Morgunblaðið - 04.07.1998, Qupperneq 18

18 LAUGARDAGUR 4. JÚLÍ 1998
ERLENT
MORGUNBLAÐIÐ
A * >
Arleg ganga Oraníureglu mótmælenda um Portadown á N-Irlandi
Engin lausn
í sjónmáli
Dublin, Hong Kong. Reuters.
GERRY Adams, leiðtogi Sinn Féin,
sagðist í gær skyldu beita sér fyrir
Joví að deilur vegna Drumcree-göngu
Óraníumanna í Portadown á N-Ir-
landi, sem fram á að fara á morgun,
væru hér eftir úr sögunni ef Óraniu-
menn gæfu kaþólskum íbúum Gar-
vaghy-vegarins frið í ár frá göngum
sínum. Bertie Ahern, forsætisráð-
herra Irlands, kvaðst í gær hins veg-
ar svartsýnn á að lausn fyndist í deil-
unni. Ahem og Tony Blair, forsætis-
ráðherra Bretlands, hvöttu í gær til
þess að deiluaðilar sýndu skynsemi
og fyndu lausn á deilu sinni.
Bill Clinton Bandaríkjaforseti
sagðist einnig á lokadegi Asíuheim-
söknar sinnar í gær tilbúinn að beita
sér fyrir lausn deilunnar. Clinton
sagðist hafa sérstakar áhyggjur af
íkveikjum í kaþólskum kirkjum að-
faranótt fimmtudags, enda reið ný-
lega yfir í Bandarílgunum bylgja
slíkra athæfa.
Morð var framið í bænum Bangor,
í nágrenni Belfast, í fyrrinótt en það
var í gær ekki talið tengjast deilum
mótmælenda og kaþólikka. Maður-
inn, sem var mótmælandi, var skot-
inn fjórum sinnum í höfuðið af stuttu
færi. Er talið að fyrrverandi félagar
hans í öfgahópi sambandssinna hafi
átt harma að hefna.
Enn frekari íkveikjur áttu sér
einnig stað í fyrrinótt og leit út fyrir
að kaþólskir öfgamenn hefðu goldið
líku líkt því þrjár bygginganna sem
kveikt var í tengdust samtökum mót-
mælenda eða kirkjum þeirra. Sú
fjórða var kaþólskur grunnskóli í
norðurhluta N-írlands, nærri DeiTy-
borg.
Mætast
stálin stinn
Óraníumenn og David Trimble,
forsætisráðheiTa, hafa hingað til
neitað að semja beint við íbúa Gar-
vaghy-vegar í Portadown um lausn
Drumcree-deilunnar því þeir vilja
ekki eiga viðskipti við Brendan
MacKenna, talsmann íbúanna, þar
sem hann er fyrrverandi IRA-fangi
og starfar nú með Sinn Féin, stjórn-
málaarmi IRA Sagt er frá því í The
Irish Times í gær að Óraníumenn
séu tilbúnir að hugleiða einhverja
málamiðlun í deilunni svo lengi sem
þeir fái að ganga niður Garvaghy-
veginn en jafnframt er talið ljóst að
grasrótarmeðlimir samtakanna vilja
ógjarnan gefa eftir í deilunni. Hitt er
jafnvíst að íbúarnir hyggjast engan
biibug láta á sér finna að hafa þurft
að láta í minni pokann undanfarin tvö
sumur. Stefnir því allt í átök.
GÖNGULEIÐ ÓRANÍUMANNA Á MORGUN
Meðlimir Óraníureglunnar í Portadown strengdu þess heit í vikunni
að virða að vettugi bann sem felur í sér að þeir verði að ganga frá
guðsþjónustu í Drumcree-kirkju
sömu íeið og þeir komu.
Hyggjast þeir halda áleiðis niður
Drumcree-veg og þaðan niður
Garvaghy-veginn, þar sem nánast
eingöngu búa kaþólikkar.
