Morgunblaðið - 23.08.1994, Side 4

4 ÞRIÐJUDAGUR 23. ÁGÚST 1994
MORGUNBLAÐIÐ
Margir segjast
hafa fengið
bót meina sinna
RÚMLEGA 4 þúsund manns sóttu
samkomu hjá bandaríska sjónvarpsp-
rédikaranum Benny Hinn í Kapla-
kríka í Hafnarfírði í fyrrakvöld.
Þurfti mikill fjöldi frá
að hverfa, sumir telja
á annað þúsund. Áð
sögn viðstaddra telja
margir að þeir hafi
fengið lækningu á sam-
komunni. Mikil
stemmning í húsinu,
mikill söngur og önnur
tónlist.
Hafliði Kristinsson,
forstöðumaður Fíiad-
elfíusafnaðarins, túlk-
aði fyrir Hinn. í prédik-
uninni lagði Hinn út frá
1. kafla, 1. versi Jó-
hannesarguðspjalls þar
sem segir: „I upphafi
var orðið, orðið var hjá
guði og orðið var guð.“
Hafliði segir að Hinn
hafí sagt að Jesús væri ekki bara
til, hann væri tilveran sjálf. „Hann
lagði geysilega áherslu á að Jesús
væri sá sem læknaði, hvorki Benny
Hinn né neinn annar. Við gætum
beðið til guðs í Jesú nafni og þar í
ættum við fyrirheitin," sagði Hafliði.
Hundruð komu upp
Eftir prédikun bað Hinn fyrir fólki
úti í sal. Síðan spurði hann hvort það
hefði upplifað kraft eða sérstaka til-
finningu, hvort það fyndi fyrir lækn-
ingu og ef svo væri, þá bað hann
það að koma upp. Að sögn Hafliða
komu þá fleiri hundruð manns upp
að sviðinu og margir sögðu frá því
sem þeir hefðu upplifað, einhvers
konar snertingu eða lækningu. Hinn
bað fyrir mörgum sem komu upp og
segist Hafliði hafa heyrt af mörgum
sem höfðu reynt kraftaverk. Hafliði
segir að Hinn leggi mikla áherslu á
að fólk leiti læknis tíl að fá staðfest-
ingu þess að það hefði hlotið lækn-
ingu.
Aðspurður um þá gagnrýni sem
fram hefur komið um að sá bati sem
fólk upplifír á svona samkomum sé
ekki varanlegur sagði Hafliði:
„Margir sem komu inn upplifðu eng-
an bata, hvorki stundarbata né
lengri, það er allt til í því. Sumir
upplifðu, að því er virðist, fullan
bata, sumum leið betur án þess að
geta sagt að þeir væru alveg heilir.
Aðrir sögðu að þeir hefðu ekki fund-
ið fyrir neinu sérstöku.“ Hafliði seg-
ir að Hinn leggi mikla áherslu á að
stærsta kraftaverkið sé aldrei líkam-
leg lækning, heldur það að einstakl-
ingurinn fái fyrirgefn-
ingu synda sinna og
samfélag við guð.
Aðspurður sagði
Hafliði að lækningar
Hinns fælust eingöngu
í bænum og fyrirbænum
og djúp gjá væri á milli
samkoma eins og þeirra
sem Hinn stæði fyrir og
miðilsfunda.
Veit ekki hvað
gerist
Aðspurður um það
hvað gerðist þegar fólk
hnigi niður við snertingu
Hinns sagði Hafliði:
„Það er talað um að fólk
falli fyrir krafti heilags
anda, þetta gerist mikið
á samkomum. Allir sem ég hef talað
við upplifa notalegheit, kraft guðs
og nærveru hans. Hinn veit í raun
ekki hvað gerist," sagði Hafliði.
Hafliði segir að meðal þeirra sem
hlutu lækningu á samkomunni hafí
verið kona sem gekk við hækjur þeg-
ar hún kom upp en gat gengið ein
og óstudd eftir að Hinn hafði beðið
fyrir henni. Þá sagðist Hafliði vita
um ungan mann sem hefði verið
slæmur í hnjám í mörg ár og átti
að skera hann upp í gær. Á samkom-
unni hurfu verkir í hnjánum og mað-
urinn ákvað að fresta aðgerðinni.
