Morgunblaðið - 31.07.1991, Blaðsíða 17

MORGUNBLAÐIÐ MIÐVIKUDAGUR 31. JÚLÍ 1991
17
Heimilistæki hf
Tæknideild. Sætúni 8 SIMI 69 15 00
i i SaMHí/tífUHC
LYKTARLAUS
GÆÐA-
HVÍTLAUKUR
BIO-SELEN UMB. SIMI: 76610
Þórhallur Jósepsson.
Samgöngnráðuneyti:
Þórhallur Jós-
epsson ráðinn
deildarstjóri
ÞÓRHALLUR Jósepsson blaða-
maður hefur verið ráðinn deildar-
stjóri í samgönguráðuneytinu.
Hann mun sinna sérverkefnum
fyrir Halldór Blöndal samgöngu-
ráðherra. Hann tekur til starfa
1. september næstkomandi.
Þórhallur er 38 ára gamall. Hann
lauk stúdentsprófi frá MA árið 1974
og stundaði kennslu fyrir og eftir
nám við KHÍ á árunum 1975-1984.
Hann starfaði hjá Olíufélaginu Skelj-
ungi frá 1984-1988 er hann réðist
til Morgunblaðsins sem blaðamaður.
Þórhallur Jósepsson er kvæntur
Herdísi Ólafsdóttur og eiga þau tvö
börn.
FJÖLSKYLDUBILL A FINU VERÐI
Lada Samara er ódýr og sparneytinn 5 manna
fjölskyldubíll sem hentar vel bæði innanbæjar og í
ferðalagið. Hann er léttur í stýri og þýður í akstri.
Farangursrýmið má stækka til muna ef aftursæti er
velt fram. Lada Samara er framhjóladrifinn og er
fáanlegur bæði með 1300 crrf og 1500 cm3 vél.
Hægt er að velja um 3 eða 5 dyra bíl.
H LADA SAMARA
BIFREIÐAR & LANDBUNAÐARVELAR HF.
Ármúla 13108 fíeykjavík Símar 6812 00 & 312 36
ALLICIN-
AUÐUGUR

- segir Olafur Ragnar Grímsson
Utanríkismálanefnd Alþingis hélt í gærmorgun fund, þar sem fjallað
var um þá stöðu sem komin er upp eftir að samningaviðræðum EFTA
og EB um Evrópskt efnahagssvæði var frestað fram á haustið, í fyrra-
kvöld. Morgunblaðið ræddi við Eyjólf Konráð Jónsson, formann utanrík-
ismálanefndar Alþingis, Ólaf Ragnar Grímsson, Steingrím Hermanns-
son og Ingibjörgu Sólrúnu Gísladóttur, sem sæti eiga í nefndinni og
innti þau eftir áliti þeirra á stöðunni.
EB ekkert hnikað stefnu sinni
í átt til hagsmuna Islands
Ólafur Ragnar Grímsson sagðist
telja það ljóst að viðræðum um EES
væri lokið, að minnsta kosti hvað
Island snerti, þar sem Evrópubanda-
lagið hefði á þessum tveggja ára
samningaferli ekki hnikað stefnu
sinni neitt í átt að hagsmunum ís-
lands. „Það er tími til kominn að
menn hætti að blekkjast. Þessu er
lokið og allt tal um framhald í sept-
ember er kurteisishjal diplomata um
dulargervi veruleikans," sagði Ólafur
Ragnar í samtali við Morgunblaðið.
„Þetta er allavega búið hvað ísland
snertir því það er niðurstaðan af
u.þ.b. tveggja ára ferli að Evrópu-
bandaiagið hefur ekki hreyft sig um
millimetra í átt að hagsmunum ís-
lands. EB var með nákvæmlega
sömu stefnu í gærkvöldi og það var
árið 1988 og reyndar líka 1976. Það
er mjög mikilvægt að þeir sem gæta
hagsmuna íslands átti sig á þessum
veruleika sem þýðir að mínum dómi
tvennt. Annars vegar að þessar við-
ræður um EES eru búnar hvað ís-
land snertir. Hins vegar sýnir þessi
tveggja ára samningaferill að ísland
getur ekki átt neina samieið innan
Evrópubandalagsins með þeim ríkj-
um sem þar eru. Þess vegna ættu
menn að sameinast ura að loka allri
umræðu um inngöngu íslands í Evr-
ópubandalagið því það er orðið hreint
og klárt að landbúnaðarstefna þess
sem fískveiðistefnan er hluti af geng-
ur svo þvert á grundvallarhagsmuni
íslensku þjóðarinnar að þar er ekkert
svigrúm. Mér finnst líka að stjórn-
völd verði að hafa manndóm til að
horfast í augu við það að sú samn-
ingaaðferð sem Jón Baldvin tók upp
í málinu fyrir rúmu ári hefur engu
skilað fyrir ísland," sagði Ólafur
Ragnar.
„Það er einnig ljóst að það er ekki
bara Noregur sem hefur verið niður-
lægður í þessu máli heldur hafa ís-
lensk stjórnvöld einnig verið niður-
lægð með einstökum hætti. Davíð
Oddsson sagði eftir Luxembúrgar-
fundinn að það væri stærsti sigur
íslendinga. Nú hefur komið í ljós að
það er eitthvað mesta öfugmæli sem
hér hefur sést,“ sagði Ólafur Ragnar
Grímsson.
