Morgunblaðið - 04.07.1998, Qupperneq 10

10 LAUGARDAGUR 4. JÚLÍ 1998
MORGUNBLAÐIÐ
FRÉTTIR
HALLDÓR J. Kristjánsson, aðalbankastjóri Landsbanka íslands hf., Þorsteinn Már Baldvinsson, forstjóri Samhetja
hf., Kári Amór Kárason, stjómarformaður Samlierja hf., og Hasso Gramm, bankastjóri hjá Vereins und Westbank
AG, undirrituðu lánasamninginn sl. mánudag í Cuxhaven í Þýskalandi. Með þeim á myndinni em stjómarmenn í
Samherja hf., forráðamenn DFFU og fulltrúar frá Landsbanka íslands hf. og Vereins und Westbank AG.
Samherji hefur eignast 99% í Deutsche Fischfang Union
Landsbankinn trygg-
ir lánsfjármögnun
SAMNINGAR voru undirritaðir sl.
mánudag um að Landsbanki Is-
lands hf. og þýski bankinn Vereins-
und Westbank AG annist lánsfjár-
mögnun vegna kaupa Samherja hf.
á 49,5% hlut í þýska útgerðarfélag-
inu Deutsche Fischfang Union KG
(DFFU) í Cuxhaven. Samhetji átti
fyrir kaupin á hlutabréfunum jafn-
stóran hlut í DFFU og á því nú 99%
í féiaginu, en Cuxhavenborg á 1%.
DFFU gerir út fjögur skip, en
þar af eru þrjú í eigu félagins og eitt
í leigu. Tvö af skipunum eru búin
Nýr skólameist-
ari við MH
MENNTAMALARAÐHERRA
hefur að fenginni umsókn skóla-
nefndar skipað Láras Hagalín
Bjamason skólameistara Mennta-
skólans við Hamrahlíð um fimm ára
skeið frá 1. ágúst nk. Umsóknar-
fresti um starfíð lauk 5. júní sl. og
bárust fímm umsóknir. Aðrir um-
sækjendur voru: Gunnlaugur Ást-
geirsson, Heimir Pálsson, Stefán
Andrésson og Vésteinn Rúni Ei-
ríksson.
Láras lauk B.S.-prófi í stærð-
fræði og prófí í uppeldis og kennslu-
fræðum frá Háskóla íslands 1982.
Hann hefur sinnt kennslu með hlé-
um frá 1976. Láras var kennari við
Menntaskólann í Hamrahlíð frá
1982 til ársloka 1995 fyrir utan árin
‘85 til ‘88 og ‘90 til
‘91 en þá var
hann í leyfi vegna
framhaldsnáms í
stærðfræði, fyrst
í Danmörku en
þaðan lauk hann
cand. scient.-
prófí, og svo í
Kanada. Árið ‘92
til ‘93 leysti hann
af sem aðstoðar-
skólameistari við MH og gegndi því
starfí árið ‘95 þegar hann lét þar af
störfum. Frá ársbyrjun ‘96 hefur
hann verið aðstoðarskólastjóri við
Borgarholtsskóla. Láras er kvænt-
ur Særúnu Albertsdóttur kennara
og eiga þau eitt barn.
Lárus Hagalín
Bjarnason
tækjum til flakavinnslu á bolfisk,
síld og makríl. Á liðnu ári veiddu
skip félagsins 21.400 tonn en það
sem af er þessu ári hafa þau veitt
um 24 þúsund tonn. Þar af eru
14.500 tonn af koimunna.
I fréttatilkynningu segir að láns-
fjármögnunin sé í samræmi við þá
stefnumörkun Landsbankans að
vera þátttakandi í útrás íslenskra
fyrirtækja. Bankinn stefni að því að
styðja íslensk fyrirtæki í alþjóða-
væðingu þeirra í samvinnu við er-
lendar fjármálastofnanir.
Njóta góðs stuðnings
í Cuxhaven og Hannover
Þorsteinn Már Baldvinsson, for-
stjóri Samherja hf., kveðst ekki á
þessari stundu vera tilbúinn til að
tjá sig um kaupverð hlutarins í
DFFU eða um hvaða fjárhæðir var
að ræða í lánsfjársamningnum. Þor-
steinn segist vera mjög ánægður
með að kaupin séu fullfrágengin.
Hann segir að komið hafi berlega í
Ijós á undanförnum dögum að fyrir-
tækið nyti góðs stuðnings í Cux-
haven af hálfu yfirvalda og verka-
lýðshreyfingarinnar og hjá yfirvöld-
um í Hannover. Þessir aðilar hafi
lýst yfir að þeir muni standa mjög
þétt á bak við fyrirtækið í framtíð-
Hafrannsóknastofnun
Jóhann Sigur-
jónsson skipað-
ur forstjóri
SJAVARUTVEGSRAÐHERRA
hefur skipað Jóhann Sigurjónsson
forstjóra Hafrannsóknastofnunar-
innar frá 1. ágúst nk. að fenginni til-
lögu stjórnar stofnunarinnar. Stai-fið
var auglýst 3. júní sl. og var Jóhann
eini umsækjandinn.
