Morgunblaðið - 30.05.1998, Blaðsíða 27
MORGUNBLAÐIÐ
LAUGARDAGUR 30. MAÍ 1998 D 27
Morgunblaðið/Kristinn
FJÖLSKYLDURÁÐGJAFARNIR Elísabet Berta Bjarnadóttir og Kolbrún
Björk Ragnarsdóttir.
Á HVERJU ári leita um 300 fjöl-
skyldur til Fjölskylduþjónustu kirkj-
unnar. Tilefnin eru margbreytileg
en oftast er þó upþsprettan erfið-
leikar í hjónabandinu. Þær Elísabet
Berta Bjarnadóttir og Kolbrún
Björk Ragnarsdóttir eru fjölskyld-
uráðgjafar hjá Fjölskylduþjónustu
kirkjunnar.
„Oft leita hjón aðstoðar af sjálfs-
dáðum en einnig benda prestar og
læknar á þjónustuna og önnur hjón
sem hafa verið í ráðgjöf.
Það er ekki óalgengt að annað
hjóna leiti fyrst og stundum eru
hjónin þegar aðskilin er meðferð
hefst,“ segir Elísabet. Hún bendir á
að sem betur fer taki hjón oft sam-
an aftur að meðferð lokinni. „Bara
það að hjón séu viljug til að leita
sér aðstoðar bendir til að enn sé
von fyrir sambandið. Oft opnast
líka augu hjónanna þegar þriðja
hlutlausa manneskjan kemur með
spumingar, hlustar á hjónin tala
um vandann og bendir á leiðir sem
þau hafa kannski ekki uppgötvað
áður. Einnig er gagnlegt að sam-
býlisfólkið skoði uppruna sinn og
mótun saman og hjálpist svo að
við að sjá nútímann í bjartara ljósi.“
Að kunna að
tala saman
- Skilnaðartíðnin er há hér á
landi. Hvaða vandamál eru það
aðallega sem íslenskt hjónafólk er
að glíma við?
„Það er mjög mismunandi hvaða
erfiðleika hjón eiga við að etja. Ef
við skiljum frá ýmsa erfiðleika sem
upp koma hjá hjónum í sambandi
við börn eða stjúpbörn þá er hægt
að álykta að samskiptavandi og
langvarandi ósamkomulag sé al-
gengt, áfengisdrykkja, framhjáhald
og fjárhagsörðugleikar."
Kolbrún og Elísabet eru sam-
mála um að ein af aðal forsendum
farsæls hjónabands
sé að geta talað
saman. „Ef hjón geta
tjáð hvort öóru
væntingar sínar og
langanir án þess að
lenda i rifrildi og
ásaka hvort annað
þá er stórum áfanga
náð. Að geta talað um þau ágrein-
ingsmál sem koma upp á heimilinu
og vinna úr þeim sameiginlega
skiptir miklu máli,“ segir Kolbrún.
Elísabet bendir á mikilvægi þess
að kunna að tala frá hjartanu.
Frekur heimilisvinur
Þá benda þær á að Bakkus sé
frekur heimilisvinur sem komist oft
upp á milli hjóna.
„Áfengisnotkun er mikið ágrein-
ingsmál hjá mörgum hjónum. Þeg-
ar samvera með fjölskyldunni
verður að víkja fyrir skemmtun
með Bakkusi og áfengið er orðið
betri félagi en makinn þá segir sig
sjálft að kominn er upp vandi.
Ef maki er undir álagi og leitar
frekar á náðir áfengis en að ræða
við maka sinn er eitthvað að.
Áfengisdrykkja er spennulosandi
en skammtímaúrræði og rangt
geðlyf.
Þessar aðstæður eru því miður
mjög algengar í okkar þjóðfélagi.
Við höfum stundum varpað þeirri
spurningu fram til þess sem á
Bakkus að vini hvað áfengisneysl-
an geri fyrir makann og fjölskyld-
una. Stundum virðist eins og fólk
sé hrætt við að láta drykkjuna
vera, því það verði fordæmt ef það
velji þá leið og sagt verði út á við:
Nú er svona illa komið fyrir
henni/honum. Auðvitað er vel
komið fyrir þeim sem rekur Bakkus
út úr lífi sínu en ræktar í staðinn sitt
ástarsamband og heimilislíf."
Fjárhagsörðugleikar spila oft inn
í ósætti hjóna. Mörg hjón þurfa að
vinna geysilega mikið til að hafa
ofan í sig og á. Þau hafa þraukað
þannig ár eftir ár og verið í eilífu
basli. Þegar þau hafa kannski verið
að vinna meira og minna allan
daginn í langan tíma og hafa lítið
haft tíma saman liggur í hlutarins
eðli að það bitnar á samlífinu.
