Morgunblaðið - 25.03.1994, Qupperneq 12

12
MORGUNBLAÐIÐ FÖSTUDAGUR 25. MARZ 1994
UM HELGINA
Á lokaæfingu nemenda á Kópaskeri.
Eitt verka Helgu Signrðardóttur.
V erundarmyndir
Helgu Sigurðar-
dóttur í Söng-
smiðjunni
Síðasta sýningarhelgi Helgu Sigurð-
ardóttur í sölum Söngsmiðjunnar, Skip-
holti 25, er á morgun, laugardag, og
sunnudag. Myndirnar eru unnar með
krít á mjúkan pappír.
í kvöld og annað kvöld heldur Helga
námskeiðið „Litir ljóss, hugar og
handa“. Það byggir á litahugleiðslum
um notkun lita á pappír. Markmiðið
með námskeiðinu er að efla vitund
þátttakenda um mikilvægi lita í um-
hverfinu og hvernig þeir geta haft áhrif
á okkur.
Sýningin er opin kl. 13-18 báða dag-
ana og lýkur sunnudaginn 27. mars.
Steingrímur Eyfjörð
sýnir á Mokka
Sýning á verkum
Steingríms Eyijörð
Kristmundssonar á
Mokkakaffi verður
opnuð mánudaginn
22. mars. Sýningin
ber yfirskriftina
„Pílagrímsferð
Stefaníu Georgs-
dóttur í gegnum
Biblíuna". Sýningin
samanstendur af
sýnishomum af litljósrituðum minni-
smiðum sem liggja milli síðna á þeirri
bibliu sem fylgdi Stefaníu Georgsdóttúr
frá Seyðisfirði í gegnum lffið sem og
opnunum sjálfum sem miðamir vísa í
leynt og ljóst, segir í kynningu.
Sýningin er sölusýning og rennur
allur ágóði til ABC-hjálparstarfs. Henni
lýkur 14. apríl.
Síðasta sýningarhelgi
Rutar Rebekku
Um helgina verður síðasta sýningar-
helgi Rutar Rebekku í Portinu, Strand-
götu 50, Hafnarfirði.
Á sýningunni eru teikningar unnar
með tússi, þurrpensli og kolum.
„Hugleiðing á föstu“ í
Hafnarborg
Ásdís Sigurþórsdóttir opnar sýningu
í Sverrissal á morgun, laugardaginn
26. mars, kl. 14. Á sýningunni verða
málverk unnin með akrýl á pappír, tré
og striga. Myndefnið eru krossar og
tengist yfirskrift sýningarinnar.
Síðasta sýningarhelgi
Gunnars Guðsteins
Sýningu Gunnars Guðsteins Gunn-
arssonar í Portinu lýkur sunnudaginn
27. mai-s. Á sýningunni, sem er þriðja
einkasýning Gunnars, sýnir hann olíu-
myndir.
Sýningarsalir Portsins eru opnir alla
daga nema þriðjudaga frá kl. 14-18.
Sýningu Lu Hon lýkur
í Galleríi Fold
Sýningu kínversku listakonunnar Lu
Hong í Galleríi Fold, Austurstræti 3,
lýkur um helgina. Þar sýnir hún túss-
og vatnslitamyndir. Myndefnið er ís-
lenskt landslag.
Opið er í Galleríi Fold daglega frá
kl. 10-18, laugardaginn 26. mars frá
kl. 10-16 og á sunnudag frá kl. 14-17.
Henrik Vagn Jensen
sýnir í Hafnarborg
Henrik Vagn Jensen opnar yfirlits-
sýningu í Hafnarborg, menningar- og
listastofnun Hafnarfjarðar, laugardag-
inn 26. mars kl. 14.
Henrik hefur oft sótt ísland heim,
fyrsta sýning hér á landi var árið 1960.
Sýningin verður opin daglega frá kl.
12-18 nema þriðjudaga.
