Morgunblaðið - 15.02.1995, Blaðsíða 37

MORGUNBLAÐIÐ
MIÐVIKUDAGUR 15. FEBRÚAR 1995 37
BRÉF TIL BLAÐSINS
„Aðg’át skal höfð
í nærveru sálar“
Frá Unni A. Hauksdóttur:
ÞEGAR við fullorðna fólkið setj-
umst niður með börnum til að lesa
fyrir þau, er það yfirleitt tii að
njóta ánægjulegra stunda með
börnum okkar,
barnabörnum,
eða öðrum þeim
börnum sem
okkur þykir
vænt um.
Fyrir utan þá
ánægju eina að
vera saman á
góðri stund er
UnnurA. markmiðið með
Hauksdóttir leStrinum mÍS-
jafnt. Ymist eitthvað uppbyggi-
legt, fræðandi, spennandi eða létt-
leiki, stundum allt saman.
Ég og dætur mínar höfum alltaf
haft mikla gleði af slíkum sögu-
stundum og haft þær sem flestar.
Bækurnar sem lesnar hafa verið
eru af öllum gerðum, frá ýmsum
tímum. Ymis vel ég bók eða þær.
Stundum er framhaldssögur í
gangi og smásögur eða stuttar
bækur með. Bækurnar hafa þær
fengið að gjöf, gamlar frá okkur
foreldrunum, jafnvel frá afa og
ömmu og síðast en ekki síst hafa
þær góðan aðgang að bókum í
bókasafni skólans.
Eitt sinn völdu þær bók sem
önnur þeirra hafði fengið að gjöf:
„Trillurnar þijár, með Alí Baba
og 40 ræningjum", frá Fjölva-
útgáfunni í þýðingu Þorsteins
Thorarensens. Ég verð að viður-
kenna að bókin heillaði mig ekki.
Þegar að lokum bókarinnar kom
sá ég þó ljósan punkt. Á svuntu
öftustu síðu var boðið upp á fróð-
leik um upprunalegu söguna um
Alí Baba. Utfrá því fór ég að segja
dætrunum frá „Þúsund og einni
nótt“. Síðan held ég áfram og les
fyrir þær þar sem sagt er frá ör-
lögum ræningjanna í upprunalegu
sögunni. Þar segir: „Þá láta rænin-
gjarnir flytja sig í olíubrúsum til
borgarinnar og ætla að ráðast á
Alí Baba, en trúr þjónn hans kemst
að því og hellir sjóðandi olíu ofan
í brúsana, svo að allir ræningjarn-
ir týna lífi.“
í framhaldi af þessu kom það
sem hneykslaði mig:
„Svona geta þeir verið grimmir
og eru enn í dag, þessir Arabar,
en þeir trúa á annan Guð, sem
þeir kalla Alla og er Múhameð
spámaður hans.“
Ég trúði ekki mínum eigin aug-
um, hver leyfði sér með þessum
hætti að koma með slíka innræt-
ingu og fordóma? Getur það verið
að bækur fyrir börn hér á landi
beri aðra eins fordóma og þessi
bók? Hefur Fjölvaútgáfan gefið
út fleiri bækur með slíkum for-
dómum? Hvað með aðra útgáfuað-
ila? Hefur enginn gert athugasemd
við bókina fyrr, en hún er gefin
út árið 1989?
Nýlega reyndi ég að ná í Þor-
stein (skráðan þýðanda bókarinn-
ar) hjá Fjölvaútgáfunni, hann var
ekki við en stúlkan á símanum
innti mig eftir erindinu, ég sagði
henni það og las niðurlagið á
svuntunni fyrir hana. Blessuð
stúlkan spurði mig bara hvað ég
sæi að þessu. - „Arabar eru
grimmir, er það ekki?“ sagði hún.
Var hún að tala í alvöru?
Höfum við rétt á því, að dæma
milljóna þjóðir, eða milljónir
manna sem aðhyllast aðra trú en
við, alla sem einn grimma, vegna
sögu úr arabíska þjóðsagnasafn-
inu? Eða vegna illverka einstakra
ofsatrúarmanna?
