Morgunblaðið - 08.10.1997, Blaðsíða 33

MORGUNBLAÐIÐ
MIÐVIKUDAGUR 8. OKTÓBER 1997 33
FRÉTTIR
Afmælisráð-
stefna SÁÁ
um áfengis-
og vímuefna-
vandann
SÁÁ efnir til alþjóðlegrar ráð-
stefnu um áfengis- og vímuefna-
vandann dagana 16. tii 18. októ-
ber nk. í tilefni af 20 ára afmæli
samtakanna. Margir af fremstu
sérfræðingum heims á sviði áfeng-
is- og vímuefnameðferðar halda
fyrirlestra á ráðstefnunni sem
haldin verður á Hótel Loftleiðum.
Skráning á ráðstefnuna stendur
yfir hjá ferðaskrifstofu Úrvals-
Útsýnar, Lágmúla 4.
Afmælisráðstefna SÁÁ er ætluð
öllum þeim sem láta sig þetta
málefni varða en fjallað verður um
viðfangsefnið af sjónarhóli læknis-
fræði, félagsfræði, sálfræði,
hjúkrunarfræði og stjórnmála.
Einnig verður rætt um einstakar
aðstæður sem eru hér á landi til
áfengis- og vímuefnameðferðar og
rannsókna á því sviði.
Ráðstefnan er öllum opin en
hægt er að sækja hana í heild eða
að hiuta. Að jafnaði hafa ráð-
stefnugestir um tvo dagskrárliði
að velja hvetju sinni, annars vegar
í almennri dagskrá um áfengis-
meðferð og ráðgjöf og hins vegar
í málstofum þar sem ijallað er um
sérstök viðfangsefni. Sérstök mál-
stofa verður um vímuefnamisnotk-
un unglinga og forvarnir, önnur
um áhrif vímuefnafíknar á samfé-
lagið og loks verður sérstakur
dagskrárliður um framtíð for-
varna- og meðferðarstarfs með
þátttöku stjórnmálamanna.
Margir af fremstu sérfræðing-
um Bandaríkjanna í áfengismeð-
ferð munu miðla af þekkingu sinni
á ráðstefnunni. Þeirra á meðal eru
David E. Smith, stofnandi hinna
frægu Haight Ashbury Free
Clinies í San Francisco og fyrrum
formaður bandarísku áfengis-
lækningasamtakanna, dr. John
Wallace sálfræðingur, Sheila B.
Blume, læknir og brautryðjandi í
vímuefnameðferð fyrir konur, og
dr. Ralph Tarter geðlæknir.
Opinn fyrir-
lestur sendi-
fulltrúa PLO
OMAR Sabri Kitmitto, sendifull-
trúi PLO í Noregi, mun halda op-
inn fyrirlestur í Litlubrekku, bak
við Lækjarbrekku, Bankastræti 2,
fimmtudaginn 9. október kl. 20.30.
I fyrirlestrinum verður komið inn
á ástand og horfur í Palestínu og
friðarviðræður PLO og ísraels sem
Omar Sabri hefur haft tækifæri
til að fylgjast náið með. Á eftir
verða svo fyrirspurnir og óformleg-
ar umræður.
Það er félagið Ísland-Palestína
sem stendur að komu hans hingað
og mun hann í heimsókn sinni
m.a. hitta forseta íslands, stjórn-
málamenn, embættismenn og full-
trúa fjölmiðla.
Omar Sabri er félagi í Sambandi
palestínskra rithöfunda og blaða-
manna, og hefur átt sæti í Palest-
ínsku þjóðráði PLO en er nú
áheymarfulltrúi þar. Hann er fædd-
ur árið 1941 í borginni Acre, Norð-
ur-Palestínu, sem nú tilheyrir ísrael
en varð landflótta með fjölskyldu
sinni sjö ára gamall árið 1948.
Fyrirlesturinn er öllum opinn og
verða kaffiveitingar í boði.
KK og Magnús
á Fógetanum
KK og Magnús Eiríksson verða
með tónleika á veitingahúsinu Fóg-
etanum miðvikudagskvöldið 8.
október kl. 22.
Morgunblaðið/Jón Svavarsson
Á MYNDINNI eru f.v.: Hrefna Stefánsdóttir, María Jónsdótt-
ir, Hildur G. Eyþórsdóttir, Hervör Jónasdóttir, Sigrún Bergs-
dóttir og Bryndís Björnsdóttir.
Giöf Hvítabandsins til Dyngjunnar
Á FYRSTA fundi Hvítabands-
ins á þessum vetri var sam-
þykkt að gefa 300.000 kr. til
Dyngjunnar, áfangaheimilis
fyrir konur sem lokið hafa
áfengis- og vímuefnameðferð,
til kaupa á gluggatjöldum,
mottum, sængurfatnaði og
handklæðum.
