Morgunblaðið - 08.03.1995, Qupperneq 2

2 MIÐVIKUDAGUR 8. MARZ 1995
MORGUNBLAÐIÐ
FRÉTTIR
Sj ávarútvegsráðherra vill skoða nýjar leiðir í verðlagningu á fiski
Sníða þarf agnúa og
galla af gildandi löggjöf
ÞORSTEINN Pálsson sjávarútvegsráðherra
segir að margt bendi til þess að verðlagning
á físki sé ófullkomin, fyrst og fremst fyrir þá
sök að stór hluti af verðmynduninni fari fram
í viðskiptum tengdra aðila. Hann segir eðlilegt
að menn skoði aðrar leiðir og kanni hvort
hægt sé að sníða_ af þá agnúa og ágalla sem
fylgi núgildandi löggjöf.
„Á það er að líta að lögin sem um þetta
gilda eru ekki nema þriggja ára gömul. Þá
knúðu menn mjög á um að hverfa frá miðstýrð-
um ákvörðunum um verðlagningu á físki. Á
þeim tíma var fískvinnslan mjög treg í taumi
en fyrir mínar fortölur að talsverðu leyti þá
féllust fulltrúar hennar á hugmyndir að þess-
ari löggjöf sem núna er búin að vera í gildi í
þijú ár og sjómenn börðust mjög hart fyrir á
sínum tíma. En það var ljóst frá upphafí að
þama gætu fylgt þessir gallar sem afleiðing
af því að stór hluti físksins gengur raunveru-
lega kaupum og sölum milli sama aðila,“ segir
Þorsteinn.
Tvær leiðir til að breyta kerfinu
Hann segir að tvær leiðir séu færar til að
breyta kerfínu. Annars vegar sé að taka aftur
upp miðstýrða verðlagningu. „Ýmsir hafa ótt-
ast að þá færu menn inn í þann gamla farveg
efnahagsráðstafana ef það skref yrði stigið til
baka,“ segir Þorsteinn.
Hins vegar sé að selja allan físk á einum
markaði. Sú leið myndi leysa ágætlega verð-
myndunarvandann sem fyrir hendi sé en menn
hafí bent á fjölmargar afleiðingar sem af henni
hlytust.
Samræmist hún EES?
„Margir óttast að fískvinnslan stæði þá í
erfíðari sporum en hún stendur í dag. Sérstak-
lega að fiskvinnslufyrirtæki í minni sjáv-
arplássum - þar sem eitt fyrirtæki ber uppi
fískvinnsluna - muni lenda í mjög erfíðri stöðu.
Menn hafa bent á að þessi leið kynni að
raska framleiðsluferli þar sem fyrirtæki hafa
verið að tengja saman veiðar, vinnslu og mark-
að, sérstaklega með vöruþróun beint á neyt-
endamarkað.
Ýmsir hafa óttast að þetta kynni að veikja
forsendumar fyrir fastlaunasamningum físk-
verkafólks. Og loks hafa menn velt því fyrir
sér hvort það standist skuldbindingar okkar
samkvæmt EES-samningnum að banna mönn-
um að selja fisk nema í gegnum einn tiltekinn
aðila. í sjálfu sér eru engar algildar lausnir
fyrir hendi og það fylgir böggull skammrifí
hverri leið sem valin verður. Ég tel þó fullkom-
lega eðlilegt að menn ræði þessa kosti en einn-
ig mjög mikilvægt að menn kanni mjög gaum-
gæfílega bæði kostina og ágallana við hveija
leið fyrir sig,“ sagði Þorsteinn að lokum.
Haftið
rofnaði
aftur
HAFT sem myndaðist við ós
Jökulsár á Breiðamerkursandi
fyrir nokkrum vikum og lokaði
rennsli úr jökulsárlóninu rofn-
aði aftur fyrir síðustu helgi. Að
sögn Reynis Gunnarssonár,
rekstrarstjóra hjá Vegagerð
ríkisins á Höfn, hefur þetta
gerst undanfarin ár þegar lítið
rennsli er í ánni á vetrum. Þá
hlaðist upp framburður og loki
ósnum en svo rífi áin sig út úr
aftur þegar hækki í fyrir innan.
