Morgunblaðið - 10.10.1997, Síða 47

MORGUNBLAÐIÐ
FÖSTUDAGUR 10. OKTÓBER 1997 „47
BRÉF TIL BLAÐSINS
Frá Önundi Ásgeirssyni:
ISLENZKIR stjórnmálamenn, og
einkum ráðherrar, eru vanir því
að vasast í alls konar málum sem
koma stjórnsýslunni ekkert við.
Þeir stjórna með
tilskipunum eins
og gert er í Rúss-
landi og giiti jafnt
fyrir embættis-
menn zarsins,
sovétsins og nú
lýðveldis Jeltsíns,
og heitir þar í
landi „úkas“.
Þekktasta nýlegt
dæmi hér er „útk-
ast“ Alberts Guðmundssonar, en
hann kom standandi niður, stofn-
aði sinn eigin flokk á viku, mætti
tvíefldur til næsta þings og stillti
fyrri flokki sínum upp við vegg.
Stjórnsýslan getur vérið margbrot-
in. Ætli ísland sé ekki miðstýrð-
asta land heims nú utan Kína?
Mismunandi miðstýring
Við sjáum tvö dæmi um mis-
munandi miðstýringu þessa dag-
ana. Annars vegar er hið glæsilega
afrek samgönguráðherrans með
byggingu Hvalfjarðarganganna,
sem gert er án kostnaðar fyrir rík-
issjóð, þar sem allir græða á ágæt-
um verkfræðilegum framkvæmd-
um. Verkið er unnið í samstarfi
við verkfræðinga Vegagerðar rík-
isins, sem jafnframt hefir tekið að
sér aðlögun og frágang á vegakerf-
inu að jarðgöngunum, sem nú er
Tómlæti
stjórn-
sýslunnar
að mestu iokið og kosta um 800
milljónir króna.
Hins vegar höfum við til saman-
burðar „Monsterið" við snjóflóða-
varnir á Flateyri. Þar tók miðstýr-
ingin völdin, bannaði verkfræðing-
um Vegagerðarinnar að koma þar
nærri og með valdboði fyrirskipaði
hinar mislukkuðu framkvæmdir í
Eyrarfjalli þar, án þess að fram
færu nauðsynlegar athuganir á
forsendum þeirra eða öðrum mögu-
leikum, sem þar voru til staðar og
voru miklum mun hagstæðari. Nú,
þegar líður að lokum byggingar
varnargarðanna, er þegar komið í
Ijós, að hér er um stófelld verk-
fræðileg mistök að ræða við hönn-
un þeirra. Sennilega eru þetta
mestu verkfræðilegu rnistökin, sem
unnin hafa verið á íslandi. Hvers
vegna fer engin athugun fram á
þessum mistökum? Aðalhönnuðir
veksins, NGI í Ósló, neita að svara
um hver beri ábyrgð á hönnun-
armistökum þeirra. Er hönnunar-
vinna þeirra unnin af einstökum
verkfræðingum þar, eða er
kannske norska ríkið ábyrgt fyrir
vinnu stofnunarinnar? Það vantar
Meira um dulmálið
í Biblíunni
Frá Þórarni Árna Eiríkssyni:
FÖSTUDAGINN 3. október birti
Morgunblaðið bréf frá lesanda um
bókina The bible Code eftir blaða-
manninn Michael Drosnin, en hún
fjallar um dulmál í Biblíunni. í
bréfinu er vitnað í kynningarorð á
kápusíðu bókarinnar, en þar segir
meðal annars: „Dulmálið var leyst
af ísraelskum stærðfræðingi sem
kynnti niðurstöður sínar í þekktu
vísindariti. Þær hafa síðan verið
staðfestar af kunnum stærðfræð-
ingum víða um heirn." Og síðar
segir: „Drosnin átti líka viðtöl sér-
fræðinga í Bandaríkjunum og víðar
og eyddi mörgum vikum í rann-
sóknir með hinum heimskunna
stærðfræðingi dr. Eliahu Rips sem
fyrstur uppgötvaði dulmálið. Hann
hitti líka fræga stærðfræðinga við
Harvard- og Yale-háskólana og
Hebreska háskólann."
Af ofangreindum tilvitnunum
mætti draga þá ályktun að mál-
flutningur Drosnins væri í sam-
ræmi við álit allra helstu stærð-
fræðinga heims. Því er ástæða til
að birta hér, í lauslegri þýðingu,
hluta af athugasemdum Shlomo
Sternbergs við þessa dulmálsum-
ræðu, en hann er prófessor í stærð-
fræði við Harvard-háskóla. Grein
hans er í nýju september-hefti
Notice of the American Mathe-
matical Society.
The Bible Code eftir Michael
Drosnin byggir á blekkingu, sem
tveir ísraelsmenn, E. Rips og D.