Hvítabandið hefur styrkt
Dyngjuna frá upphafi, en hún
tók til starfa í apríl 1988 og
var fyrsta áfangaheimilið á
Islandi fyrir konur til að dvelja
eftir vímuefnameðferð.
Hvítabandið hefur verið
einn sterkasti bakhjarl heimil-
isins. Félagskonur saumuðu
sjálfar sængurfatnaðinn sem
notaður var við opnun Dyngj-
Námstefna
um vöru-
stjórnun og
skilvirka
neytenda-
svörun
IÐNLÁNASJÓÐUR, Iðntækni-
stofnun o g Samtök iðnaðarins
standa fyrir námstefnu um vöru-
stjórnun og Skilvirka neytenda-
svörun (Efficient Consumer Re-
sponse) fimmtudaginn 9. október
á Hótel Loftleiðum kl. 12.30-
17.15. Frestur til að skrá sig á
námstefnuna er til dagsins í dag.
Tilefni námstefnunnar er nýtt
verkefni í vörustjórnun fyrir ís-
lensk iðnfyrirtæki þar sem meðal
annars er lögð áhersla á: lækkun
birgðakostnaðar, aukið upplýs-
ingaflæði í vöruferlinu, hagnýtingu
tölvutækni við stjórnun vöruflæðis,
styttingu gegnumstreymistíma í
framleiðslu, styttingu afgreiðslu-
tíma og aukið afhendingaröryggi
til viðskiptavina sem og aukinn
veltuhraða fjármagns og aukið
samstarf við birgja. Á námstefn-
unni verður aðferðafræði skilvirkr-
ar neytendasvörunar kynnt. Þessi
aðferðafræði er sprottin upp úr
rekstrarumhverfi, þar sem aukin
áhersla er lögð á viðskiptavininn
og þarfir hans og byggjast hug-
myndirnar á hefðbundinni vöru-
stjórnun þar sem meginmáli skipta
samvinna fyrirtækja og skilvirkara
flæði upplýsinga á milli þeirra að-
ila sem vinna saman í vörukeðj-
unni, samkvæmt því sem segir í
fréttatilkynningu.
Fyrirlesarar á námstefnunni eru:
Bragi Hannesson, Iðnlánasjóði, Páll
Kr. Pálsson, hagverkfræðingur,
Ólafur Kjartansson, Samtökum iðn-
aðarins, Ágúst Magnússon, Hús-
gögnum og innréttingum hf., Snor-
ri Sigurðsson, Sól-Víking hf., Ingi
Þór Hermannsson, EAN á íslandi,
Kristján M. Ólafsspn, Iðntækni-
stofnun og Lárus Árnason, Vífil-
felli. Námstefnustjóri er Thomas
Möller, Olís hf.
unnar. Líknarfélagið gaf
heimilinu í nóvember 1988
peningasjóð sem gefinn var
af Norðmönnum til Hvíta-
bandsins til minningar um
Ólafíu Jóhannsdóttur sem
veitti forstöðu heimili fyrir
utangarðskonur í Osló. Hvíta-
bandið hefur gefið Dyngjunni
ýmsa þarfa hluti og peninga
gegnum árin. Frá árinu 1990
hefur Hvítabandið haft trún-
aðarmenn til að líta til með
Dyngjunni og nú er formaður
Konunnar Hervör Jónasdóttir
Hvítabandskona en núverandi
formaður Hvítabandsins er
Hildur G. Eyþórsdóttir. For-
stöðumaður Dyngjunnar er
Jóhannes Már Gunnarsson.
Fyrirlestur
um miðalda-
sögu
BRIAN Patrick McGuire, pró-
fessor við háskólann í Hróars-
keldu, flyt.ur opinberan fyrirlest-
ur í boði heimspekideildar Há-
skóla íslands stofu 101 í Odda
v/Suðurgötu fimmtudaginn 9.
október kl. 17.15.
Fyrirlesturinn verður fluttur á
ensku og nefnist: „The difficult
saint and his opponent: Bernard,
Abelard, and Twelfth-century
friendship". Brian Patrick Mc-
Guire er prófessor í miðaldasögu
við Roskilde Universitetscenter
og mikilvirkur fræðimaður á því
sviði. Hann er sérfróður um
munka og lífsviðhorf þeirra á
miðöldum.
í fyrirlestri sínum mun próf.