Sýningunni „ísland í
augum Hvít-Rússa“ að
ljúka
Sýningunni „ísland í augum Hvít-
-Rússa“ í sýningarsölum MIR, Vatns-
stíg 10, lýkur sunnudaginn 27. mars.
Á sýningunni eru m.a. 26 teikningar,
andlitsmyndir af fslendingum sem hvít-
rússneski listamaðurinn Arlen Kash-
kúrevitsj teiknaði meðan hann dvaldist
hér á landi í fyrrasumar í boði MÍR.
Sýningin er opin virka daga frá kl.
17-18 en um helgina, laugardag og
sunnudag, kl. 15-18.
Sigurbjörn sýnir í
Þingi á Akureyri
Sigurbjöm Jónsson opnar sýningu í
Listhúsinu Þingi, Hólabraut 13, Akur-
eyri, laugardaginn 26. mars kl. 16-18.
Myndirnar á sýninguni eru nýlega
unnar. Við opnunina munu hljóðfæra-
leikararnir Gunnar Gunnarsson, Jón
Rafnsson og Árni Friðriksson skemmta
gestum.
Sýningin verður opin daglega frá kl.
14-18 en henni lýkur 4. apríl.
Síðasta sýningarhelgi
Áslaugar í Stöðlakoti
Sýningu Áslaugar Höskuldsdóttur í
Stöðlakoti við Bókhlöðustíg lýkur
sunnudaginn 27. mars.
Á sýningu Áslaugar, en þetta er
hennar fyrsta einkasýning, eru m.a.
vasar, kertastjakar og leirmyndir.
Sýningin er opin frá kl. 2-6 alla daga.
Olíumyndir eftir Sig-
urð í Götugrillinu
Nú stendur yfir sýning á verkum
eftir listamannin Sigurð Vilhjálmsson
í Götugrillinu í Borgarkringlunni. Sig-
urður sýnir 6 málverk unnin í olíu á
striga. Sýninguna tileinkar listamaður-
inn syni sínum, Sigurði Inga.
Tvær sýningar opnað-
ar í Norræna húsinu
Tvær sýningar verða opnaðar í Nor-
ræna húsinu á morgun, laugardaginn
26. mars. Annars vegar er sýning á
teikningum eftir norska listamanninn
Olav Chrístopher Jenssen og er þetta
farandsýning sem kemur hingað til
lands í samvinnu við Norrænu listamið-
stöðina á Sveaborg við Helsingfors, en
hún kemur hingað til lands frá Tallin
í Eistlandi, þar sem hún var til sýnis
í janúar og febrúar sl. Sýningin verður
opnuð í sýningarsölum Noiræna húss-
ins kl. 15.
I anddyri Norræna hússins verður
opnuð sýning á Biblíumyndum Bodil
Kaalund kl. 16. Þetta eru vatnslita-
myndir og gerði Bodil myndirnar að
beiðni Det Danske Bibelselskap og kom
ný myndskreytt útgáfa af biblíunni út
f Danmörku 1992. Bodil Kaalund vann
að þessu verki í rúm fimm ár og það
eru 160 myndir sem prýða biblíuna. í
Norræna húsinu verða um 30 myndir
til sýnis, allt frumgerðir, sem eru í eigu
Museet for religios kunst í Lemvig.
Bodil mun fjalla um myndirnar í fyrir-
lestri sem hún heldur í fundarsal að
lokinni formlegri opnun#á sýningunni.
Bodil sýnir einnig nokkrar litógraf-
íur/vatnslitamyndir •! anddyri Hall-
grímskirkju í boði Listvinafélags Hall-
grímskirkju og Hins íslenska biblíufé-
lags. Hún heldur fyrirlestur í samkomu-
sal kirkjunnar á pálmasunnudag, 27.
mars, kl. 10. Allir velkomnir.
Lágmyndir og mál-
verk í Galleríi Sólon
Islandus
Guðrún Krist-
jánsdóttir opnar
myndlistarsýningu í
Galleríi Sólon Ís-
landus við Banka-
stræti á morgun,
laugardaginn 26.
mars, kl. 14.
