Morgunblaðið - 30.05.1998, Blaðsíða 19

MORGUNBLAÐIÐ
LAUGARDAGUR 30. MAÍ 1998 D 19 *
ÞAÐ er allur gangur á því hvort
börnum er boðið í brúðkaup. [
sumum brúðkaupum fá börn hlut-
verk, bera hringa til brúðhjóna eða
halda í slör.
Ef ákvörðun hefur verið tekin um
að bjóða ungviði þá þarf að huga
að því að það hafi eitthvað fyrir
stafni í veislunni því nægilega mun
reyna á þolinmæðina í sjálfri at-
höfninni.
Sumir hafa brugðið á
það ráð að fá leikskóla-
kennara þessa dagstund
til að hugsa um börnin,
skipuleggja veitingar fyrir
þau, fara með þeim í
leiki og finna upp á
ýmsu öðru sem hentar.
Þær Ásdís Þorsteins-
dóttir aðstoðar-
leikskólastjóri, Edda
Jensdóttir og Sonja
Jónasdóttir, leikskóla-
kennarar á Sólbrekku
á Seltjarnarnesi, tóku ____________
vel í beiðni okkar um edoæ a ^
að koma með hug- sd's
myndir að leikjum og veit-
ingum fyrir börn sem eru gestir í
brúðkaupi.
Ýmiskonar leikir
Þær segja að auðvitað fari það
eftir húsnæðinu þar sem veislan er
haldin hvað hentar að gera með
börnunum. „Best væri auðvitað að
hafa sérherbergi til ráðstöfunar eða
þá horn í stórum sal. Það horn eða
herbergi væri hægt að skreyta
með blöðrum og öðru sem höfðar
til barna,“ segir Edda.
Þær eru sammála um að auk
þess sem farið yrði í ótal leiki væri
gott að hafa leir á einu borði og liti.
„Leirinn virkar róandi og það getur
verið gott að setjast niður og leira
þegar búið er að fara í marga
leiki,“ segja þær.
Þær benda á að þegar leikir eru
skipulagðir fyrir börn þurfi auðvitað
að miða við aldur krakkanna. Eftir-
taldir leikir, sem þeim finnst tilvalið
að fara í með litla brúðkaupsgesti,
eru aðallega hugsaðir fyrir börn frá
tveggja ára og að skólaaldri.
Rúsínuhúsið
Teiknað er hús á stórt blað.
Rúsínur eru settar í glugga, hurð
og stromp. Einn þátttakenda fer
fram á meðan hinir ákveða að ein
rúsínan heiti stopp. Þegar barnið
er kallað inn má það byrja að
borða rúsínurnar, eina í einu. Þegar
það tekur stopp-rúsínuna kalla
hinir „stopp“ og þá verður barnið
að hætta að borða en má þó
borða stopp-rúsínuna.
Trölladans
Þátttakendur haldast í hendur
og mynda hring. Lagið er sungið
og gengið í hring á meðan. Þegar
því er lokið spyr sá sem stjórnar:
Hafið þið dansað trölladans?
Börnin svara: Já.
Sá sem stjórnar spyr á ný: En
hafið þið dansað trölladans með
hendur á öxlum? Nei, svara börn-
in, og stjórnandinn segir: Þá skul-
um við gera það. Nú er dansinn
endurtekinn og þátttakendur hafa
hendur hver á annars öxlum.
Að loknum dansi eru spurningar
endurteknar en f stað þess að
spyrja hvort börnin hafi dansað
með hendur á öxlum má setja í
staðinn með hendur á hnjám, tám,
rassi, maga, baki, nefi, eyrum,
augum, hári, olnboga eða á öðrum
fæti og svo framvegis, allt eftir því
hvað úthaldið er mikið.
Skilaboðaleikur
„Skilaboðaleikurinn er alltaf
skemmtilegur og börnin þreytast
aldrei á honum,“ þær Ásdís og
Sonja.
Sá sem stjórnar segir: Það eru
að koma skilaboð". „Hvaða skila-
boð“ spyrja börnin Hann svarar að
t.d. að börnin eigi að flauta. Þá
flauta allir. Þetta er síðan endur-
tekið og það má nota ýmsar útgáf-
ur eins og, æpa, hlæja, gráta,
stappa niður fótunum og svo fram-
vegis. Þegar 'mikill æsingur er
hlaupinn í leikinn borgar sig að
hafa skilaboðin að loka munninum
eða vera grafkyrr!
°9 Sonja.
Jósep segir
Morgunblaðið/Jón Svavarsson
„ÞAÐ eru að koma skilaboð. “ Friðrik Arni, Freyr, Sara, Pálmi, Tómas og Birkir fara eftir skilaboðum frá Eddu
leikskólakennara um að setja hendur á höfuð.
