Morgunblaðið - 26.02.1997, Side 11

MIÐVIKUDAGUR 26. FEBRÚAR 1997 11
MORGUNBLAÐIÐ
FRÉTTIR
Fundur borgarstjóra með íbúum í Arbæjarhverfi
Ági'einingiir um fram-
tíðarskipan skólamála
LÍFLEGAR umræður voru á fundi borgarstjóra með íbúum Árbæjarhverfis.
Morgunblaðið/Þorkell
INGIBJÖRG Sólrún Gísladóttir borgarstjóri í ræðustól.
Töluverður hiti var í
mönnum á hverfafundi
Ingibjargar Sólrúnar
Gísladóttur borgar-
stjóra með íbúum Ár-
bæjar-, Selás-, ogÁr-
túnshverfis vegna hug-
myndar um að reistur
verði nýr skóli norðan
Hraunbæjar, á fjölförnu
athafnasvæði. Hildur
Einarsdóttir fylgdist
með umræðunum.
IUPPHAFI fundar, sem hald-
inn var síðastliðið mánudags-
kvöld í Árseli, talaði Ingi-
björg Sólrún Gísladóttir
fyrst almennt um stöðu og stefnu
í borgarmálunum en vék síðan að
rekstri og framkvæmdum í ein-
stökum málaflokkum er varða
Árbæjarhverfið. Ræddi hún um
skólamálin og sagði að gerð hefði
verið fimm ára áætlun um einsetn-
ingu grunnskóla Reykjavíkurborg-
ar en endanlegar ákvarðanir hefðu
ekki verið teknar nema um fyrsta
árið, þ.e. yfirstandandi ár. Væru
málefni Árbæjarskóla og raunar
skólahverfisins alls til skoðunar.
Einkum væri til umræðu sú
hugmynd að Árbæjarskóli yrði í
framtíðinni safnskóli þriggja
grunnskóla í hverfinu með 8.-10.
bekk en nýr skóli yrði byggður
norðan Hraunbæjar þar sem ann-
ars vegar yrði grunnskóli fyrir
1.-7. bekk, hins vegar leikskóli í
sömu byggingu. Um þetta hefði
ekki verið tekin ákvörðun. Sagði
hún jafnframt að lokið yrði við
byggingu dagvistarheimilis í Ár-
borg á þessu ári þar sem unnt
yrði að veita heilsdagsþjónustu
fyrir börn.
í umfjöllun borgarstjóra um
íþrótta- og tómstundamál hverfis-
ins kom meðal annars fram að
aðsókn í Árbæjarlaug hefur aukist
mjög eða um 35 þúsund frá 1995-
1996, og nam á síðasta ári 370
komum.
Einnig gat hún þess að i ný-
Iegri könnun í borginni á
því hver hugur fólks
væri til félagsmiðstöðva
hefði komið fram að af-
staða Árbæinga til Ár-
sels væri jákvæð, enn
jákvæðari en víða annars
staðar í borginni til sambærilegra
miðstöðva.
Nýtt verslunar- og
þjónustuhverfi
Ingibjörgu Sólrúnu varð tíðrætt
um skipulagsmál hverfisins og
sagði meðal annars að tilkoma nýs
Suðurlandsvegar létti mikið á
umferð gegnum hverfið, einkum á
Bæjarhálsi, og hefði orðið til þess
að hugmyndir um nýtingu svæðis-
ins milli Bæjarháls og Hraunbæjar
voru endurskoðaðar. „Samþykkt
hefur verið skipulag sem gerir ráð
fyrir verslun, þjónustu- og menn-
ingarstarfsemi á horni austan
Bæjarbrautar. Á svæðinu er enn-
fremur gert ráð fyrir bílskúraþyrp-
ingum, garðlöndum og aðstöðu til
boltaleikja, ásamt lóðum fyrir
stofnanir og íbúðir. Þegar hefði
verið úthlutað lóðum fyrir íbúðir
aldraðra og pósthús," sagði hún.
Ingibjörg Sólrún sagði að á at-
hafnasvæðinu við Bæjarháls væri
enn töluvert af óbyggðum og ófrá-
gengnum lóðum, sem
vafalítið yrðu byggðar
innan fárra ára því auk-
in eftirspurn væri eftir
iðnaðar- og athafnalóð-
um.
Næsta sumar yrði svo
hafist handa við náttúrufarslega
könnun í Elliðaárdal ásamt öðrum
útivistarsvæðum í borginni. í kjöl-
farið yrði gefm út bók um Elliða-
árdalinn, þar sem fjallað yðri um
náttúru hans og sögu. Einnig
væri unnið að vistfræðilegri úttekt
á Elliðaánum. „Gerð verður sér-
stök umhverfisúttekt á stafsemi
Árbæjarlaugar, en umhverfisó-
happ varð við laugina árið 1995.