Witztum, halda fram. Þeir fullyrða
að skilaboð um framtíðina séu fal-
in í hebreskum texta Biblíunnar á
dulmáli sem aðeins sé hægt að
t'áða með tölvum. Auðvelt er að
gefa gagnorða skýringu á því að
þetta er blekking.
I fyrsta lagi; forsenda „ráðning-
ar“ þessara „duldu skilaboða" er
að núverandi rafræn (Koren) út-
gáfa Biblíunnar sé „hinn uppruna-
legi hebreski texti" stafréttur. Svo
er þó ekki og er þar ekki um trúar-
atriði að ræða, heldur staðreynd.
Strangtrúaðir gyðingar hafa Talm-
úð sannarlega í hávegum. En allir
þeir sem lesa Talmúð af gerhygli
vita að þar eru margar tilvitnanir
í Hebresku Biblíuna sem gefa til
kynna að texti hennar hafi verið
öðruvísi en _sá sem við höfum nú
í höndum. í Mósebókunum fimm
eru um hundrað staðir þar sem
ósamræmis gætir. í fimmtu Móse-
bók einni má finna fjörutíu og eitt
dæmi þess að einu elsta handriti
Biblíunnar, Leningrad codex (frá
árinu 1009) (sem líka er til á raf-
rænu formi), ber ekki saman við
Koren-útgáfuna, sem Rips og
Witztum notuðu. Raunar var staf-
setning Hebresku Biblíunnar ekki
samræmd fyrr en á sextándu öld
þegar prentuð útgáfa varð grunnur
að samræmdum texta, sem var
fáanlegur víða um lönd.
í öðru lagi; „dulin skilaboð" af
sama tagi og þau sem Drosnin,
Rips og Witztum telja upp, má fá
úr hvaða texta sem er, ef hann
er nógu langur og það hefur reynd-
ar verið gert.
Brendan Mckay, tölvunarfræði-
skor Þjóðarháskóla Ástralíu, birtir
einnig athugasemd í sama hefti
fyrrnefnds tímarits. Hann segist
hafa beitt aðferðum Drosnins á
enska útgáfu skáldsögunnar Moby
Dick og fundið þar „dulda spá-
dóma“ um morðin á Trotsky,
Gandhi og Robert Kennedy. Brend-
an Mckay segir einnig að í skáld-
sögunni sé að finna „dulda spá-
dóma“ um tíu önnur morð, meðal
annars á Michael Drosnin.
ÞÓRARINN ÁRNI EIRÍKSSON,
stærðfræðingur.
t
FRYSTIKISTUR

/¥nniMnmiiiiiiniittiwk
234 Itr. 2 köríur 39.990 stgr.
348 Itr. 3 körfur 45.990 stgr.
462 Itr. 4 körfur 53.990 stgr.
576 Itr. 5 körfur 68.380 stgr.
Góðir greiðsluskilmálar. [ImtsI
VISA og EURO raðgreiðs ur án útb.
Fyrsta
flokks frá
/rOniX
HATUN Í>A - SIMI 552 4420
Vinsamleg kveðja
ogábendingar
til Skífunnar
svör við spurningunni, en þau fást
ekki nema fram fari verkfræðileg
skoðun á fyrirbrigðinu. Upphafleg-
um hönnunartillögum hefir verið
gjörbreytt. Ákveðið hefir verið að
lækka varnargarðana, sem voru
ákveðnir 20 m efst í Eyrarfjalli.
Um þetta sagði NGI: „Vollene og
kanalen maa være saa store som
forslaget foreskriver.“ Sjá bréf
NGI 20.08.96. Það var enginn
„kanal“ í tillögum þeirra. Nú á að
grafa 200.000 rúmmetra af jörð
burt úr Hryggnum ofan varnar-
garðsins til að gera slíkan „kanal.“
Hafa þeir skipt um skoðun? Eru
þeir trúverðugir?
Framkvæmdastjóri VST hefir
bannað starfsmönnum sínum að
gefa upplýsingar um verkið. Er
slíkt samþykkt af stjórnsýslunni?
Sjálfur hefir hann skriðið úr skjól-
inu til að atyrða mig, en það hefir
engin áhrif á snjóflóð eða varnir á
Flateyri. Hvaða tryggingu setti
VST fyrir réttri hönnun verksins
gagnvart stjórnsýslunni? Það reyn-
ir á þetta nú, þegar tillögunum
hefir verið breytt í miðjum klíðum.
Hver samþykkti breytingarnar?
