Morgunblaðið - 05.11.1997, Side 12

12 MIÐVIKUDAGUR 5. NÓVEMBER 1997
MORGUNBLAÐIÐ
FRETTIR
Margmiðlunardiskur með umferðarfræðslu
Ekið til
framtíðar
NÝVERIÐ gáfu Sjóvá-Almennar
tryggingar hf. út margmiðlunar-
disk undir heitinu I umferðinni
með Sjóvá-Almennum. A diskin-
um eru farnar nýjar leiðir í um-
ferðarfræðslu og í tilefni af út-
gáfunni buðu Sjóvá-Almennar til
kynningar á diskinum í Borgar-
leikhúsinu.
I fréttatilkynningu segir:
„Þess má geta að hér er í fyrsta
sinn beitt nýjustu tækni til að
koma umferðarfræðslu á fram-
færi við neytendur. A diskinum
má fræðast um flest það sem
tengist umferðinni, svo sem um-
ferðarmerki, tryggingar, akstur
og umferðarvenjur. Þar er einn-
ig krossapróf sem hver og einn
getur nýtt sér til að kanna þekk-
ingu sína á umferðarreglunum.
Við framsetningu á efninu eru
allir kostir margmiðlunar nýttir
til fullnustu. Myndbönd, hreyfi-
myndir, tal, tónar, myndir og
texti fléttast saman í eina heild
sem gera námsefnið lifandi og
EINAR Sveinsson, forsljóri Sjóvár-Almennra, afhenti Birni
Bjarnasyni menntamálaráðherra fyrsta eintakið af margmiðlunar-
diski um umferðarfræðslu.
skemmtilegt í senn auk þess sem
notandanum er auðveldað að til-
einka sér hin ýmsu mikilvægu
atriði sem skipt geta sköpum í
umferðinni. Diskurinn er einnig
afar gagnlegur þeim sem eru
óvanir mikilli umferð í þéttbýli
því meðal annars er hægt að
kynna sér akstur á hringtorgum
og notkun umferðarljósa.“
Diskurinn er unninn í sam-
starfi við Gagarín en Umferðar-
ráð, ökukennarar og lögreglan
veittu faglega ráðgjöf. Diskurinn
fæst á öllum skrifstofum Sjóvár-
Almennra um land allt og einnig
hjá ökukennurum og í Skólavö-
rubúðinni. Verðið er 1.000 kr.
Diskurinn er gerður fyrir 486,66
Mhz PC-tölvur með geisladrifi.
Fjallað um íslenskt
efnahagslíf á frönsku
í LOK október kom út í Frakklandi
bókin Les pays d’occidentale en
1996 sem fjallar um efnahagsmál
í Vestur-Evrópu. Kaflann um Island
skrifar Jacques Mer, fyrrverandi
sendiherra á íslandi, og nýtir þar
þá þekkingu sem hann aflaði sér
m.a._ er hann skrifaði sérstaka bók
um ísland, sem kom út 1994. 1996
kom út sams konar bók eftir hann
um Noreg og nú þegar gefin er út
tilsvarandi bók um Evrópulöndin
hefur hann skrifað kaflana um
Norðurlöndin.
Þessi bók er eins og hinar gefin
út af opinberu útgáfufyrirtæki á
ábyrgð menningar- og mennta-
málaráðuneytisins franska, La
documentation Francaise. Eru þær
einkum ætlaðar opinberum starfs-
mönnum, háskólafólki, þ.e. há-
skólanemum og kennurum. Hefur
þótt fengur að bókinni
um ísland, því sáralítið
efni er til á frönsku um
íslensk mál.
Jacques Mer er hag-
fræðingur að mennt og
starfaði fyrir Efna-
hags- og framfara-
stofnunina áður en
hann varð sendiherra á
íslandi frá ársbyijun
1988 til ársloka 1992.
