Morgunblaðið - 09.03.1993, Blaðsíða 13

MORGUNBLAÐIÐ ÞRIÐJUDAGUR 9. MARZ 1993
13
Jóni Helgasyni svarað
eftir Sturlu
Böðvarsson
Laugardaginn 30. janúar svara
þeir bréfum mínum í Bréfí til biaðs-
ins í Morgunblaðinu, ritstjóri Freys
og Jón Helgason frá Seglbúðum.
Ólíkt hafast þeir að við málflutn-
ing sinn. Ritstjórinn staðfestir at-
hugasemdir sem ég gerði við rit-
stjórnargrein í Frey. Hann getur
þess að Jón Helgason hafí ekki haft
afskipti af þeim skrifum, eins og
ég taldi líklegt, miðað við málflutn-
ing hans í þinginu. Fagna ég því
að formaður Búnaðarfélags íslands
kom ekki nærri því að fræða bænd-
ur um aðgerðir stjómvalda. Ég
vænti þess hins vegar að ritstjóri
Freys leiðrétti það sem áður hafði
verið skrifað um niðurskurð.
Grein Jóns Helgasonar alþingis-
manns frá Seglbúðum er með allt
öðrum brag. Hann leggur lítið upp
úr málefnalegri umfjöllun. Grein
minni velur hann yfirskriftina „Van-
þekking S.B.“ og byijar hana með
því að segja að grein mfn „virðist"
vera vegna ritstjórnargreinar Freys
og síðar að ritstjóri Freys svari fyr-
ir sig, „ef honum fínnst ástæða til
þess“! Þar jaðrar við skipun til rit-
stjórans sem að sjáifsögðu svaraði
mér og staðfesti athugasemdir mín-
ar, svo sem greint er frá.
Það vill æði oft brenna við, að
forystumenn Framsóknarflokksins
telji sig hafa lögskipaðan rétt til
þess að fjalla um landbúnaðarmál.
Jón Helgason virðist vera einn
þeirra. Sá sem talar um vanþekk-
ingu hlýtur að telja sig búa yfir
mikilli þekkingu sjálfur. Þekking
fonnanns Búnaðarfélags Islands
virðist hins vegar hafa nýst íslensk-
um bændum afar illa, því sjaldan
hefur landbúnaðurinn staðið verr
en þegar Framsóknarflokkurinn fór
úr Stjórnarráðinu eftir síðustu kosn-
ingar. Það gerðist þrátt fýrir það,
að í gegnum landbúnaðarkerfið hafi
runnið allir þeir fjármunir sem Jón
Helgason tíundar í grein sinni og
hælir sér af og ber saman við það
sem fjárlög 1993 gera ráð fyrir.
Mikil er ábyrgð þeirra manna sem
ginntu bændur til áframhaldandi
fjárfestinga á jörðum sínum með
fyrirheitum um ríkisframlög. Margir
þeirra bænda, sem bitu á það agn,
sitja nú ánauðugir og skuldsettir
með veðsettar eignir, en lítinn fram-
leiðslurétt. Gildir það bæði um
sauðfjárrækt og mjólkurbúskap, svo
ekki sé nú talað um loðdýraræktina.
Það væri fróðlegt fyrir Jón Helga-
son að kynna sér afstöðu þeirra
bænda sem hafa ekki notið fjár-
framlaga samkvæmt jarðræktar- og
búfjárræktarlögum, sem hann hælir
sér af að hafa náð 465 millj. kr. á
ári að meðaltali þegar hann var
ráðherra.
Bændur hafa orðið að sæta skerð-
ingu vegna óraunhæfrar fram-
leiðsluaukningar sem byggð var
m.a. á þessu fjármagni sem kom
úr ríkissjóði og Jón vill eigna sér.
Hann telur væntanlega eðlilegt að
halda áfram að fjárfesta í landbún-
aði til þess að auka framleiðslu á
afurðum sem markaðurinn tekur
ekki við.
Jón Helgason spyr eins og sá sem
valdið hefur, hvort ég viti ekki, að
í greinargerð með fjárlagafrum-
varpinu er gert ráð fyrir að dregið
verði úr niðurgreiðslum. Slík spurn-
ing er auðvitað ekki svaraverð en
sýnir mikið yfirlæti þess sem telur
sig einan reka erindi bænda. Þess
má hins vegar geta, að formaður
Búnaðarfélags íslands, Jón Helga-
son, gekk fyrir fjárlaganefnd og
lagði fram erindi. Hann gerði engar
athugasemdir við niðurfærslu á end-
urgreiðslum á virðisaukaskatti á
svínakjöti, nautakjöti, hrossa- og
alifuglaafurðum.
Varðandi þennan lið greinar Jóns
Helgasonar er nauðsynlegt að geta
þess að mínar athugasemdir snerust
um ritstjómargrein í Frey, þar sem
fullyrt var að aukinn niðurskurður
væri 250 millj. en hið rétta var 50
millj. frá því sem frumvarpið gerir
ráð fyrir.