Á sýningunni
verða lágmyndir úr
tré og málverk. Við-
fangsefni verkanna
er íslenskur sjóndeildarhringur.
Sýningin á Galleríi Sólon íslandus
stendur til þriðjudagsins 12. aprí! og
er opm alla daga frá kl.-11-18.
Olafur Már sýnir í
Slunkaríki á ísafirði.
Ólafur Már opnar sína aðra einka-
sýningu í Slunkaríki á ísafirði miðviku-
daginn 30. mars nk. og stendur hún
til 17. apríl. Ólafur sýnir þar myndverk
unnin með akrýllitum á striga unnin á
undanfömum mánuðum.
Ósk Vilhjálmsdóttir
sýnir í Gerðubergi
Ósk Vilhjálms-
dóttir opuar mynd-
listarsýningu í
Menningarmiðstöð-
inni Gerðubergi á
morgun, laugar-
daginn 26. mars,
kl. 15.
Sýningin í
Gerðubergi er önn-
ur einkasýning
Óskar hér á landi,
en hún hefur haldið þrjár sýningar á
verkum sínum í Berlín á undanförnum
árum, auk þess að taka þátt í samsýn-
ingum hér heima og erlendis.
Á sýningunni verða ljósmyndaverk
og einnig innísetning með þremum
sjónvarpsskjám, hljóðverki og mynd-
bandi.
Menningarmiðstöðin er opin mánu-
daga til fimmtudaga frá kl. 10-22 og
föstudaga til sunnudaga frá kl. 13-16.
Síðasta sýningarhelgi
Önnu Gunnlaugsdóttur
Sýningu Önnu Gunnlaugsdóttur í
Listasafni ASÍ lýkur sunnudaginn 27.
mars nk. Á sýningunni er 31 verk
málað með akrýl á masónít og striga
og eru verkin unnin á síðustu þrem
árum. Sýningin er opin kl. 14-19.
Tónlist
Vox Feminae heldur
páskatónleika
Vox Feminae er hópur 24 kvenna
úr kvennakór Reykjavíkur sem leggnr
áherslu á flutning eldri kórverka. Laug-
ardagiunn 26. mars halda konurnar
sína fyrstu opinberu tónleika og hafa
fengið til liðs við sig sópransöngkonuna
Ingu J. Backman. Yfirskrift tónleik-
anna er „Agnus dei“ eða „Ó þú Guðs
lamb“ og á efnisskránni eru eingöngu
trúarlegar aríur og kórverk frá ýmsum
tímum. Undirleik annast Svana Vík-
ingsdóttir sem jafnframt er píanóleik-
ari Kvennakórs Reykjavíkur. Stjórn-
andi á tónleikunum er Margrét J.
Pálmadóttir.
Karlakórinn Stefnir
með tónleika
Nú líður að vetrartónleikum Karla-
kórsins Stefnis. I þessari lotu verða
haldnir Jirennir tónleikar. Þeir fyrstu
verða í Árbtejarkirkju laugardaginn 26.
mars kl. 16., í Bæjarleikhúsinu við
Þverholt, Mosfellsbæ, mánudaginn 28.
mars kl. 20.30. og í Bústaðakirkju
miðvikudaginn 30. mars kl. 20.30.
Stjórnandi kórsins er Lárus Sveinsson
trompetleikari, en píanóleik annast Sig-
urður Marteinsson. Ingibjörg Marteins-
dóttir óperusöngkona syngur einsöng
með kórnum á þessum tónleikum. Á
efnisskránni eru bæði íslensk og erlend
lög, auk tveggja kóra úr óperum Wagn-
ers, einnig verður flutt syrpa af rúss-
neskum þjóðlögum, þar sem harmoníu-
leikarar úr Félagi harmoníkuunnenda
í Reykjavík og slagverksleikarar úr
Skólahljómsveit Mosfellsbæjar leika
með.