Hann eyddi tveimur
árum í að sgfna efni í
bókina um ísland, þar
sem fjallað er um efna-
hagsmál á íslandi á
breiðum grundvelli,
skýrt frá stofnunum í landinu og
innanríkis- og utanríkisstefnu
stjórnvalda, auk almenns efnis um
landafræði íslands og menningu.
Jacques Mer
Segir hann.að sú vinna
hafi komið sér að góð-
um notum við greinina
í bókina um lönd Vest-
ur-Evrópu.
Greinin í nýju bók-
inni hefur yfirskriftina
„L’Islande en 1996,
Euphorie sur fond de
réformes" og gefur
heiti kaflanna hug-
mynd um efnið: La vie
politique, Une election
présidentiellé quelque
peu atypique, L’eup-
horie econömique, La
politique extérieurs og
í lokin er annáll ársins
1996 og gerð grein fyrir íslensku
stjórnmálaflokkunum, forseta ís-
lands, samsteypustjórn Davíðs
Oddssonar og ráðherrum í henni.
Samtök eldri sjálfstæðismanna
Staða aldraðra
verðibætt
BOÐAÐ er til stofnfundar Samtaka
eldri sjálfstæðismanna, 60 ára og
eldri í Súlnasal Hótel Sögu, fimmtu-
daginn 6. nóvember kl. 20.30. For-
gangsverkefni samtakanna verður
að vinna að bættri stöðu aldraðra í
samfélaginu.
Það er undirbúningsnefnd sem
boðar til fundarins en hana skipa
Ágúst Hafberg, Eyþór Þórðarson,
Guðmundur H. Garðarsson, Hannes
Þ. Sigurðsson, Jóhanna Jóhannsdótt-
ir, Ólöf Benediktsdóttir, Pálmi Jóns-
son, Unnur Jónasdóttir og Þorgeir
Ibsen. Að undanfömu hafa komið
fram fleiri og fleiri raddir innan Sjálf-
stæðisflokksins um að tímabært sé
að efla starf flokksins með stofnun
samtaka eldri sjálfstæðismanna, seg-
ir í frétt frá nefndinni.
Að sögn Ágústar Hafberg, tals-
manns nefndarinnar, verða lögð
fram drög að lögum samtakanna á
fundinum. „Við ætlum að láta þessi
samtök ná til alls landsins," sagði
hann. „Forgangsverkefni samtak-
anna verður að vinna að bættri stöðu
aldraðra í samfélaginu. Það er mál
sem brennur mjög á í dag og það
skemmtilega er að það er ekki síður
yngra fólkið en það eldra sem talar
um að eitthvað þurfi að gera. Það
eru náttúrlega ótal tillögur um hvað
þurfi að gera og hvað þurfi að gera
fyrst en ég held að það sé enginn
sem mæli því bót að staðan verði
áfram eins og hún er. í öllum þessum
hamagangi og togstreitu sem er í
þjóðfélaginu hefur þessi hópur orðið
útundan. Þetta margumtalaða félag-
skerfi hefur sýnt sig að vera með
alvarlegar og margar brotalamir."
Almenningur fái
veiðiheimildir
í DRÖGUM að stefnuskrá Grósku,
svonefndri Opinni bók, sem afhent
voru fulltrúum Alþýðuflokks, Al-
þýðubandalags og Kvennalista í
vikunni segir að stefna samtakanna
í fiskveiðimálum sé sú að almenn-
ingur fái hlutdeild í veiðiheimildum
með svipuðum hætti og hlutabréf-
um í ríkisfyrirtækjum hefur verið
útdeilt í ýmsum löndum. Samtökin
telja að með því náist markmið um
tekjujöfnun.
„í framkvæmdinni er hægt að
hugsa sér að hver maður fái árlega
sent hlutdeildarskírteini fyrir sínum
hluta sem hann ráðstafi sjálfur á
markaði," segir í Opnu bókinni.
