Morgunblaðið - 30.05.1998, Blaðsíða 15
MORGUNBLAÐIÐ
LAUGARDAGUR 30. MAÍ 1998 D 15
fhendir Jökli brúðarvöndinn. VALLA frænka hagræðir kjólnum á Unni um tvöleytið á brúðkaupsdaginn.
um eftir matinn. Þjónninn bjargaði
mér hins vegar með því að bjóða
okkur yfir á Café Romance og þegar
við hittum Jökul og hans hóp var ég
svo heppin að bróðir minn og mágur
keyptu upp listaverkin."
Ekkert stress
Brúðkaupsdagurinn rann upp
bjartur og fagur. Jökull fékk úr og
gaf Unni hring og hálsfesti með
tveimur litlum hjörtum í morgungjöf.
„Við sváfum hérna heima en Halldór
Páll var í pössun um nóttina. For-
eldrar mínir komu svo með morgun-
mat til okkar um áttaleytið. Ég fór í
snyrtingu og hárgreiðslu um tíuleyt-
ið. Þaðan fór ég heim til mömmu.
Mér fannst mjög gott að vera komin
þangað tímanlega eða um tvöleytið
til að vera ekki í neinu stressi," segir
Unnur og Jökull tekur undir að þau
hafi verið mjög afslöppuð. „Ég fékk
að klæða mig hjá bróður mínum. Þar
var talsvert um að vera því að hár-
greiðsludama var að greiða brúðar-
meyjunum og mágkonu minni. Hún
hafði á orði hvað ég væri afslappað-
ur, kæmi varla við jörðina heldur svifi
áfram.“
Athöfnin var afar hátíðleg. „Sr.
Sigurður lagði áherslu á kærleikann.
Hann sagði sögu af því að maður
nokkur hefði svarað því til að stóra
ástin væri ekki til heldur ættu ótelj-
andi litlar ástir að vera til í hverju
sambandi. Allir voru sammála um að
Diddú hefði sungið eins og engill.
Við höfðum valið þrjú lög og lagt
áherslu á að tengja tónlistana for-
eldrum okkar. Fyrsti sálmurinn, „Vor
Guð í Jesú nafni nú“, var leikinn við
giftingu tengdaforeldra minna, annar
við lagið Amazing Grace var í sér-
stöku uppáhaldi hjá mömmu minni.
íslenskan texta við lagið og þriðja
lagið, Love Me Tender, samdi sr.
Sigurður sjálfur. Hörður Áskelsson
lék mjög skemmtilega á orgelið,"
segir Jökull.
Eftir athöfnina fóru nýgiftu hjónin í
myndatöku til Sigríðar Bachman.
Unnur segir að léttur andi hafi verið
á meðal gestanna, um 150 manns,
þegar þau komu í veisluna. „Á með-
an beðið var eftir okkur hafði verið
boðið upp á óáfengan fordrykk. Við
höfðum valið að hafa hann óáfengan
af því að við buðum börnum í veisl-
una og fannst því ekki við hæfi að
fullorðna fólkið væri að sötra áfengi."
Forrétturinn í veislunni var
sjávarréttahlaðborð. í aðalrétt var
boðið upp á lamba- og svínakjöt og
eftir dálítið hlé þar sem brúðhjónin
blönduðu geði við gestina var borin
fram brúðarterta á mörgum hæðum.
„Jökull hélt þakkarræðu og ég sagði
frá fyrstu kynnum okkar Jökuls og
kallaði sökudólgana, Völlu, Maju og
Óðin, fram. Bræður okkar héldu
ræður og annar bróðir Jökuls flutti
um okkur frumsaminn Ijóðabálk.
Skólasystir mín, Agnes Vala, og
margfaldur sigurvegari í Bifróvision
hóf upp raust sína og leikið var á
píanó og klarinett. Píanóleikarinn tók
sig svo til og fékk tvo vini sína til að
syngja með sér lag fyrir okkur,“ segir
Unnur. Þau segja að andinn hafi enn
verið léttur og fjölmargir gestir enn
eftir í veislunni þegar þau Jökull hafi
haldið heim um hálf eitt um nóttina.
250 risablöðrur
„Jökull hafði takið þátt í að rústa
tveimur íbúðum brúðhjóna svo að ég
átti ekki von á góðu og hafði á orði
við hann að ef allt væri á hvolfi í
íbúðinni myndum við fara á hótel. Ég
var því bæði hissa og glöð þegar allt
reyndist vera í stakasta lagi í stof-
unni. Aðra sögu var að segja af
ástandinu í eldhúsinu. Allir stólarnir
höfðu verið teknir í sundur og borð-
platan lögð ofan á. Borðfæturna
kom ég ekki auga á í fljótu bragði,"
segir Unnur. En eldhúsið var aðeins
forsmekkurinn að ástandinu í svefn-
herberginu. „Við ætluðum varla að
geta opnað svefnherbergisdyrnar
fyrir 250 risastórum uppblásnum
blöðrum. Blöðrurnar náðu okkur
nánast upp á háls svo að dágóða
stund tók að rýma herbergið. Ekki
var heldur allt búið því að rúmið var
fullt af hrísgrjónum og kampavíns-
flaska var látin fljóta með,“ bætir hún
við.
Daginn eftir tóku Unnur og Jökull
upp brúðkaupsgjafirnar í hópi nán-
ustu vina og ættingja og á mánu-
daginn lá leiðin upp f sumarbústað.
Nú eru þau komin heim og eiga von-
andi langt og farsælt hjónaband fyrir
höndum.
Sissa £ Hannes Lauaaved 25. simt 5620623