Sönghópurinn Smá-
vinir í Árbæjarkirkju
Sönghópurinn Smávinir heldur tón-
leika í Árbæjarkirkju mánudaginn 28.
mars kl. 20.30. Sönghópurinn saman-
stendur af 10 einstaklingum á aldrinum
19-24 ára. Hópurinn hefur starfað í
rúm tvö ár og sungið víða. Á dagskrá
verða lög úr ýmsum áttum, svo sem
negrasálmar og þjóðlög.
Tónleikar SÍSL
Úrvalssveit Sambands ísienskra
skólalúðrasveita leikur í Ráðhúsi
Reykjavíkur sunnudaginn 27. mars kl.
16. Stjómandi er Kjartan Óskarsson.
Úrvalssveit SÍSL hefur starfað frá
árinu 1989 og eru félagar um 70 og
koma úr röðum barna- og unglinga-
lúðrasveitanna, en þær eru nú 40 tals-
ins vítt og breitt um landið.
Á efnisskránni verða verk eftir m.a.
R.V. Williams, H.V. Lijnschooten, Pál
P. Pálsson og fleiri.
Kvikmyndir
Kvikmyndasýning í
Norræna húsinu
Kvikmyndin Per Pysslin verður sýnd
í Norræna húsinu sunnudaginn 27.
mars kl. 14. Þetta ævintýri er byggt á
sögu eftir Astrid Lindgren.
Bertil er lítill strákur sem á ekki
marga vini, en einn dag kynnist hann
öðrum dreng sem leynist undir rúminu
hans.
Kvikmyndin er rúm klukkustund að
lengd og er með norsku tali. Allir eru
velkomnir og er aðgangur ókeypis.
Fyrir börn
10 fingur frumsýnir
„Englaspil“
Nýlega stofnaði Helga Arnalds
bráðuleikhúsið 10 fingur sem framsýn-
ir fyrsta verkefni sitt, leikritið Engla-
spil, sunnudaginn 27. mars kl. 14.
Höfundur er Helga Arnalds sem
jafnframt hefur búið til brúður og leik-
mynd og leikur hún öll hlutverkin. Leik-
stjóri er Ása Hlín Svavarsdóttir. Sýn-
ingin er ætluð börnum á öllum aldri
og verður flutt í leikhúsi Frá Emilíu,
Héðinshúsinu við Tryggvagötu.
í fréttatilkynningu segir: „Brúðu-
leikhúsið 10 fingur er einsmanns ferða-
leikhús sem ferðast milli skóla og leik-
skóla. Fytsta sýning leikhússins heitir
Englaspil og fjallar um Veru, sem er
svolítið einmana og leikur sér í þvotta-
húsi ömmu sinnar. Hún hefur mikið
hugmyndaflug og úr þvottinum býr hún
til heilt ævintýri.
Englaspil tekur um 50 mínútur i
flutningi með hléi þar sem börnin fara
fram og syngja. Sýningin er ætluð
börnum á aldrinum 2-8 ára. Hægt er
að setja sýninguna upp nánast hvar
sem er á stuttum tíma (bókasöfnum,
leikskólum o.s.frv.).
Kópaskcri.
„Stóri klunnalegi blór-
inn með uppsnúnu
uggana eða töfrateppi
þrumuguðsins“
„Stóri klunnalegi blórinn með upp-
snúnu uggana, eða töfrateppi þramu-
guðsins" er nafnið á verki sem nemend-
ur Grunnskólans á Kópaskeri fram-
sýndu miðvikudaginn 23. mars sl. í
leikstjórn Margrétar Óskarsdóttur, eins
kennara skólans.
Höfundur er danskur, Borge Han-
sen, en þýðingu gerði Emil Emilsson.
Allir nemendur skólans, 30 börn á aldr-
inum 6-12 ára, taka þátt í sýningunni
og athyglisvert er að þau leika öll á
hljóðfæri í sýningunni.
Fyrirhugað er að sýna verkið þrisvar.