Ætlar að koma aftur
Hinn kom til landsins á vegum
sjónvarpsstöðvarinnar Ómega. Eirík-
ur Sigurbjömsson, framkvæmda-
stjóri stöðvarinnar, segir að Hinn
hafi komið til landsins á eigin kostn-
að. Samskotum var safnað á sam-
komunni og segir Eiríkur að það fé
sem safnaðist hafí farið í að greiða
fyrir kostnað hérlendis, húsaleigu
o.þ.h. Hann segþr að samskotaféð
dugi ekki til en Hinn muni greiða
það sem upp á vantar. Hann hefur
til þess stuðning safnaðar síns í
Flórída sem er mjög stór. Eiríkur
segir að Hinn ætli sér að koma aftur
til íslands en ekki hefur verið ákveð-
ið hvenær það verður. Þá muni verða
reynt að standa fyrir fleiri samkom-
um.
Benny Hinn
og íeiagasamtoK.
:
Oryggl vid----------
- fyrir verktaka,
vinnuvélaeigendur
og sveitarfélög.
Að eldasl með reisn
- fyrir félagasamtök,
heilsugæslustöðvar
og sveitarfélög.
Suðurlandsbraut 20, símar 35150 og 31920, símbréf 688408.
FRÉTTIR
Morgunblaðið/Sverrir
RAGNAR Stefánsson jarðskjálftafræðingur með útprentanir úr
jarðskjálftamælum Veðurstofunnar í gær.
Ovarlegt að gera
ráð fyrir að
hrinan sé búin
LÍTIL virkni var á jarðskjálftasvæð-
inu í nágrenni Hveragerðis á sunnu-
daginn og í gær, og segir Ragnar
Stefánsson jarðskjálftafræðingur hjá
Veðurstofu íslands að ekki sé hægt
að útiloka að í framhaldið komi
skjálfti sem yrði jafnvel eilítið stærri
en þeir stærstu sem komið hafa hing-
að til. Segir hann óvarlegt að gera
ráð fyrir að skjálftahrinan sé búin,
en það sé heldur ekki hægt að úti-
loka að þau höft í jarðskorpunni
haldi sem nú er eftir að btjóta.
í framhaldi af skjálftanum sem
varð síðastliðið föstudagskvöld kl.
19.19, en. hann varð efst uppi í
Reykjadal um 3-4 km norðvestur af
Hveragerði, var mikil skjálftavirkni
fram á laugardag en þá dró hratt
úr virkninni eftir því sem leið á dag-
inn. Kl. 16.40 kom svo stærsti
skjálftinn til þessa, en upptök hans
voru á mjög svipuðum slóðum og
mældist hann 4,2 á Richterkvarða.
Mikil virkni var síðan fram eftir
sunnudagsmorgninum enn verulega
dró úr henni þegar leið á daginn.
Síðdegis í gær var ennþá lítil virkni,
eða 10-15 smáskjálftar á klukku-
stund.
Ragnar sagði að frá því á föstudag
og laugardag hefðu hreyfíngarnar
heldur færst fjær Hveragerði eða á
svæði um 5 km norðan og norðvest-
an Hveragerðis.
Nýr sveit-
arstjóri á
Raufarhöfn
GUNNLAUGUR Júlíusson hagfræð-
ingur Stéttarsambands bænda hefur
verið ráðinn sveitarstjóri á Raufar-
höfn. Guðmundur
Guðmundsson
sem verið hefur
sveitarstjóri á
Raufarhöfn und-
anfarin þrjú ár
hefur tekið við
starfí sveitar-
stjóra á Hvamms-
tanga.
Gunnlaugur
Júlíusson stundaði Júlíusson
nám í búnaðar-
hagfræði við háskóla í Svíþjóð og
Danmörku og að loknu prófí árið
1987 var hann ráðinn til Stéttarsam-
bands bænda. Þar hefur hann starfað
síðan að undanskildu einu og hálfu
ári sem hann starfaði í landbúnað-
arráðuneytinu. Eiginkona Gunnlaugs
er Sigrún Sveinsdóttir lyfjafræðingur
og eiga þau þrjú börn.
-----» ♦ ♦-----
Prestskosningar
á Selfossi
Einn dró
sig til baka
Selfossi, Morgunblaðið.
EINN frambjóðenda við prestskosn-
ingar á Selfossi, séra Guðmundur
Guðmundsson, hefur dregið fram-
boð sitt til baka. Þrír verða í kjöri,
séra Gunnar Sigutjónsson, séra
Haraldur M. Kristjánsson og séra
Þórir Jökull Þorsteinsson. Kosning-
in fer fram 10. september.