Bresk stjórnvöld hafa aukið fjölda hermanna '^-AND @ JL
á N-frlandi til að bregðast við atburðum v, Portadown /
sunnudagsins, auk þess sem ákveðið var 'xWj 7
að fjölga vígbúnum herflutningabifreiðum. ■■ '—í/L
' y® Londonderry 1
-> BELFAST
NORÐUR . a'l
Drumcree kirkja
350 metrar
Wiðbær^y
’ortadowpS
Loughall-vegur
UPPHAF GÖNGU
Höfuðstöðvar Óraníureglunnar
Pinghús p
Portadown
SKÝRINGAR:
______ Leiðin til
Drumcree
..... Umdeildleið
frá Drumcree
| 95% ibúanna
kaþólskir/þjóð-
ernissinnar
Hverfi byggð
mótmælendum/
samb.sinnum
,__. , ■ g ,
Fjötgun herliðs:
t 1,000
hermenn
40 brynvarðir
og vígbúnir
herflutn.bílar
Óraníumenrt ganga ár hvert víðs vegar um N-írland til að halda i heiðri sigur Vilhjálms
af Óraniu, sem var mótmælandi, yfir Jakobi Stúart Bretakonungi, sem var kaþóiskur,
áriö 1791 við Boyne-ána í nágrenni Portadown. Hefur kaþólskur konungur aldrei
siðan setið við völd á Bretlandi. Óraníumenn hafa frá því 1807 gengið sömu leið
frá Drumcree-kirkju en á það ber þó að líta að einungis á siðustu áratugum hefur
það gerst að Gan/aghy-vegur hefur orðið kaþóiskt hverfi.
Reuters
Margir
deyja í
viku hverri
HUNGURSNEYÐIN í Afríkurík-
inu Súdan færist enn í aukana og
segja starfsmenn hjálparstofnana
Sameinuðu þjóðanna að aukinn
fjöldi fólks deyi nú í viku hverri
vegna vannæringar. Hung-
ursneyðinni hafa Sameinuðu
þjóðirnar svarað með því að
standa fyrir mestu matarflutn-
ingum sem um getur í sögu sam-
takanna en tölur látinna hækka
samt enn.
Fólk flykkist nú til hjálparbúða
sem starfræktar eru í landinu og
þessi litli drengur hélt í gær á
bróður sínum, sem er illa haldinn
af vannæringu, í búðum sem
samtökin Læknar án landamæra
rekja í Aijep. í hjálparbúðunum í
Aijep deyja nú um 30 manns í
viku hverri af völdum vannær-
ingar.
Kjósendur
ekki hrifnir
af Hague
London. The Daily Telegraph.
EFTIR eitt ár í embætti formanns
breska íhaldsflokksins á William
Hague enn undir högg að sækja, ef
marka má Gallup-könnun sem birt
var í The Daily Telegraph í gær. Ef
marka má könnunina telja einungis
29% kjósenda að Hague hafi reynst
snjall leiðtogi flokksins og ef kjós-
endur Ihaldsflokksins eru einungis
taldir með eru aðeins 44% þeirra
ánægð með störf hans.
Áhyggjueíni er fyrir Hague að
58% kjósenda telja hann ekki snjall-
an leiðtoga, þar af 49% kjósenda
flokksins, og þegar svarendur voru
beðnir um að bera Hague saman við
Tony Blair, forsætisráðherra og leið-
toga Verkamannaflokksins, og Paddy
Ashdown, leiðtoga Frjálslyndra
demókrata, kom Hague sýnu verst
út. 12,2% töldu Hague besta kostinn,
Blair 58,6% og Ashdown 15,3%.
Palestínumenn lokuðu vegi að Gaza-svæðinu
Mikil spenna en af-
tókst átökum
stýra
Jerúsalem. JReuters.
BÆÐI ísraelar og Palestínumenn
drógu lið sitt til baka áður en til
átaka kæmi í gær, eftir að mikil
spenna hafði skapast í kjölfar þess
að Palestínumenn lokuðu vegi sem
liggur að Gaza-svæðinu.
Deilan hófst á fimmtudag, þegar
ísraelsmenn meinuðu palestínskum
ráðherra að aka í gegnum eftirlits-
hlið ísraelska hersins á vegi sem
liggur að ákveðnum hluta Gaza-
svæðisins, þar sem Palestínumönn-
um er „venjulega ekki heimill að-
gangur", að sögn hersins. Palest-
ínskar lögreglusveitir og óbreyttir
borgarar settust þá um nokkur mik-
ilvæg gatnamót og hindruðu aðgang
að landnámssvæðum gyðinga.