Lagt er til að veiðiheimildirnar
verði færðar almenningi í áföngum,
til dæmis 20% árlega, en hlutur
núverandi handhafa kvótans minnki
í sama hlutfalli árlega. Tekið er fram
að börn eigi að hafa sama rétt til
veiðiheimilda og aðrir landsmenn.
Gróska leggur einnig til að
tryggð verði eðlileg verðmyndun
aflaheimilda og þátttaka sjómanna
í kvótakaupum útgerða verði bönn-
uð, að eftirlit með brottkasti afla
og smáfiskadrápi verði eflt og refs-
ingar hertar, að vistvænar veiðar
verði sérstaklega studdar, til dæmis
með grænum sköttum, að notkun
umhverfisvænnar orku við fiskveið-
ar verði aukin og að kvótareglum
verði breytt þannig að þær hvetji
sjómenn til að koma með allan afla
að landi.
Hugmyndir um breytt fyrirkomulag greiðslna lífeyrishluta ríkisins
STJÓRNENDUR þriggja stórra líf-
eyrissjóða hafa brugðist misjafnlega
við hugmynd Bolla Héðinssonar um
að lífeyrissjóðimir taki að sér að
greiða lífeyrisþegum út opinberan
lífeyri samhliða áunnum ellilífeyri
úr viðkomandi lífeyrissjóði, en sögðu
þó allir sjálfsagt að skoða og ræða
nýjar hugmyndir og tillögur.
Þorgeir Eyjólfsson, forstjóri Líf-
eyrissjóðs verzlunarmanna, sagði á
mánudag að sjálfsagt væri að skoða
hugmyndir formanns trygginga-
ráðs nánar.
Fyrirvari um
framtíðarfyrirkomulag
„Þó liggur fyrir að stjórnvöld
hafa á liðnum árum stöðugt skert
lífeyri almannatrygginga og aukið
tekjutengingu bótanna og þannig
er út af fyrir sig ekki mjög áhuga-
vert fyrir lífeyrissjóðina að taka að
sér hlutverk stjórnvalda ef ætlunin
er að halda áfram á skerðingar-
brautinni," sagði Þorgeir aðspurð-
ur.
„Ef hins vegar tækist samkomu-
lag milli lífeyrissjóðanna og stjóm-
valda um framtíðarfyrirkomulag líf-
eyrisgreiðslna ríkissjóðs þannig að
látið yrði af þessum látlausu skerð-
ingum ríkissjóðs á lífeyrisgreiðslun-
um kann að vera hagræðingartil-
gangur í slíku samstarfi."
Sjalfsagt að
skoða aðild
lífeyrissjóða
Virðist vera
framkvæmdaratriði
Jóhannes Siggeirsson, fram-
kvæmdastjóri sameinaða lífeyris-
sjóðsins Lífeyris, sagði að væri hér
aðeins um framkvæmdaratriði að
ræða sæi hann ekkert, sem mælti
á móti því að lífeyrissjóðirnir tækju
að sér að sjá um lífeyrissjóðsgreiðsl-
ur fyrir ríkið.
Jóhannes kvaðst skilja þetta svo
að hugmynd Bolla væri sú að einn
aðili sæi um greiðslur í staðinn fyr-
ir tvo. Síðan tæki sjóðurinn sína
sjálfstæðu ákvörðun um það hver
lífeyririnn væri úr sjóðnum og Al-
þingi eða ríkisstjórn um það með
hvaða hætti ellilífeyrisgreiðslur
væm frá ríkinu. Hann sagði að líf-
eyrissjóðurinn myndi engar skoðan-
ir hafa á því hversu háar eða lágar
greiðslurnar væru. Verið gæti að
fólk myndi finna að því ef því þætti
upphæðir lágar, en gera yrði ráð
fyrir að menn áttuðu sig á að það
væri eitt hver greiddi peningana
út og annað hvað greiðslurnar væru
háar.
