Morgunblaðið - 22.05.1994, Page 24

24 SUNNUDAGUR 22. MAÍ 1994
MORGUNBLAÐIÐ
KVIKMYNDIR/SAMBÍÓIN eru að taka til sýninga kvikmyndina Intersection
með Richard Gere, Sharon Stone og Lolita Davidovich í aðalhlutverkum.
Á vega-
mótum
VINCENT Eastman (Richard Gere) á velgengni
að fagna í starfi sínu sem arkitekt en einkalíf
hans er stormasamt. Hjónaband hans er að fara
í vaskinn og hann þarf að gera upp við sig hvort
hann ætli að halda áfram að búa með eiginkonu
sinni (Sharon Stone) og dóttur eða yfirgefa þær
og taka saman við konuna sem hann heldur við
(Lolita Davidovich).
incent hefur eðlilega átt
í sálarstríði vegna þeirrar
aðstöðu sem hann er búinn
að koma sér í
en er nú loks-
ins reiðubú-
inn að
höggva á
hnútinn.
Hann ekur
greitt eftir
sveitavegi og
er á leið til
þess að gera
grein fyrir
ákvörðun
sinni en þeg-
ar hann kem-
ur að gatna-
mótum sér
hann hvar
stórum bíl er
ekið inn á gatnamótin. Vinc-
ent hemlar en veit að hraðinn
er of mikill, árekstur verður
ekki umflúinn og óvíst að
hann lifi af. Hann missir vald
á bílnum sem hringsnýst eft-
ir malbikinu í átt að flutn-
ingabílnum og meðan um-
hverfið hringsnýst fyrir aug-
um Vincents sem býður þess
sem hann veit að verður ekki
umflúið stendur tíminn i stað
og hugur hans leitar aftur í
tímann.
Kvikmyndin Intersection
er endurgerð franskrar kvik-
myndar sem Claude Sautet
gerði árið 1970 eftir skáld-
sögunni Les Choses de la
Vie. Handrit Intersection er
hins vegar eftir David Rayfí-
el, einn höfunda handritsins
að The Firm og Marshall
Brickman, sem hefur komið
nærri handritagerð fjöl-
margra mynda Woody Al-
lens, þar á
meðal Man-
hattan Murd-
er Mistery og
Annie Hall en
fyrir það
hlutu þeir fé-
lagar Óskars-
verðlaun.
Leikstjóri
Intersection
er Mark Ry-
dell, marg-
reyndur leik-
stjóri, sem
m.a. gerði
myndina On
Golden Pond,
sem _ færði
Henry Fonda fyrstu Óskars-
verðlaun sín og Katharine
Hepbum sín íjórðu. Alls var
myndin tilnefnd til fimm Ósk-
arsverðlauna, þar á meðal
hlaut leikstjórinn tilnefningu,
þá einu til þessa. Aðrar
myndir Rydells eru m.a. The
Rose og For The Boys með
Bette Midler, sem var til-
nefnd til Óskarsverðlauna
fyrir leik í báðum, The River,
þar sem Sissy Spacek var
eiijnig tilnefnd eins og
Marsha Mason, sem lék í
mynd Rydells Cinderella Li-
berty á móti Jack Nicholson,
James Caan og Randy Quaid.
Myndir Mark Rydells hafa
alls hlotið 26 Öskarsverð-
launatilnefningar, þar af níu
fyrir leik.
Rydell hóí feril sinn sem
Lolita Davidovich leikur
hjákonuna
RICHARD Gere og Sharon Stone leika hjón sem hafa verið gift í 16 ár og eru búin að fá nóg.
leikari en sneri sér að leik-
stjórn á sjöunda áratugnum
og reyndi fyrst fyrír sér við
að leikstýra Gunsmoke í sjón-
varpi. Rydell framleiðir jafn-
framt Intersection ásamt Bud
Yorkin, vönum manni, sem á
sjötta og sjöunda áratugnum
vann með fólki á borð við
Abbot og Costello, Dean
Martin, Jerry Lewis og
Danny Kaye. Yorkin hefur
einnig leikstýrt fjölmörgum
myndum, flestum gaman-
sömum, þar á meðal Arthur
2 og einni myndanna um
Inspector Clousseau og
Bleika Pardusinn. Meðal
mynda sem hann hefur fram-
leitt eru Blade Runner. Kvik-
myndatöku í myndinni stjórn-
ar hinn margrómaði Vilmos
Zsigmond, sem hér vinnur
með Rydell í fjórða skipti;
hann var einnig bak við vél-
amar í Cinderella Liberty,
The Rose og The River.
Zsigmond er einn þekktasti
kvikmyndatökumaður nútím-
ans, vann til Óskarsverðlauna
fyrir kvikmyndatöku í mynd
Spielbergs Close Encounters
of the Third Kind og hlaut
tilnefningar fyrir The River
og Deer Hunter. Af öðrum
myndum þar sem hann hefur
lagt hönd á plóg má nefna
Deliverance, Bonfire of the
Vanities, The Witches of
Eastwick og Blow Out.
í aðalhlutverkum Int-
ersection eru tvær þekktar
leikkonur, Sharon Stone og
Lolita Davidovich, og ein al-
vöru Hollywood-stjama, Ric-
hard Gere. Sharon Stone sló
í gegn fyrir leik sinn í hlut-
verki glæpakvendisins í Basic
Instinct, mest sóttu mynd
ársins 1992. Sú mynd færði
Stone gífurlega athygli og
spáðu margir henni mikilli
velgengni í Hollywood. Þeir
spádómar hafa ekki ræst.
