Morgunblaðið - 08.10.1997, Blaðsíða 23

MORGUNBLAÐIÐ
MIÐVIKUDAGUR 8. OKTÓBER 1997 23
AÐSENDAR GREIIMAR/PRÓFKJÖR
Er skólinn
þinn tengdur?
HVERNIG sjáum
við fyrir okkur mennta-
kerfið eftir fjögur ár?
Viljum við nýta okkur
ný tækifæri, eða viljum
við sitja eftir? Mikil
umræða hefur verið
um slaka frammistöðu
nemenda á grunn-
skólastigi, og eru
ástæðurnar vafalaust
ýmsar. Ein er sú að
skólamir hafa misst af
þeirri þróun sem hefur
átt sér stað annars
staðar í þjóðfélaginu.
Upplýsingaöldin hefur
haldið innreið sína inn
á heimilin og í fyrirtækin, en tækni-
væðing skólanna gengur hægt. Um
þessar mundir er Reykjavík að fá
fjárhagslegt forræði yfír skólum
borgarinnar og þá er lag að vinna
upp það sem farið hefur forgörðum.
Reykjavíkurborg hefur ávallt haft
mótandi áhrif á skólastarf í borg-
inni en nú fer hún með fjárráð skóla-
mála og það opnar ný tækifæri inn
í framtíðina. Ljósleiðarar eru nú
lagðir heim að húsum í Reykjavík
og tölvueign er með eindæmum.
Forsendur eru því góðar til þess að
skólamir geti með markvissum
hætti nýtt sér upplýsingatæknina.
Slík þróun myndi jafnframt auka
sjálfstæði nemenda og undirbúa þá
undir framtíðina.
Veraldarvefurinn hefur vaxið
hröðum skrefum síðustu þrjú ár og
hafa framfarasinnaðar mennta-
stofnanir gripið nýja möguleika feg-
ins hendi. ísland hefur
góða möguleika á að
nýta sér þann mikla
áhuga sem hér er á
Netinu í þágu mennt-
unar. Aðeins Finnar og
Bandaríkjamenn jafn-
ast á við íslendinga
hvað varðar notkun og
útbreiðslu nettengdra
tölva. Munurinn er sá
að þessar þjóðir hafa
styrkt menntakerfi sitt
með því að færa sér
nettengdar tölvur í nyt.
Bandaríkin hafa leitt
þessa þróun og fyrir
nokkru voru stofnuð
foreldrasamtök sem vinna með
grunnskólum að því að bæta tækja-
kost, kunnáttu og tengingar. Slag-
Það er tímaskekkja í
nútímanum, segir
Eyþór Arnalds, þegar
R-listinn fjárfestir í
mengandi verksmiðju í
miðri Reykjavík.
orð samtakanna er; „Er skólinn þinn
tengdur?" („Is your school wired?“).
Þar í landi hafa menn leitt að því
líkum að fólk skiptist æ meira í
tvær fylkingar; þeir sem eru net-
tengdir og hinir sem ekki eru tengd-
ir og það geti valdið nýrri gerð
Eyþór Arnalds
stéttaskiptingar. Því er mikilvægt
að skólakerfið tryggi öllum aðgang
að nútímatækni strax á grunnskóla-
stigi. Kunnátta í þessum efnum er
hér lykilatriði, bæði hjá nemendum
og ekki síður kennurum. Evrópuríki
fylgja nú fast á eftir Bandaríkjunum
með nýjungar í upplýsinga- og
menntamálum. Nágrannar okkar í
Færeyjum hafa til dæmis farið
ótroðnar slóðir. Skóiarnir veita þar
nemendum tækifæri á að eignast
fartölvur á hagstæðum kjörum og
tryggir sú leið stöðuga endurnýjun
á tækjum innan skólanna.
Á sama tíma og þróunin er þessi,
hefur ekkert verið gert í þessum
málum og fyrirtæki og heimili hafa
leitt þessa þróun án tengsla við
menntakerfið. Núverandi mennta-
málaráðherra hefur sýnt þessum
málum mikinn áhuga og verið
framfarasinnaður, en fleiri þurfa að
leggjast á eitt og nú fær Reykjavík
möguleika á að sinna menntamálum
beint. Námsefni á að sjálfsögðu að
vera til á stafrænu formi og hvetja
þarf kennara og foreldra til að taka
höndum saman um að gera skólana
spennandi vettvang fyrir nútíman-
ám. Með yfirstandandi breytingum
á rekstri getur Reykjavík sinnt for-
ystuhlutverki á þessu sviði.
