Morgunblaðið - 25.07.1992, Blaðsíða 12
12
MORGUNBLAÐIÐ LAUGARDAGUR 25. JÚLÍ 1992
Minning:
María Hjalta-
dóttir frá Hvoli
Fædd 1. júlí 1924.
Dáin 18. júlí 1992.
Með þessum fátæklegu línum
langar mig að minnast Maríu
Hjaltadóttur, mágkonu minnar, en
hún andaðist 17. júlí sl. í sjúkra-
húsinu á Hvammstanga eftir hetju-
lega baráttu við hinn illvíga sjúk-
dóm krabbameinið.
María var fædd og uppalin í
Reykjavík. Foreldar hennar voru
hjónin Ásta Ásgeirsdóttir og Hjalti
Gunnarsson.
Hún hlaut góða bamaskóla-
fræðslu í Landakoti og síðar stund-
aði hún nám í Héraðsskólanum á
Laugarvatni í tvo vetur.
Atvikin höguðu því svo til að
18 ára gömul réðst hún í kaupa-
vinnu norður í Húnavatnssýslu.
Það var árið 1942. María minntist
stundum á tildrög þessarar ferðar,
en þau voru á þá leið, að sú stúlka,
sem ráðin var, forfallaðist og var
hún fengin til að fara í hennar
stað. Á þessu sumri kynntist hún
ungum bóndasýni, Jósep Magnús-
syni, og þeirra framtíð var ráðin.
Þau gengu í hjónaband árið 1944,
og hófu búskap í hans heimahér-
aði. Lengst af bjuggu þau á Hvoli
í Vesturhópi, þar til fyrir nokkrum
árum, að heilsa þeirra beggja leyfði
ekki frekari búskap.
Hvoll er fallegt býli og landg-
ott. Allar voru þar byggingar
gamlar og úrsérgengnar og rækt-
un lítil, þegar þau settust þar að.
Ærin vom því verkefnin fram-
undan og ekki var heldur legið á
liði sínu.
Þau María og Jósep eignuðust
átta böm, sem náðu fullorðinsárum
og lifa móður sína.
Bamahópurinn var að vísu stór,
samt átti heimilið á Hvoli nóg rúm
fyrir marga unga sumargesti ár
eftir ár. Var skemmtilegt að heyra
Maju segja frá því, hvernig hún
stjómaði bæði utan húss og innan
þessum bamaskara.
Fleiram þótti notalegt að koma
að Hvoli og njóta gestrisni húsráð-
enda þar,_en þessum ungu sumar-
gestum. Á þeirra fyrstu búskapar-
áram var þar í sveitum utangarðs-
fólk, sem ekki var allstaðar aufúsu-
gestir, en á Hvoli var öllum vel
fagnað og veittur hinn besti beini.
Kom þá glöggt í ljós hjartahlýja
húsráðenda.
Mikil hafa þau viðbrigði verið
fyrir unga stúlku, að flytja úr for-
eldrahúsum hér í Reykjavík í aló-
kunnuga og framandi sveit. En
CLASSICA
Sýningarhús vió
Húsasmiðjuna hf.,
Skútuvogi 16, og
Smiðshús, Alftanesi
Heildverslunin
SMIÐSHÚS
- E. Sigurjónsdóttir,
Smiðshús,
225 Bessastaðahreppi,
sími 650800.
María hafði margt til brunns að
bera. Hún var hneigð til bókar og
las eins mikið og hún hafði tíma
til frá önnum dagsins. Ættfræði
stóð henni nærri og hin margþætta
saga, sem sú fræðigrein líkur upp
fýrir mörgum fannst henni ætíð
forvitnileg. En fyrst og fremst átti
myndlistin hug hennar og hönd.
Hún gat að vísu lítið sinnt þessu
hugðarefni sínu meðan lífsbaráttan
var hörðust, en á seinni árum tók
hún hraustlega til hendi og prýða
myndir hennar nú mörg heimili.
í byijun þessa mánaðar komu
ættingjar Hjalta Gunnarssonar
saman á Hvoli. Tilefnið var ald-
arafmæli hans. Maríu var þessi
samkoma mikið áhugamál, eins og
fleiram af hans niðjum. María
hafði lagt á ráðin, hvemig að þessu
skyldi staðið. Veðrið var einstak-
lega gott og landið skartaði sínu
fegursta. Með hjálp barna sinna
tókst henni að mæta á þessa hátíð
og finna í síðsta sinn þá sönnu
ánægju að taka á móti gestum á
Hvoli.
Nú þegar hennar ævi er öll verð-
ur manni efst í huga sá þáttur í
lífsstarfí hennar, að hlynna að öllu
og öllum sem stóðu höllum fæti í
baráttu lífsins.
