Morgunblaðið - 10.03.1999, Blaðsíða 13

MORGUNBLAÐIÐ
MIÐVIKUDAGUR 10. MARZ 1999 13
FRÉTTIR
Tillögurnar tvær sem hlutu önnur verðlaun í hönnunarsamkeppni um stækkun Leifsstöðvar
ÚTLIT hluta viðbyggingarinnar samkvæmt tillögu 16181.
Morgunblaðið/Golli
GRUNNMYND af 1. hæð í tillögu 16181.
Viðræður hefj-
ast um hvor til-
lagan verður
framkvæmd
FRAMKVÆMDASÝSLA ríkisins
mun hefja viðræður við höfunda
verðlaunatillagnanna tveggja sem
hlutu 2. verðlaun í hönnunarsam-
keppni um stækkun flugstöðvar
Leifs Eiríkssonar. í framhaldi af
því ákveður Framkvæmdasýsla rík-
isins í samráði við verkkaupa við
hvorn aðilann verður samið um
hönnun byggingarinnar.
Tillögumar tvær hlutu ólíka um-
sögn dómnefndar. Tillaga merkt
16181, sem unnin var af ARC-Air-
port Research Center, Aachen,
Enervision, Aachen, TRIADE-arki-
tektum, Diisseldorf, og VisArch,
Aachen, þótti koma til móts við ósk-
ir dómnefndar á flestum sviðum.
Hafði hún þó efasemdir um að sú
ákvörðun höfunda að hreyfa ekki
við staðsetningu Schengen- og utan-
Schengen-rýma væri rétt og að
flæði til tvínota hliða væri í lagi. Var
byggingin talin glæsileg og að mati
arkitekta í dómnefnd höfundum sín-
um til sóma.
Rúmgóð verslunarsvæði
Tillaga 71154 sem einnig hlaut
önnur verðlaun og unnin var af
Andersen & Sigurðsson I/S, Holm
& Grut A/S, þótti í stærra lagi þrátt
fyrir að höfundum hefði tekist að
minnka hana nokkuð. Flæði innan
byggingarinnar var að mati dóm-
nefndar mjög gott, verslunarsvæði
ÚTLIT viðbyggingarinnar samkvæmt tillögu 71154,
rúmgóð og staðsetning flugvéla á
flughlaði í lagi.
Helstu ókostir tillögunnar taldi
dómnefnd vera að form byggingar-
innar væri óskýrt og bæta mætti
fyrsta áfanga hennar, auk þess sem
útlit hennar væri ekki í jafnvægi. I
umsögn dómnefndar sagði einnig að
höfundum hefði tekist að ná fram
flestum þeim sjónarmiðum sem sett
voru fram af dómnefnd í umsókn á
fyrra þrepi.
FBA og Landsbréf kaupa hluti í OZ hf. fyrir 273 milljónir
FJÁRFESTINGARBANKI at-
vinnulífsins hf. og Landsbréf hf. áttu
hæsta tilboðið í nýtt hlutafé í hug-
búnaðarfyrirtækið OZ hf., alls 1
milljón bréf, og skrifuðu fyrirtækin
undir kaupsamninga í húsnæði OZ á
Snorrabraut í gær.
Um er að ræða útgáfu nýrra hluta
og koma 500 þúsund bréf í hlut hvors
aðila. Sölugengi bréfanna er 3,8 doll-
arar á hlut og er heildarsöluverð-
mætið því um 273 milljónir íslenskra
króna.
Skúli Mogensen, forstjóri OZ hf.,
segist í samtali við Morgunblaðið
vera mjög ánægður með viðtökur út-
boðsins en hann segir að ekki verði
um frekari hlutafjáraukningu hér-
lendis að ræða áður en fyrirtækið
verður skráð á bandarískan hluta-
bréfamarkað.
Samkvæmt heimildum Morgun-
blaðsins er von á að félagið verði
skráð á markað síðar á þessu ári.