Jón Helgason gerir tilraun til
þess að upplýsa mig og lesendur
Morgunblaðsins um að Byggða-
stofnun sé ríkisstofnun! Þá fyrirhöfn
hefði hann átt að spara sér og einn-
ig það að láta að því liggja að ég
hafí haldið því fram að af fjárlögum
eigi að renna 100 millj. kr. framlag
til Byggðastofnunar.
Það gerði ég ekki en benti á að
gert er ráð fyrir sérstakri íjáröflun
til Byggðastofnunar til að efla at-
vinnu í sveitum. Um það hefði mátt
fjalla málefnalega í Frey. Jón Helga-
son telur lítið til þessa koma, þar
sem greiða eigi það fjármagn aftur!
Þessi hugsun er dæmalaus, en í
takt við þá hugmyndafræði Fram-
sóknar, að til sveita eigi að halda
fólki að verki með styrkjum. Svo
vel þekki ég bændur að þeir vilja
takast á við búskapinn og ný verk-
efni sem gefa arð og geta greitt það
fjármagn til baka sem lagt er fram.
Mjög margir bændur hafa brennt
sig á loðdýraræktinni, þar sem
styrkir áttu að vera varanleg lausn
allra mála. Raunin varð allt önnur.
Stjórnmálamenn eiga að hætta
þeirri blekkingu sem felst í því að
útdeila styrkjum til uppbyggingar
atvinnulífsins. Það gildir jafnt um
landbúnað sem aðrar greinar.
Sturla Böðvarsson
„Stjórnmálamenn eiga
að hætta þeirri blekk-
ingu sem felst í því að
útdeila styrkjum til
uppbyggingar atvinnu-
lífsins. Það gildir jafnt
um landbúnað sem aðr-
ar greinar.“
Stuðningur hins opinbera til ný-
greina atvinnuiífsins á að vera í
formi rannsókna og ráðgjafar en
forðast ber beina styrki nema í und-
antekningartilvikum.
Vandinn í sveitum landsins er
slíkur að þar verður að leita bestu
leiða. Það veit ég að stjórn og for-
stjóri Byggðastofnunar hafa vilja til
að gera.
J.H. lætur að því liggja að reglu-
gerð um Byggðastofnun, sem sett
var af forsætisráðherra, muni tor-
velda málið. Sú reglugerð er sett
með stoð í lögum um stofnunina og
þeim hefur ekki verið breytt af nú-
verandi stjórnvöldum. Hafi stjórn
Byggðastofnunar áður haft fijálsar
hendur til þess að takast á við að-
gerðir til styrktar atvinnulífí í sveit-
um hefur það ekki borið árangur.
Það ætti J.H. að hugleiða þegar
hann setur fram kenningar um
vonda reglugerð sem standi í vegi
fyrir málinu.
J.H. þakkar fjárveitingu vegna
uppgjörs á skuld vegna lífeyris-
skuldbindinga starfsmanna búnað-
arsambanda, en gefur þá skýringu
að hann beri ekki ábyrgð á því
dæmalausa máli, heldur Jón Bald-
vin. Heldur er það nú lítilmannleg
vöm fyrrverandi landbúnaðarráð-
herra að kenna fjármálaráðherra
um. Svar Jóns sýnir að hann hefur
ekki litið til þess máls en þyrlar upp
moldviðri til þess að skyggja á og
draga athygli frá þeim athugasemd-
um sem ég setti fram við ritstjórnar-
grein Freys.
Svar mitt hefur orðið lengra en
ég ætlaði mér. En gott tækifæri
gafst hér til þess að vekja athygli
á tvískinnungi þeirra sem hafa farið
með málefni landbúnaðarins í
Stjórnarráðinu og víðar. Jón Helga-
son lýsir nú ábyrgð á hendur þeim
sem hafa tekið að sér það vanda-
sama verk að sópa undan teppinu
vanda atvinnuveganna og ríkissjóðs
sem blasir við.
Það mun duga þeim skammt að
veifa þekkingunni á málefnum land-
búnaðarins. Hana hafa þeir tæplega
nýtt sér í þágu bænda með þeim
hætti, að til gagns mætti verða.
Höfundur er þingmaður
Sjálfstæðisflokksins fyrir
Vesturlandskjördæmi.
Félagasjóður léttir glöggum
gjaldkerum lífið:
I Innheimtir félagsgjöldin.
II Greiðir reikningana á eindaga.
III Heldur utan um bókhaldið.
IV Innheimtir dráttarvexti.
Þjónustan er án endurgjalds
fyrstu þrjá mánuðina. Leitið
upplýsinga hjá þjónustu-
fulltrúanum í bankanum.
OFLUG
FJÁRMÁLAÞJÓNUSTA
FYRIR HÚSFÉLÖG OG
ÖLL ÖNNUR FÉLÖG
Landsbanki
íslands
Bankl allra landsmanna