Morgunblaðið - 08.10.1997, Blaðsíða 15

MORGUNBLAÐIÐ
MIÐVIKUDAGUR 8. OKTÓBER 1997 15
ERLENT
Árlegt flokksþing breskra íhaldsmanna hafið í Blackpool
Óvægin sj álfsgagnrýni
einkennir umræðuna
Blackpool. Reuter, The Daily Telegraph.
Reuter
WILLIAM Hague, leiðtogi breska Verkamannaflokksins, heilsar
forvera sínum, John Major, á flokksþinginu í Blackpool.
ARLEGT flokksþing breskra
íhaldsmanna var sett í Blackpool í
gær og sjálfsgagnrýnin sem ein-
kenndi umræðuna þar þótti minna
á fjölmennan meðferðarfund.
Ræðumenn leituðu skýringa á kosn-
ingaafhroði íhaldsflokksins fýrir
fimm mánuðum og hvöttu flokks-
mennina til að taka höndum saman
og láta af áralöngum deilum sínum.
Fulltrúarnir á þinginu fögnuðu
einna mest þegar nýi flokksleiðtog-
inn, William Hague, og forveri hans,
John Major, sögðu að innbyrðis
deilur íhaldsmanna væru meginor-
sök kosningaósigursins sem batt
enda á 18 ára valdatíð þeirra. Maj-
or varpaði fram þeirri spurningu
hvort hann kynni að eiga sök á
ósigrinum en fulltrúamir þögguðu
niður í honum með því að hrópa
hátt og snjallt: „Nei!“
„Klofinn, hrokafullur,
síngjarn og fláráður"
„Komið á umbótum innan flokks-
ins, styðjið William Hague, lærið
aftur þá list að vinna saman, berj-
ist um hvert sæti í öllum kosningum
- eða beijist ykkar á milli og tapið
kosningunum," sagði Major við
mikinn fögnuð viðstaddra.
Hague tók í sama streng, enda
vonast hann til þess að geta komið
á sáttum innan flokksins eftir
margra ára deilur um Evrópumálin.
„Þingflokkur okkar leit út fyrir að
vera klofinn, hrokafullur, síngjarn
og fláráður,“ sagði hann. „Flokkur-
inn í heild virtist hafa glatað tengsl-
unum við fólkið. Þetta er sannleikur
málsins og við verðum að takast á
við hann.“
Ræðan á flokksþinginu var mjög
mikilvæg fyrir Hague sem er aðeins
36 ára og veit að hann verður að
ávinna sér hylli almennra félaga
flokksins til að geta stokkað upp í
flokksstarfinu og mótað stefnu sem
gæti komið íhaldsmönnum til valda
aftur í næstu kosningum. Sam-
kvæmt skoðanakönnun, sem var
birt í vikunni, er aðeins fimmtungur
Breta ánægður með frammistöðu
hans.
Hague viðurkenndi að hann ætti
feikierfitt verkefni fyrir höndum en
kvaðst sannfærður um að flokks-
þingsins yrði minnst sem vikunnar
er íhaldsmenn sneru vöm í sókn.
„Vikunnar er við hættum að biðjast
afsökunar. Vikunnar er við risum
upp og stóðum upprétt að nýju.
Þetta er vikan þegar allur heimur-
inn sér að Ihaldsflokkurinn er farinn
að láta til sín taka á ný.“
Gleymdu að klappa
Fréttaskýrendur segja að Hague
sé ekki enn nógu þekktur meðal
breskra kjósenda og fyrsta verkefni
hans sé að breyta því. Viðhorfs-
kannanir benda til þess að of fáir
hafi heyrt af honum, að minnsta
kosti þar til Tony Banks, íþrótta-
málaráðnerrann orðhvati, kallaði
hann „fósturvísi" í vikunni sem leið.
Ráðherrann baðst reyndar afsökun-
ar á ummælunum en þau beindu
athygli margra kjósenda að barns-
legu brosi nýja flokksleiðtogans.
Cecil Parkinson lávarður, for-
maður íhaldsflokksins, sagði að
þótt Hague væri ungur hefði hann
mikla reynslu af atvinnulífinu og
stjórnmálunum. „William Hague er
sigurvegari," sagði hann á flokks-
þinginu. „Hann er rétti maðurinn í
starfið!"
Það er ef til vill til marks um
ástandið innan flokksins að fulltrú-
arnir fögnuðu ekki þessari upphróp-
un formannsins. „Þið áttuð að
klappa!“ hrópaði Parkinson og fékk
þá loks lófatakið sem hann beið
eftir.