— Marinó
Steingrímur Ey-
fjörð
Ósk Vilhjálms-
dóttir
Óperufrumsýning í Tjarnarbíói í kvöld
Töfraflautan í uppfærslu
Nýja tónlistarskólans
NEMENDUR Nýja tónlistarskólans hafa að undaförnu unnið að upp-
færslu Töfraflautunnar eftir Mozart. Frumsýnt verður í Tjamarbíói í
kvöld klukkan 20. Næstu sýningar verða svo miðvikudaginn 30. mars,
þriðjudaginn 5. apríl og föstudaginn 8. apríl. Miðar fást í bíóinu virka
daga milli 17 og 19 og sýningardaga til klukkan 20. Fólk úr söngdeild
skólans flytur öll söngatriði óperunnar en 24 manna hljómsveit skipa
nemendur og kennarar auk nemenda Tónlistarskólans í Reykjavík. Ragn-
ar Bjömsson skólastjóri Nýja tónlistarskólans sljórnar. Hann fékk þau
Erling Gíslason og Brynju Benediktsdóttur til að leikstýra ópemnni og
segir að þar sé kannski komin ný og skjótvirk aðferð. Tveir leikstjórar
sameinist um skoðanir á sviðssetningu og skipti með sér verkum.
Uppfærsla Nýja tónlistarskólans á prestar á tímum tónskáldsins karl-
þessari vinsælu óperu er óhefðbundin
um sumt. Konur syngja til dæmis í
frægum prestakór óperunnar. Hann
er yfirleitt skipaður körlum, enda
kyns, en nú er öldin önnur. Það er
að vísu ekki ástæðan, heldur hitt, að
skólinn hefur ekki nógu marga karla
í söngdeildinni til að mynda kórinn.
Konurnar syngja áttund neðar að
sögn Ragnars og það gefur kórnum
sérkennilegan lit. Bakgrunnur óper-
unnar vekur einnig athygli, litskyggn-
ur úr þekktu safni Ágústs Jónssonar
af steina- og náttúrumyndum. Ragnar
segir ætlunina að undirstrika töfra-
og ævintýraheim óperunnar.
Staðsetning hljómsveitarinnar er
einnig óvenjuleg, framan við sviðið
fyrir allra augum. „Það hefur bæði
kosti og galla,“ segir Ragnar, „hljóð-
ið er ekki lokað ofan í gryfju eins og
oftast er, en söngvararnir þurfa að
ná gegnum vissan hljóðmúr. Best
væri líklega að hljómsveitin sæti aftan
Hópurinn sem setur upp Töfraflautuna í Tjarnarbíói.
og ofan við söngvarana, þannig myndi
ég byggja óperuhús ef ég hefði nóga
peninga. Hafa hana á palli aftan við
sviðið. En hvert hús kallar á sínar
lausnir og nú förum við þessa leið.“
Aðrir þættir í sýningunni eru liefð-
bundnari en það sem þegar er getið,
búningar til dæmis eru fengnir að
láni úr lslensku óperunni og Þjóðleik-
húsinu. Sunna María Magnúsdóttir
valdi þá í samráði við leikstjórana og
hún útbjó dreka sem leikinn er af
þrem ungum nemendum tónlistar-
skólans.
En hlutverkaskipan er þannig:
Davíð Ólafsson syngur Sarastro,
Bryndís Blöndal Paminu, Hjörtur
Hreinsson Tamino, Birna Ragnars-
dóttir Næturdrottninguna og þjón-
ustur hennar þær Jónína Kristinsdótt-
ir, Valgerður Ólafsdóttir, Elín Helga
Jóhannsdóttir og Ásthildur Bern-
harðsdóttir. Sigurður Sævarsson og
Garðar H. Friðjónsson skipta með sér
hlutverki Papageno, Katla Rannvers-
dóttir er Papagena og Óskar Sigurðs-
son Monostato. Þrjá presta syngja
þeir Þorvaldur Þorvaldsson, Ólafur
Sveinsson og Hafsteinn Már Einars-
son.