Elísabet segir að mikil bragarbót
yrði að sex stunda vinnudegi og
lengra sumarfríi. „[
Danmörku er nú
barist fyrir 6 vikna
sumarfríi og kjara-
barátta hér og ann-
ars staðar litast æ
meira af kröfum um
auknar samvistir
fjölskyldu."
- Er ekki full þörf á að ungu fólki
sem er á leið í hjónaband sé boðið
upp á undirbúningsnámskeið fyrir
það sem í vændum er?
„Vissulega er rík þörf á slíkum
námskeiðum og við höfum sem
betur fer fengið til okkar mörg pör
sem eru á leið í hjónaband. Þau
hafa þá kosið að leysa ýmis mál
áður en þau ganga í hjónaband og
jafnvel viljað skoða samband sitt
frá grunni. Það er margt sem pör
ættu að velta fyrir sér við upphaf
hjónabands. Þau koma úr mis-
munandi upprunafjölskyldum og
það er gagnlegt að skoða hvað
þau eru með í farteskinu og hvern-
ig þau vilja síðan hafa hlutina á
sínu heimili.
í upphafi hjónabands þurfa hjón
að finna út hvemig þau ætla að
haga rekstri heimilisins. Hver sér
um tiltektina, eldamennskuna,
reikningana og svo framvegis.
Öðru hjónanna fellur kannski
eldamennska vel úr hendi á meðan
hitt er snjallt að halda utan um fjár-
mál. Ef pör geta fundið út styrk-
leika hvors annars og metið í fari
hvors annars það sem jákvætt er
leggja þau upp með gott vega-
nesti. ( stað þess að hjón séu að
nudda hvort öðru uppúr því hvern-
ig þau myndu gera hlutina öðruvísi
er tilvalið að læra að meta þann
fjársjóð sem það er að geta bætt
hvort annað upp með því að vera
ólík.
Farsælt hjónaband er sameigin-
legt markmið, það kostar mikla
vinnu og þvi þarf strax frá byrjun
að vanda til verksins."
ELÍSABET hefur um árabil
veitt námskeið og fyrirlestra
um samlíf og hjónaband. í
því samhengi hefur hún tekið
saman algengustu vonirnar
sem bundnar eru við hjóna-
bandið.
1. Trygglyndi. Að maki
reynist trúr í kynlífi.
2. Fá stöðugan
stuðning
3. Félagsskapur. Vænting
sem vex með árunum
4. Sambandið er markmið.
Er ekki einstæð(ur)
lengur
5. Að maki veiti röð og
reglu í lífi manns
6. Von um lífslangt sam
band og ást
7. Umhyggja og kynlíf
8. Fjölskylda og böm
9. Samvinna
10. Eignast stórfjölskyldu
11. Heimilið er griðastaður
12. Virðing (samfélaginu
13. Von um velgengni í
fjármálum
14. Framtíð betri en fortíðin
15. Regnhlífarvon
18. Allar óskir, þrár og vonir
um auðlegð, völd og
stöðu rætist.
117. Að fá að vera lítill, Ijótur
og vondur stundum án
þess að vera hafnað.
Fjölskyldu-
þjónusta
kirkjunnar
- °r/
BAKARISANDHOLT
'mawáíýicwi/ewtiiw ö// li/efíni
Laugavegi 36, Torginu Hverafold og Langaríma, Rvík. Pöntunarsími 551-3524
Skíðaskálinn Hveradölum
Veitingahús og veisluþjónusta frá 1935.
Borðapantanir í síma 5B7-202Q, fax 587-2337.
LAUST BORÐ!
FÁGÆTUR STAÐUR
UNDURSAMLEG
STEMNING OG
MATUR VIÐ HÆFI
HVER VILL EKKI HALDA VEISLU EÐA
SKEMMTUN ( FAÐMI FJALLA ÞAR SEM
NÁTTÚRAN TENDRAR HUGANN, MATUR
□G VEIGAR ERU FYRSTA FLOKKS,
ÞJÓNUSTAN TIL FYRIRMYNDAR OG
STEMNINGIN ÓVIÐJAFNANLEG.
EINN UINSÆLASTI STAÐUR LANDSINS
FYRIR BRÚÐKAUPSUEISLUR
- RÓMANTÍSKUR DG HEILLANDI MEÐ
MAT 0G DRYKK UIÐ ALLRA HÆFI.
BJÚÐUM rútuferðir fyrir hópa A hagstæðu verði.
PANTIÐ TÍMAIMLEGA.