Morgunblaðið - 05.11.1997, Qupperneq 2

2 MIÐVIKUDAGUR 5. NÓVEMBER 1997
MORGUNB LAÐIÐ
FRÉTTIR
Ákveðið að flytja þróunarsvið Byggðastofnunar til Sauðárkróks
Þvert gegn vilja yfir-
manna stofnunarinnar
STJÓRN Byggðastofnunar ákvað á fundi sínum í
gær að flytja starfsemi þróunarsviðs
stofnunarinnar til Sauðárkróks, þvert gegn vilja
forstjóra stofnunarinnar og forstöðumanns
þróunarsviðs. Forstjórinn telur að breyta þurfi
reglugerð um Byggðastofnun til þess að hægt sé
að aðskilja rekstur þróunarsviðs frá annarri
starfsemi aðalskrifstofti.
Tillaga um flutning á starfsemi þróunarsviðs
með sex störfum til Sauðárkróks var flutt af Agli
Jónssyni, stjórnarformanni Byggðastofnunar, og
var hún samþykkt með sex atkvæðum, einn
stjórnarmaður sat hjá. Egill Jónsson segir að á
það sé lögð áhersla að treysta byggðirnar úti um
land, meðal annars með því að flytja þangað
stofnanir. „Norðvesturlandið er einna veikast í
byggðalegu tilliti. Sauðárkrókur er hins vegar
sterkur bær sem getur með mikilli prýði tekið við
stofnun og fólki af þessum toga,“ segir hann.
Guðmundur Malmquist, forstjóri
■ ............if' • -
Byggðastofnunar, mælti á móti tillögunni á
fundinum í gær. Hann segir að Byggðastofnun sé
lítil stofnun og erfítt að skipta henni meira en
þegar hefur verið gert. Eðlilegt sé að endurskoða
starfsemina vegna þeirra breytinga sem orðið
hafí á tólf ára starfstíma hennar. Sú endurskoðun
fari fram þar sem forsætisráðherra hafí boðað
frumvarp um þetta efni og telur forstjórinn
eðlilegt að bíða með ákvörðun um staðsetningu
þróunarsviðs eftir heildarendurskoðun. Þá segist
hann hugsa sérstaklega til starfsfólks
þróunarsviðs sem margt hafí unnið þar frá
upphafi. Ef það kjósi að fylgja ekki við
flutninginn verði erfítt að byggja upp starfíð á
nýjan leik.
Pólitísk ákvörðun
Fram kemur hjá Agli Jónssyni að ekki hafi
verið haft samráð við starfsfólk þróunarsviðsins
enda segir hann að það sé alveg á valdi
stjómarinnar að taka þessa ákvörðun. Sigurður
Guðmundsson, forstöðumaður þróunarsviðs,
segist sakna þess að ekki hafi verið gefinn
skriflegur rökstuðningur fyrir tillögu
formannsins og að ekki hafí verið leitað eftir
upplýsingum hjá sér um verkefni sviðsins og
hvaða áhrif flutningur þess myndi hafa á
framkvæmd verkefnanna. „Ég hef það reyndar á
tilfinningunni að þessi ákvörðun sé tekin á
pólitískum forsendum, þar sem mínar skoðanir
eða upplýsingar hefðu að öllum líkindum ekki
haft nein áhrif,“ segir Sigurður. Telur hann á
ýmsan hátt verra að vinna að verkefnum
þróunarsviðsins utan höfuðborgarinnar,
sérstaklega vegna samskipta við ráðuneytin, og
ef flytja ætti sviðið væri það betur í sveit sett á
ýmsum öðrum stöðum en Sauðárkróki.
■ Fyrst þarf að/11
Vandi Sjúkrahúss
Reykjavíkur
Borgar-
stjóri ekki
rætt við
heilbrigðis-
ráðherra
BORGARSTJÓRI hefur ekki gert
heilbrigðisráðherra sérstaklega
grein fyrir framgangi samkomulags,
sem gert hefur verið milli heilbrigð-
isráðherra, borgarstjóra og fjár-
málaráðherra.
Heilbrigðis- og tryggingamála-
ráðuneytinu er kunnugt um þau
vandkvæði sem upp hafa komið m.a.
vegna samstarfs Sjúkrahúss Reykja-
víkur og Landspítala um bæklunar-
lækningar og bráðavaktir geðdeilda,
segir í svari borgarstjóra til borgar-
ráðsfulltrúa Sjálfstæðisflokks.