Hann segir að nokkurt landbrot
hafi verið við sjóinn, þar hafi
gengið á ströndina undanfarin
ár. Menn fylgist með þessu því
brúin sé stutt frá ströndinni en
engin hætta sé fyrir hendi. Á
myndinni, sem tekin var sl.
föstudag, sést vel hvar áin er
búin að rífa sig út í gegnum
haftið og hve brúin er nálægt
ströndinni.
Loðnugangan
komin vestur að
Snæfellsnesi
LOÐNUGANGAN er komin vestur
undir Snæfellsnes og fengu skip
þar góðan afla snemma í gær-
morgun. Það gerði hins vegar
brælu í gær og áttu loðnuskip í
erfíðleikum -með að athafna sig
af þeim sökum. Hrognataka er að
omast í fullan gang og útlitið
okkalega gott.
Löndunarbið á höfnum
nálægt miðunum
Víkingur kom fyrstur á loðnu-
miðin við Snæfellsnes í fyrrinótt
og náði að fylla sig áður en það
fór að hvessa. Að sögn Viðars
Karlssonar skipstjóra verður farm-
inum líklega landað á Seyðisfírði,
en þangað er um 30 tíma sigling
af miðunum. Löndunarbið er á
höfnum sem liggja nær miðunum.
Viðar sagði að líklega yrði flot-
inn búinn að veiða þá loðnugöngu,
sem nú er við Snæfellsnes, um eða
eftir miðjan þennan mánuð. Marg-
ir væru að vonast eftir vestan-
göngu, sem oft hefði lengt vertíð-
ina um nokkrar vikur. Síðustu
þijár vertíðar hefði hins vegar
ekki komið nein .vestanganga.
Nokkur skip hafa verið við veið-
ar við Reykjanes og fyrir sunnan
land. Flest eru þau á leið á veiði-
svæðið við Snæfellsnes.
Hrognataka hófst um síðustu
helgi í Grindavík og Vestmanna-
eyjum. Jón Bryngeirsson, verk-
smiðjustjóri hjá Fiskimjöli og lýsi
hf. í Grindavík, sagði að hrogna-
taka væri að komast í fullan gang.
Loðnan batnaði dag frá degi.
Nokkuð misjafnt er hvað hægt er
að stunda hrognatöku lengi, en í
fyrra stóð hún í 14 daga.
Morgunblaðið/Mats Wibe Lund
Höfuðstöðvar íslenskra sjávarafurða hf.
Borgin gefur fyrirheit
um lóð við Sigtún
BORGARRÁÐ hefur samþykkt að
veita Islenskum sjávarafurðum hf.
vilyrði um byggingarlóð á Sigtúns-
reit fyrir höfuðstöðvar fyrirtækisins
í Reykjavík. Um er að ræða lóð
milli Ásmundarsafns og Blómavals
við Sigtún, sem Oddfellowreglan
hefur haft yfirráð yfír en afsalaði
sér á fundi borgarráðs í gær. Stjóm
íslenskra sjávarafurða hf. ákvað á
fundi sínum í gær að staðsetja höf-
uðstöðvamar í Reykjavík. Auk
Reykjavíkur var á fundinum rætt
um hugsanlega staðsetningu í
Garðabæ og Hafnarfírði.
Lóðin ekki afmörkuð
Ingibjörg Sólrún Gísladóttir borg-
arstjóri, sagði að ekki væri búið að
afmarka lóðina né taka ákvörðun
um stærð byggingar, sem þar verður
reist. Búið hafí verið að úthluta lóð-
inni til Oddfellowreglunnar en á
borgarráðsfundi í gær afsalaði hún
sér lóðinni. „Á sama fundi sam-
þykkti borgarráð að gefa íslenskum
sjávarafurðum vilyrði um lóðina til
eins mánaðar," sagði borgarstjóri.