Núverandi meirihluti virðist vera
blindur á framtíðina í þessum efnum
eins og sést best á forgangsröð
hans, R-listinn taldi rétt að festa
150 milljónir í Áburðarverksmiðju
ríkisins. Verksmiðju sem mengar í
miðri Reykjavík og er tímaskekkja
í nútímanum. Til þess að Reykjavík
geti tekist á við menntamál tuttug-
ustu og fyrstu aldarinnar þarf fólk
við stjórnvölinn sem skilur að iðn-
byltingin er afstaðin og upplýsinga-
öld er runnin upp.
Höfundur er framkvæmdastjóri
þróunarsviðs OZ.
Samg-öngnr og skipulag
ÞEGAR Grafarvogs-
búi er spurður að því
hvað sé það helsta sem
hann vill bæta í hverf-
inu sínu eru yfirleitt
samgöngur nefndar. Að
það skuli eingöngu vera
hægt að fara úr og í
hverfið á tveim stöðum
á einnar akreina ak-
brautum er alls ekki
nóg. Hverfið er stöðugt
að stækka og íbúum
fjölgar jafnt og þétt.
Ástandið á álagstímum
er orðið það slæmt að
það getur tekið.um tutt-
ugu mínútur að komast
leið sem tekur venju-
lega um 2-3 mín. Það má í raun
furðu sæta að skipuleggjendur þess-
arar byggðar skuli ekki hafa gert
ráð fyrir að samgönguleiðir þyrftu
að stækka samhliða íbúðabyggð.
Hugsum okkur aðstæður þar sem
verið væri að gera við aðra akbraut-
ina og allri umferð yrði beint um
hina. Hvernig færu íbúar að ef síðan
slys yrði á þeirri leið sem opin er
með þeim afleiðingum að loka þyrfti
götunni tímabundið. íbúar þessa
fjölmenna hverfis hefðu enga mögu-
leika á að komast í eða úr hverfinu
á bílum sínum, sem er mjög alvar-
legt ástand í neyðartilfellum.
Eg fæ stundum á tilfinninguna
þegar skipulagning á sér stað í borg-
inni að ekki sé litið á heildina. Ein-
göngu sé verið að leysa eitt vanda-
mál í einu og síðan spáð í annað
seinna. Strætisvagnar Reykjavíkur
hafa stundum kvartað yfir því að á
tímum sé erfitt að halda áætlun
vagna sem aka um miðbæinn. Ein
af lausnum núverandi skipuleggj-
enda var að breyta Hverfisgötu úr
einstefnuakstursgötu í tvístefnu-
akstursgötu og leyfa eingöngu
strætisvögnum og leigubílum að aka
vestur götuna. Þessi breyting leysir
sennilega vanda strætisvagnanna
sem óku áður Laugaveginn en í
staðinn hefur nýting Hverfísgötunn-
ar minnkað svo um munar. Það er
frekar dapurlegt að horfa á illa
nýtta akrein þegar
ekið er upp götuna á
álagstímum. Á meðan
umferðin silast áfram
er hin akreinin auð og
einn og einn strætis-
vagn birtist með
margra mínútna milli-
bili. Við vitum öll að
bílum fjölgar sífellt í
borginni og við megum
ekki við því að aksturs-
götum fækki.
Nýlega var Hafnar-
stræti lokað við litla
hrifningu ökumanna
og verslunareigenda á
svæðinu. Sennilega er
þetta gert í þágu
strætisvagnanna. Er þetta enn eitt
dæmið um skipulag þar sem hags-
munir eins eru hafðir í fyrirrúmi á
kostnað annarra. Stór SVR biðstöð
hefur nú verið sett upp við enda
Hafnarstrætis við Lækjargötuna
þar sem Esso bensínstöð og bið-
stæði leigubifreiðastöðvarinnar
Hreyfils voru áður. Esso fékk strax
úthlutað svæði fyrir sína starfsemi,
sem er af hinu góða, en leigubif-
reiðastjórarnir hafa verið á hrakhól-
um með sína aðstöðu. Þeim hefur
verið úthlutað bráðabirgastæðum
Ég fæ stundum á til-
finningima þegar skipu-
laffliing á sér stað í
borfflnni, segir Anna
F. Gunnarsdóttir, að
ekki sé litið á heildina.
hér og þar sem síðan hafa verið
tekin af þeim aftur og er nú svo
komið að þeir hafa hvergi biðað-
stöðu i miðbæ Reykjavíkur. Bílstjór-
arnir hafa leyst þetta með því að
ieggja bílum sínum upp á gangstétt-
ina fyrir framan ráðhúsið er þeir
bíða eftir viðskiptavinum sínum.
Jafnvel þótt nú séu úrbætur í sjón-
máli fyrir bílstjórana hafa hrakning-
arnir valdið óánægju og óþægind-
um. Er þetta ein ábendingin um að
horfa þarf til allra átta og taka til-
lit til allra þegar skipuleggja á nýjar
framkvæmdir. .