Hann var skipaður að-
stoðarforstjóri Haf-
rannsóknastofnunar ár-
ið 1994 og hefur gegnt
þvi starfi síðan að und-
anskildu tímabilinu 1.
nóvember 1996 til 30.
apríl 1998 en þá fékk
hann leyfi frá störfum
til að gegna starfi sendi-
herra í utanríkisþjón-
ustunni. Þar var Jóhann
aðalsamningamaður Is-
lands í fiskveiðimálum.
Jóhann hefur stundað
kennslu við Háskóla Is-
lands og starfað hjá Ha-
frannsóknastofnun frá
árinu 1981, fyrst sem
Jóhann
Sigurjónsson
víkka og styrkja núverandi grundvöll
fyrir fiskveiðiráðgjöf," segir Jóhann.
„Krafan um nákvæmni mælinga
og grandvöll ráðgjafar á veiðiþoli
stofna vex stöðugt. Eftii’ því sem
tækni og veiðiálag fer vaxandi er
nauðsynin fyrir ná-
kvæma og áreiðanlega
ráðgjöf aldrei meiri.
Höfuðverkefnið
framundan er að tryggja
styrkan vísindagrunn
fyrir veiðiráðgjöf á Is-
landsmiðum, þar með
talin almenna þekkingu
okkar á vistkerfi sjávar.
Eitt af fyrstu verkefn-
unum verður að fylgja
eftir áætlunum um nýtt
hafrannsóknaskip, sem
mun opna nýja mögu-
leika á rannsóknum í
framtíðinni, sem ekki
hefur verið hægt að
sinna hingað til. Um er
að ræða mjög fullkomið
sérfræðingur í hvalarannsóknum en
frá 1986 sem verkefnisstjóri hvala-
rannsókna. Hann hafði rannsóknar-
stöðu við Óslóarháskóla árið 1980 en
þaðan lauk hann Cand.real prófrit-
gerð um líffræði hrefnustofnsins við
Island ásamt embættisprófi í sjávar-
líffræði sumarið 1980 en hafði áður
lokið B.Sc prófi í líffræði frá Háskóla
íslands árið 1976. Jóhann er fæddur
árið 1952, hann er kvæntur Helgu
Bragadóttur arkitekt og eiga þau
þrjú börn.
títvíkka og styrkja grundvöll
fiskveiðiráðgjafar
„Starfið leggst mjög vel í mig,
þetta er mjög áhugavert starf og ég
hiakka til að takast á við það,“ segir
Jóhann í samtali við Morgunblaðið.
„Ég þekki starfsemi og starfsfólk
þessarar stofnunar vel og af góðu og
finn að það er mikill áhugi á að halda
uppi áframhaldandi öflugu starfi. Ég
geri ekki ráð fyrir að það verði mikil
stefnubreyting hjá stofnuninni í
tengslum við þessi forstjóraskipti,
enda er óhætt að segja að náðst hafi
stórgóður árangur í fiski- og haf-
rannsóknum hér á landi á undanfórn-
um áram, ekki síst fyrir tilstilli Haf-
rannsóknastofnunarinnai’. Því starfi
verður að halda áfram en segja má
að verkefnin framundan séu að út-
skip sem verður væntanlega afhent á
næsta ári og það þarf að útfæra
framtíðarverkeftii fyrir skipið og
tryggja rekstrargrandvöll þess. Von-
andi mun okkur auðnast þarna að
sinna nýjum rannsóknarverkefnum
sem renna munu stoðum undir nýja
möguleika fyrir íslenskan fiskveiði-
flota í framtíðinni.“
Jóhann segir einnig að huga þurfi
að allri aðstöðu til rannsókna fyrir
starfsfólk Hafrannsóknastofnunai'inn-
ar og laða að ungt og efnilegt vísinda-
fólk, þannig að stofnunin getí staðist
ströngustu vísindakröfur. „Ég tel að
orðstír stofnunarinnar sé góður og
það verður að gæta þess að svo verði
einnig í framtíðinni,“ segir hann.
„Stofnunin hefur einnig mikil-
vægu hlutverki að gegna varðandi
upplýsingamiðlun til stjórnvalda
hagsmunaaðila og almennings. Ég
held að það hafi alltaf verið skilning-
ur á því hjá stofnuninni að halda
uppi jákvæðu samstarfi við þessa
aðila. Það er grundvallaratriði ef
menn ætla að ná árangri á þessu
sviði að virkja alla sem koma að mál-
inu og við þurfum náttúrlega á sjó-
mönnum og öðram hagsmunaaðilum
að halda til þess að stunda okkar
rannsóknir og að niðurstöður þeirra
beri þann árangur sem til er ætl-
ast,“ segir Jóhann.
