Morgunblaðið - 23.06.1994, Blaðsíða 48

Whp% HEWLETT Wk!HÆ PACKARD
HPÁ ISLANDI HF Höfdabakka 9, Reykjavík, sími (91) 671000 Frá möguloika til veruleika

MORGUNBLADIÐ, KRINGLAN I 103 REYKJAVÍK
SÍMl 691100, SÍMBRÉF 691181, PÓSTHÓIJ' 3040 / AKUREYRI: HAFNARSTRÆTI 85
FIMMTUDAGUR 23. JÚNÍ 1994
VERÐ í LAUSASÖLU 125 KR. MEÐ VSK
Jón Baldvin
Hannibalsson
Setti
Jóhönnu
engin
skilyrði
JÓN BALDVIN Hannibalsson,
formaður Alþýðuflokksins, seg-
ist ekki hafa sett Jóhönnu Sig-
urðardóttur, félagsmálaráð-
herra, nein skilyrði á fundi þeirra
síðastliðinn sunnudag. Hann
segist aðeins hafa minnt hanaji
niðurstöðu flokksþingsins. Hann
segir að ekki liggi enn fyrir hver
taki við af Jóhönnu. Það sé mis-
skilningur hjá forsætisráðherra
að ákvörðun um það liggi fyrir.
Skilaboð frá
flokksþinginu
„Ég setti Jóhönnu Sigurðardótt-
ur engin skilyrði af neinu tági.
Að því að þetta mál varðar, skipt-
ir það eitt máli úr samtali okkar,
að ég minnti á niðurstöður flokks-
þingsins, og spurði hvort það
stæði, að hún, eins og aðrir for-
ystumenn flokksins, myndu una
niðurstöðu flokksþingsins og
starfa að heilindum með okkur
hinum, að því að framfylgja þeirri
stefnu, sem flokksþingið mótaði.
Það eru ekki skilyrði — það eru
skilaboð frá æðstu stofnun Al-
þýðuflokksins og þeim skilaboðum
hljótum við öll að hlíta,“ sagði Jón
Baldvin.
Jón Baldvin sagðist ekki telja að
líkur á haustkosningum hafi aukist
við brottför Jóhönnu úr ríkisstjóm-
inni. „Ég held að hugsanlegar
haustkosningar ráðist af öðru.“
■ Setti Jóhönnu/27
Nýju leyfi úthlutað til sjónvarpssendinga
Kapalsjónvarpsstöð
í undírbúníngí
TEXTA hf. hefur verið úthlutað leyfi til sjónvarpssendinga. Að
sögn Valdimars Steinþórssonar framkvæmdastjóra Texta er verið
að undirbúa stofnun kapalsjónvarps í samvinnu Texta, Sambíó-
anna, Saga film hf. og Japis hf. Sjónvarpsleyfið miðast við að út-
sendingar hefjist innan 8 mánaða frá útgáfu þess. Ekki er ljóst
hvenær útsendingar heíjast og segir Valdimar það meðal annars
háð framkvæmdahraða hjá Pósti og síma.
Friðrik Sophusson fjármálaráðherra
Tímabært að endurskoða
lög um vísitölubindingu
FJÁRMÁLARÁÐHERRA, Friðrik Sophusson, segir tímabært að
endurskoða lagaákvæði um vísitölubindingu á þjónustugjöldum og
athuga hvort hverfa eigi frá vísitölubindingu skattalaga m.a. í ljósi
hverfandi verðbólgu og þess að laun breytist ekki með vísitölu.
„Ég tel að það sé fyllilega tíma-
bært að endurskoða þau ákvæði í
lögum og reglugerðum þar sem um
er að ræða vísitölubindingu á þjón-
ustugjöldum. Með sama hætti þarf
að fara í gegnum skattalögin og
kanna hvort hverfa eigi frá vísitölu-
bindingu þeirra. Þessi mál eru afar
flókin því íslensku skattalögin eru
í raun ákaflega vel aðhæfð verð-
bólguþjóðfélaginu. Við verðum líka
að gera okkur grein fyrir því að það
eru ekki bara gjaldafjárhæðir sem
eru vísitölubundnar heldur einnig
frádráttarliðir og skattfrelsisupp-
hæðir. Mér finnst eðlilegt að þessir
hlutir verði skoðaðir m.t.t. að þeim
verði breytt, sérstaklega nú þegar
stöðugleikinn er með þeim hætti að
ár eftir ár mælist verðbólga innan
við 2%, launabreytingar verða ekki
skv. vísitölu og menn eru að hverfa
frá vísitölubindingu skammtíma-
skuldbindinga," sagði Friðrik.
Á umræðustigi
Friðrik sagði þessi mál hafa verið
rædd í fjármálaráðuneytinu en að
engin vinna væri hafín til undirbún-
ings breytingum og engar ákvarð-
anir hefðu verið teknar. „Enda má
ekki gleyma því að stöðugleikinn í
verðlagi og efnahagsmálum á sér
ekki langa sögu og kannski ekki
mjög djúpar rætur í íslensku efna-
hagslífi."