Hafa þeir þá sama rétt á að
dæma okkur alla Vesturlandabúa,
eða kristna menn um heim allan
fyrir grimmd, vegna grimmdar-
verka okkar á ýmsum tímum og
einstaka hópa og ofsatrúarmanna
okkar?
í framhaldi af þessu vil ég
hvetja alla barnabókahöfunda og
þýðendur barnabóka til þess að
ala ekki á fordómum gagnvart
öðrum þjóðum, trú þeirra og
menningu.
Lestur bóka fyrir börn á aldrei
að vera niðurrífandi heldur upp-
byggjandi og fræðandi.
Að lokum smá innlegg í umræð-
una um „ritfrelsið", er ekkert sem
bannar þetta?
Með bestu kveðjum,
UNNUR A. HAUKSDÓTTIR
verkakona, Hafnarfírði.
Illa skipulögð
danskeppni
Frá Sigríði M. Njálsdóttur:
SUNNUDAGINN 5. febrúar sl. var
haldin á vegum Dansráðs íslands
bikarkeppni í samkvæmisdönsum
með grunnaðferð. Keppni þessi var
haldin í ágætu íþróttahúsi á Seltjarn-
arnesi, björtu og fallegu. Eins og
vant er komu allir til leiks með bros
á vör og eftirvænting skein úr hveiju
andliti. Á sérhveiju borði var rauð
rós og allt umhverfíð var í takt við
fallegan og litríkan klæðnað barn-
anna og unglinganna, sem tilbúin
voru til að taka þátt í enn einni dans-
keppni vetrarins.
Danskeppnir hafa nú verið haldnar
i nokkur ár hér á landi og hafa þær
yfírleitt tekist ágætlega. Eðlilega
hafa smáhnökrar á skipulagi gert
vart við sig öðru hveiju, en þeir hafa
verið fremur smávægilegir.
Fyrrnefndan sunnudag vildi svo
til, að skipulagið var svo hörmulegt
að ekki verður hjá því komist að
gera það að umtalsefni. Seinkun á
dagskránni varð töluverð strax í
upphafí og keppendur þurftu að bíða
lengi eftir að komast á gólfíð og jafn-
vel þurftu þeir að bíða á gólfínu langa
stund áður en þeir máttu hefja dans-
inn. Þetta virkar illa á þá sem í
keppni eru, léttir ekki lundina og
getur haft áhrif á árangurinn. Oft
var gripið til þess ráðs að flýta eða
seinka ákveðnum dagskrárliðum og
úr þessu varð töluverður ruglingur
og áttu keppendur og aðrir gestir
erfítt með að fylgjast með framvindu
dagskrárinnar.
Farandbikarar voru afhentir dans-
parinu í fyrsta sæti í hveijum
A-flokki, en aðrir fengu í verðlaun
bókarmerki úr bréfi. Að gefa bami
fallegt bókarmerki til að hafa í bók-
inni sinni heima er falleg og jákvæð
gjöf, en í þetta sinn fannst mér þessu
öfugt farið. Á bókarmerkinu var
auglýsing frá ákveðnu innlendu fyr-
irtæki og fannst mér ekki við hæfí
að afhenda auglýsingu í verðlaun
fyrir góða frammistöðu. Það hefði
verið nær a sleppa því algjörlega.
Að mínu mati er þetta nánast lítils-
virðing við keppendur.
í kynningu í dagblöðum fyrir
keppnina var talað um að stigahæsta
pari keppninnar yrði afhentur far-
andbikar svonefndur „Hermannsbik-
ar“, sem nokkrum sinnum áður hefur
verið afhentur í svipaðri keppni. Þessi
bikar var aldrei afhentur, en var þó
vel sýnilegur á borði í salnum ásamt
öðrum bikurum sem afhentir voru.
Hvers vegna fékk ekkert danspar
þennan bikar?
Dansinn hefur verið á uppleið á
íslandi um nokkurt skeið og fagna
ég því mjög. Dansinn er að mínu
mati hvort tveggja í senn, list og
íþrótt. Dansinn er góð líkamsrækt,
bæði andleg og líkamleg, og ágætt
tómstundastarf fyrir alla aldurshópa.
Ég óska Dansráði íslands alls góðs
og vona að það taki nú höndum sam-
an og skipuleggi betur og vinni
heimavinnuna vel dansinum til heilla.
