Morgunblaðið - 13.02.1992, Qupperneq 46

46
MORGUNBLAÐIÐ FIMMTUDAGUR 13. FEBRÚAR 1992
. þú£> muno& L óoona, Otlu aá hún h 'itti
ntýjcL ho.ttinn minn. ■"
Ast er...
LOST ÆND
FOUND
4-2/
... að gefa annað tækifærí.
TM Reg. U.S Pat Off. — alt rights reserved
® 1992 Los Angeles Times Syndicate
Þetta hlýtur að vera kveðja
til þín frá fyrri manninum.
Hann var ætíð engum líkur.
Eitthvað fitusnautt svo ég
fitni nú ekki og ís með
súkkulaði til að létta skapið,
takk.
HOGNI HREKKVISI
/T
,H\/eRNIG> LIKSAR ÞÉR VI& Nýj"0 DyRMAR?"
BREF TIL BLAÐSINS
Aðalstræti 6 101 Reykjavík - Sími 691100 - Símbréf 691222
Stöndum vörð um
Lánasjóðinn
frá Kristjáni Frey Helgasyni:
EKKI var mér skemmt að horfa
á Ólaf G. Einarsson lýsa því yfir
í sjónvarpinu, að aðgerðir hans í
málefnum Lánasjóðsins hefðu
engin áhrif á möguleika efnaminni
stúdenta til náms. Ég á aðeins
eitt ár eftir í skóla, því útséð er
með framhaldsnám í væntanlegu
lánakerfi. Þó gæti farið svo að ég
neyddist til að taka þetta eina ár
á tveimur, til þess að losna við að
taka lán í nýja kerfinu og reyna
að fá hlutastarf til þess að geta
framfleytt fjölskyldu minni, nægar
eru skuldirnar fyrir.
En áhyggjur mínar eru mestar
af námsmönnum framtíðarinnar.
Eftir 3—7 ára nám koma flestir
út slippir og snauðir. Búnir að
eyða öllum sínum skyldusparnaði
í húsaleigu og með langan
námslánahala á bakinu. Með þessa
forgjöf hefja þeir lífsgæðakapp-
hlaupið ógurlega. Langflestir fara
að vinna hjá ríkinu, á einhverjum
spítalanum eða skólanum.
Oft hef ég lesið um og heyrt
menn komna yfir miðjan aldur,
segja frá því hreyknir, að þeir
hafi nú unnið fyrir sínu námi. Eitt
vil ég segja við þessa menn. Þið
voruð engir kraftaverkamenn og
síst er æskan í dag dugminni en
þið voruð. Þið fóruð á sjó eða í
síld og unnuð á meðan þið stóðuð
í lappirnar. Þetta er ekki hægt í
dag. Á tímum aflasamdráttar eru
sjómennirnir hættir að tíma því
að fara í frí og ekki er hægt að
vinna í fiski því að hann fer að
mestu óunninn út til Englands og
Þýskalands. Því er ekki um upp-
grip að ræða hjá námsmönnum í
dag. Mikil vinna á námsmönnum
er einnig illa þokkuð hjá lánasjóðn-
um, fyrir það er þeim refsað.
Ein er sú þörf sem er ákaflega
rík í okkur öllum, það að eiga þak
yfir höfuðið. Hvernig á þetta fólk
að geta eignast nokkurn skapaðan
hlut? Með 60—80 þús. á mánuði,
40% í tekjuskatt, að ógleymdum
öllum þeim þjónustugjöldum sem
núverandi ríkisstjórn hefur sett á.
Ofan á þetta bætist að þurfa nú
að greiða 8% af launum sínum
fyrir námslánin, sem nú eiga að
bera vexti.
Það hefur verið mín skoðun að
Lánasjóðurinn eigi að vera félags-
legur jöfnunarsjóður. Það hefur
verið ríkjandi í umræðunni að of
mikið sé af þessum „háskólakvik-
indum“. Þetta hef ég heyrt frá
verkamönnum og sjómönnum.