Kom í ljós að regnvatn úr aðliggj-
andi íbúðarhverfum fer beint í
árnar og er því mikilvægt að allir
haldi vöku sinni og setji alls ekki
leysiefni eða önnur mengandi efni
í niðurföll utandyra," sagði hún.
Að erindi Ingibjargar loknu bár-
ust fyrirspurnir úr sal. Greinilegt
var að skólamálin brunnu mjög á
mönnum.
Gunnlaugur Þráinsson gagn-
rýndi að áætlanir um hugsanlega
skólabyggingu norðan Hraunbæj-
ar hefðu ekki verið kynntar öllum
foreldrum í hverfinu. Taldi hann
fráleitt að byggja skóla fyrir
yngstu börnin á fjölförnu athafna-
svæði sem þarna væri og taldi
farsælla að byggja við þá skóla
sem fyrir væru. Kristján Már Unn-
arsson tók í sama streng og sagði
jafnframt skaða af því að færa
yngri börnin úr því góða umhverfi
sem þau væru í í Árbæjarskóla
þar sem væri stutt í góða íþrótta-
aðstöðu og nefndi félagssvæði
Fylkis og Árbæjarsundlaugina.
Guttormur Einarsson sagði að
lofað hefði verið að forhönnun á
viðbótarskólabyggingu við Ár-
túnsholtsskólann færi fram en nú
væri ekki talin nein þörf á henni
og hefði meirihlutinn þar með svik-
ið loforð sitt. Sagði hann að meiri-
hluti atkvæðabærra manna í sínu
hverfi vildi heildstæðan skóla, þ.e.
skóla þar sem bæði eldri og yngri
börnin væru saman í skóla.
Borgarstjóri sagði að misskiln-
ings gætti varðandi kynningu á
hugmyndum um nýjan skóla í
hverfinu. Engin formleg kynning
hefði átt sér stað á vegum borgar-
innar enda málin ekki komin á það
stig ennþá. Hefðu foreldrar rætt
þessi mál í sínum hópi. En mikil-
vægt væri að foreldrar fengju að
koma að umræðu um framtíðar-
skólastefnuna og lofaði að boða
til fundar er meira lægi fyrir um
skólamálin í hverfinu.
Ekkert hefur
verið ákveðið
Borgarstjóri sagði að engin lof-
orð hefðu verið svikin varðandi
Ártúnsholtsskólann. í kringum
1994 hefði verið rætt um að skól-
inn þyrfti viðbyggingu því þröngt
var í skólanum um þær mundir.
Síðan hefði farið fram úttekt í
öllum skólum borgarinnar á við-
byggingarþörf í tengslum við ein-
setningu skólanna. Hefði komið í
ljós að mannfjöldaspár gerðu ráð
fyrir að nemendum í Ártúnsholts-
skóla myndi fækka um helming á
næstu árum en í upphafi hefðu
þijú hundruð börn verið í skólan-
um. Sagði Ingibjörg Sólrún að
forgangsraða þyrfti í þessum efn-
um og huga að viðbyggingum þar
sem fjölgun væri í skólunum.
Sagði hún ennfremur að engar
ákvarðanir hefðu ennþá verið
teknar um hvort Ártúnsholtsskól-
inn yrði heildstæður eða
með núverandi fyrir-
komulagi, þ.e. aðeins
fyrir yngstu aldurshóp-
ana.
í máli Sigrúnar
Magnúsdóttur, for-
manns fræðsluráðs, kom fram að
landiými í kringum Ártúnsholts-
skólann væri litið og ef ætti að
bæta við skólann þyrfti að stækka
hann út í Elliðaárdalinn. Emb-
ættismenn borgarinnar í umhverf-
ismálum teldu slíkt ekki forsvaran-
legt þar eð dalurinn væri friðlýst-
ur.
Sigrún sagði jafnframt að skipt-
ar skoðanir væru um það hvort
stækka ætti Árbæjarskóla og hafa
hann heildstæðan eða hvort
byggja ætti nýjan barnaskóla og
hafa Árbæjarskóla safnskóla þ.e.
safna öllum eldri aldurshópunum
úr öðrum skólum í hverfinu í þann
skóla eins og nú væri gert. En
landrými væri takmarkað við alla
skóla Árbæjarhverfis sem gerði
framtíðarskipan í skólamálum
hverfisins erfiða viðfangs.