Nýjar hugmyndir af hinu góða
Karl Benediktsson, fram-
kvæmdastjóri Lífeyrissjóðsins
Framsýnar, sagði að það væri
ánægjulegt að svona hugmyndir
kæmu fram.
„Allar nýjar hugmyndir um út-
færslu á greiðslum lífeyris sam-
kvæmt lögbundnum og áunnum
rétti eru af hinu góða, það er ljóst,“
sagði hann. „Það er alltaf verið að
leita að bestu lausninni og á að
gera það. Það er eðlilegt að svona
hlutir séu alltaf í endurskoðun. Ég
er sammála um að menn eigi að
geta talað um þessa hluti og reynt
að finna bestu lausnina."
Hann kvað kerfi lífeyrissjóðanna
gott og þar ynni fólk, sem þekkti
vel til. „Þetta er alltaf spurning um
að fara ódýrustu og hagkvæmustu
leiðina," sagði hann. „Það þarf að
leysa þessi mál til framtíðar og
væri ekki óeðlilegt ef aðilar settust
niður og ræddust við í fullri alvöru."
Bolli Héðinsson sagði í ávarpi á
ársfundi Tryggingastofnunar ríkis-
ins á föstudag að hann teldi „affara-
sælast að lífeyrissjóðirnir í landinu
tækju að sér að reka opinberar líf-
eyristryggingar fyrir ríkisvaldið".
Hann benti í ræðu sinni á það
að nú væri svo komið að rúmlega
60 af hundraði ellilífeyrisþega fengi
jafnframt einhverja greiðslu úr líf-
eyrissjóði og spytja mætti hvort
hagsmunum þeirra væri ekki betur
borgið ef lífeyrissjóðir, sem þeir
ættu hvort sem er aðild að, greiddu
þeim út allan þann ellilífeyri, sem
þeir ættu rétt á, en ríkissjóður end-
urgreiddi sjóðunum lífeyrishluta
ríkisins.
Prófkjör sjálf-
stæðismanna í
Hafnarfirði
15taka
þátt
PRÓFKJÖRSLISTI sjálfstæð-
ismanna fyrir næstu bæjar-
stjórnarkosningar í Hafnar-
firði hefur verið lagður fyrir
aðalfund fulltrúaráðs sjálf-
stæðisfélaganna. Á fundinum
var Þórarinn Jón Magnússon
endurkjörinn formaður fulltrú-
aráðsins. Prófkjörið fer fram
í Víðistaðaskóla milli kl.
10-20 laugardaginn 22. nóv-
ember nk. Prófkjörið er opið
öilum fullgildum félögum í
sjálfstæðisfélögunum í Hafn-
arfirði sem þar eru búsettir
og hafa náð 16 ára aldri á
kjördag.
Magnús Gunnarsson fram-
kvæmdastjóri sækist eftir 1.
sæti á listanum, Þorgils Óttar
Mathiesen viðskiptafræðingur
einu af þremur efstu sætunum,
Valgerður Sigurðardóttir fisk-
verkandi eftir 2. sæti, Ágúst
Sindri Karlsson lögmaður
sækist eftir 2. til 3. sæti og
Almar Grímsson lyfjafræðing-
ur eftir einu af efstu sætunum.
Aðrir frambjóðendur í próf-
kjörinu eru: Bergur Ólafsson
sölustjóri, Gissur Guðmunds-
son rannsóknarlögreglumað-
ur, Halla Snorradóttir flug-
freyja, Helga Ragnheiður
Stefánsdóttir húsmóðir, Ragn-
ar Sigurðsson vélvirkjameist-
ari, Sigurður Einarsson arki-
tekt, Skarphéðinn Orri Björns-
son ráðgjafi, Steinunn Guðna-
dóttir húsmóðir, Svavar Hall-
dórsson kaupmaður og Þór-
oddur Steinn Skaptason deild-
arstjóri.