Bókim borgarfulltrúa meirihlutans um ársreikning Reykjavikurborgar fyrir árið 1997
Heildarskuldir og
greiðslubyrði lækka
Borgarfulltrúar Sjálfstæðisflokks segja
fjármálastjórn R-listans hafa einkennst
af sjónhverfíngum
VERULEGA andstæð sjónarmið
komu fram í borgarstjórn Reykja-
víkúr hjá borgarfulltrúum Reykja-
víkurlistans og borgarfulltrúum
Sjálfstæðisflokksins þegar fram fór
síðari umræða um ársreikning borg-
arinnar fyrir árið 1997. Töldu full-
trúar meirihlutans að heildarskuldir
borgarsjóðs hefðu lækkað og
greiðslubyrði lána lækkað veralega
en fulltrúar minnihlutans sögðu
fjármálastjórn R-listans hafa ein-
kennst af sjónhverfingum.
Ingibjörg Sólrún Gísladóttir borg-
arstjóri hóf umræðuna um ársreikn-
inginn og endurskoðunarskýrslu
Reykjavíkurborgar sem fylgdi árs-
reikningnum. í lok máls síns kynnti
hún bókun Reykjavíkurlistans um
ársreikninginn. I framhaldi af ræðu
borgarstjóra tóku margir borgar-
fulltrúar meirihluta og minnihluta til
máls.
í bókun borgarfulltrúa Reykja-
víkurlistans segir að ársreikningur-
inn endurspegli annað árið í röð
þann árangur sem náðst hafi í fjár-
málastjórn borgarinnar á nýliðnu
kjörtímabili. Birtist hann m.a. í því
að frávik rekstrarútgjalda séu að-
eins 0,8% sem rekja megi að mestu
til rammafjárhagsáætlunar og
raunhæfrar áætlunargerðar, á ár-
inu 1997 hafi það gerst í fyrsta sinn
í að minnsta kosti áratug að heild-
arskuldir borgarinnar lækki milli
ára en þær séu nú 232 milljónum
króna lægri en árin 1995 og 1996.
Þá segir að peningaleg staða borg-
arsjóðs hafi batnað um 1,3 milljarða
milli áranna 1996 og 1997 og að
greiðslubyrði lána hafi lækkað
verulega síðustu tvö árin, hafi verið
892 milljónir í fyrra en 1,3 milljarð-
ar árið 1995.
Þá er í bókuninni borin saman
þróun skulda og peningalegi-ar
stöðu borgarsjóðs og samstæðunnar
allrar, þ.e. borgarsjóðs og fyrir-
tækja borgarinnar á nýliðnu kjör-
tímabili og síðasta kjörtímabili Sjálf-
stæðisflokksins. Segir að skuldir
borgarsjóðs hafi hækkað um 7,7
milljarða króna milli áranna 1991 og
1994 en 1,1 milljarð milli áranna
1994 og 1997. Peningaleg staða
borgarsjóðs hafi versnað um 8,8
milljarða milli áranna Í991 og 1994
en batnað um 143 milljónir á síðasta
kjörtímabili. Þá hafi skuldir sam-
stæðunnar aukist um 8 milljarða á
fvrra tímabilinu en um 5 milljarða á
því síðarnefnda og að peningaleg
samstæða hafi versnað um 9 millj-
arða milli áranna 1991 og 1994 en
um 4,3 milljarða milli áranna 1994
og 1998.
Sjö miHjarða skulda-
aukning á fjórum árum
í bókun borgarfulltrúa Sjálfstæð-
isflokksins segir að fjármálastjórn
Reykjavíkurlistans hafi einkennst af
sjónhverfingum þar sem reynt sé að
rugla borgarbúa í ríminu og gefa til
kynna að staðan sé allt önnur en hún
sé raunveralega. Staðreyndirnar tali
sínu máli í ársreikningi og skýrslu
borgarendurskoðunar.
,Arsreikningur Reykjavíkurborg-
ar fyrir árið 1997 sýnir með óyggj-
andi hætti að skuldir borgarinnar
hafa aukist um sjö milljarða króna
undanfarin fjögur ár. Fyrfrsjáanleg
er til viðbótar veraleg aukning
skulda á þessu ári. Nettóskuldir
hafa sexfaldast á sl. fjóram árum og
á síðasta ári hækkuðu nettóskuldir
borgarinnar um 70%. Nú nema
heildarskuldir borgarinnar tæpum
20 milljörðum króna.“
Þá segir að þessi skuldaaukning
hafi orðið á sama tíma og R-listinn
hafi aukið álögur sínar á borgarbúa
sem nemi tæplega 5 milljörðum á
fjóram árum. Þar að auki hafi mörg
hundruð milljónir króna runnið í
borgarsjóð með sölu eigna og að
þessi þróun hafi orðið samtímis því
að skatttekjur borgarinnar vaxi
vegna aukins góðæris og hagvaxtar.
I lokin segir svo í bókun sjálfstæðis-
manna:
„Staðan sýnir að R-listinn ræður
ekki við að stjórna fjármálum borg-
arinnar. Þrátt fyrir þá miklu upp-
sveiflu sem er í efnahags- og at-
vinnulífi þjóðarinnar er ekkert gert
til að reyna að snúa þróuninni við
með því að greiða niður skuldir.
Vegna aðgerðarleysis og vanmáttar
R-listans bendir því miður allt til
þess að þessi þróun muni halda
áfram með meiri skuldum og hækk-
andi rekstrarútgjöldum."