Barnaskóii eða unglingaskóli?
Páll Árnason, formaður for-
eldrafélags Árbæjarskóla, sagði
að hann hefði alltaf staðið í þeirri
meiningu að hugsanlegur skóli
norðan Hraunbæjar yrði unglinga-
skóli en ekki barnaskóli. Flestir
foreldrar vildu þó hafa þrjá heild-
stæða skóla í hverfinu.
í svari Sigrúnar Magnúsdóttur
kom fram að fýrir lægju drög að
bæði barnaskóla og unglingaskóla
á svæðinu norðan Hraunbæjar, sem
Manfreð Vilhjálmsson arkitekt
hefði gert fyrir borgina.
Sigrún Helgadóttir, sem býr í
Selásnum, sagðist hafa haft vissar
efasemdir um það að senda börnin
sín í Árbæjarskóla á sínum tíma,
vegna þess hve það yrðu mikil við-
brigði fyrir þau. Þar eð þau kæmu
úr litlum skóla þar sem þau hefðu
verið í vemduðu umhverfi. Þetta
hefði þó orðið börnum hennar til
góðs því skrefið upp í framhalds-
skóla hefði ekki verið eins erfitt.
Ólafur Flóvenz vakti athygli á
því að háspennustrengur lægi í
jörðu lóðar hins hugsanlega nýja
skóla. Benti hann á skaðsemi
strengsins fyrir heilsuna.
Ingibjörg Sólrún sagði að sjálf-
sagt væri að skoða það mál, en
fólki sem byggi nálægt háspennu-
streng liði yfirleitt ekki nógu vel
í húsum sínum.
Vilja hverfislögreglustöð
Gunnlaugur Þráinsson og fleiri
lýstu eftir lögreglustöð í hverfinu
en einn lögregluþjónn væri þar
starfandi án bækistöðvar.
í svari borgarstjóra kom fram
að borgaryfirvöld væru fús til að
vinna með lögreglustjóraembætt-
inu að því að finna stað fyrir lög-
reglustöðina. Sagði borgarstjóri
að dregið hefði úr afbrotatíðni í
Árbæjarhverfinu á árunum 1995-
1996 um þrjátíu prósent.
Umferðarmálin voru einnig í
kastljósinu og Bryndís Þorsteins-
dóttir, íbúi í Þingási, kvartaði und-
an umferðarþunga í götunni og
vildi þar hraðahindrun. Sagði hún
að rætt hefði verið við borgaryfír-
völd um málið og íbúarnir sent
mótmælaskjal en ekkert hefði ver-
ið gert, þó væru liðin rúm tvö ár.
Þórunn Gyða sagði að bílaum-
ferð um Selás væri mikil en börn
í hverfinu þyrftu að fara yfir göt-
una þegar þau færu í sund, til
íþróttaiðkunar á Fylkissvæðinu og
í kirkju. Taldi hún brýnt að draga
úr hraða akandi umferðar.
í máli Ingibjargar Sólrúnar kom
fram að það væri stefna umferðar-
nefndar að verða við óskum íbúa
um hraðahindranir. Það gæti tekið
tíma að koma þeim í framkvæmd.
Rúnar Geirmundsson sagði að
samþykktar hefðu verið í aðgerðir
í ellefu liðum í umferðarmálum í
hverfmu en ennþá hefði lítið verið
framkvæmt af þeim. „Það er allt
of mikið gert að því hjá borginni
að samþykkja aðgerðir
án þess að átta sig á því
hvað þær kosta,“ sagði
hann.
Borgarstjóri kvað um-
ræddar aðgerðir hafa
farið í útboð á síðastliðnu
ári. Verktakanum hefði ekki tekst
að ljúka framkvæmdum en þær
væru komnar inn á fjárhagsáætlun
og _ætti að ljúka þeim á þessu ári.
Ymis fleiri mál bar á góma.
Kvartað var undan hundaskít á
götum hverfsins og í Elliðaárdaln-
um. Þá söknuðu menn menningar-
starfsemi í hverfinu. Þeir bentu á
að þar væru hvorki bókasafn né
menningarmiðstöð, eða kvik-
myndahús. Einnig kvörtuðu hjól-
reiðamenn yfir því að snjónum
væri rutt upp á gangstéttirnar og
stígar fyrir gangandi og hjólandi
umferð væru ekki ruddir nógu
oft. Umræður á fundinum voru
líflegar og fundarmenn voru rúm-
lega fimmtíu.
Tilkoma nýs
Suðurlands-
vegar hefur
létt á umferð
Boðað verður
til fundar um
skólamál í
hverfinu