Við Hanna sendum manni henn-
ar, börnum og öðram ættingjum
okkar innilegustu samúðarkveðjur.
Bjöm Helgason.
Alltaf var gott að koma að Hvoli
til ömmu og afa. Um leið og ég
var farin þaðan, vildi ég fara til
þeirra aftur. Ég var alltaf mikið
hjá þeim þegar ég var yngri, bæði
um sumar og vetur. Oft vora
krakkar allt í kringum þau og ég
minnist þess hve gaman var að
Ieika sér uppi í Nátthaga og að
tína blóm og gefa ömmu. Hún var
alltaf svo góð við mig og kenndi
mér svo margt sem aðrir hafa
ekki gert og munu sjálfsagt ekki
gera. Hún kenndi mér að mála og
föndra, en sjálf var hún málari og
að mínu mati mjög fær í að föndra.
Hún hvatti mig áfram í að fara í
Myndlista- og handíðaskóla ís-
lands (bréfaskóla) og læra á píanó.
Upphaflega var það hún sem átti
uppástunguna að því að læra eitt-
hvað meira en það sem var kennt
í skólanum. Ég minnist þess alltaf
hvað hún var hörð af sér. Hún
barðist við veikindi nokkur síðustu
árin og lét aldrei deigan síga þótt
á móti blési. Hún barðist áfram
með seiglunni uns takmarkið náð-
ist, en það var að ná bata. En allt
kom fyrir ekki, þegar maður von-
aði að þetta væri allt yfirstaðið
blossaði þetta bara upp aftur og
hún var tekin frá okkur. Ég skil
ekki af hveiju Guð þurfti endilega
að taka ömmu frá mér og okkur
öllum sem þótti svo vænt um hana.
Oft hugsa ég af hveiju Guð sé
svona miskunnarlaus, ég sem hélt
að ég gæti haft ömmu alltaf hjá
mér. Eg hef alltaf verið mikil
ömmu- og afastelpa og er það
ennþá. En amma mun lifa í minn-
ingunni um ókomna framtíð svo
lengi sem ég lifi.
Jóhanna María Jóhannesdóttir.
Hún amma mín á Hvoli er dáin.
Hún andaðist á sjúkrahúsinu á
Hvammstanga að morgni 18. júlí
sl. eftir 7 ára baráttu við erfiðan
sjúkdóm.
Þegar ég lít til baka hrannast
minningar upp í huga minn. Hún
amma var látlaus og sterk, hún
kvartaði aldrei í öllum sínum veik-
indum. Það sýnir best hvað amma
var ákveðin og dugleg að 4. júní
sl. var ættarmót afkomenda for-
eldra hennar á Hvoli, þar mætti
amma þó var hún orðin rúmliggj-
andi. Hún var flutt í sjúkrakörfu
út í Hvol, þar lá hún og spjallaði
við fólk allan daginn.
Það var gott að koma til ömmu
og afá á Hvoli meðan þau bjuggu
þar. Þar vora alltaf allir velkomn-
ir. Þegar brann hjá okkur íbúðar-
húsið á Urðarbakka fluttum við
öll út að Hvoli, þar sem við vorum
innilega velkomin. Sama var eftir
að þau fluttu á Strandgötu 12. Þau
pössuðu alltaf að enginn færi
svangur frá þeim og amma sagði
alltaf þið drekkið nú allavega eða
borðið áður en þið farið.
Svo er það atvik sem mér er
sérlega minnisstætt. Það var þegar
amma var sem veikust haustið
1990 og það átti að fljúga með
hana norður og amma vildi endi-
lega að ég flygi með sér norður
sem ég gerði. Ég var nú hálf smeyk
því ég hafði aldrei flogið áður, en
amma talaði í mig kjark.
Elsku afi, ég vona að guð gefi
þér og okkur öllum styrk til að
bera söknuðinn. Minningin um
hana ömmu okkar lifir áfram.
María Inga Hjaltadóttir.
Tengdamóðir mín, María Hjalta-
dóttir, verður til moldar borin í
dag, laugardag 25. júlí. María, eða
Mæja eins og hún var oftast köll-
uð, var fædd í Reykjavík. Hún ólst
upp hjá foreldrum sínum í myndar-
legum systkinahópi. Foreldrar
hennar vora Hjalti Gunnarsson og
Ásta Ásgeirsdóttir. Systkini henn-
ar eru: Jóhanna Björg Hjaltadóttir,
kennari og húsmóðir, fædd 17.
ágúst 1919, GunnarÁsgeir Hjalta-
son, gullsmiður og listmálari,
fæddur 21. nóvember 1920 og
Friðrik Hjaltason, prentari, fæddur
9. júní 1929.
