Morgunblaðið - 17.09.1993, Blaðsíða 1

80 SIÐURB/C
210. tbl. 81.árg. FÖSTUDAGUR17. SEPTEMBER1993 Prentsmiðja Morgunblaðsins
Hægri-
flokkur
fram úr
Ósló. Frá Jan Gunnar Furuly, fréttaritara
Morgunblaðsins.
HÆGRIFLOKKURINN er annar
stærsti stj óramálaflokkur Noregs
og Miðflokkurinn þriðji stærsti.
Þetta er endanleg niðurstaða
þingkosninganna í Noregi sem
fram fóru á mánudag en talningu
lauk aðfaranótt fimmtudags. Eng-
ar breytingar urðu á þingsæta-
fjölda flokkana eftir að síðustu
11% atkvæðanna höfðu verið talin
en fylgi Hægriflokksins fór 0,2%
fram úr Miðflokknum.
Verkamannaflokkurinn hlaut
36,9% atkvæða eða 67 þingsæti af
165, bætti fjórum við sig. Miðflokk-
urinn hlaut 16,8% atkvæða og 32
þingsæti, sem er þreföldun. Hægri-
flokkurinn hlaut 17% atkvæða en 28
þingsæti, sem er níu sætum færra
en 1989. Sósíalíski vinstriflokkurinn
hlaut 7,9% atkvæða og 13 þingsæti,
tapaði fjórum, Kristilegi þjóðarflokk-
urinn hlaut 13 þingsæti, sem er
óbreytt tala, Framfaraflokkurinn 10
þingsæti, tapaði 12, og Vinstriflokk-
urinn og Rauða kosningabandalagið
náðu einum manni hvort inn á þing,
höfðu engan.
Borís Jeltsín blæs til sóknar
BORÍS Jeltsín, forseti Rússlands, sótti í gær heim sérsveitir innanríkisráðuneytisins. Notaði hann
tækifærið til að tilkynna að Jegor Gajdar, einn af höfundum umbótastefnu Jeltsíns, myndi taka sæti
í stjórn landsins á ný. Gajdar var settur af sem forsætisráðherra í desember 1992 að kröfu harðlínu-
aflanna á þingi en verður nú fyrsti aðstoðarforsætisráðherra. Þá sagði Jeltsín að Oleg Lobov, fyrsti
aðstoðarforsætisráðherra og efnahagsráðherra, yrði færður til í ríkisstjóminni. Talið er að með
þessu ætli Jeltsín sér að draga úr áhrifum íhaldsaflanna, m.a. Lobovs.
Gengið
til friðar-
viðræðna
Genf, yitez. Reuter, The Daily Telegraph.
BOSNIU-múslimar og Serbar und-
irrituðu í Genf í gær samkomulag
um að hefja friðarviðræður á
þriðjudag. Það voru Alija Izet-
begovic, forseti Bosníu, og Momc-
ilo Krasnjik, talsmaður Bosníu-
Serba, sem undirrituðu samkomu-
lagið. Er Izetbegovic sneri heim
frá Genf kvaðst hann ekki hafa
neitað sáttatilboðinu en sagði að
Bosníumenn hygðust ekki gefa
eftir kröfur um stærra landsvæði.
í samkomulaginu felst að gert
verði vopnahlé, fangabúðum verði
lokað og komið verði á fót vinnuhóp-
um til að vinna úr deilumálum, til
dæmis um skiptingu landsvæða.
Þá felst í því að hægt verði að
slíta ríkjasambandi Serba, múslima
og Króata sem nú er gert ráð fyrir
að Bosnía skiptist í. Ganga megi til
þjóðaratkvæðagreiðslu um hvort íbú-
ar hvers hluta vilji vera í ríkjasam-
bandinu. Það heldur opnum mögu-
leika á því að svæði þjóðarbrotanna
geti sameinast Serbíu og Króatíu.
Akvæði i samkomulaginu tryggir það
að slitni upp úr ríkjasambandinu
færast öll réttindi þess til Bosníu.
Dómur fallinn
HEINZ Kessler tók dómsuppkvaðningunni með ró, öfugt við konu
sína, Ruth.
Dæmdir í fangelsi fyr-
ir dauða flóttamanna
Berlín. Reuter.
DÓMSTÓLL í Berlín dæmdi í gær Heinz Kessler, fyrrum varnar-
málaráðherra Austur-Þýskalands, til sjö ára fangavistar fyrir
að vera valdur að dauða þeirra sem reyndu að flýja landið.
Aðrir sakborningar í réttarhöldunum hlutu vægari dóma.
Réttarhöldin hafa staðið í tíu
mánuði, en upphaflega voru
Erich Honecker, leiðtogi Austur-
Þýskalands, Erich Mielke, yfir-
maður Stasi og Willi Stoph, for-
sætisráðherra sóttir til saka í
þeim. Þeir voru hins vegar látnir
lausir vegna heilsubrests.