70% studdu Hague
Fram hefur komið að fimmtung-
ur íhaldsmanna studdi ekki nýja
flokksleiðtogann og umbótaáform
hans í atkvæðagreiðslu meðal fé-
laga flokksins fyrir þingið. Af
400.000 kjörseðlum, sem voru send-
ir út, bárust 180.000 aftur og 70%
þátttakendanna greiddu atkvæði
með Hague.
Forystumenn flokksins segja
þessa fyrstu almennu atkvæða-
greiðslu meðal félaga flokksins til
marks um að hann hafi enn mjög
öflugan kjarna dyggra flokks-
manna þrátt fyrir mesta ósigur
breskra íhaldsmanna frá 1906 í
þingkosningunum 1. maí.
Mestu umbæturnar í 120 ár
íhaldsflokkurinn gaf í gær út 39
síðna bækling þar sem kynnt eru
áforrn um mestu umbætur á starf-
semi íhaldsflokksins í 120 ár.
Meginmarkmið umbótanna er að
auka áhrif almennra flokksmanna
á starfsemi flokksins. Allir félagar
íhaldsflokksins eiga að fá atkvæðis-
rétt í öllum leiðtogakosningum
flokksins og í atkvæðagreiðslum um
stefnuskrá og val á frambjóðendum
í næstu kosningum. Félögunum
verður einnig tryggður réttur til að
velja fulltrúa í nýja flokksstjórn og
boðaðar eru aga- og siðareglur sem
eiga að hindra að þingmenn og
aðrir fulltrúar flokksins geti komið
óorði á hann.
Martröð
mark-
mannsins
The Daily Telegraph.
ELLEFU ára gamall strákur,
sem fenginn var til að verja
mark knattspymuliðs fullorð-
inna, náði næstum þvf að setja
heimsmet, er hann fékk á sig
41 mark.
Daniel Sutton á sér þann
draum að standa einn daginn
í marki enska landsliðsins.
Þegar hann fór með systur
sinni einn daginn að horfa á
kærastann hennar leika með
Torrington í deildinni í North
Devon-héraði kom í ljós að
einungis sex liðsmenn Torr-
ington voru mættir til leiks.
Daniel var sendur heim að
sækja skóna, enda hafði hann
einungis fengið á sig eitt
mark það sem af var keppnis-
tímabilinu hjá strákum undir
12 ára. Hann hélt hreinu
fyrstu fimm mínúturnar í
marki Torrington, en síðan
kom holskeflan.
Erfitt að spila við
fullorðna
„Ég var eiginlega allan
leiktímann að taka boltann
úr netinu en ég varði oft vel
og ég held að þeir hefðu skor-
að helmingi fleiri mörk ef ég
hefði ekki verið í markinu.
Það var rosalega erfitt að
spila við fullorðna. Ég er rúm-
lega einn og fímmtíu og stór
eftir aldri en þeir voru miklu
stærri og þyngri," sagði Dan-
iel eftir leikinn.
Samkvæmt heimsmetabók
Guinness er mesta tap í knatt-
spyrnuleik fullorðinna 45 - 0.
Lokatölur þarna í North Dev-
on urðu Torrington 1, Barn-
staple Amateurs 41. Hefði
Torrington ekki tekist að
safna í fullt lið hefði leikurinn
verið blásinn af, en liðið hafði
þá þegar tapað þrem stigum
í deildinni vegna þess að
nokkrir liðsmenn mættu ekki
til leiks.
„Þegar leikurinn var búinn
sögðu þeir að ég væri mjög
duglegur og hugrakkur. Ég
held með Arsenal og David
Seaman er uppáhalds leik-
maðurinn minn. Ég vona bara
að honum gangi betur í Róm
en mér í dag,“ sagði Daniel
og skírskotaði þar til jands-
leiks Englendinga og ítala í
undankeppni heimsmeistara-
mótsins, en leikurinn fer fram
á laugardag í Róm.
Nú er rétti tíminn til að spara og taka slátur. Á sláturmarkaði
GOÐA, Kirkjusandi v/Laugamesveg, færðu slátur, nýtt kjöt
og innmat á góðu verði. Einnig tilbúið slátur í kössum.
Sláturmarkaður GOÐA er opinn
mánudaga til föstudaga kl. 10-18.
Síminner568 1370.