Opinber gjöld sem taka breyting-
um með vísitölu eru t.d. bensín-
gjald, þungaskattur, bifreiðagjöld,
ýmis leyfisgjöld, gjöld tengd leyfum
fyrir atvinnustarfsemi, gjöld fyrir
þinglýsingar, dómsmálagjöld
o.s.frv. Að sögn Snorra Olsen, deild-
arstjóra í fjármálaráðuneytinu, er
heimild í lögum til breytinga sumra
vísitölutengdra gjalda, en i öðrum
tilfellum er breytingin lögbundin.
Þannig háttar t.d. til með bifreiða-
gjöld, sem hækka 1. júlí nk., en
samkvæmt lögum eiga þau að taka
breytingum með byggingarvísitölu.
Snorri sagði dæmi þess að gjöld
hækkuðu ekki með vísitölu jafnvel
þótt heimild væri til þess og nefndi
sem dæmi bensíngjald og þunga-
skatt, þar sem heimildir væru ekki
fullnýttar.
Að sögn Jóns G. Tómassonar
borgarritara eru einu vísitölutengdu
gjöldin sem Reykjavíkurborg inn-
heimtir gatnagerðar- og hitaveitu-
gjöld.
Valdimar segir ætlunina að nýta
þá möguleika sem opnast í framtíð-
inni með breiðbandsdreifikerfi Pósts
og síma. Valdimar telur að lítið sé
því til fyrirstöðu að hefja útsending-
ar um kapal til dæmis í nýjum hverf-
um í Hafnarfirði og í nýrri blokka-
hverfum í Reykjavík.
Ætlunin er að bjóða upp á allt
að fimm sjónvarpsrásum strax í
upphafi og segir Valdimar að ekki
verði nein vandræði með að útvega
efni til útsendingar. Þegar sé búið
að semja um útsendingarrétt á fjöl-
breyttu efni, íþróttum, kvikmyndum,
skemmtiþáttum og fleiru.
Þeir sem standa að kapalsjónvarp-
inu búa yfir þekkingu og sambönd-
um á þessu sviði. Valdimar átti þátt
í að stofna íslenska myndverið, Saga
film hefur margra ára reynslu af
gerð sjónvarpsefnis, Sambíóin eru í
fremstu röð á kvikmynda- og mynd-
bandamarkaðnum og Japis hefur
meðal annars flutt inn tæki til sjón-
varpsreksturs.
Ljósleiðarakerfið eflist ört
Búið er að leggja ljósleiðara hring-
inn í kringum landið og víða í íbúða-
hverfi. Ljósleiðararnir verða stofn-
strengir í gagnvirku dreifikerfi sem
getur flutt breiðbandsmerki, eins og
sjónvarpsútsendingar, í viðbót við
símtöl, tölvumerki og fleira. Að sögn
Jóns Þórodds Jónssonar yfirverk-
fræðings hjá Pósti og síma eru nú
lagðir svonefndir kóax-kaplar í öll
hús, þar sem unnið er við lagnir, til
að tengja notendur við ljósleiðara-
kerfið. Jón Þóroddur sagði að ekki
hefði verið tekin nein formleg
ákvörðun um hversu hratt Póstur
og sími byggir upp breiðbands-
dreifikerfið, en þessa dagana sé
unnið að gerð áætlana um það.
Morgunblaðið/Hentzar Poulsen
Reynt að
klippa á
togvírana
SKIP norsku strandgæslunnar
reynir að klippa á togvíra Há-
gangs II. I vírnum aftur úr varð-
skipinu eru klippurnar. Aldrei
tókst að klippa á togvíra skipsins
og segir Eiríkur Sigurðsson, skip-
stjóri á Hágangi II, að það hafi
aðallega verið fyrir klaufaskap
strandgæslunnar.
■ Norðmenn stefndu/6
*
Islenska heilsu-
félagið hf.
Hefur
framleiðslu
lyfja í
Litháen
ÍSLENSKA heilsufélagið hf.
hefur gengið frá samningi við
íslenska, sænska og litháíska
aðila um starfrækslu dreypi-
lyfjaverksmiðju í Litháen. Fram-
kvæmdir eru nú að hefjast, en
áætlað er að framleiðsla lyfj-
anna geti hafist vorið 1995.
íslenska heilsufélagið hf. hef-
ur átt. í samstarfi við erlenda
aðila um stofnun verksmiðjunn-
ar og fyrir ári stofnaði félagið
samstarfsfyrirtækið Ilsanta
UAB ásamt litháísku fyrirtæki.
Síðan hafa bæst við hluthafar
eins og Lyfjaverslun ríkisins og
Islenskir aðalverktakar, auk
sænskra aðila.
í gær hittust fulltrúar hlut-
hafa í Reykjavík og undirrituðu
samning sín í milli, auk þess var
gengið frá lánssamningum.
■ Framleiðsla á lyfjunum/C2