Bréf fjármálaráðherra til borgar-
stjóra vegna fjárhagsvanda Sjúkra-
húss Reykjavíkur og svar borgar-
stjóra við bréfinu hefur verið lagt
fram í borgarráði.
Embætti ríkissak-
sóknara laust
Hallvarð-
ur hættir
um ára-
mót
DÓMSMÁLARÁÐHERRA hefur
veitt Hallvarði Einvarðssyni ríkis-
saksóknara lausn frá embætti. Hall-
varður hættir störfum um næstu
áramót og verður embættið auglýst
laust til umsóknar á næstu dögum.
Hallvarður mun halda fullum laun-
um til æviloka líkt og hæstaréttar-
dómarar gera.
Þorsteinn Geirsson, ráðuneytis-
stjóri í dómsmálaráðuneytinu, sagði
að Hallvarður hefði ekki óskað eftir
lausn frá embætti, en dómsmálaráð-
herra hefði ákveðið að nýta sér
heimild í stjórnarskrá sbr. ákvæði í
lögum um meðferð opinberra mála
til þess að veita Hallvarði lausn þar
sem hann er orðinn 65 ára.
Forveri Hallvarðar, Þórður
Björnsson, fór á eftirlaun sjötugur
og hélt fullum launum til æviloka.
Hallvarður verður 66 ára gamall 2.
desember nk. Hann sagði að eftir ít-
arlega skoðun lagadeildar Háskóla
Islands hefði það orðið niðurstaðan
að hann ætti rétt á að fara á eftirlaun
65 ára gamall. Hann hefði hug á að
nýta sér þennan rétt og væri mjög
sáttur við að hætta.
Langur starfsferill
Hallvarður réðst til starfa sem
fulltrúi við embætti saksóknara rík-
isins þegar það embætti var stofnað
1961. Hann var skipaður rannsókn-
arlögreglustjóri ríkisins árið 1977
þegar Rannsóknarlögregla ríkisins
var stofnuð. Við embætti ríkissak-
sóknara tók hann 1986.
Hallvarður sagði í samtali við
Morgunblaðið að hann hefði ekki
tekið neina ákvörðun um hvað hann
tæki sér fyrir hendur. Vera kynni að
hann dustaði rykið af hæstaréttar-
lögmannsleyfínu. Það væri ekkert
ákveðið í þeim efnum. Hann sagðist
ekki kvíða verkefnaleysi. Sem betur
fer hefði starfsþrekið ekkert bilað.
Hann gæti því horft óhikað til nýiTa
verkefna hver sem þau yrðu.
Þegar Hallvarður var spurður
hvort það væri erfitt að vera ríkis-
saksóknari vitnaði hann 1 álit Laga-
stofnunar þar sem segir að starf rík-
issaksóknara sé eitt erfiðasta og
vandasamasta embætti landsins.
Hallvarður sagði að miklar réttar-
farsbreytingar hefðu orðið frá því að
hann hóf störf við ríkissaksóknara-
embættið.
Morgunblaðið/Sigurgeir Jónasson
SEFHÆNAN hraktist hingað til lands undan veðri og vindum.
EINN af fjórum hvítum hrossagaukum sem fundist hafa í Eyjum.
---------------------------------------------—--
Rúm 596,1 milljon til helstu málaflokka hjá borginni
Aukafjárveit-
ingar vegna
kj ar asamninga
BORGARRÁÐ hefur samþykkt
samtals 596,1 milljónar króna
aukafjárveitingu fyrir árið 1997 til
helstu málaflokka. Að sögn Ingi-
bjargar Sólrúnar Gísladóttur borg-
arstjóra er stærsti hluti fjárveit-
ingarinnar vegna kjarasamninga
eða 453 milljónir.