Hér er það sá sem stjórnar sem
kallast Jósep. Hann kemur með
ýmsar skipanir ( hópinn og segir
krökkunum að klappa höndum,
standa á öðrum fæti og svo fram-
vegis. Þegar skipunin kemur en
það er ekki „Jósep segir" fyrir
framan hana og einhver hlýðir
engu að síður þá er hann úr leik.
Svona er haldið áfram uns sigur-
vegarinn er fundinn. Þessi leikur
hentar börnum upp að 8-9 ára
aldri.
Pakkaleikur
Þakkaleikurinn bregst ekki.
Þá er einhverjum smáhlut sem
höfðar til barnanna pakkað inn í
ótal lög af pappír. Tónlist er sett á
og það barn sem hefur pakkann í
höndunum má rífa pappír af með-
an tónlistin ómar. Þegar hún er
stoppuð fær næsti pakkann og má
spreyta sig meðan tónarnir óma.
Svoleiðis gengur þetta uns sá sem
rífur síðasta lagið af og sér inni-
haldið fær að eiga það sem í pakk-
anum er.
Hollt og gott fyrir börnin
Börn eru ekki alltaf hrifin af þeim
veislumat sem fullorðið fólk kann
að meta. Með góðum fyrirvara má
útbúa rétti fyrir krakka til að bjóða
þeim upp á í brúðkaupsveislu..
Það má útbúa fyrir þau kokk-
teilpylsur í brauðdeigi, hafa handa
þeim vínber og osta, poppkorn,
heimabökuð horn fyllt með skinku-
myrju, búa til litlar pítsur og skera
niður alls konar grænmeti. Litlar
kjötbollur eru líka mjög vinsælar
hjá krökkum og „kökukonan" segja
þær stöllur á Sólbrekku að
bregðist þeim aldrei þegar matar-
lyst barna er annars vegar.
Þær Ásdís, Edda og Sonja
brugðust vel við þegar þær voru
beðnar að opna uppskriftabókina
á leikskólanum.
KÖKUKONAN
14-15 dl hveitl
1 tsk salt
100 g smjörlíki
1 dl sykur
5 dl mjólk
50 g ger
1 tsk kardomommur
1 egg til að pensla með
Leysið gerið upp í volgri mjólk og
hrærið salt og sykur í.
Hnoðið smjör og fjórðung af
hveiti saman, hellið gerblöndunni
saman við og hnoðið vel. Sigtið í
hveiti uns deigið er mjúkt og
glansandi.
Látið deigið lyfta sér þegar
hingað er komið.
Rúllið svo deigið út á hveitistráð
borð og skerið út höfuð og notið til
þess undirskál. Skerið út efri búk,
pils, hendur og fætur og raðið
saman á bökuknarplötu. Fletjið
restina út í þunnar ræmur sem eru
settar sem hár á höfuð dúkkunnar.
Bakið við 200°C uns kökukonan
er orðin fallega gyllt. Takið út og
látið kólna.
Búið til glassúr ef vill úr flórsykri
og heitu vatni. Litið ef þurfa þykir
með matarlit. Skreytið kökukonuna
að vild og notið til dæmis rúsínur
eða baunir til að gera tölur á fötin
og augu.
LITLAR SAMLOKUR
Samlokubrauð
lifrarkæfa
agúrka
harðsoðin egg
skinka
ostur
viðbit ef vill
sýrður rjómi
örlítið majónes
karrí, salt og pipar
ananassneiðar
sítrónusafi
Á sumar sneiðarnar má setja lifrar-
kæfu og þunnar agúrkusneiðar of-
an á. Skerið samlokurnar í fernt
Smyrjið nokkrar samlokur með
eggjasalati. Hrærið saman við
sýrðan rjóma örlitlu majónesi,
sítrónusafa, kryddi og steinselju ef
vill. Hakkið eggin í litla bita og
hrærið í sýrða rjómann. Ekki þarf
að smyrja brauðið með viðbiti.
Skerið í fernt.
Þá er hægt að smyrja samlokur
með skinku, osti og ananas.
KJÖTBOLLUR
Fyrir 8-10 börn
750 g nautahakk
1 dl hveiti
mjólk eða vatn
2 egg
salt, pipar
1 lítill laukur
olía til að steikja úr
Hrærið jafning úr hveiti, eggi,
kryddi og vökva. Bætið kjöti í og
bætið við vökva uns passlega
þykkt. Bætið að lokum í fínskorn-
um lauk. Hitið olíu á pönnu og búið
til pínulitlar bollur með barnaskeið.
Steikið í 3-4 mínútur á hverri hlið á
jöfnum hita eða steikið í ofni án
fitu. Má frysta og hita upp í venju-
legum ofni við 170°C.
laktii patl i
sk’cinnitilog'ri