Morgunblaðið - 31.12.1996, Blaðsíða 12

12 C ÞRIÐJUDAGUR 31. DESEMBER 1996
MORGUNBLAÐIÐ
Met það
mikils
að vera
á lífí í dag
RAGNHILDUR Sigurðardóttir slasaðist
alvarlega 23. maí síðastliðinn eftir
fallhlífarstökk sem misheppnaðist.
Hún var svokallaður farþegi með Rúnari
Rúnarssyni fallhlífarstökkskennara þegar
aðalfallhlífin náði ekki að opnast eðlilega og
varafallhlífin, sem opnaðist í um 1.300 metra
hæð, flæktist síðan í henni.
Þau Ragnhildur og Rúnar féllu stjórnlaust
til jarðar á malbikað bílastæði við hús
Krabbameinsfélagsins norðan Bústaðavegar.
Þetta var fyrsta og að eigin sögn síðasta
fallhlífarstökk Ragnhildar, en hún hafði lengi
gengið með það í maganum að stökkva með
kennara en þrisvar sinnum hætt við það fyr-
ir stökkið örlagaríka.
Ragnhildur margbrotnaði við lendinguna
á bílastæðinu, og segir hún að versta brotið
Morgunblaðið/Golli
RAGNHILDUR Sigurðardóttir við æfingar á Grensásdeild, en þar hefur hún verið
dagsjúklingur frá því í byn'un desember.
hafi verið opið beinbrot á hægri fæti og einn-
ig hafi hællinn á vinstri fæti brotnað illa.
Þá mjaðmargrindarbrotnaði hún og olnboga-
brotnaði á hægri handlegg og vísifíngur
hægri handar brotnaði. Vinstri handleggur-
inn slapp hins vegar alveg og hún slapp að
mestu við höfuðmeiðsl, en hún hélt um höfuð
sér í lendingunni. Rúnar slapp mun betur en
Ragnhildur, en hann ristarbrotnaði á báðum
fótum og hnéskelin á hægri fæti brotnaði.
I æfingum fimm tíma á dag
Ragnhildur dvaldist á Borgarspítalanum
til 12. ágúst og þaðan fór hún á Grensás-
deild þar sem hún dvaldi fram í desember.
Síðan hefur hún verið dagsjúklingur þar og
er hún í stöðugum æfingum í fimm tíma á
dag alla virka daga.
„Ég geng með hækjur og má reyndar
ekki stíga nema með um 40 kg þunga í
hægri fótinn og þó gengið hafi erfiðlega með
hælinn á vinstri fæti þá get ég stigið af full-
um þunga í þann fót,“ sagði Ragnhildur í
samtali við Morgunblaðið.
Hún sagði að sér hefði gengið svona upp
og ofan að jafna sig andlega eftir slysið, en
fyrstu dagana upplifði hún stökkið aftur og
aftur í draumi. Hún sagðist hafa mikið sam-
band við Rúnar og foreldra hans og það
hefði reynst sér mjög vel. „Það kemur ein-
staka sinnum svona sjokk, en þetta gengur
samt allt saman alveg rosalega vel og maður
metur það mikils að vera á lífí í dag,“ sagði
Ragnhildur.
Þegar Ragnhildur slasaðist starfaði hún
hjá happdrætti DAS þar sem faðir hennar
er forstjóri. Hún sagðist verða frá vinnu í
nokkra mánuði í viðbót þar sem hún þyrfti
líklega að vera í æfingum fram á vor, en
þetta færi þó líklega allt eftir því hve dugleg
hún yrði við æfingarnar. „Þetta er allt upp
á við, að minnsta kosti verður maður að
vona það,“ sagði Ragnhildur.
Ragnhildur Sigurðardóttir slasaðist alvarlega í fallhlífarstökki
Stolt 18 ára stúlka á efsta þrepi verðlaunapalls á Evrópumóti
Stund mikilla
tilfínninga
*
SLENDINGAR
eignuðust Evrópu-
meistara í frjáls-
íþróttum innanhúss á
árinu er Vala Flosa-
dóttir, ÍR, stökk allra
kvenna hæst í stang-
arstökki á Evrópu-
meistaramótinu í
Stokkhólmi 8. mars.
Vala stökk 4,16 m og
setti íslands- og Norð-
urlandamet um leið
auk þess sem hún átti
góðar tilraunir við
Evrópumet, 4,23 m,
en felldi naumlega.
Nýorðin 18 ára stóð
hún á efsta þrepi á
stórmóti og hafði meðal annars
skotið Evrópumethafanum og
fyrrum heimsmethafa, Danielu
Bartovu frá Tékklandi, ref fyrir
rass.