McGuire fjalla um fræga rimmu
heilags Bernharðs frá Clairvaux,
eins helsta andlega leiðtoga vest-
rænnar kristni á 12. öld, og Abel-
ards, umdeildasta heimspekings
og guðfræðings sömu aldar, í
ljósi samtímahugmynda um vin-
áttu.
Aðgangur er ókeypis og allir
eru velkomnir.
Rætt um vist-
vænar bygg-
ingar á mann-
virkjaþingi
MANNVIRKJAÞING 1997 verður
að þessu sinni haldið fimmtudag-
inn 23. október nk. á Grand Hót-
el, Sigtúni 38, Reykjavík.
Að þessu sinni verður megin-
þema mannvirkjaþings vistvænar
byggingar, en víða um heim er
nú lögð stóraukin áhersla á vist-
væna mannvirkjagerð og um-
hverfismótun. Leitast verður við
að varpa ljósi á stöðu mála hér á
landi á þessu sviði og hvernig
best má vinna að úrbótum.
Erindi um
konunga á
miðöldum
FÉLAG íslenskra fræða boðar til
fundar með Ármanni Jakobssyni,
íslenskufræðingi, í Skólabæ, Suð-
urgötu 26, miðvikudagskvöldið 8.
október kl. 20.30. Ármann nefnir
erindi sitt: Einstaklingur og kon-
ungur. Haraldur harðráði, Ólafur
kyrri og konungsmynd íslenskra
konungasagna.
Meginviðfangsefni Ármanns
verður hugtakið „konungsmynd"
og hvernig notkun þess getur haft
áhrif á túlkun frásagna í íslenskum
konungasögum en einkum þar sem
feðgarnir Haraldur harðráði og
Ólafur kyrri koma við sögu. Hvað
gerist þegar konungur neitar að
taka við segli? Hver eru tengsl
þess atviks og misheppnaðrar herf-
arar Haralds harðráða til Englands
árið 1066? Hvaða áhuga getur
konungasagnaritari haft á karli
sem þykist kunna krákumál? Allt
þetta verður til umræðu í erindi
Ármanns Jakobssonar.
Eftir framsögu Ármanns verða
almennar umræður. Fundurinn er
öllum opinn.
Váhrif, mikill
missir og
margfaldur
PÁLL Eiríksson geðlæknir heldur
erindi í Gerðubergi, Reykjavík,
fimmtudagskvöld, 9. október,
klukkan 20.00.
Náttúruhamfarir á borð við
snjóflóð og eldgos hafa svipt fjölda
fólks hér á landi ástvinum, heimil-
um og öðrum verðmætum. Per-
sónubundin vá á borð við rán,
nauðganir og sifjaspell geta ekki
síður valdið váhrifum en stórkost-
legar náttúruhamfarir. í fyrirlestri
sínum mun Páll fjalla um váhríf,
eða áfallastreitu, og afleiðingar
þeirra. Til dæmis hvernig váhrif
geta komið fram bæði andlega, lík-
amlega og félagslega í lífi einstakl-
ingsins.
Fyrirlesturinn er öllum opinn,
aðgangseyrir er 500 krónur.
Fyrirlestur um
matvælafræði
HÉLENE L. Lauzon heldur fyrir-
lestur um meistaraprófsverkefni
sitt: Geymsluþol og mikilvægi ein-
stakra örverutegunda í skemmd-
arferli skrápflúru. Fyrirlesturinn er
fimmtudaginn 9. október og er í
stofu 158 í VR-II, byggingu verk-
fræði-_ og raunvisindadeilda Há-
skóla íslands. Hann hefst kl. 16.15
og er öllum opinn.
í fyrirlestrinum verður fjallað um
rannsóknir á geymsluþoli skráp-
flúru við mismunandi geymsluskil-
yrði. Beitt var skynmati til að
ákvarða líftíma skrápflúru. Einnig
voru gerðar örveru- og efnamæl-
ingar. Rannsakað var mikilvægi
einstakra örverutegunda sem valda
skemmdum á þessari fisktegund.
Leiðbeinandi Hélene Lauzon er
Guðjón Þorkelsson lektor.
Fyrirlestur um
ímynd íþrótta
FYRIRLESTUR um ímynd íþrótta
á íslandi verður haldinn fimmtu-
daginn 9. október í Lækjargötu-
húsinu á Árbæjarsafni og hefst
kl. 20.30. Fyrirlesari er Guðbrand-
ur Benediktsson sagnfræðinemi.