Islendingar fá með þessu frest
til að átta sig á stöðu mála
Eyjólfur Konráð Jónsson sagðist
ekki harma það sérstaklega að sam-
komulag yrði ekki gert í bráð þar
sem íslendingar fengju með því frest
til að átta sig á stöðu mála. „Ég tel
að það sé mjög gott fyrir okkur að
fá tíma til að hugsa okkar ráð. Það
eru miklar breytingar að eiga sér
stað í heiminum um þessar mundir
og merkileg tíðindi að gerast, einkum
þau nýjustu þar sem leiðtogar Rúss-
lands og Litháens eru búnir að undir-
rita samstarfssamning og ríkin búin
að viðurkenna fullveldi hvors annars.
Út af því máli og EB málunum verð-
ur utann'kismálanefnd í kallfæri á
næstunni, því allt tengist þetta beint
og óbeint. Ég mun fylgjast með því
sem ríkisstjórnin fær að vita og kem
því áleiðis til nefndarmanna,“ sagði
Eyjólfur Konráð Jonsson, í samtali
við Morgunblaðið.
Skoða ber möguleika á tvíhliða
viðræðum við ÉB
Ingibjörg Sólrún Gísladóttir sagð-
ist telja að viðræðunum um Evrópskt
efnahagssvæði væri í raun lokið.
„Þar með er ég þó ekki að segja að
það verði ekki reynt aftur í haust
en ég held að fyrst ekki náðist sam-
komulag í nótt eftir þennan mikla
undirbúning og stöðugu viðræður þá
sé ólíklegt að meiri möguleikar séu
á að ná saman eftir sumarfrí í haust.
Þetta segi ég ekki síst í ljósi þess
að Norðmenn hafa dregið tilboð sitt
til baka en þeir hafa í raun verið
niðurlægðir í þessum viðræðum og
munu örugglega ekki verða fúsir til
að gefa eftir,“ sagði Ingibjörg Sól-
rún, í samtali við Morgunblaðið.
Hún sagði það sitt mat að sú
stefna síðustu ríkisstjórnar og þeirrar
sem nú situr að taka þátt í viðræðum
um Evrópskt efnahagssvæði hefði
beðið skipbrot. „Ég vil minna á að
við kvennalistakonur höfum alla tíð,
frá því að þetta komst fyrst á dag-
skrá, lagt áherslu á að íslendingar
ættu að taka upp beinar tvíhliða við-
ræður við Evrópubandalagið um að
lagfæra þann fríverslunarsamning
sem þeir hafa. Það eina sem er í
stöðunni núna er að skoða þann
möguleika aftur. Ríkisstjórnin, ut-
anríkismálanefnd og fiokkarnir þurfa
að skoða hvað þeir vilji að slíkur
samningur feli í sér og kanna mögu-
leikana á að ná honum. Víða hefur
heyrst að nú muni aukast þrýstingur
á ríkisstjómina að sækja um aðild
að Evrópubandalaginu. Það væri að
mínu mati fásinna," Ingibjörg Sólrún
Gísladóttir.
Stórt skarð höggvið í samstöðu
EFTA-þj óðanna
Steingrímur Hermannsson lýsti
efasemdum um að samningar næð-
ust í haust einkum vegna þess hve
stórt skarð væri höggvið í samstöðu
EFTA þjóðanna eftir að Evrópuband-
alagið samþykkti að taka til meðferð-
ar umsókn Austurríkis og Svíþjóðar
um fulla aðild að bandalaginu. „Þetta
eru viss vonbrigði. Ég hefði gjarnan
viljað að samningar næðust eftir
þeim línum sem lagðar voru fyrir
rúmu ári en á hinn bóginn kemur
þetta ekki á óvart því það hafa kom-
ið í ljós miklir þverbrestir hjá Evrópu-
bandalaginu upp á síðkastið. Strax
í GATT-viðræðunum var ljóst að
þeir eru miklir verndarsinnar og
halda utan um sitt af meiri hörku
en flestir aðrir,“ sagði Steingrímur,
í samtali við Morgunblaðið.
Hann sagðist telja að Islendingar
ættu nú að snúa sér að því að reyna
að ná tvíhliða samningum við Évr-
ópubandalagið. „Það kann að verða
mjög erfítt því líklega lendum við í
sömu andstöðunni þar frá þeim ríkj-
um sem ekki vilja okkar varning toll-
ftjálsan inn. Mér finnst hins vegar
að það eigi að reyna þetta og leita
eftir viðskiptasamningum og sam-
starfi við þá á ýmsum sviðum t.d.
með nýtingu okkar á orkulindum,
við útflutning á vatni og þróun ferða-
iðnaðar. Auk þess eigum við að ræða
við aðrar þjóðir eins og Japani sem
eru alls staðar á höttum eftir físki.
Við verðum að taka þessum hlutum
eins og þeir eru. Þetta eru staðreynd-
ir og út af fyrir sig kvíði ég ekki
miklu. Við verðum bara að hætta
að betja höfðinu við steininn eins og
við höfum gert og gefa upp allar
bollaleggingar um aðild að Evrópu-
bandalaginu. Það tefur einungis fyr-
ir og spillir fyrir annarri skynsam-
legri þróun hér. Við eigum ekkert .
erindi þar inn,“ sagði Steingrímur
Hermannsson.
Viðræðum um Evrópskt efnahagssvæði frestað:
Ljóst að viðræðum um EES
er lokið hvað Island snertir