Mæja fór noður í Húnavatns-
sýslu átján ára gömul í kaupa-
vinnu. Þar kynntist hún eftirlifandi
pianni sínum, Jósefi Magnússyni,
fæddum 1. nóvember 1920 í Vatns-
dalshólum, Austur-Húnavatns-
sýslu.
Þau bjuggu nær allan sinn bú-
skap á Hvoli í Vesturhópi, en
brugðu búi og fluttu inn á
Hvammstanga fyrir um tveimur
árum vegna veikinda þeirra
beggja. Vorið 1977 kynntist ég
Mæju og Jósef, þegar ég kynntist
Gunnari Syni þeirra og bjuggum
við hjá þeim fram á haust. Mæja
var víðlesin og fróð kona og mjög
listfeng. Hún málaði, saumaði,
pijónaði og heklaði. Það var sama
hvað hún gerði, það lék allt í hönd-
unum á henni. Það var alltaf gott
að leita til hennar og fá góð ráð
hjá henni, enda hefur hún alltaf
reynst mér sem besta móðir. Hún
var sterkur persónuleiki sem óhætt
var að treysta, samfara hlýju við-
móti sem einkenndi hana í daglegu
lífí. Öll hin löngu veikindi bar hún
æðralaust og lét aldrei bugast svo
maður vissi. Jósef og Mæja eignuð-
ust tíu börn og era átta á lífi. Þau
eru: Magnús, bifvélavirki fæddur
6. febrúar 1945, Ásta, húsmóðir,
fædd 21. apríl 1947, Kristín Guð-
rún, sjúkraliði og húsmóðir, fædd
27. ágúst 1948, Hjalti, bóndi,
fæddur 23. desember 1951, Oddný,
húsmóðir, fædd 17. júní 1953,
Gréta Björg, læknaritari, fædd 21.
febrúar 1955, Gunnar Ásgeir, véla-
maður, fæddur 29. janúar 1958,
og Jóhanna Kristín, starfstúlka,
fædd 19. febrúar 1961.
Með virðingu og hlýjar minning-
ar í huga kveð ég að leiðarlokum
tengdamóður mína, sem var sann-
kallaður höfðingi og sómakona.
Eftirlifandi manni hennar, Jósefí
Magnússyni, og fjölskyldunni allri
votta ég samúð mína.
Far þú í friði,
friður Guðs þig blessi,
hafðu þökk fyrir allt og allt.
(Vald. Briem)
Valgerður Stefánsdóttir.
iíleááur
r
a
morgun
ÁSKIRKJA: Safnaðaríólki Ás-
prestakalls er boðin þátttaka í
safnaðarferð frá Laugarneskirkju
í Skálholt á sunnudag. Lagt af
stað frá Laugarneskirkju kl.
11.30 og frá Áskirkju kl. 11.45.
BÚSTAÐAKIRKJA: Guðsþjón-
usta kl. 11. Sr. Sigurjón Arni
Eyjólfsson messar.
DOMKIRKJAN: Messa kl. 11.
Ferming, altarisganga. Fermd
verður Jóhanna Sigrún Sigurjóns-
son frá Svíþjóð, stödd að Ból-
staðahlíð 68, Reykjavík. Dómkór-
ínn syngur. Organisti Marteinn
H. Friðriksson. Sr. Jakob Á.
Hjálmarsson.
ELLIHEIMILIÐ GRUND: Guðs-
þjónusta kl. 10. Sr. Magnús
Björnsson.
GRENSÁSKIRKJA: Prestar og
starfsfólk kirkjunnar er í sumar-
leyfi. Viðhald og viðgerð fer fram
á kirkjunni. Prestar Háteigskirkju
annast þjónustu á meðan.
HALLGRÍMSKIRKJA: Messa og
barnastund kl. 11. Sr. Karl Sigur-
björnsson. Þriðjudag: fyrirbæna-
guðsþjónusta kl. 10.30. Beðið
fyrir sjúkum.
LANDSPÍTALINN: Messa kl. 10.
Sr. Ragnar Fjalar Lárusson.
HÁTEIGSKIRKJA: Hámessa kl.
11. Sr. Arngrímur Jónsson.
Kvöldbænir og fyrirbænir eru í
kirkjunni á miðvikudögum kl. 18.
LANGHOLTSKIRKJA: Kirkja
Guðbrands biskups. Vegna sum-
arleyfa starfsfólks Langholts-
kirkju er minnt á guðsþjónustu í
Bústaðakirkju, sunnudag kl. 11.
Sóknarnefndin.
LAUGArNESKIRKJA: Safnaðar-
ferð frá Laugarneskirkju í Skál-
holt. Safnaðarfólki Ásprestakalls
einnig boðin þátttaka. Fariðverð-
ur frá Laugarneskirkju kl. 11.30
og frá Áskirkju kl. 11.45.