Fjallað verður um ímynd íþrótta
á íslandi fyrr og nú og á umfjöllun
sem íþróttir fá í fjölmiðlum. Sér-
stök áhersla verður lög á þátt
íþróttaljósmynda. Verkefni þetta
var unnið sumarið 1997 á vegum
Nýsköpunarsjóðs námsmanna og
Árbæjarsafns.
mÁ SAMEIGINLEGUM fundi
skólastjóra á Suðurlandi með
stjórn Samtaka sunnlenskra
sveitarfélaga sem haldinn var 6.
október sl. var eftirfarandi ályktun
samþykkt: „Fundur stjórnenda
grunnskóla á Suðurlandi með
stjórn Samtaka sunnlenskra sveit-
arfélaga haldinn á Selfossi mánu-
daginn 6. október 1997 harmar
að ekki skuli enn hafa náðst samn-
ingar um kaup og kjör grunnskóla-
kennara og skólastjóra og að hætta
sé á verkfalli. Fundurinn hvetur
því sáttasemjara og báða samn-
ingsaðila til að nýta þann tíma af
fremsta megni sem enn er til
stefnu til þess að ná samningum
þannig að komist verði hjá þeim
ófarnaði sem óhjákvæmilega leiðir
af verkfalli."
■ SAMTÖK forstöðumanna
sundstaða á íslandi (SFSÍ) halda
aðal- og haustfund sinn í Hótel
Borgarnesi dagana 10.-11. októ-
ber nk. Aðalmál þessa fundar auk
aðalfundarstarfa verður markaðs-
setning sundlauga og þjónustuhlut-
verk þeirra en Jón Pálsson,
rekstrarhagfræðingur, fjallar um
þann málaflokk. Þá mun verða far-
ið ítarlega í störf nefnda sem fjall-
að hafa um endurskoðun á heil-
brigðisreglugerð og um öryggismál
sundstaða. Á fundinum munu
nokkur fyrirtæki kynna vörur sínar
sem tengdar eru rekstri sundlauga.
Fundurinn hefst á föstudeginum
kl. 10 og er ráðgert að honum ljúki
á laugardeginum kl. 14.30.
■ MÓTMÆLAFUNDUR gegn
viðskiptabanni Bandaríkjanna á
Kúbu verður haldinn í Reykjavík á
Ingólfstorgi miðvikudaginn 8.
október kl. 17.30. Fundarstjóri
verður Hafþór Pálsson, stjórnar-
maður í Iðnnemasambandi Islands.
Ávörp flytja Jón Thoroddsen, há-
skólanemi, Steingrímur J. Sigfús-
son, alþingismaður, og Anna
Olafsdóttir Björnsson, sagnfræð-
ingur. Gengið verður að sendiráði
Bandaríkjanna við Laufásveg og
ályktun afhent. Að fundinum
standa félagasamtök og einstakl-
ingar.
■ HAFNARGÖNGUHÓPURINN
stendur fyrir gönguferð frá Hafnar-
húsinu kl. 20 miðvikudagskvöldið
8. október. Farið verður um Þing-
holtin suður í Öskjuhlíð og skógar-
götur gengnar niður í Nauthólsvík.
Síðan með ströndinni og um Há-
skólahverfið og Tjarnargötu til
baka. Val um að fara með SVR á
leiðinni. Allir eru velkomnir í ferð
með HGH.
■ SÁLFRÆÐIÞJÓNUSTAN
Blær gengst fyrir námskeiði næst-
komandi fimmtudagskvöld. Nefnist
námskeiðið Að elska og vera elskað-
ur; Stefnumót fyrir pör á öllum aldri
með sálfræðingunum Ingu Stef-
ánsdóttur og Sigurði Ragnars-
syni. Fjallað verður um ástina,
væntingar, árekstra, sættir og
hvernig má efla og styrkja para-
sambandið.
Leiðrétt
Krabbameinsfélag
Reykjavíkur
í FRÉTT í Mbl. í gær var sagt frá
nýráðnum framkvæmdastjóra
Krabbameinsfélags Reykjavíkur,
Guðlaugu B. Guðjónsdóttur. Var
hún sögð framkvæmdastjóri
Krabbameinsfélags íslands en það
er Ólafur Viggó Sigurbergsson.
Beðist er velvirðingar á mistökun-
um.
Mynd féli niður
í RÝNI Braga Ásgeirssor.ar um
Rafskinnu féll niður mynd af Jóni
Kristinssyni, Jónda. I rýni hans um
Sigurð Guðmundsson, arkitekt,
vantaði seinni tölustafinn í húsi
Jóns Stefánssonar á Bergstaða-
stræti sem Sigurður teiknaði en það
er að sjálfsögðu nr. 74. í fimmtu
línu þriðja dálks kemur fram orðið
gróurfars en átti auðvitað að vera
gróðurfars. Lesendur eru beðnir
velvirðingar á mistökunum.