Morgunblaðið - 01.10.1993, Qupperneq 44

Gæfan fylgi þér
í umferðinni
r SJOVAojjnALMENNAR
MORGVNBLAÐIÐ, KRINGLAN I 103 REYKJA VÍK
StMI 091100, SÍMBRBF 09118!, PÓSTHÓLF 3040 / AKUREYRl: HAFNARSTRÆTI 85
FÖSTUDAGUR 1. OKTÓBER 1993
VERÐ í LAUSASÖLU 125 KR. MEÐ VSK.
Fangar struku úr
Heguingarhúsinu
•k'ÞRÍR fangar í Hegningarhúsinu á Skólavörðustíg, rúmlega tvítugir
að aldri, struku úr fangelsinu um klukkan hálftólf í gærkvöldi og hóf
allt tiltækt lið lögreglu þegar leit á merktum og ómerktum bifreiðum.
Ekki hafði náðst í strokufangana þegar blaðið fór í prentun í gær.
Fangaverðir urðu þess varir að mennimir ætluðu að strjúka en náðu
ekki að stöðva þá í tæka tíð.
Guðmundur Gíslason, forstöðu-
maður Hegningarhússins á Skóla-
vörðustíg, taldi líklegt að mennirnir
hefðu sammælst um strok. Strokið
átti sér stað rétt áður en fangar
voru lokaðir inni í klefum sínum fyr-
ir nóttina, en það er gert klukkan
23.30. Fram að þeim tíma eru fang-
ar ýmist í setustofum eða á gangi
fangelsisins.
^ Yfir vegginn
Fangarnir komust út um glugga
á fangelsinu, þaðan út í garð og yfir
fangelsisvegginn. Fangaverðir
hringdu strax á lögreglu. Alit tiltækt
lið leitaði mannanna í nótt þegar
blaðið fór í prentun. Lögreglan fór
m.a. á veitingastaði í nótt með
myndir af mönnunu og leitaði þeirra
á öðrum stöðum þar sem líklegt var
talið að þeir gætu haldið til.
Að sögn Guðmundar voru menn-
imir að afplána, styttri dóma sem
m.a. tengdust fíkniefnabrotum. Þeir
eru fæddir 1970-1973.
Halldór Blöndal landbúnaðarráðherra
Bændur verði frjáls-
ir til að framleiða
HALLDÓR Blöndal landbúnaðarráðherra sagði á hádegisfundi sem
Vaka, félag lýðræðissinnaðra stúdenta, stóð fyrir í Háskóla íslands í
gær að Sjálfstæðisflokkurinn ætlaði að beita sér fyrir afnámi fram-
leiðslukerfa landbúnaðarins á næstu árum.
Halldór sagði að það væri mikið
böl fyrir landbúnaðinn að vera bund-
inn opinberri framleiðslu- og verð-
stýringu og Sjálfstæðisflokkurinn
ætlaði að beita sér gegn því. Hann
harmaði það að frumvarp sem heimil-
aði innflutning á landbúnaðarvörum
undir sérstökum kringumstæðum
hefði dagað uppi á Alþingi sl. vor.
Halldór sagði að bændur vildu
lækka verð á sínum vörum en kostn-
aður milliliða væri alltof mikill, slát-
urkostnaður væri t.d. 3-4 sinnum
hærri en í nágrannalöndum og verð-
lagning verslana óeðlileg.
Ósveigjanlegt kerfi
Halldór sagði í samtali við Morg-
unblaðið að með afnámi framleiðslu-
kerfa landbúnaðarins þyrftu bændur
ekki lengur að takmarka sig við til-
tekið magn búvara til að eiga rétt á
beingreiðslum. Framleiðslukerfið
væri þannig uppbyggt að sveigjan-
leiki innan kerfísins væri afar lítill
og kæmi í veg fyrir nauðsynlega
hagræðingu í búrekstrinum. „Eg
stefni að því að bændur verði fijálsir
að því að framleiða en samkvæmt
GATT-samningnum er gert ráð fyrir
því að opinber stuðningur dragist
saman um 20% á samningstímanum.
Opinberi stuðningurinn hér á landi
er eingöngu bundinn við dilkakjöt
og mjólkurframleiðslu," sagði Hall-
dór.
Sjá bls. 22: „Framleiðslukerfi
landbúnaðar..."
Morgunblaðið/Sverrir
Haustleikir
HAUSTMÁNUÐUR hófst 23. september sl. að fornu tímatali og
var vani manna að færa fórnir og blóta haust í kringum þau tíma-
mót. Ungviðið sem nú vex úr grasi nýtir þessa fallegu árstíð frekar
til leikja og útiveru, eins og sjá má á myndinni hér að ofan af
krökkum í Rimahverfi í Grafarvogi. Þar hefur körfuboltaspjaldi
verið komið fyrir í botnlanga einnar götunnar.
Leika lækna
til að svíkja
út lögleg lyf
BRÖGÐ eru að því að fíkniefna-
neytendur þykist vera læknar
og reyni með því móti að svíkja
út lyf.
Ásgeir Böðvarsson læknir á
Borgarspítalanum segir áberandi
hve ósvífnar aðferðir fíkniefna-
neytendur nota til að nálgast lyf
á fölskum forsendum. Ásókn er
mikil í lyfið Fortral sem hefur
áþekka verkun og morfín, er kvala-
stillandi og veldur vellíðan. Land-
læknisembættið íhugar að leggja
til við lyfjanefnd að lyfið verði tek-
ið út af lyfjaskrá og að sögn Matt-
híasar Halldórssonar aðstoðarland-
læknis kom sú hugmynd í kjölfar
ábendingar frá SÁÁ.