í bókun borgarráðsfulltrúa
Sjálfstæðisflokksins er bent á að
hlutfallslega hæstu fjárveitingam-
ar, 45 milljónir, séu til yfirstjórnar
borgarinnar og 151,6 milljónir til
félagslegrar þjónustu, þar sem
fj árhagsaðstoð Félagsmálastofnun-
ar skeri sig úr. „Ætla mætti,“ segir
í bókuninni, „að það stjómkerfi
sem næst er borgarstjóra, yfir-
stjórn borgarinnar, stæðist best
fjárhagsáætlun, ef borgarstjóri
vildi láta taka fjárhagsáætlun al-
varlega. Þessu er þveröfugt farið.“
I svari borgarstjóra segir að af
45 millj. aukafjárveitingu vegna yf-
irstjómar, séu 12,5 millj. vegna
kjarasamninga og 32,6 millj. vegna
hærra innheimtugjalds af stað-
greiðslu en áætlað hafi verið fyrir.
Ástæður séu borgarráðsfulltrúum
kunnar eftir ítarlega umræðu í
borgarstjórn en þar kom m.a. fram
að þegar fjárhagsáætlun borgar-
innar var gerð stóðu viðræður yfir
milli Sambands ísl. sveitarfélaga og
fjármálaráðuneytisins um lækkun
á innheimtugjaldi vegna stað-
greiðslu, sem var 0,5% af inn-
heimtu útsvari.
Fjárhagsaðstoð
aldrei lægri
Fram kemur í svari borgarstjóra
að forsenda kröfu um lækkun hafi
verið sú að við yfirtöku grunnskól-
ans hækkaði innheimt útsvar án
þess að nokkur breyting yrði á
vinnu við innheimtuna og því hafi
sveitarfélögum þótt óeðlilegt að
greiða fyrir hana hærri upphæð en
verið hafði. Viðræður við fjármála-
ráðuneytið hafi hins vegar engu
skilað og því ekki verið um annað
að ræða en leiðrétta fjárhagsáætl-
unina.
Fjárhagsáætlun
Reykjavíkurborgar
Viðbótarfjárveitingar
28. nóv. 1997, í milljónum kr.
Stjórn borgarinnar 45,0
Skipulags- og byggingamál 9,0
Bruna- og almannavarnir 8,0
Menningarmál 14,4
Skólamál 178,0
Æskulýðs-, tómstunda- og íþróttamál 54,0
Dagvist barna 40,0
Félagsmál 151,6
Götur og holræsi 16,1
Hreinlætismál 17,8
Heilbrigðiseftirlit 2,1
Öldrunarmál 46,2
Önnur útgjöld 13,9
SAMTALS 596,1
Borgarstjóri benti á að auka-
fjárveitingar vegna fjárhagsaðstoð-
ar eða 59,7 millj. hafi aldrei verið
lægri síðan 1992. Jafnframt kemur
fram að 67,9 millj. króna aukafjár-
veiting er færð á Félagsmálastofn-
un vegna mismunar á raunleigu
hjá Félagsbústöðum og þeirri leigu
sem innheimt er af Félagsmála-
stofnun. „Við afgreiðslu fjárhags-
áætlunar lá ekki fyrir hver þessi
mismunur væri en að áætlað yrði
fyrir honum síðar á árinu," segir í
svari borgarstjóra.
Sefhæna
og hvítir
hrossagauk-
ar í Eyjum
SJALDGÆFIR fuglar hafa náðst
í Vestmannaeyjum að undan-
förnu. Var annars vegar um að
ræða sefhænu og hins vegar
hvíta hrossagauka en fjórir slíkir
hafa fundist í Eyjum í suinar,
tveir fuilorðnir og tveir ungar.
Ævar Petersen fuglafræðingur
segir að hvítir hrossagaukar hafi
fundist hér á landi en mjög sjald-
gæft sé að slíkir aibínóar eða
hvítingjar finnist meðal þeirra,
hvað þá svo margir. Segir hann
að stöku sinnum hafi einnig fund-
ist hvítir æðarfuglar. Sefhænuna
segir hann flækjast hingað stöku
sinnum en heimkynni hennar eru
einkum sunnar í Evrópu. Hún
hrekist hingað fyrir veðri og
vindum. Sefhæna er náskyld
bleshænu og þessir fuglar eru
skyldir keldusvíni.
------------
Nafn manns-
ins sem lést
MAÐURINN sem lést í vinnuslysi í
Reykjanesbæ síðastliðinn föstudag
hét Kjartan Þór Kjartansson, til
heimilis að Heiðvangi 19 á Hellu.
Hann var þrítugur að aldri og lætur
eftir sig konu og tvö börn.