„Ég var rosalega stolt að standa
á efsta þrepi verðlaunapallsins og
heyra íslenska þjóðsönginn leik-
inn. Það kom kökkur í hálsinn og
ég var að springa af
gleði. Þetta var stund
mikilla tilfinninga,"
sagði Vala er hún var
innt eftir því hvernig
henni hefði liðið á
þessari stundu. „Fyrir
mótið hafði ég ekki
gert mér neinar vonir
um verðlaun, ég ætl-
aði að gera mitt besta
og sjá hversu langt
það fleytti mér.“ Þess
má geta að Vala bætti
sinn fyrri árangur inn-
anhúss um 5 sm á
mótinu.
„Árangurinn á Evr-
ópumeistaramótinu
stendur tvímælalaust upp úr þegar
ég horfi til baka yfir árið. í ársbyij-
un hafði ég auðvitað sett mér það
takmark að bæta mig og það tókst
svo sannarlega."
Vala lét ekki þar við sitja og í
sumar staðfesti hún glæsilega
frammistöðu sína á Evrópumeist-
aramótinu með því að setja heims-
Vala
Flosadóttir
met unglinga og Norðurlandamet
fullorðinna er hún stökk 4,17 m á
móti í Bordeaux í Frakklandi í lok
september. Þetta er sjötti besti
árangur heims í greininni. „Það
var gaman að geta lokið keppnis-
tímabilinu á glæsilegan hátt og
betra gat það ekki orðið.“
Vala segir að góður árangur á
árinu hafí breytt framtíðaráform-
um hennar. „Ég lauk stúdents-
prófí í vor og ákvað þá að taka
mér tveggja ára hvíld frá námi
og einbeita mér eingöngu að æf-
ingum og keppni í stangarstökki
og sjá hvaða árangur það gæfi
mér.“ Hún æfir á hverjum degi
og auk þess tvisvar á dag þijá
daga vikunnar. Hún býr með móð-
ur sinni í Svíþjóð og segist ætla
að vera þar áfram.
„Það eru fleiri kostir að vera
hér en heima við æfíngar og þess
vegna er ég ekki á heimleið. Það
breytir ekki þeirri staðreynd að
ég er íslendingur og keppi fyrir
ísland. Svíar vildu eigna sér mig
fyrir Evrópumeistaramótið en ég
hef gert þeim grein fyrir að svo
verði aldrei þó þeir megi eiga
smáhluta af árangri mínum. Enda
hefði ég aldrei byijað að æfa
stangarstökk ef ég væri búsett á
íslandi."
Björgúlfur Þorvarðarson var hætt kominn er báti hans hvolfdi
Þakklæti
efst í huga
BJÖRGÚLFUR Þorvarðarson, kennari í
grunnskólanum á Hellu og bóndi á
Hrafntóftum II í Djúpárhreppi, komst
lífs af ásamt félaga sínum, Gylfa Gunnars-
syni, þegar báti þeirra hvolfdi á Kvíslavatni
sunnan Hofsjökuls að kvöldi 20. ágúst sl.
Þeir voru að veiðum en þriðji maðurinn,
Guðjón Valdimarsson, beið þeirra í landi.
Talið er að góður fatnaður, björgunarvesti
og hárrétt viðbrögð hafi bjargað lífi þeirra
félaganna.
Utanborðsmótorinn stóð á sér og þegar
Björgúlfur og Gylfi reyndu að koma honum
í gang skipti engum togum að báturinn
steyptist undan þunga þeirra og honum
hvolfdi. Gylfí komst fljótlega í land af eigin
rammleik en Björgúlfur fór undan vindi lengri
leiðina að landi. Honum tókst að skreiðast
upp í fjöruna, en var þá orðinn svo dofínn
Morgunblaðiö/Aðalheiður Högnadðttir
BJÖRGÚLFUR Þorvarðarson ásamt hestum sínum og hundi heima á Hrafntóftum.

af kuldanum að hann missti meðvitund. Hann
lá meðvitundarlaus í fjöruborðinu í um það
bil tvo klukkutíma áður en honum var bjarg-
að um borð í þyrlu Landhelgisgæslunnar,
TF-LÍF, og var líkamshiti hans þá kominn
niður í 29 gráður á Celsius.
Er viðkvæmari fyrir kulda
Aðspurður um hvort honum hafí orðið
meint af volkinu segir Björgúlfur að auðvitað
hafí það tekið sinn tíma að jafna sig, en nú
sé hann aftur kominn í gott form. „Þó finn
ég að ég er aðeins viðkvæmari fyrir kulda
en ég var áður,“ segir hann.
Björgúlfur segir þessa lífsreynslu hafa
haft áhrif á sig til góðs. „Mér er efst í huga
þakklæti til allra þeirra sem stóðu að
björguninni og einnig þakklæti til Guðs fyr-
ir það að fá að vera á lífi og láta gott af
mér leiða. Ég lít því björtum augum til fram-
tíðarinnar."
Hann hefur ekki farið á vatnið eftir að
hann lenti þar í lífsháskanum en gerir þó
síður en svo ráð fyrir því að hann hætti að
veiða. „Þetta er eins og að detta af hest-
baki, maður fer alltaf á bak aftur,“ segir
Björgúlfur.