Þeir sem helst virðast sækja í
lyfið eru amfetamínneytendur sem
vilja „ná sér niður“. Samkvæmt
upplýsingum Morgunblaðsins eru
dæmi um að fíkniefnaneytendur
þykist vera læknar í þeim tilgangi
að svíkja út lyf eins og Fortral.
Falsaðir lyfseðlar
Mikið er um falsaða lyfseðla þar
sem reynt er að svíkja út Fortral
eða önnur lyf og að sögn Guðrúnar
S. Eyjólfsdóttur forstöðumanns
Lyfjaeftirlits ríkisins kemst nú upp
um nokkra falsaða lyfseðla í hverri
viku.
Hún segir ljóst að falsarar þekki
vel til starfa lækna og lyfjaaf-
greiðslu, en eftirlit hafi verið hert
til muna svo nánast ógerningur sé
nú að svíkja út lyf með þessu
móti. Samstarf sé milli lyfjaeftir-
lits, landlæknisembættis, starfs-
fólks í lyfjaverslunum og lækna í
þeim tilgangi að beijast gegn þess-
ari þróun. í gærmorgun var maður
handtekinn í lyfjaverslun í Reykja-
vík eftir að hafa framvísað fölsuð-
um lyfseðli, en samkvæmt heimild-
um Morgunblaðsins hafa þegar
nokkrir verið handteknir af þessum
sökum.
Sjá bls. Cl: „Fíklar eru ...“
Morgunblaðið/Golli
Sópað út
ÁSGEIR Þorgrímsson var að
sópa háaloftið í húsi við Aðal-
stræti á dögunum, en verið
er að endurbyggja það spýtu
fyrir spýtu. I húsinu var eitt
sitt rekinn barnaskóli á Akur-
eyri, einn sá elsti í bænum.
Ásgeir kippti sér ekki mikið
upp við það þótt ljósmyndara
bæri að garði, hann vann í
sumar á seglskútu í Óslóar-
höfn og sigldi um með ferða-
menn, sem voru duglegir við
að smella myndum af Ásgeiri
um borð.
Togarinn Már hugsanlega
til veiða á RockaJlriSvæðinu
LIU kannar hvort íslensk skip hafi rétt til veiða á svæðinu
TOGARINN Már frá Ólafsvík er nú á leið úr Smugunni með um
100 tonna afla af góðum fiski sem verður seldur á mörkuðum í Hull
á þriðjudag, að sögn Svavars Þorsteinssonar útgerðarstjóra. Lands-
samband íslenskra útvegsmanna er nú að kanna hvort íslensk skip
hafi rétt til veiða á Rockall-svæðinu en forráðamenn togarans
hafa lýst áhuga á að það verði skoðað og er hugsanlegt að hann
verði sendur þangað til veiða í næstu viku. Að sögn Svavars er
þetta mál þó enn á frumstigi og alveg óvíst hvort af þessu verður.
Már selur aflann næstkomandi
þriðjudag og að sögn Jónasar Har-
aldssonar, skrifstofustjóra LÍÚ, er
áhugi á að togarinn noti ferðina
frá Englandi og fari í síðari hluta
næstu viku til veiða á Rockall-
svæðinu en þar eru nú tveir eða
þrír franskir togarar og einn fær-
eyskur togari að veiðum. Islend-
ingar, Danir og Bretar gera tilkall
til réttinda á þessu svæði og hefur
LÍÚ óskað eftir upplýsingum í ut-
anríkisráðuneytinu um hvort ís-
lendingar eigi rétt til veiða á svæð-
inu en Jónas segir sig gruna að
Bretar telji sig hafa þar yfirráð
og að þeir myndu veija svæðið
með kjafti og klóm. „Við ætlum
að kanna þetta til þrautar,“ sagði
Jónas og kvaðst vænta svars úr
ráðuneytinu mjög fljótlega.
Svavar Þorsteinsson, útgerðar-
stjóri Más, segir að þeir hafi beðið
LIÚ að kanna hvort þarna væri
ekki örugglega um alþjóðlegt haf-
svæði að ræða og hvort þeim væri
ekki leyfílegt að veiða á svæðinu.
„Þegar sú niðurstaða liggur fyrir
byijum við að skoða hvort raun-
hæft sé að veiða þarna og hvort
þama sé einhver afli,“ sagði Svavar.
Skoða aðra möguleika á
utankvótaveiðum
„Sjávarútvegsráðherra hefur
útilokað veiðar í Smugunni með
því að loka suðursvæðinu og við
ætlum að skoða hvort við eigum
möguleika einhvers staðar annars
staðar á utankvótaveiðum," sagði
hann ennfremur.
Svavar kvaðst síður gera ráð
fyrir að Már yrði sendur aftur í
Smuguna á meðan suðursvæðið
væri lokað en sagðist hann telja
að ekkert réttlætti ákvörðun sjáv-
arútvegsráðherra um að banna þar
veiðar. Skipstjórár skipanna sem
hafa verið við veiðar í Smugunni
hafa leitað álits umboðsmanns Al-
þingis á því hvort reglugerð ráð-
herra sé lögmæt.
Guðmundur Eiríksson þjóð-
réttarfræðingur utanríkisráðu-
neytisins kveðst ekki hafa upplýs-
ingar um hvaða svæði þarna er
nákvæmlega um að ræða og því
eiga óhægt um vik að fullyrða
nokkuð um réttarstöðu íslenskra
skipa á þessum slóðum. Hann sagði
að til stæði að kanna þetta mál
nánar á næstunni. Hann segir að
almennt sé ekki talið að þarna sé
mikill fiskur eða þá helst nýstárleg-
ar tegundir djúpsjávarfiska sem
íslendingar hafa yfirleitt lítið veitt.