Það hafí verið gert, þar sem ekki
var vitað um hver niðurstaðan yrði
á stjómarfundi ÍS og því ekki hægt
að ganga frá endanlegri lóðarúthlut-
un. Sagði borgarstjóri að borgaryfir-
völdum hafí verið kynntar hugmynd-
ir að byggingu á lóðinni en að þær
skissur væru á ábyrgð ÍS.
Stuttur tími til stefnu
í erindi Benedikts Sveinssonar,
forstjóra íslenskra sjávarafurða hf.,
til borgarstjóra, kemur fram að fyr-
irtækið mun afhenda núverandi hús-
næði við Kirkjusand til nýrra eig-
enda 1. ágúst næstkomandi og því
sé stuttur tími til stefnu að finna
hentugt húsnæði fyrir starfsemina.
Einn möguleiki sé að byggja skrif-
stofuhúsnæði sem sniðið væri að
þörfum fyrirtækisins.
Vilja 3 þúsund
fermetra lóð
Bent er á að starfsemi fyrirtækis-
ins tengist stjórnsýálu landsins,
bankastarfsemi í miðborginni og
afgreiðslu skipafélaga í Sundahöfn
og á Holtabakka. ÍS eigi auk þess
og reki tæplega 4 þús. fermetra
vöruhús við Holtagarða og Þróunar-
setur ÍS yrði áfram starfrækt í um
800 fermetra húsnæði á Kirkjusandi.
Fyrirtækið hafí hug á um 3 þús.
fermetra lóð til að byggja skrifstofu-
hús á þremur til fjórum hæðum eða
hús með um 600 til 700 fermetra
grunnfleti. Æskileg staðsetning lóð-
ar væri á svæði neðan Laugavegs
eða Suðurlandsbrautar milli Snorra-
brautar og Elliðavogs.
Atvinnumálanefnd Reykjavíkurborgar
íslenskur andlitsleir
á markað erlendis
Styrkur borgarinnar 500 þús
BORGARRÁÐ hefur samþykkt
tillögu atvinnumálanefndar um
að veita Ásgeiri Leifssyni 500
þús. króna styrk til markaðssetn-
ingar erlendis á íslenskum
andlitsleir. Fram kemur í erindi
til atvinnumálanefndar að um ís-
lenskan hveraleir sé að ræða og
með því að nota hann rétt sé
hann heilsu- og útlitsbætandi.
Tilraunaverkefni
I erindi Ásgeirs segir að um
tilraunaverkefni sé að ræða sem
staðið hafí undanfama mánuði.
Leirinn hafi eingöngu verið seldur
í Laugardalslaug og hafa um 400
krukkur selst síðustu tvo mán-
uði. Leirinn hafi einnig verið
kynntur á Norðurlandaþingi
snyrtifræðinga í maí síðastliðn-
um, á sýningu í Vancouver í
Kanada í september, Alheims-
þingi snyrtifræðinga í Basel fyrir
tveimur vikum og í Laugardals-
laug frá miðjum júlí. Hafa þegar
verið fluttar út um 400 krukkur
til Svíþjóðar og Kanada.
Betri umbúðir
Fram kemur að til þessa hafí
verið notaðar umbúðir sem ekki
hafí hentað leimum vel. Þær séu
of veikburða og óþéttar og leirinn
hafí viljað þoma í þeim en búið
sé að finna hentugar umbúðir og
verði þær kynntar á fundi atvinnu-
málanefndar. Þá segir að fyrir liggi
samþykki Hollustuvemdar ríkisins
fyrir sölu á leimum. Tekið er fram
að í skýrslu Vilhjálms G. Skúlason-
ar prófessors um virkni leirsins að
notkun hans sé viðtækari en talið
hafí verið og að hafín sé markaðs-
setning á fótaleir sem mýki sigg
og líkþom á fótum.