Morgunblaðið - 14.07.1996, Blaðsíða 8
8 SUNNUDAGUR 14. JÚLÍ 1996
MORGUNBLAÐIÐ
FRÉTTIR
Kristnihátíö árið 2000:
' Davíð ræður fram-
kvæmdastjóra
VONANDI verður skipulagið betra en á síðustu Þingvallahátíð þannig að gestirnir geti
þó gengið að gömlu stæðunum vísum . . .
Ferðir til Hamborgar o g Amsterdam felldar niður
vegna ónógrar sætanýtingar
Tortryggni í garð
erlendra flugfélaga
DRÆMAR bókanir í flug til Ham-
borgar og Amsterdam hafa orðið til
þess að þurft hefur að fella niður
nokkrar ferðir á vegum þýska flugfé-
lagsins LTU og hollenska flugfélags-
ins Transavia Airlines. Starfsmenn
ferðaskrifstofa, sem haft var sam-
band við, segja ákveðna tortryggni
ríkjandi í garð erlendra flugfélaga
sem fljúga fyrir íslenskar ferðaskrif-
stofur. Nokkur brögð séu þó að þvi
að fólk hringi og hafi áhyggjur af
því að ferðir sem það eigi bókaðar
hjá erlendum aðilum falli niður.
Að sögn Maríu Jónasdóttur, fjár-
málastjóra hjá Ferðamiðstöð Aust-
urlands, sem er umboðsaðili LTU hér
á landi, var eitt flug í viku á vegum
félagsins milli Dússeldorf og Kefla-
víkur síðastliðið sumar og nú í ár
var ákveðið að bæta við flugi frá
Hamborg og Múnchen. Farþegarnir
séu fyrst og fremst þýskir ferðamenn
en síðan séu íslendingum boðin laus
sæti á móti til að fylla vélamar. Hún
segir þátttökuna hafa verið talsverða
það sem af er sumri, en nú sé svo
komið að fella verði niður flug frá
Hamborg síðari hluta ágústmánaðar
vegna ónógra bókana. Viðskiptavinir
eigi þó ekki að þurfa að verða fyrir
óþægindum vegna þessa, því þeim
verði komið á áfangastað eftir öðrum
leiðum.
Samkeppni og siðgæði
Kjartan Helgason, stjómarfor-
maður ferðaskrifstofunnar Istravel,
segir að þegar sé langt komið að
Ieysa úr málum þeirra sem áttu bók-
að í þær ferðir sem falla niður. „Við
eigum mjög góða að, þar á með'al
Flugleiðir. Þó að samkeppnin sé hörð,
þá er siðgæðið ekki orðið það lélegt
að menn hjálpi ekki hveijir öðrum
þegar í óefni er komið,“ segir Kjart-
an. Fyrir utan þær sjö ferðir sem
falla niður, gérir Kjartan ráð fyrir
að halda leigufluginu áfram fram í
september eins og um var samið í
upphafi.
Samvinnuferðir/Landsýn eru í
samstarfi við flugfélagið Atlanta um
leiguflug til Benidorm og Mallorca
og við Flugleiðir til Hollands, Banda-
ríkjanna og fleiri áfangastaða. Að
sögn Auðar Björnsdóttur, deildar-
stjóra í áætlunarferðum hjá Sam-
vinnuferðum/Landsýn, eru bókanir
þar aldrei fleiri en einmitt nú og
nánast allt uppselt framundan.
Ferðaskrifstofan Ratvís hf. býður
upp á leiguflug til Portúgals í sam-
starfi við írska flugfélagið Gity Jet.
Halldór Jóhannsson, starfsmaður hjá
Ratvís, segir það hafa gengið viðun-
andi í sumar.