Höfundur starfar sem „Anna og
útíitið" og er formaður Félags
sjálfstæðismanna í Grafarvogi.
SNYRTISTOFAN
GUERLAIN
REYKJAVÍK
Anna F.
Gunnarsdóttir
Olafur góður full-
trúi í borgarstjórn
ÉG HEFI lengi
þekkt Ólaf Magn-
ússon lækni og fylgst
með störfum hans
bæði sem læknis og
starfandi í borgar-
stjórn.
Mér finnst hann
hafa sýnt að hann
hafi starfað ötullega
sem læknir og heyri
ég að sjúklingar hans
eru ánægðir með störf
hans. Hann er for-
maður Félags sjálf-
stætt starfandi heim-
ilislækna en þeir eru
19 og annast læknis-
störf fyrir 32 þúsund Reykvíkinga,
sem hafa valið þá sem heimilis-
lækna.
Það er mjög mikilvægt,
segir Páll Gíslason,
að velja borgarfulltrúa
sem hafa jákvæð við-
horf til heilbrigðis- o g
umhverfismála.
Ólafur hefir líka starfað í ýms-
um nefndum á vegum borgarinnar
og hefur þar lagt sig fram um að
fá góðar lausnir á þeim viðfangs-
efnum, sem verið er að fást við.
Hefur hann sýnt
frumkvæði í ýmsum
málum á sviði heil-
brigðis- og umhverfis-
mála. Þar hefur hann
verið ötull fulltrúi
þeirra, sem vilja veg
þeirra mála meiri í
hinni ört vaxandi borg
okkar.
Það er mikil þörf að
fá borgarfulltrúa, sem
hefur svo jákvæð við-
horf í þessum málum,
því að framtíð borgar-
innar hvílir að verulegu
leyti á því að vel sé
staðið að þeim málum.
Eðli málsins samkvæmt hef ég
fylgst vel með framkvæmdum
borgarinnar á sviði öldrunarmála.
Tæplega helmingur allra ellilíf-
eyrisþega 67 ára og eldri býr í
Reykjavík, það er því stórt verk-
efni að sjá um margvísleg málefni
þeirra hér í borg.
Ólafur læknir hefur ávallt lagt
áherslu á framkvæmd þeirra mála
og stutt dyggilega framgang
öldrunarmála og haft þá forustu,
sem aðstaða hans sem varaborgar-
fulltrúi hefur leyft.
Það er því af sannfæringu að
ég mæji eindregið með góðum ár-
angri Ólafs læknis í prófkjöri, svo
að honum gefist tækifæri til að
vinna að þessum málum áfram.
Höfundur er læknir.
Páll Gíslason
Stjórntækniskóli Islands
Bíldshöfða 18 • Simi 5671466
MARKAÐSFRÆÐI
Stjórntækniskóli Islands
gefur þér kost á beinskeyttu 250 stunda námi í markaðs-
fræðum. Náminu er ætlað að koma til móts við sívaxandi
kröfur atvinnulífsins um hæfari starfskrafta. Námið er ætlað
fólki, sem vill bæta við sig þekkingu og fá innsýn í heim
markaðsfræðanna.
Markmið
námsins er meðal annars að þátttakendur tileinki sér
markaðshugsun í íslensku viðskipta- og athafnalífi og nái
þannig betri árangri.
Námið
er í formi fyrirlestra og verkefnavinnu og tekin eru próf
í einstökum greinum.
Kennarar
eru allir háskólamenntaðir og eiga að baki góða reynslu við
kennslu og í viðskiptalífinu.
Námsgreinar:
Markaðsfræði.
Sölustjórnun og sölutækni.
Vöruþróun.
Vörustjórnun.
Stjórnun og sjálfstyrking.
Auglýsingar.
Tölvunotkun í áætlanagerð.
Viðskiptasiðferði.
„Ég mæli með
náminu fyrir alla
þá, er starfa við
markaðs- og
sölustörf. Ég
hef verið í sölu-
mennsku í 6 ár
og námskeiðið hefur nýst mér
vel í starfi. Fjölbreytt og
áhugavert námskeið."
Elísabet Ólafsdóttir,
Eggert Kristjánsson hf.
„Ég mæli tví-
mælalaust
með þessu
námi fyrir alla
þá sem eitthvað
eru tengdir
markaðs-, sölu-,
upplýsinga-, skipulags-, og/
eða framleiðslumálum sinna
fyrirtækja."
Hendricus Bjarnason,
Skýrr
Starfsmenntun. Fjárfesting til framtíðar.
Sími 567 1466. Opið til kl. 22.00.