NESKIRKJA: Guðsþjónusta kl.
11. Sr. Frank M. Halldórsson.
Miðvikudag: Bænamessa kl.
18.20. Sr. Frank M. Halldórsson.
SELTJARNARNESKIRKJA:
Helgistund kl. 11 í umsjá sóknar-
nefndar. Organisti Þóra Guð-
mundsdóttir.
Guðspjail dagsins:
Matt.5.:
Réttlæti
faríseanna.
ÁRBÆJARKIRKJA: Guðsþjón-
usta kl. 11. Organisti Sigrún
Steingrímsdóttir. Sr. Þór Hauks-
son.
BREIÐHOLTSKIRKJA: Engin
guðsþjónusta vegna sumarleyfa,
en bent á guðsþjónustur í Árbæj-
arkirkju og Seljakirkju. Sr. Gísli
Jónasson.
FELLA- OG HÓLAKIRKJA:
Kvöldguðsþjónusta kl. 20.30.
Prestur sr. Guðmundur Karl Ág-
ústsson. Ritningarlestur: Guð-
laugur Heiðar Jakobsson og
Ragnhildur Hjaltadóttir. Organ-
isti Marteinn H. Friðriksson. Kaffi
eftir guðsþjónustuna. Prestarnir.
KÓPAVOGSKIRKJA: Guðsþjón-
usta í Kópavogskirkju kl. 11. Org-
anisti Stefán R. Gíslason. Ægir
Fr. Sigurgeirsson.
SELJAKIRKJA: Kvöldguðsþjón-
usta kl. 20. Altarisganga. Organ-
isti Kjartan Sigurjónsson. Mola-
sopi eftir guðsþjónustuna. Síð-
asta guðsþjónusta fyrir sumar-
leyfi. Sóknarprestur.
KRISTSKIRKJA Landakoti:
Messa kl. 8.30. Hámess kl. 10.30
og messa kl. 14. Ensk messa kl.
20. Laugardag messa kl. 14 og
ensk messa kl. 20. Aðra rúm-
helga daga messa kl. 18.
MARÍUKIRKJAN Breiðholti:
Messa kl. 11. Laugardaga kl. 14,
fimmtudaga kl. 19.30. Aðrar
rúmhelga daga kl. 18.
KFUM/K, Kristniboðssalnum:
Samkoma kl. 20.30. Ræðumaður
sr. Ólafur Jóhannsson.
HJÁLPRÆÐISHERINN: Útisam-
koma Lækjartorgi kl. 16. Fagnað-
arsamkoma kl. 20 fyrir nýju for-
ingjana Eldbjörg og Thor Narve-
kvist. Daníel Óskarsson stjórnar.
VEGURINN: Almenn samkoma
kl. 20.30. Helga Ziedermanis frá
Bandaríkjunum prédikar.
MOSFELLSPRESTAKALL:
Messa í Mosfellskirkju kl. 11. Sr.
Jón Þorsteinsson.
GARÐAKIRKJA: Guðsþjónusta
kl. 11. Bílferð frá Kirkjuhvoli kl.
10.30. Sr. Barði Friðriksson.
KAPELLA St. Jósefssystra
Garðabæ: Þýsk messa kl. 10.
KAPELLAN St. Jósefsspítala:
Messa kl. 10.30. Rúmhelga daga
kl. 18.
KARMELKLAUSTUR: Messa kl.
8.30. Rúmhelga daga messa kl.
8.
INNRI - Njarðvíkurkirkja: Guðs-
þjónusta kl. 20. Aðalsafnaðar-
fundur eftir guðsþjónustuna.
KEFLAVÍKURKIRKJA Guðsþjón-
usta kl. 17. Sr. Baldur Rafn Sig-
urðsson. KAÞÓLSKA kapellan
Keflavík: Messa kl. 16.
ÞORLÁKSKIRKJA: Messa kl.
10.30. Organisti Hákon Leifsson.
Sr. Svavar Stefánsson.
STRANDARKIRKJA: Messa kl.
14. Rúta fer frá grunnskólanum
í Þorlákshöfn kl. 13.15. Organisti
Haukur Leifsson. Sr. Svavar Stef-
ánsson.
HVERAGERÐISKIRKJA: Messa
kl. 14. Sr. Grímur Grímsson
messar. Fél. fyrrv. á 40 ára af-
mæli dvalarheimilisins Ás/Ás-
byrgi. Svava Gunnarsdóttir syng-
ur einsöng. Fél. fyrrv. sóknar-
presta.
ÞINGVALLAKIRKJA: Guðsþjón-
usta fellur niður sunnudag vegna
Skálholtshátíðar. Sóknarprestur.
í
I
p
§
>
I
i
r
i]
í-