Umhverfisráðuneytið hefir tekið
að sér að greiða allan kostnað af
framkvæmdum vegna varna á
Flateyri með opinberu fé. Þetta
verður sennilega um 800 milljónir,
þegar upp er staðið. Þessu verði
keyptu þeir samþykki ísafjarðar-
bæjar. En jafnframt tóku þeir á
sig alla ábyrgð á kostnaði af verk-
inu. Tómlæti er ekki viðurkennd
stjórnsýsluaðferð. Almenningur í
landinu á rétt á fullnægjandi upp-
lýsingum um málið. Það er erfitt
fyrir Sjálfstæðisflokkinn að bera
ábyrgð á slíkri framkvæmd. Fram-
sókn hefir jafnan reynzt Sjálfstæð-
isflokknum erfitt bijóstabarn.
ÖNUNDUR ÁSGEIRSSON,
fv. forstjóri Olís.
Frá Ólafi Auðunssyni:
ÉG VAR að lesa í Tónlistartíðindum
að nú um jólin eigi loksins að gefa
út á geisla „Drög að sjálfsmorði"
með Megasi. Þessu fagna ég og ör-
ugglega allir hinir Megasaraðdáend-
urnir því tónleikar þessir og „pró-
gramm“ er með því albesta sem
meistari Megas hefur gert þó að
hann láti lítið yfir því sjálfur. í við-
tali við mig í Gautaborg ’89 sagði
hann plöturnar niðurdrepandi en ég
er honum algerlega ósammála og set
DAS reglulega undir nál mér til upp-
lyftingar.
Á þessum tónleikum spilaði frábær
sveit og gerðu að mínu mati Björg-
vin Gíslason og Pálmi Gunnarsson
sitt besta hingað til. Björgvin tekur
stórkostlegt gítarsóló í „Fatamorg-
ana“ og í „Skríddu ofaní öskutunn-
una“ og fleiri lögum og bassaleik
Pálma er unun að hiýða á. Að hinum
ólöstuðum bera þeir af. Lárus Gríms-
son er góður á Hammondorgelið en
hverfur svolítið bak við en líklega
má kenna þar hljóðblöndun um. Guð-
mundur heitinn Ingólfson spilaði á
píanó og er meiriháttar, sérstaklega
í laginu góða um „Grísalappalísu".
Sigurður Karlsson lék á trommur og
minnir mig að hann hafi fyrir þessa
tónleika fjárfest í nýju setti. Siggi
og Pálmi voru á þessum tíma
meistarar saman á bassa og tromm-
ur og þá sérstaklega á þessum plöt-
um.
Yfir þessu öllu saman trónaði svo
Megas og þó svo ég sé búinn að sjá
í Svíþjóð tónleika með Van Morrison,
Pink Floyd og fleirum þá slá þeir
ekki við þessum tónleikum. Tónleik-
arnir með Rolling Stones 90 í Gauta-
borg komast næst DAS.
Enn svona að lokum. Væri ekki
hægt að bæta örlitlu við af ljósmynd-
um frá tónleikunum. Loftur Ásgeirs-
son og Leifur Rögnvaldsson mynd-
uðu og ég held fleiri. Einnig ljós-
mynduðu einhverjir æfingar sem fóru
fram í Hljóðrita. Á fyrri tónleikunum
var einhver sem kvikmyndaði á 8 eða
16 mm og væri óborganlegt ef hægt
væri að fá að sjá þá filmu í sjónvarp-
inu. Og allra síðast. Væri ekki snið-
ugt að safna nokkrum lögum saman
með Megasi þar sem Björk syngur
bakrödd og gefa út erlendis? I Sví-
þjóð var maður oft spurður hvort
ekki væri eitthvað slíkt til með Björk.
Benti maður fólki á Gling Gló en
hana var erfitt að nálgast. Ég sá
einu sinni notað eintak í „safnara-
búð“ í Gautaborg á 2.000 ísl. kr.
Hér er tækifæri á ferð sem hik-
laust á að notfæra sér. Megas má
selja sem „world musik" alveg eins
og Manu Dibango, Salif Keita, Mori
Kante og fleiri.
í Bengans, stærstu hljómplötu-
verslun Gautaborgar, er stór deild
með „world musik“ en ekkert ís-
lenskt var þar að finna, því miður.
Þarna mætti byrja á Megasi því hann
er mestur og bestur og íslenskastur
af öllum þeim sem hér fást við dæg-
urtónlist.
Með kærri kveðju og þökk til
bæði Megasar og Skífunnar fyrir
frábæra tónlist og útgáfu.
ÓLAFUR AUÐUNSSON
Garðaholti 8 B, Fáskrúðsfirði.
LAUGAVEGUR 95-97
BAKATIL.
S. 552 1444. S. 552 1844.
herrafatnaður
ÆVIHTÝRALEG VERÐ
aðeíns i 1 daga
lau. 10-16 sun. 11-18 Lager
ONLY
JEANS WEAR
dömufatnaður
Kemdu og gramsaðu
á lagernum okkar.
VERO mODA
dömufatnaður
J
barnafatnaður