Þetta þykir mér miður, því allir
menn vilja að börnin þeirra verði
eitthvað allt annað og meira en
þeir sjálfir höfðu tök á. Ég trúi
því að verkamenn og sjómenn
hafi mikinn metnað fyrir hönd
barna sinna. Þeir ættu því að
hugsa sinn gang áður en þeir
agnúast út í „þessi háskóla-
kvikindi". Lánasjóðurinn var ekki
síst hugsaður fyrir börn þessa
fólks.
Hér áður fyrr gátu einungis
börn presta og sýslumanna gengið
menntaveginn. Hætt er við því að
svipuð staða gæti komið upp í
dag, eini munurinn yrði sá að í
stað barna presta og sýslumanna,
væru komin böm sægreifa og
Sameinaðra verktaka. Lánasjóður-
inn kemur okkur öllum við. Eigi
að ríkja jafnrétti til náms á ís-
landi, verðum við að standa sam-
eiginlegan vörð um Lánasjóðinn.
KRISTJÁN FREYR HELGASON
Hraunbæ 154 Reykjavík
Imedeen
frá Erni Svavarssyni:
ELÍN spyr um Imedeen, efni
sem byggir upp húðina, og gerir
hana yngri. Við í Heilsuhúsinu
erum nýbúin að fá þessa vöru í
búðina. í framhaldi af fyrirspurn
Elínar get ég upplýst eftirfar-
andi um Imedeen.
Sá sem á heiðurinn af þessu
bætiefni er 25 ára austurrísk-
sænskur læknir, Atti-la
Dahlgren. Faðir hans, lífefna-
fræðingurinn Ake Dahlgren
stýrði fyrir nokkrum árum rann-
sóknarverkefni um frumeinda-
samsetningar. Þessar rannsókn-
ir leiddu m.a. til þróunar á bæti-
efni fyrir húðina sem lagaði
ótímabæra öldrun hennar.
Atti-la, ásamt hópi sérfræðinga,
hóf strax frekari rannsóknir á
því.
Dr. Allan Lassus, gerði svo-
nefnda blindprófun þar sem hópi
30 kvenna var skipt þannig að
helmingur þeirra fékk Imedeen
en hinn helmingurinn óvirkar
töflur. Báðir hóparnir töldu sig
vera að taka Imedeen. Konurnar
sem voru valdar höfðu allar
dæmigerðar skemmdir af völd-
um of mikilla sólbaða. Meðalald-
ur hópsins var 50 ár, en þykkt
húðar þeirra og teygjanleiki var
í sama ástandi og húð kvenna
á aldrinum 60—80 ára. Eftir að
hafa notað Imedeen í 3 mánuði
batnaði húðin. Þykkt húðarinnar
jókst að meðaltali um 75% og
teygjanleikinn um 45%.
Bati var einnig sjáanlegur
hvað varðar hrukkur, húðflekki
og þurra húð. Engin breyting
átti sér stað hjá þeim sem fengu
óvirku töflurnar.
Imedeen hefur verið sam-
þykkt hjá Lyfjaeftirliti ríkisins
en við gátum aðeins fengið lítið
magn afgreitt til að byija með.
ÖRN SVAVARSSON
Heilsuhúsinu.
Víkverji skrifar
Ggróskan er með ólíkindum mik-
il í menningarlífinu um þessar
mundir. Um síðustu helgi rak hver
stórviðburðurinn annan. Ný íslenzk
kvikmynd var frumsýnd, Islenzka
óperan frumsýndi Othello og á
mánudagskvöld var íslenzk tónlist
send beint til 20 Evrópulanda í
flutningi um 500 listamanna. Er
mál manna að tónleikarnir í Hall-
grímskirkju hafi verið mikill Iistvið-
burður. Á ijölum leikhúsanna í
Reykjavík eru í gangi 9 leikverk
og íslenzkur söngleikur er sýndur
á Akureyri um þessar mundir. Og
áfram mætti telja.
