Morgunblaðið - 21.05.1996, Blaðsíða 1

Morgunblaðið - 21.05.1996, Blaðsíða 1
72 SIÐUR B |H*«ttmi(I«Mfr 113.TBL.84.ARG. STOFNAÐ 1913 ÞRIÐJUDAGUR 21. MAI1996 PRENTSMIÐJA MORGUNBLAÐSINS Reuter ETA sprengir í Cordoba SPÆNSKUR hermaður beið bana og þrír slösuðust í sprengjutílræði aðskilnaðarsam- taka Baska í Cordoba í gær. Sprengjan var falin í ruslatunnu á stoppistöð herflutningabíla. Talið er að henni hafi verið beint gegn sneisafullri rútu af her- mðnnum en hún hafi sprungið aðeins fyrr en ætlunin var, því rútan átti 200 metra ófarna að stoppistöðinni er sprengjan sprakk. Var myndin tekin á til- ræðisstaðnum. írakar fallast á skilyrði fyrir olíusölu Washington, London. Reuter. ÍRAKAR féllust loks í gær á skil- yrði, sem Sameinuðu þjóðirnar (SÞ) höfðu sett fyrir því að þeir fengju að selja olíu til þess að fjármagna kaup á matvælum, lyfjum og öðrum lífsnauðsynjum. Talsmaður banda- rískra stjórnvalda sagði að ákvörð- unin hefði verið orðin löngu tímabær og hún væri sigur fyrir SÞ og til- raunir stofnunarinnar til að knýja stjórn Saddams Husseins einræðis- herra til að draga úr neyð írasks almennings. Samkvæmt samkomulaginu fá írakar að selja 700.000 föt á dag í hálft ár, fyrir jafnvirði tveggja millj- arða dollara, en það samsvarar 130 milljörðum króna. írökum hefur staðið þessi olíusala til boða í rúmt ár en hafa til þessa sett sig upp á móti skilyrðum SÞ um eftirlit með því að tekjur af olíusölunni rynnu til mannúðarmála en ekki hernaðar- uppbyggingar. Olía lækkaði í verði á heimsmark- aði í gærmorgun er afstaða íraka spurðist út en hækkaði aftur. Fór fatið af Brent-olíu til afhendingar í júlí niður í 16,75 dollara en hækkaði er á daginn leið og kostaði 18,61 dollara í lok viðskipta. Sérfræðingar sögðu útlit fyrir að olíuverð færi hægt og sígandi lækkandi vegna offramleiðslu ríkja í samtökum olíu- söluríkja (OPEC). Spáði stofnun í London, sem Yamani fyrrverandi olíuráðherra Saudi-Arabíu veitir for- stöðu, því að olíufatið yrði komið niður fyrir 15 dollara í haust. Tekið var fyrir olíusölu frá írak er írakar réðust inn í Kúveit í ágúst 1990. Endurkoma þeirra á markaði reynir á OPEC og talið er að samtök- unum muni reynast erfitt á fundi 5. júní nk. að takmarka fram- leiðslukvóta frá því sem nú er eða draga úr offramleiðslu. Ræður þar miklu að framleiðsluríkin hafa mörg hver ráðist í dýrar fjárfestingar við endurnýjun vinnslubúnaðar. Úrslit kosninga í Pétursborg góðs viti fyrir Jeltsín Kommúnisti tapar í borgarstjórakjöri Moskvu. Reuter. BORGARSTJÓRINN í Pétursborg, Anatolí Sobtsjak, og annar umbóta- sinni, fengu mest fylgi í fyrri umferð borgarstjórakosninganna á sunnu- dag og komast í síðari umferðina. Frambjóðandi kommúnista, Júrí Se- venard, varð í fjórða sæti með aðeins 10% atkvæða. Þrír efstu frambjóðendurnir eru allir umbótasinnar og fengu samtals 67% atkvæðanna. Úrslitin eru góðs viti fyrir Borís JeltsSn, forseta Rúss- lands, þótt þau hafi ekki komið mjög á óvart þar sem Pétursborg hefur verið eitt af vígjum umbótasinna. Sobtsjak fékk 29% atkvæða, sam- kvæmt bráðabirgðatölum sem birtar voru í gær. Vladímír Jakovlev, að- stoðarborgarstjóri sem snerist gegn Sobtsjak, fékk 21,6% og þriðji um- bótasinninn, Júrí Boldyrev, 17,1%. Kosið verður á milli Sobtsjaks og Jakovlevs í síðari umferð kosning- anna. Þeir hafa báðir lýst yfir stuðn- ingi við Jeltsín. Sobtsjak hefur notið mikilla vin- sælda frá því hann lagðist gegn til- raunum kommúnista til að senda skriðdreka inn í Pétursborg í valda- ránstilrauninni í ágúst 1991. Fylgi hans hefur þó minnkað