„Við fórum út í þetta hlutafjárút-
boð vegna mikilllar eftirspurnar eftir
bréfum í félaginu, auk þess sem okk-
ur er mikið í mun að halda OZ hf. í
meirihlutaeigu Islendinga. Með
hlutabréfaútgáfunni mun OZ treysta
fjárhagslega stöðu sína og afla frek-
ari fjármagns til frekari vaxtar fé-
lagsins," sagði Skúli.
Hann sagði að fyrirtækið hefði
farið út í lokaðar viðræður við
nokkra fjárfestingarbanka og
ánægjulegt hefði verið hve góðar
undirtektir þeir hefðu fengið. Hann
segir að gengið sem hæstbjóðendur
buðu, og gengið var að, sé í samræmi
við það sem bréf félagsins hafa verið
að seljast á undanfarna daga.
Skúli er bjartsýnn á framtíð fyrir-
tækisins. „Við erum rétt að byrja og
eigum von á að vöxtur OZ haldi
áfram.“
Samkvæmt heimildum Morgun-
blaðsins er skipting hlutafjár í OZ nú
þannig að um 10% eru í eigu starfs-
manna, um 65% í eigu stofnenda fyr-
irtækisins, 15% í eigu erlendra aðila
og 10% í eigu íslenskra fjárfesta.
Sigurður Atli Jónsson hjá Lands-
bréfum segir aðspurður að um tölu-
verða áhættufjárfestingu sé að ræða
með kaupum í félaginu þar sem OZ
sé ekki skráð á skipulagðan verð-
bréfamarkað. Hann segir að kaupin
hafi einkum verið ákveðin vegna
mikils áhuga viðskiptavina Lands-
bréfa að undanförnu á hlutum í OZ.
„Landsbréf, í gegnum íslenska
fjársjóðinn, hefur verið að fjárfesta í
OZ í nokkur ár og við höfum fylgst
vel með félaginu. Þegar okkur stóð
til boða að kaupa þessi bréf ákváðum
við að nokkuð vel athuguðu máli, að
ganga frá kaupunum en að baki þeim
eru aðilar í eignastýringu hjá okkur,
bæði sjóðir og einstaklingar auk
þess sem við höfum upp á síðkastið
verið að miðla bréfum í OZ í gegnum
kauphöll Landsbréfa á Netinu,"
sagði Sigurður Atli í samtali við
Morgunblaðið.
Hann sagðist hafa orðið var við
vaxandi áhuga á félaginu og með
kaupunum væri í raun verið að mæta
þeirri eftirspum.
Hann segir að fullyrða megi að
eftir samstarfssamning OZ við
Ericsson, sem gerður vai- nýlega,
hafi áhugi aukist á fyrirtækinu enda
um breytingu á þeirra rekstrarfor-
sendum að ræða.
Höfum trú á félaginu
Svanbjöm Thoroddsen hjá FBA
segir að bankinn hafi fylgst náið með
OZ að undanfómu og sé áhugasamur
um það sem er að gerast hjá fyrir-
tækinu. „Þeir em að fást við mörg
spennandi verkefni og við höfum trú
á félaginu. Tilgangur okkar með
kaupunum er þó fyrst og fremst að
miðla bréfunum áfram til annarra
kaupenda," sagði Svanbjöm.
Svanbjörn segist gera ráð fyrir að
gengi bréfanna muni halda áfram að
hækka. „Það hafa verið heilmikil við-
skipti með félagið og eftirspurnin
meiri en framboðið. Þessi bréf eru
kærkomin á íslenska markaðinn.“
Síðasta útboð hér áður en OZ
verður skráð í Bandaríkjunum
Morgunblaðið/Kristján Pétur Guðnason
FRÁ handsali kaupsamningsins. Gunnar Helgi Hálfdánarson forstjóri Landsbréfa tekur í hönd Skúla Mog-
ensens forstjóra OZ hf. Lengst til hægri er Svanbjöra Thoroddsen framkvæmdastjóri markaðsviðskipta
FBA og Íengst til vinstri er Sigurður Atli Jónsson forstöðumaður eignastýringar hjá Landsbréfum.