Morgunblaðið - 14.11.1992, Blaðsíða 44

44
MORGUNBLAÐIÐ LAUGARDAGUR 14. NÓVEMBER 1992
//
ÆHaréu ab htastci eða ekkt ?"
Já, ég hljóp á eftir þeim í
gamla daga, en ég man ekki
hvers vegna_____
Ast er..
fe-'2
... stundum vandfundin
TM Reg. U.S Pat Off.—all rights reserved
® 1992 Los Angeles Times Syndicate
Ég verð að fá þær úr hreins-
unin fyrir lokun í kvöld.
BKEF TIL BLAÐSINS
Aðalstræti 6 101 Reykjavík - Sími 691100 - Símbréf 691222
Breytingin til óþurftar
Frá Ásmundi U. Guðmundssyni:
LÍTIL fyrirspurn til veðurstofu-
stjóra, Páls Bergþórssonar:
Nú að undanförnu höfum við
hlustendur Ríkisútvarpsins hlust-
að á veðurfregnir í breyttu formi
og á breyttum tíma frá því sem
áður var.
Ef sú breyting er gerð eingöngu
breytinganna vegna er „betra
heima setið en af stað farið“.
Sú hefð sem skapast hefur og
reynst vel í gegnum árin við lestur
veðurfregna í útvarpi er sett í glat-
kistuna að stórum hluta. .Þegar
dagsumfjöllun Veðurstofu er at-
huguð virðist flest, ef ekki allt,
hníga í þá átt að einhæfa og af-
marka veðurhorfur við sjávarsíð-
una og sjávarleiðir skipa umhverf-
is landið, víst eru slíkar upplýs-
ingar af hinu góða.
En hvaða gagn hafa til dæmis
bændur af veðurfregnum þar sem
aðeins er getið um hitastig og
sjólag við einhveija vík, annað
veðurfar er ekki til?! Tæpast fer
nokkuð af búsýslu hinna raunveru-
lega bænda fram á fjörukömbum
okkar vogskorna lands, heldur í
sveitunum sem hjúfra sig kyrrlátar
í forgrunni hálendisins.
Og hvaða gagn hafa þeir sem
á ferðalög hyggja og eru jafnvel
komnir af stað, hvenær sem er
ársins, af veðurfregnalestri þar
sem hitastig og sjólag er tíundað
við einhveija vík, annað veðurfar
ekki til?
Það er alkunna að allt annað
veðurlag getur verið í héruðum
fjarri sjó en við sjó, að ekki sé
talað um sjálft hálendið. Ef veður-
spárlýsingar hér áður fyrr náðu
því að vera helmingaskiptar, rétt
á móti röngu, hefur slíkum spám
stórlega hrakað á liðnum misser-
um.
Þær margra daga spár sem
verið er að uppfæra og troða í
landsmenn líkt og dúsu, ekki
ósvipaðri þeim sem tíðkuðust hér
fyrr á öldum handa ungbörnum
er harðræðið gekk hvað harðast
að fólkinu þá fæðuskortur var
landlægur, passa mjög svo tak-
markað, og alls ekki! Því veðurfar
á okkar harðbýla en kæra landi
breytir æði snöggt um svip yfir
einn dag, hvað þá í marga daga.
Ef veðurfræðingum tækist að
draga landið á suðlægari slóðir
stæðust margra daga spár þeirra
miklu betur.
Það er táknrænt að landsvæði
fjarri sjó verða oft illa útundan í
veðurspárlestri. Hvers eiga þau
að gjalda? Þar geta geisað grenj-
andi stórhríðar á meðan hið þokka-
legasta veður er við sjóinn.
Eða hin yndislega blíða, þegar
andvaranepja strýkur þá sem við
sjóinn búa æði fast.
Að endingu vona ég og óska
að gamla formið á veðurspár- og
veðurskeytalestri í útvarpi verði
aftur tekið upp. Allt eigum við
landsmenn undir því komið að
veðurspárþjónustan sé vel af hendi
leyst, hvar sem við erum staddir
á landinu.
ÁSMUNDUR U. GUÐMUNDSSON
Suðurgötu 124, Akranesi
Sjómenn: Á neyðarstund er ekki tími til lesninga. Kynn-
ið ykkur því í tíma hvar neyðarmerki og björgunartæki
eru geymd. Lærið meðferð þeitta.
HOGNI HREKKVISI
Víkveiji skrifar
Bágt er brðið ástandið í þjóðfé-
laginu, þegar menn hætta
að geta skemmt sér og gert sér
glaðan dag. Nýlega rakst Víkveiji
á tilkynningu í fréttabréfi Siglfirð-
ingafélagsins í Reykjavík og ná-
grenni, þar sem tilkynnt var að
haustfagnaði félagsins yrði frestað
um eitt ár. í fréttabréfinu segir:
„Rökin fyrír frestun voru einkum
þau, að almenn blankheit og
barlómur drægi mikið úr því að
hægt væri að halda haustfagnað
með þeirri reisn sem félagið vill
hafa á sínum skemmtunum. Aftur
á móti heyrðust þær raddir að á
barlómstímum gæti verið gott að
lyfta sér upp og sletta úr klaufun-
um. Auðvitað er þáð rétt, en þess-
ir 10 bjartsýnu gætu þá bara hist
í heimahúsi og SÍRON slyppi við
peningaskrekkinn, sem fylgir því
að leigja hús og fá of fáa gesti.
En það vitum við öll að það kemur
haust eftir þetta haust.“
Víkveiji var að velta því fyrir
sér, hvers vegna ekki sé
skráð í þjóðskrá, hver tengsl fólks
eru hvert við annað. Foreldrar ein-
staklings í skránni eru til dæmis
ekki skráðir sérstaklega og þegar
barn verður 16 ára slitna tengsl
þess við foreldrana, þannig að það
flyzt til t.d. í íbúaskrá og virðist
ekki í fljótu bragði tengjast foreldr-
um sínum á neinn hátt.
í þjóðfélagi, þar sem ættfræði-
áhugi er jafnmikill og raun ber
vitni ættu slíkar upplýsingar að
liggja fyrir. Raunar geta þær og
verið mjög mikilvægar í sambandi
við erfðafræðirannsóknir og arf-
gengi alls konar. Upplýsingar um
ættartengsl í þjóðskrá gætu og
orðið söluvara Hagstofúnnar, sem
gæti selt upplýsingar um ættfræði.
xxx
ikil og ör þróun hefur undan-
farið verið í tölvumálum og
nýlega hóf göngu sína nýtt tíma-
rit, sem heitir Tölvublaðið og er
gefið út á Hvammstanga. Þar eru
upplýsingar um gagnabanka og
kemur þar fram að innlendir
gagnabankar eru nú orðnir 13
talsins, sem blaðið hefur vitneskju
um. Níu þeirra eru staðsettir í
Reykjavík, einn í Hveragerði, einn
á Isafirði, einn á Hornafirði og
einn á Hvammstanga og er hann
einungis ætlaður kaupendum
Tölvublaðsins.
í þessum gagnabönkum geta
menn náð í alls konar forrit —
segir í Tölvublaðinu, svo sem eins
og leiki, grafísk forrit, myndir,
tónlist, windowstengslforrit, við-
skiptaforrit, tölfureikna, fræðslu-
forrit, samskiptaforrit, gagna-
bankaforrit og allt sem nöfnum
tjáir að nefna. Sumir gagnabankar
bjóða m.a. upp á leiki beint á skjá.
Kostnaður við slík viðskipti við
tölvubanka er mjög mismunandi,
segir í Tölvublaðinu.