XXX
Hin nýja kvikmynd Ásdísar
Thoroddsen, Ingaló, hefur
fengið góða dóma gagnrýnenda.
Er það gleðilegt, því Ásdís er ný-
græðingur á sviði kvikmyndunar.
Áf skrifum gagnrýnenda má ráða
að Ásdís reyni ekki að færast of
mikið í fang. Hún reyni að segja
litla sögu úr íslenzku umhverfi og
takist ætlunai-verk sitt að mestu
leyti.
Víkverji er ekki enn búin að sjá
myndina en hyggst fara við fyrsta
tækifæri. Víkveiji sá Börn náttur-
unnar í fyrra og hreifst mjög af
þeirri kvikmynd. Þar var Friðrik
Friðriksson einmitt að segja litla
sögu úr íslenzku umhverfi með
hreint ágætum árangri. Enda hefur
myndin vakið mikla athygli víða um
heim og nú eru menn jafnvel farnir
að gæla við þá hugmynd að hún
verði í hópi 5 erlendra kvikmynda,
sem keppi um Óskarsverðlaunin
bandarísku. Of svo fer, yrði það
gífurlegur ávinningur fyrir íslenzka
kvikmyndagerð.
Víkveiji hefur lengi verið þeirrar
skoðunar að kvikmyndir eins og
Börn náttúrunnar séu heppileg við-
fangsefni fyrir íslenzka kvikmynda-
gerð, sem vart hefur slitið barns-
skónum enn.
xxx
Víkveiji sat í vikunni afar fróð-
legan fund með yfirmönnum
iögreglunnar í Reykjavík um sam-
skipti lögreglunnar og fjölmiðla.
Mjög mikilvægt er að þessi sam-
skipti séu góð. Bæði lögreglan og
ljölmiðlar vinna fyrir almenning
þótt með ólíkum hætti sé. Komið
hafa upp hnökrar í samstarfinu á
seinni árum, sérstaklega þegar um
stóratburði er að ræða. En lögreglu-
yfirvöld í Reykjavík hafa lagt mikið
kapp á að bæta samskiptin við fjöl-
miðla á allra síðustu árum og í
heildina má segja að það sé orðið
mjög gott. Enda er það allra hagur
að svo sé. Ber að þakka þetta starf
lögreglustjórans Böðvars Braga-
sonar og hans manna.
Því miður eru dæmi um önnur
lögregluembætti í landinu sem vilja
sem minnst samstarf hafa við fjöl-
miðla og reyna að öllum mætti að
draga úr fréttaflutningi af lögreglu-
og sakamálum. Víkveiji telur þessa
stefnu ranga og beinlínis vinna
gegn hagsmunum almennings.
xxx
Af og til birtast bréf í lesenda-
dálkum dagblaðanna þar sem
kvartað er yfír of mikilli íþróttaum-
ijöllun sjónvarpsstöðvanna. Víkveiji
er á öndverðri skoðun. Kannanir
hafa sýnt að þriðjungur sjónvarps-
áhorfenda fylgist mjög vel með
íþróttaefni í sjónvarpi. Enda hafa
báðar sjónvarpsstöðvarnar lagt sig
fram við að sinna vel þessum hópi.
RUV sýnir daglega frá vetrar-
ólympíuleikunum og á sunnudaginn
var Stöð 2 með mjög góða dagskrá
frá körfuknattleik, knattspyrnu og
handknattleik. í sumar mun RÚV
sýna mikið íþróttaefni og ber þar
hæst Evrópukeppnin í knattspyrnu
og Ólympíuleikarnir í Barcelona.
Fyrir hönd íþróttaunnenda þakkar
Víkveiji íslenzkum fjölmiðlum fyrir
mikla og góða umfjöllun um íþrótt-
ir.