Mikið rót á markaðnum
„Annars hefur verið gífurlegt
framboð og mikið rót á markaðnum
r.úna í júlí og það skemmir óneitan-
lega fyrir. Svo eru greinilega mjög
margir sem halda að það kunni eng-
ir að stjórna flugvélum nema íslend-
ingar. Jafnvel þó að við séum með
allar þær tryggingar sem samgöngu-
ráðuneytið krefst af okkur, eru
margir sem halda að ef þeir fari með
okkur og við lendum í vandræðum
verði þeir skildir eftir einir einhvers
staðar úti í heimi án þess að nokkur
sinni þeim,“ segir Halldór og bætir
við að fólk eigi ekki að þurfa að
vera hrætt við að skipta við minni
ferðaskrifstofur vegna fjárhagslegs
óöryggis, ef eitthvað komi upp á eigi
tryggingarnar að bæta það að fullu.
Halldór segir algengt að sameina
þurfi eða fella niður flug af hag-
kvæmnisástæðum og það þurfi ekki
að vera veikleikamerki hjá flugfélög-
um sem það geri. „Þetta er harður
heimur og menn verða að vera tilbún-
ir að laga sig að aðstæðum. Ég fagna
ailri samkeppni og mér finnst synd
að íslendingar líti á það sem neik-
vætt að einhver fari í samkeppni við
Flugleiðir," segir Halldór.
Arkitektaskóli á íslandi
Sumarnámskeið
í byggingarlist
Jes Einar Þorsteinsson
Arkitektafélag ís-
lands hefur unnið
að stofnun arki-
tektaskóla hér á landi um
nokkurt skeið. Á næstunni
verður í þriðja skipti haldið
sumarnámskeið íslenska
arkitektaskólans (ÍSARK)
fyrir langt komna nemend-
ur í byggingarlist. Jes Ein-
ar Þorsteinsson arkitekt er
formaður skólanefndar
Arkitektafélagsins og í for-
svari fyrir námskeiðunum.
Hver er kveikjan að
þessu?
„Við héldum eitt þriggja
mánaða námskeið í Hafn-
arfirði fyrir nokkrum árum
{ tengslum við skólann í
Osló. Það kom hópur af
nemendum þaðan sem tók
hér eina önn. Það má segja
að það hafi verið fyrsta
skrefið og í kjölfarið komu
sumarnámskeiðin."
Hvaðan koma nemendurnir?
„Með námskeiðinu í ár höfum
við verið með 60 nemendur, þar
af eru níu íslenskir. Aðrir nem-
endur hafa verið frá hveiju
Norðuriandanna, Þýskalandi,
Austurríki, Frakklandi, Grikk-
landi, Ítalíu, Englandi og Banda-
ríkjunum. I sumar verða 20 nem-
endur á námskeiðinu."
Hvað dregur nemendur hingað?
„Það er fyrst og fremst Island.
Sérkennileg og ósnortin náttúra.
Við höfum yfírleitt valið verkefnin
samkvæmt því og tengt þau nátt-
úrunni. Sumarið 1994, afmælisár-
ið, tengdist verkefnið Þingvöllum.
í fyrra snerist verkefnið um Snæ-
fellsjökul og umhverfi, þar sem
stendur til að gera þjóðgarð. Nú
í ár verðum við fyrst með viku-
langt inngangsverkefni sem snýst
um miðborg Reykjavíkur. Síðar
tekur við þriggja vikna verkefni
sem tengist Krýsuvík, svæðinu
milli vatnsins og hveranna.
Bæði þessi viðfangsefni, í
Reykjavík og Krýsuvík, tengjast
vatni í mannlegu umhverfi. Hér
í Reykjavík verður unnið að mót-
un rýmis, til dæmis torgs, þar sem
spila saman vatn og rými líkt og
við listaverkið Fyssu í Laugar-
dal.“
Hvetjir kenna á námskeiðinu?
„Við erum með íslenska kenn-
ara sem annaðhvort hafa fengið
reynslu erlendis eða við höfum
þjálfað upp. Einnig erum við með
afbragðs góða prófess-
ora frá arkitektaskól-
um á Norðurlöndum, í
Frakklandi, Austurríki,
Portúgal, Bandaríkjun-
um og Bretlandi. Yf-
irleitt höfum við verið með 4-5
erlenda kennara og fjóra ís-
lenska.“
Hvar eru námskciðin haidin?
