórdís Gísladóttir, HSK, og
ÍR-ingarnir Martha Ernstdóttir og
Oddný Árnadóttir eru stigahæstar
kvenna og jafnar með 24 stig í
stigakeppni FRÍ, en lokakeppnin fer
fram á Varmárvelli í Mosfellsbæ á
morgun. Einar Einarsson, Ár-
manni, er stigahæstur karla með
30 stig.
Níu stigamót hafa farið fram í
sumar, 'en rétt til þátttöku á síðasta
mótinu eiga þeir, sem flest stig
hafa hlotið í hverri grein. Fim stiga-
hæstu einstaklingarnir af hvoru
kyni fá peningaverðlaun, sem
Sjóvá-Almennar tryggingar gefa.
Þetta er síðasta stórmótið í frjáls-
íþróttum í sumar, en keppt verður
í 18 einstaklingsgreinum auk boð-
hlaupa.
Einar er stigahæstur karla, sem
fyrr segir. Andrés Guðmundsson,
HSK, er næstur með 26 stig, Pétur
Guðmundsson, HSK, 24, Jón Odds-
son, KR, 23, Finnbogi Gylfason,
FH, 23 og Gunnlaugur Skúlason,
UMSS, 20 stig. Næstar fyrrnefnd-
um konum eru Valdís Hallgríms-
dóttir, UMSE, og Fríða R. Þórðar-
dóttir, UMFA, með 22 stig hvor.
ALMENNINGSHLAUP
Fjórar vegalengdir í
Reykjalundarhlaupinu
Reynt að höfða til sem flestra með hlaupinu
Reykjalundarhlaupið ’90 verður
laugardaginn 8. september.
Hlaupið hefur verið tvö síðastliðin
ár og tekist afar vel með þátttöku
um fjögur hundruð manna. Hér er
um almenningshlaup að ræða sem
Reykjalundur gengst fyrir í sam-
vinnu við SÍBS og Búnaðarbank-
ann.
Á Reykjalundi er rekin umfangs-
mesta endurhæfingarstarfsemi hér
á landi og það er því við hæfi að
sem flestir geti tekið þátt í hlaup-
inu. Það verður reyndar ekki bara
hlaupið heldur er einnig boðið upp
á gönguleiðir og fólk í hjólastólum
og með önnur hjálpartæki er boðið
velkomið. Hér er líka kjörið tæki-
færi fyrir þá fjölmörgu, sem dvalið
hafa á Reykjalundi, að vera með.
Reykjalundarhlaupinu er ætlað
að höfða til sem flestra, fatlaðra
sem ófatlaðra, keppnisfólks sem
skemmtiskokkara.
Fjórar vegalengdir eru í boði fyr-
ir væntanlega þátttakendur. Sú
lengsta er 14 km, skemmtilegur
hlaupahringur sem liggur eftir
Vesturlandsvegi og Hafravatnsvegi
kringum Úlfarsfell. Þá verður einn-
ig hægt að skokka eða ganga 3 km
langan hring í nágrenni Reykja-
lundar og aðrir geta valið að fara
tvo þannig hringi og ljúka því við
6 km. Loks er að nefna einu leiðina
sem er öll á malbiki. Það er 500 m
til 2 km leið sem gæti t.d. hentað
fólki í hjólastólum og með önnur
hjálpartæki.
Hlaupið hefst kl. 11 nema hjá
14 kílómetra hlaupurum sem verða
ræstir örlítið fyrr eða kl. 10.40.
Ekki þarf að skrá sig í hlaupið en
þátttakendur mæti tímanlega
(10.00—10.30) að Reykjalundi í
Mosfellsbæ á hlaupdaginn sjálfan.
Þar fær fólk rásnúmer á kr. 200
sem er þátttökugjald. Ekki má
gleyma hinum vinsælu bolum
hlaupsins sem verða til sölu á staðn-
um.
Boðið verður upp á léttar veiting-
ar á Reykjalundi eftir að trimminu
lýkur og þar verða dregin út vegleg
og skemmtileg verðlaun, en það er
siður sem er vinsæll erlendis þar
sem almenningshlaup eru í háveg-
um höfð.
Þeir sem áhuga hafa á að vera
með í skemmtilegu hlaupi og blanda
saman hreyfingu og útiveru laug-
aradaginn 8. september ættu ekki
að láta þetta tækifæri fram hjá sér
fara. Hér er tilvalið fyrir heilu fjöl-
skyldurnar að bregða á leik.
Badmintonfélao Hafnarfjarðar
Vetrarstarfið er hafið.
Upplýsingar í símum 54801 (Gísli) og 54403 (Odda).
Unglingatimar
Skrqning fer fram í Kaplakrika sunnudaginn 9. september fró
kl. 12.30. Upplýsingar einnig í síma 653066 (Heimir).