og Jakovlev, sem var áður bandamaður hans, sak- aði hann um að vera úr tengslum við borgarbúa og eyða of miklum tíma í fyrirlestraferðir í útlöndum. Borgar- stjórinn lýsti hins vegar gagnrýni Jakovlevs sem „rýtingsstungu í bakið". Deilt um þjóðnýtingu banka Samkvæmt nýrri skoðanakönhun, sem birt var á sunnudag, hefur Jelts- ín sótt í sig veðrið að undanförnu og náð sjö prósentustiga forskoti á Gennadí Zjúganov, frambjóðanda kommúnista í forsetakosningunum 16. júní. Svo virðist sem málflutningur Jeltsíns í kosningabaráttunni hafi borið árangur og farið er aðbera á óeiningu meðal kommúnista. Ágrein- ingur blossaði upp í gær milli Zjúg- anovs og Viktors Anpílovs, leiðtoga fylkingar stalínista, sem hvatti fram- bjóðandann til að vera „djarfari" og þjóðnýta alla rússneska banka. Zjúganov sagði hins vegar að eng- in fyrirtæki yrðu þjóðnýtt kæmist hann til valda og hvatti stuðnings- menn sína til að varast „að glopra út úr sér orðum sem fólki stendur stuggur af". ¦ Jeltsín íhugar uppstokkun/19 Valdaráni afstýrt Reuter SPENNA var í Dhaka, höfuðborg Bangladesh, í gær eftir að Abdur Rahman Biswas forseti hafði sett yfirmann hersins, Abu Saleh Mo- hammad Nasim, af vegna meintra áforma hans um að steypa forsetanum af stóli. Her- sveitir hliðhollar Biswas tóku sér stöðu umhverfis forsetahöllina og þangað var stefnt mörgum þungavopnum, en hér er einn margra skriðdreka sem þar tók sér stöðu. Óttast var að sveitir hliðhollar Nasim hershöfðingja myndu rísa upp vegna brottvikn- ingar hans. Svo virtist í gær- kvöldi sem forsetinn hefði stjórn á gangi mála. Al lækkar London. Reuter. ÓÐAGOTSSALA á kopar á markaði í London í gær varð til þess að framboð jókst á öðr- um málmum með þeim afieið- ingum að umtalsverð verðlækk- un varð á áli, tini og blýi. Áltonnið seldist á 1.535 doll- ara í gærmorgun og hafði lækk- að um 86 dollara frá því á föstu- dag. Hefur verðið ekki verið lægra 5 tæp tvö ár, eða frá í ágúst 1994. Síðdegis þokaðist verðið hins vegar aftur upp á við er kaupendur freistuðu kostakaupa. Eistlendingar og Lettar afþakka boð Borísar Jeltsíns Hafna aðild að SSR Tallin, Reuter. LETTAR og Eistlendingar höfnuðu í gær boði Borísar Jeltsíns Rúss- landsforseta um að ríkin fengju aðild að Samveldi sjálfstæðra ríkja (SSR), að sögn yfirvalda. Jeltsín bauð Lettlandi og Eist- landi aðild að samveldinu eftir fund leiðtoga þess í Moskvu sl. föstudag. Þau tvö ásamt Litháen sögðu sig úr lögum við Sovétríkin árið 1991 Framtíð ríkjanna í Evrópu og hafa fráboðið sér öllum tilraun- um til þess að tengjast samveldis- löndunum, samtökum tólf fyrrver- andi sovétlýðvelda, nánari böndum. Lennart Meri forseti Eistlands sagði þjóðina hafa hafnað aðild að SSR fyrir fullt og allt með sjálf- stæðisyfirlýsingunni 1991. „Okkar framtíð er í Evrópu," sagði Meri. Valdis Birkavs utanríkisráð- herra Lettlands sagði að sambandi við samveldið hefði verið hafnað í þjóðaratkvæði, einnig með lögum frá 1991 og í þriðja lagi er þingið lagði grundvöll utanríkisstefnu landsins. Þögnin ennþá gulls ígildi Cambridge. Reuter. NOTKUN farsíma hefur verið bönnuð á bókasafni Cam- bridge-háskólans, einnar virt- ustu menntastofnunar Bret- lands, vegna kvartana frá stúdentum sem enn fínnst þögnin vera gulls ígildi. „Annar hver maður er með síma upp á vasann og það hringdi orðið stöðugt. Gangarnir voru eins og á símstöð," sagði aðstoð- arbókavörður háskólans en nú hefur stúdent- um verið skipað að slökkva á símunum áður en þeir koma inn í safnbygginguna.
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.