Á næturfundi yfirmanns í ísraelska
hernum og öryggisfulltrúa Palestínu-
manna á Gaza-svæðinu náðist sam-
komulag um að nefnd yrði skipuð til
að ræða umferð um veginn. ísraels-
her hafði þá aukið lið sitt á svæðinu
og Palestínumenn höfðu miðað riffl-
um að ísraelskum herstöðvum.
Ásakanir á báða bóga
Þrátt fyrir að ekki hafi komið til
átaka þykir atvikið benda til þess að
aukin spenna sé að færast í sam-
skipti ísraela og Palestínumanna, á
sama tíma og friðarviðræður með
milligöngu Bandaríkjanna virðast
komnar í þrot.
Benjamín Netanyahu, forsætis-
ráðherra ísraels, lýsti atvikinu sem
„vísvitandi ögrun af hálfu Palestínu-
manna“, og lagði áherslu á að beittu
Palestínumenn ofbeldi myndu ísra-
elar svara í sömu mynt. „Hér er um
að ræða stórfellt brot á Óslóarsam-
komulaginu“, sagði hann.
Palestínskir embættismenn sögðu
hins vegar að ísraelsmenn hefðu
brotið gegn friðarsamningum með
því að meina palestínska ráðherran-
um að komast leiðar sinnar. Saeb
Erekat, aðalsamningamaður Palest-
ínumanna, varaði Netanyahu við því
að nota atvikið sem átyllu til að
koma í veg fyrir að samið verði um
frekari brottfluttning Israelsmanna
frá Vesturbakkanum.
^'jMaEEi
100 borg-
arar falla
í Bissau
RÚMLEGA 100 borgarar, að-
allega konur og börn, biðu
bana í bardögum í grennd við
bæinn Mansoa í Guinea Bissau
í fyrradag, að því er ítalska
fréttastofan MISNA hafði eftir
trúboðum og sjónarvottum í
gær. Átök geisa á svæðinu
milli hermanna frá Senegal og
uppreisnarmanna. Áætlað er
að 500.000 manns hafi flúið
heimili sín vegna átakanna.
Ýjað að
skattalækkun
í Japan
RYUTARO Hashimoto, for-
sætisráðherra Japans, ýjaði að
því í gær að tekjuskattar yrðu
lækkaðir og það varð til þess
að gengi jensins og japanskra
hlutabréfa hækkaði. Has-
himoto sagði að stjórnin væri
að endurskoða tekjuskattana
og margir túlkuðu ummælin
þannig að stjórnin væri að
undirbúa varanlega skatta-
lækkun.
Ensk bulla
handtekin
fyrir morð
ENSKUR knattspyrnuáhuga-
maður hefur verið hnepptur í
varðhald í Frakklandi fyrir að
stinga ungan Frakka til bana í
lest eftir ósigur Englendinga
fyrir Argentínumönnum á
heimsmeistaramótinu í knatt-
spyrnu. Englendingurinn
kvaðst hafa haldið að ungi
maðurinn væri Argentínumað-
ur, séð hann brosa og talið
hann vera að hæðast að sér.
Kröfu
Þjóðverja
mótmælt
PÓLSKA þingið gagnrýndi í
gær ályktun sem þýska þingið
samþykkti 29. maí, þar sem
þess var krafist að Þjóðverjar,
sem bjuggu á svæðum sem
Pólland fékk eftir síðari heims-
styrjöldina, fengju rétt til að
flytjast til fyrri heimkynna
sinna.
Boeing-þotur
skoðaðar
BANDARÍSKA loftferðaeftir-
litið hefur fyrirskipað tafar-
lausa skoðun á 23 bandarísk-
um Boeing 737-þotum vegna
vandamáls sem hefur komið
upp í gírkössum. Talið er að
vandamálið hafi orðið til þess
að hreyflar í tveimur þotum -
Transaero-flugfélagsins í
Rússlandi og Braathens-flug-
félagsins í Noregi - stöðvuðust
í aðflugi.
Sprengjugabb
á Kastrup
DANSKA lögreglan leitaði í
gær að sprengju í pakistanskri
farþegaþotu, sem lenti á
Kastrup-flugvelli í fyrrakvöld
eftir að flugmönnunum hafði
borist sprengjuhótun. Engin
sprengja fannst í þotunni.
1
c

f

I
L

I
l
|
t
»
f