SIGRÍÐUR M. NJÁLSDÓTTIR,
Stóragerði 5, Reykjavfk.
j Ókunnugleiki á amerísk-
um umgengnisvenjum
Frá Geir Magnússyni:
TIL ritstjóra Morgunblaðsins.
Herra ritstjóri:
í gær, þegar ég var að lesa blaðið
frá 16. desember (ég fæ blaðið með
I seinni skipunum), sá ég, í grein um
| sinkverksmiðju, ókunnugleika á am-
u erískum umgengnisvenjum, sem ég
' vil leiðrétta.
Samingsaðilar ZCA eru nefndir
Bob Sunderman og Jim Derby. Nöfn
þeirra eru eflaust Robert Sunderman
og James Derby.
Enska notar þijú stig af kurteisi
í ávarpi, eins og íslenzka: „Sigurður,
viljið þér meira kaffi? Sigurður, viltu
meira kaffi? Siggi, viltu meira kaffi?"
( Þar sem allir eru þéraðir í ensku
| máli, nema Guð almáttugur, kemur
Neftirnafn með titlinum mister (miss-
iss eða miss, eftir kyni og hjúskap)
í stað þéringar.
Bjóði svo maður öðrum dús býður
hann hinum að ávarpa sig með skírn-
arnafni. Þar sem mörg, ef ekki flest,
amerísk skírnarnöfn hafa styttingar-
nafn (Bob fyrir Robert, Jim fyrir
James) nota þeir, sem eru dús, stytt-
ingarnafnið.
Geri ég ráð fyrir að þessir heiðurs-
menn hafi, í vinsemdarskyni og til
að auðvelda viðræður, sagt við sína
íslensku viðmælendur: „Just call me
Bob (eða Jim).“ Það táknar ekki að
þessi nöfn skuli notuð í frétt um við-
ræðurnar, nema blaðamaðurinn hefði
haft fullt samræmi og sagt að við-
ræðendur af hálfu innlendra hefðu
verið Dóri Jónatans frá Landsvirkjun
og Konni Björns frá áburðarverk-
smiðjunni.
Með þökk fyrir birtinguna.
GEIR MAGNÚSSON,
3045 Lisburn Road, Mechanicsburg,
PA 17055.
MÁLÞING
um menningarmál í Reykjavík
Dagskrá:
Borgarstjórinn í Reykjavík,
Ingibjörg Sólrún Gísladóttir,
boðar til síðara málþings um
menningarmál í Reykjavík.
Þar verður fjallað um list- og
menningarmiðlun í borginni.
Á fyrra málþinginu, sem haldið
var 14. janúar sl., var fjallað um
hagsmuni og aðstöðu listamanna
í Reykjavík.
Seinna málþingið verður
haldið í Ráðhúsi Reykjavíkur
laugardaginn 18. febrúar 1995
og er öllum opið.
10:00 Skráning þátttakenda.
10:15 Setning málþings: Ingibjörg Sólrún Gísladóttir.
10:20 Árbæjarsafn: Margrét Hallgrímsdóttir.
10:30 Borgarbókasafn Reykjavíkur: Þórdís Þorvaldsdóttir.
10:40 Borgarleikltúsið: Sigurður Hróarsson.
10:50 Gerðuberg: Elísabet B. Þórisdóttir.
11:00 Kjarvalsstaðir: Gunnar Kvaran.
11:10 Kaffihlé.
11:20 Listahátíð í Reykjavík: Þórunn Sigurðardóttir.
11:30 Söfn - miðlun menningar: Ragnhildur Vigfúsdóttir.
11:40 Hlutverk fjölmiðla: Jón Ásgeir Sigurðsson.
11:50 Menningarmálanefnd Reykjavíkur: Guðrún Jónsdóttir.
12:00 Matarhlé.
13:00 Pallborðsumræður og fyrirspurnir -
frummælendur sitja fyrir svörum.
15:00 Málþinginu slitið.
Fundarstjóri: Halldór Guðmundsson.
Vinsamlega tilkynnið upplýsingaþjónustu Ráðhússins
þátttöku í síma 632005 fyrir 17. febrúar.
Þátttökugjald (hádegisverður og kaffi) er kr. 1000.
...... Skrifstofa borgarstjóra