Honecker var lagður í skyndi inn
á spítala í Chile í gær þar sem
hann er búsettur. Læknar hans
sögðu aðeins um rannsókn að
ræða en Honecker er með
krabbamein í lifur.
Egon Krenz, fyrrum leiðtogi
Kommúnistaflokks Austur-
Þýskalands, bað Sameinuðu
þjóðimar fyrr í vikunni um að-
stoð, sagði stjórnina í Bonn vera
að hrinda af stað pólitískum of-
sóknum á hendur leiðtogum fyrr-
um Austur-Þýskalands.
Sýrlenskir ráðamenn taka undír með harðlínuöflum
Israelsher yfirgefi
öll hemumin svæði
Damaskus, Washington, Jerúsalem. Reuter.
STJÓRNVÖLD í Sýrlandi krefjast þess að ísraelar dragi allt
herlið sitt frá hernumdum svæðum, þar á meðal Gólanhæðun-
um sem Sýrland missti í sexdagastríðinu 1967. Að sögn tals-
manna palestínskra skæruliðasamtaka með aðalstöðvar í
Damaskus kom þetta fram á fundi með varaforseta Sýr-
lands, Abdel-Halim Khaddam, í gær. Þúsundir palestínskra
flóttamanna í borginni efndu til mótmæla gegn nýgerðum
samningi um takmarkaða sjálfsljórn á hernumdu svæðunum
sem Frelsissamtök Palestínu, PLO, gerðu á mánudag við ísra-
el. Fólkið sakaði leiðtoga PLO, Yasser Arafat, um landráð.
í yfirlýsingu skæruliðahópsins
DFLP kom fram að Khaddam
„lagði áherslu á að Sýrland krefð-
ist heildarlausnar sem byggðist á
því að ísraelar hefðu sig á brott
frá öllum hernumdum svæðum og
Palestínumönnum yrðu tryggð
þjóðarréttindi sín“.
Khaddam hefur undanfarna
daga átt fleiri fundi með palestínsk-
um harðlínuhópum sem margir
hafa aðsetur í Damaskus og eru
andvígir nýja samningnum. Annar
hópur, PFLP, sem er undir forystu
Georges Habash, segir Khaddam
hafa heitið því að ekki yrði hvikað
frá þeirri stefnu að Palestínumenn
fengju sjálfstætt ríki „með hina
heilögu Jerúsalem sem höfuðborg".
Yitzhak Rabin, forsætisráðherra
ísraels, sakaði á miðvikudag Sýr-
lendinga um að tefja fyrir friðar-
samningum í Miðausturlöndum og
skjóta skjólshúsi yfir hryðjuverka-
hópa og fleiri öfgaöfl.
Reynt að sefa Assad
Bill Clinton Bandaríkjaforseti
hefur síðustu daga hringt tvisvar
í Hafez al-Assad, forseta Sýrlands,
og reynt að fullvissa hann um að
þótt Israelar hafi samið við PLO
og séu að ná samkomulagi við Jórd-
aníu þurfi Assad ekki að óttast að
hann muni hafna í pólitískri ein-
angrun. Þrátt fyrir ítrekaðar til-
raunir hefur ekki tekist að finna
málamiðlun í deilunni um Gólan-
hæðir sem eru mjög mikilvægar
hernaðarlega, þar eru auk þess
mikilvæg vatnsból.
Stjórn Clintons ákvað í gær að
veita Jórdaníu um 2.000 milljóna
króna lán sem Bandaríkjaþing
hafði frestað vegna stuðnings Jórd-
aníu við Saddam Hussein íraksfor-
seta í Persaflóastríðinu 1991. Tals-
maður Jórdaníustjómar sagði
ákvörðunina staðfesta góð tengsl
ríkjanna tveggja.
Náttúran
bestimæli-
kvarðinn
London. Reuter.
ÞVI er haldið fram í nýj-
asta hefti læknaritsins
British Medical Journal
að ekki þurfi að hafa
áhyggjur af offjölgun
mannkynsins þó konur
noti ekki getnaðarvarnir.
í samantekt blaðsins um
getnaðarvarnir segir að rann-
sóknir Alþjóðaheilbrigðis-
stofnunarinnar (WHO) bendi
til þess að 93% kvenna geti
sagt um það út frá breytingum
á eigin líkama hvenær á tíðar-
hringnum mest hætta sé á
þungun.
í rannsókn WHO kom í ljós
að þunganir meðal 20.000
kvenna í Kalkútta sem beittu
náttúrulögmálunum sem getn-
aðarvörn voru ekki algengari
en ætla mætti ef þær hefðu
notað aðrar varnir.