„Fyrst vorum við í Iðnskólanum
í Reykjavík, síðan í Ásmundarsal
við Freyjugötu og í sumar verðum
við í Myndlistarskóla Reykjavíkur
í Tryggvagötu."
Hvernig eru námskeiðin fjár-
mögnuð?
„Veltan á svona námskeiði los-
ar fimm milljónir. Nemendur hafa
greitt þátttökugjöld sem við reyn-
um að stilla í hóf. Við erum komn-
ir á fjárlög og höfum fengið styrki
frá Reykjavíkurborg, Húsnæðis-
stofnun og í byijun frá Fullbright-
stofnuninni. Þá höfum við fengið
Nordplus-styrk frá Norrænu ráð-
herranefndinni í þijú ár og loforð
fyrir fjórða árinu. Þessi styrkur
byggist á norrænu samstarfi og
allir norrænu skólarnir koma inn
í þetta. Nordisk Arkitektur Aka-
► Jes Einar Þorsteinsson arki-
tekt fæddist í Vestmannaeyjum
1934. Hann lauk stúdentsprófi
frá MR 1954. Nam málaralist í
París 1954-56 meðal annars á
Académie de la Grande
Chaumiére. Arkitekt frá École
Nationale Supérieure des Be-
aux-Arts í París 1967. Opnaði
eigin vinnustofu 1967. Ritari
stjórnar Arkitektafélags ís-
lands 1970-72, formaður
1984-86, varaformaður 1983 og
1987. í stjórn listskreytinga-
sjóðs 1983-87 og í stjórn Banda-
lags íslenskra listamanna
1983-87. Formaður fulltrúaráðs
Arkitektafélags íslands 1991 og
formaður skólastjórnar ís-
lenska arkitektaskólans frá
1994.
demi er samvinnuvettvangur nor-
rænu arkitektaskólanna tíu og
þeir hafa þegar viðurkennt okkur
sem 11. skólann í því samstarfi,
þótt skólinn okkar sé ekki enn
formlega stofnaður."
Hvernig verður skólahaidið í
framtíðinni?
„Hugmyndin er að þetta verði
fyrst í stað eins til tveggja ára
skóli. Ef það reynist hentugt þá
gæti þetta orðið fullkominn skóli
sem útskrifar nemendur. Ég býst
við að við munum taka nemendur
í miðju námi eða í lokin. Þetta
byggist á samstarfi við
aðra skóla. Norður-
landaskólarnir, bæði í
Kaupmannahöfn, Árós-
um, Osló og ekki síst
Helsinki, og eins skólar
í Evrópu, hafa sýnt mikinn áhuga
á því að koma þessu samstarfi
á. Það fellur að Erasmus-áætlun-
inni, sem byggist á samstarfi
skóla í Evrópulöndum.“
Hvemig er skóiinn hugsaður?
„Við stefnum að því að skólinn
verði í tengslum við Listaháskóla
Islands. Vonandi tekur hann til
starfa á næsta ári. Þessi sumar-
námskeið eru fyrsta skrefíð í und-
irbúningi að stofnun skólans og
til að ná fótfestu. Við höfum feng-
ið nemendur sem eru eru á 4. og
5. námsári og komnir að því að
ljúka námi. Nú þegar hafa tekist
góð tengsl við erlenda háskóla.
Svona sumarnámskeið í tengslum
við háskólanám í arkitektúr eru
mjög algeng og haldin víða um
heim bæði til þess að nemendur
komist í nýtt umhverfi og kynnist
nemendum frá öðrum þjóðum.
Það er mikilvægt að nemendurnir
fái að kynnast nýjum aðstæðum."
ísland dregur
að nemendur
í arkitektúr