Morgunblaðið - 02.12.1990, Blaðsíða 36

36 C
MORGUNBLAÐIÐ SUNNUDAGUR 2. DESEMBER 1990
BAKÞANKAR
Síðbúið
bamaafmæli
að hafðl dregist úr hófí fram
að halda upp á 8 ára afmæli
yngsta fjölskyldumeðlimsins frá
í sumar. Hann hafði rukkað um
veisluna annað veifið en ferðalög
og stórafmæli
beggja foreldr-
anna höfðu geng-
ið fyrir. Þrek til
að halda fleiri af-
mælisveislur var
því af skornum
skammti.
Skólinn byrj-
aði og þar með öll
afmælin, sem
varð okkur öllum stöðug áminn-
ing um að eftir væri að halda upp
á afmælið hans. En nú voru jólin
í nánd og árið senn á enda og
ekki lengri frest að hafa. Ákveð-
inn var sunnudagur í nóvember.
í ljós kom að faðirinn yrði ekki á
landinu þann dag og var afmæl-
inu enn frestað. Hann skyldi sko
ekki missa af afmælisveislunni!
En hverjum átti að bjóða eða
réttara sagt hveijum átti að
sleppa? Ragnheiður í hans bekk
hafði boðið öllum bekknum i af-
mælið sitt! Dálítið ógnvekjandi
tilhugsun en ég áræddi samt að
spyija soninn hve mörg þau
væru. Svarið kom daginn eftlr:
„Tuttuguogtvö!" og þá vantaði
vinina í götunni og alla hina.
Ég fór að litast um i íbúðinni
og fannst hún skreppa saman.
Ekki vildi ég gefa honum upp
einhvern kvóta eins og trillukarli
og láta hann velja á milli skóla-
systkina sinna. I versta falli yrðu
þetta 30 börn! „Elskan mín,
bjóddu bara öllum bekknum",
sagði ég sísvona og fannst ég
ansi göfug. Ég verð að játa að það
setti að mér smá ugg annað veif-
ið þegar nær dró.
Hvað ætlar þú að hafa í afmæl-
inu? spurði pabbinn. Ég las stolt
upp matseðilinn: „Afmælisterta
með ijóma og kertum, skúffukök-
ur, hrískökur, (tveir nýir réttir!)
sælgæti, kók ... já og pítsurnar,
þær eru þín deild!
Um morguninn áður en veisl-
an brast á mátti sjá sjaldgæfa
sjón her í eldhúsinu, við hjón
bæði að „eldast". Hann sönglandi
að strá ostinum yfir svogott sem
tilbúnar pítsurnar en ég búin að
bræða úr hrærivélinni með deig-
ið að skúffukökunni í sjóðheitu
vatnsbaði.
„Maður hrærir aldrei köldu
smjörlíki saman við þurrefni,"
heyrði ég sagt fyrir aftan mig.
„En heldurðu að kakan byrji
nokkuð að bakast í vatnsbað-
inu?“, spurði ég áhyggjufull. En
„sjónvarpskokkurinn" hafði því
miður engin ráð að gefa. Hann
bakar ekki. Svo einfalt er það.
íbúðin fylltist af bökunarlykt, ég
sveif um eins og fyrirmyndar
húsmóðir og einsetti mér að baka
miklu oftar. Ég fyllti mörg ílát
af deiginu góða. Siðan dró ég þau
fín og flott út úr ofninum og
reyndi að virkja listræna sköp-
unargáfu m ína í að raða sælgæs-
ismolum á kremið. Gestirnir
ungu mættu hver af öðrum. í
fyrstu gat ég vel legið á hleri og
hlaupið inn í eldhús til að endur-
segja pabbanum gullkornin eins
og: „Eg elska óperur! Stundum
þegar ég er að hlusta á óperur
renna bara tárin," sagði ein.
Fleiri bættust í hópinn og þá var
farið að ræða um Sadam Husseín
og Hitler. Þegar allir voru komn-
ir, ein 17 börn, var ekki lengur
hægt að hlera þessar skemmti-
legu samræður. Þegar eltingar-
leikurinn var kominn á fullt var
ég öruggust í eldhúsinu. Ég gerði
nokkrar tilraunir til að ná hljóði,
en það tókst ekki nema einu
sinni þegar ég hrópaði: „Gjöriði
svo vel!" Allir fengu sæti.
Pítsurnar kláruðust og hrískök-
urnar. „Ætlarðu að geyma þetta
lengi?" spurði „sjónvarpskokkur-
inn“ með votti af hæðnistón og
benti á fötin með skúffukökun-
um og svotil ósnerta ijómatert-
una, þegar verið var að taka sam-
an á eftir. Það síðasta sem ég
heyrði áður en ég leíð út af um
kvöldið var: „Það var meira hvað
þeim þóttu pítsurnar góðar!"
eftir Helgu
Thorberg •
hárblásarinn
vöfflujárn
llmandi, fallegar vöfflur.
hárliðunartæki
með heitum blæstri
Elnar Farestvett&Co.hf.
BORCARIWII28, SÍMI622901.
LalA 4 stoppar vM dymar
Græn tónleikaröð
Hrífandi, glæsileg, fogur, skemmtileg.
Þessi orð koma upp í hugann, þegar tónlistarúrval Grænu
tónleikaraðarinnar er skoðað.
Græna tónleikaröðin á erindi til allra, lærðra sem leikra í tónlist.
Þeir, sem ekki hafa kynnst æðri tónlist, ættu að kynnast henni á þessum vettvangi!
Dagskrá Grænu tónlistarraðarinnar er sem hér segir:
13. desember: Jólatónleikar.
MeÖal efnis: Árstíöirnar eftir Antonio Vivaldi.
17. janúar: Nýárstónleikar/Vínartónleikar.
Efni þeirra veröur sívinsœl Vínartónlist.
21. mars: Páskatónleikar.
Meðal efnis: Sjö síðustu orö frelsara vors á krossinum eftir Haydn.
3. maí: Vortónleikar/Óperutónleikar.
Efni þessara tónleika verður vinsœl óperutónlist.
Áskriftarskírteini veita 15% aflsátt á þessa tónleikaröð og einnig 10% afslátt á
alla aðra tónleika vetrarins.
Sala áskriftarskírteina á Grænu tónleikaröðina stendur yfir til 7. desember.
Eftir þann tíma hefst sala lausamiða.
SINFÓNÍUHLJÓMSVEIT ÍSLANDS
Háskólabíói v/Hagatorg.
Sími 622255.
er aðalstyrktaraðili Sinfóníuhljómsveitar
Islands á þessu starfsári.
HEIMUR ÆVINTÝRA
í Florida skín sólin alltárið — Flugleiðir fljúga tvisvar í viku beint til Orlando.
Veðursældin í Florida er einstök . Þar geturðu iökað íþróttir, notiö
skemmtanalífs og kynnst óviðjafnanlegri ævintýraveröld:
Disney World, Sea World og Cypress Gardens
eru staðir sem seint gleymast.
Hafið samband við söluskrifstofur Flugleiða eöa ferðaskrifstofur
og fáið nánari upplýsingar.
FLUGLEIDIR
Þegar ferðalögm liggja I loftmu
Söluskrifstofur Flugleiða: Lækjargötu 2, Hótel Esju
og Kringlunni. Upplýsingar og farmiðapantanir í síma 690300.
Allar nánari upplýsingar færðu á söluskrifstofum Flugleiða,
hjá umboðsmönnum og ferðaskrifstofum.