Allur loðnuflotinn í
grænlenskri lögsögu
MESTALLUR íslenski loðnuflotinn,
upp undir 30 skip, er kominn til
veiða í grænlenskri lögsögu sunnan
Scoresbysunds. Fjögur skip lönduðu
fullfermi á Siglufírði í gær en þróar-
rými á Bolungarvík var þrotið. Að
sögn Eggerts Jónssonar, stýrimanns
á Svani RE, er loðnan stór og falleg
en hún er dreifð. Fjórtán köst þurfti
til að ná fullfermi um borð í Svan-
inn. Hjálmar Vilhjálmsson telur
hugsanlegt að veiðistofninn haldi sig
í námunda við Grænland fram á
haust.
Auk Svans lönduðu á Siglufírði í
gær Örn, Kap og Þórshamar, allir
með fullfermi. Frá upphafi loðnu-
vertíðar hafa borist á land um 160
þúsund tonn frá íslenskum skipum.
Við Grænland hafa veiðst undan-
farna daga um 10 þúsund tonn og
eru um 3-4 þúsund tonn komin á
land. Styst er að fara til Bolungar-
víkur af miðunum en þar er þróar-
rými eins og fyrr segir þrotið. Þórð-
ur Jónsson, rekstrarstjóri hjá SR-
mjöli á Siglufirði, sagði að vertíðin
nú hefði farið betur af stað en oft
áður.
„Ég held að það trúi því allir að
það sé mikið til af loðnu og flestir
hallast að því að útlitið sé bæri-
legt,“ sagði Þórður.
Sjö norskir bátar
Eggert Jónsson, stýrimaður á
Svaninum, sagði að það hefði tekið
einn og hálfan sólarhring að fylla
bátinn. „Við köstuðum fjórtán sinn-
um og það þarf því að hafa virkilega
mikið fyrir þessu. Loðnan er dreifð
og ekki mikið af henni. Það er líka
mikið af bátum þarna og ég heyrði
talað um að þarna væru sjö norskir
loðnubátar," sagði Eggert. Hann
sagði að svipuð aflabrögð hefðu ver-
Um 10.000 tonn
hafa fengist af
loðnu sunnan
Scoresbysunds
ið hjá öðrum bátum. Hann sagði að
miðin væru suður af Scoresbysundi
í um 50 sjómílur frá landi. Um sext-
án tíma stím er til Siglufjarðar af
miðunum.
Hjálmar Vilhjálmsson, fískifræð-
ingur hjá Hafrannsóknastofnun,
sagði að mjög hlýtt hefði verið norð-
ur í höfum í sumar. Af þeim sökum
væri talið langlíklegast að loðnan
héldi sig mjög vestarlega sem virðist
hafa gengið eftir. „Það hefur verið
þarna mikill ís að undanförnu og er
það kannski ástæðan fyrir því að
engin loðna hefur fundist fyrr en
núna,“ sagði Hjálmar.
Dæmi um að loðnan haldi sig
við Grænland
Hann sagði að þegar sunnanáttir
eða hálfgerðar áttleysur ríktu á
þessum slóðum virtist eins og renns-
listruflun yrði í sundinu milli Vest-
fjarða og Grænlands og rekís hlæð-
ist upp norður fyrir sundinu sem
loðnan lenti undir. „Þess eru dæmi,
síðast 1988, að nánast allur veiði-
stofninn haldi sig þarna vestur í
sundi og austur úr Scoresbysundi
langt fram eftir hausti. Það er margt
sem bendir til þess að svipað sé upp
á teningnum núna,“ segir Hjálmar.
Hann segir það óheppilegt haldi
loðnan sig fram á haust milli Vest-
fjarða og Grænlands vegna mikilla
strauma þar og vondra haustveðra.
Heppilegra sé út frá veiðisjónarmið-
um að hún haldi sig norðar í hafinu.
Veitt samkvæmt samningi
Samkvæmt þríhliða samningi |s-
lands, Noregs og Grænlands er ís-
lendingum heimilt að veiða ótak-
markað magn loðnu innan græn-
lensku lögsögunnar á hvaða tíma
sem er.
Lítil framleiðsla hefur verið und-
anfarið á mjöli og lýsi. Gunnar Pet-
ersen hjá Bernhard Petersen hf.
kveðst telja að cif-verð á loðnumjöli
sé núna um 320 sterlingspund á
hafnir í Norður-Evrópu, sem er svip-
að og í fyrra. Flestir stærstu lýsis-
kaupendurnir hafa hins vegar birgt
sig upp og þurfa ekki lýsi fyrr en í
október-nóvember og sumir jafnvel
ekki fyrr en um áramót. Gunnar
telur að það fengjust um 290 dollar-
ar fyrir lýsistonnið nú. í fyrra feng-
ust allt upp í 360-370 dollarar fyrir
tonnið.
>
:
'
>

E
i
i
i