Síðustu mynd hennar, Sliver,
var fálega tekið af kvik-
myndahúsagestum og gagn-
rýnendum. Þrátt fyrir að
hlutverk Stone í Intersection
sé frábrugðið því sem hún
hefur verið þekktust fyrir —
hún leikur eiginkonu en ekki
hjákonu eins og oftast — virð-
ist myndin ekki ætla að duga
Sharon til að hækka flugið á
stjörnuhimninum á ný.
Kannski verður breyting á
því í næstu mynd hennar þar
sem hún mun leika á móti
Gene Hackman i vestranum
The Quick and the Dead.
Með hlutverk hjákonunnar
Oliviu fer Lolita Davidovich,
kanadísk leikkona af serb-
neskum ættum sem hefur átt
vaxandi gengi að fagna und-
anfarin misseri. Hún vakti
fyrst athygli árið 1989 þegar
hún lék titilhlutverkið í mynd-
inni Blaze á móti Paul New-
man. Síðast sást hún í kvik-
myndahúsum hér á landi í
mynd Brians DePalma, Rais-
ing Cain, þar sem hún lék
eiginkonu hins margbrotna
bamageðlæknis sem John
Lithgow lék. Þar áður lék hún
m.a. á móti Steve Martin í
Leap of Faith; henni brá fyr-
ir í JFK eftir Oliver Stone,
og einnig lék hún í The Inner
Circle, Boiling Point og The
Object of Beauty. Hún hefur
nýlokið við að leika á móti
Donald Sutherland í mynd-
inni Younger and Younger
en nýjasta mynd hennar er
Ty Cobb eftir Ron Shelton,
þar sem hún leikur á móti
Tommy Lee Jones.
Meðal annarra leikara í
Intersection má nefna hinn
gamalkunna Martin Landau,
sem var eftirminnilegur í Cri-
mes and Misdemeanors eftir
Woody Allen og lék einnig í
North by Northwest eftir
Hitchcock. Einhverjir minn-
ast hans ef til vill úr aðalhlut-
verki í sjónvarpsþáttunum
Mission: Impossible.
Tónlistin í Intersection er
eftir James Newton Howard,
sem hefur víða komið við og
af myndum sem hann hefur
samið tónlist við og sýndar
hafa verið hér síðustu mánuði
má nefna Flóttamanninn,
Dave, Alive og Falling Down.
Belgíski munnhörpusnilling-
urinn Toots Thielemans er í
aðalhlutverki við flutning
tónlistarinnar í Intersection.
Lærisveiim
Dalai Lama
Aðalleikari Intersection, Richard Gere, er um þess-
ar mundir einn umtalaðasti leikari Hollywood og á
uppleið í bransanum eftir að ferill hans hafði verið
í lægð um skeið. Gere og kona hans, súperfyrirsæt-
an Cindy Crawford eru vinsælt forsíðuefni slúður-
blaða vestanhafs og Gere hefur einnig verið áber-
andi á opinberum vettvangi í heimalandi sínu vegna
ötullar baráttu sinnar fyrir mannréttindum í Tíbet
og fyrir stuðning við leiðtoga Tíbeta, Dalai Lama,
en Gere telur sig til lærisveina hans og hefur með-
al annars notað tækifærið þegar honum hefur ver-
ið falið að afhenda Óskarsverðlaun til að koma
þeim boðskap á framfæri. Hann hefur einnig lagt
baráttu Hollywood við alnæmi lið með ýmsum hætti.
Richard Gere er frá
Philadelphia og alinn
upp þar og i New York
fylki en leikferill hans
hófst þegar hann var við
heimspekinám í háskóla í
Massachusettes. Þar vann
hann með ýmsum leikhóp-
um meðfram námi en hélt
síðan til New York þar sem
honum gekk vel að koma
sér á framfæri. Hann sló
í gegn á Broadway í rokk-
óperunni Soon og skömmu
síðar þótti hann eftirminni-
legur í hlutverki Danny
Zuko í Grease en hann fór
með það hlutverk bæði á
Broadway og í London.
Fyrsta kvikmyndahlut-
verk sitt fékk Gere
skömmu síðar þegar hann
lék í myndinni Days of
Heaven en sú var svo lengi
í vinnslu að áður en hún
var frumsýnd hafði hann
þegar getið sér nokkurt
orð fyrir leik sinn í Looking
for Mr. Goodbar og Blood-
brothers. í kjölfarið fylgdu
Yanks og American Gigolo
sem sló í gegn árið 1980.
Richard Gere varð hins
vegar eiginleg kvikmynda-
stjarna og hjartaknústari
árið 1982 þegar hann lék
aðalhlutverkið á móti De-
bra Winger í An Officer
and a Gentleman og árin
eftir fylgdu Breathless og
Cotton Club. Síðan fór að
halla undan fæti og King
David, Power, Mercy og
Miles from Home, sem
gerðar voru 1985-1988
gleymdust fljótt. Árið
1990 fór landið að rísa á
ný með Internal Affairs
og þegar hann skömmu
síðar lék á móti Julia Ro-
berts í Pretty Woman varð
ljóst að Richard Gere ætl-
aði sér ekki að gleymast.
Síðan hefur hann m.a. leik-
ið í myndunum Mr. Jones,
Final Ánalys, að ógleymdri
Sommersby, endurgerð-
inni á The Return of Mart-
in Guerre, þar sem hann
lék á móti Jody Foster við
góðan orðstír.